ເດັກ­ນ້ອຍ​ລາວ​ຕ່ຳ​ກວ່າ 5 ປີ​ມີ 44% ຂາດ​ສານ​ອາ­ຫານ​ຊ້ຳ​ເຮື້ອ

ມະ­ນຸດ​ຖື​ເປັນ​ຊັບ­ພະ­ຍາ­ກອນ​ອັນ​ສຳ­ຄັນ​ໃນ​ການ​ພັດ­ທະ­ນາ​ປະ­ເທດ​ຊາດ ຊຶ່ງ​ການ​ຈະ­ເລີນ​ເຕີບ​ໂຕ ແລະ​ພາ­ວະ​ໂພ­ຊະ​ນາ​ການ​ຂອງ​ເດັກ​ເປັນ​ເຄື່ອງ​ບົງ​ຊີ້ ເຖິງ​ພາ­ວະ​ທາງ​ດ້ານ​ເສດ­ຖະ­ກິດ​ຂອງ​ປະ­ເທດ ຊຶ່ງ​ປະ­ເທດ​ລາວ​ຖື​ວ່າ​ຍັງ​ປະ​ເຊີນ​ກັບ​ບັນ­ຫາ​ທາງ​ດ້ານ​ໂພ­ຊະ​ນາ​ການ​ໂດຍ​ສະ­ເພາະ​ໃນ​ເດັກ​ອາ­ຍຸ​ຕ່ຳ​ກວ່າ 5 ປີ 44% ທີ່​ຂາດ​ສານ​ອາ­ຫານ​ຊ້ຳ​ເຮື້ອ.

ວັນ​ທີ17 ມີ­ນາ ຜ່ານ​ມາ​ທີ່​ໂຮງ­ແຮມ ຄຣາວ​ພາ​ຊາ ນະ­ຄອນ­ຫຼວງ​ວຽງ​ຈັນ ວ​ສວ ແລະ Danon eBaby Nutri tion ໄດ້​ຮ່ວມ​ມື​ຈັດ​ກອງ​ປະ­ຊຸມ​ສຳ​ມະ​ນາໂພ­ຊະ​ນາ​ການ​ແມ່ ແລະ​ເດັກ​ຂຶ້ນ ໂດຍເຂົ້າ​ຮ່ວມ​ມີ​ທ່ານ ສົມ​ຈິດ ບຸບ­ຜາ ອະ­ທິການ​ບໍ­ດີ​ມະ­ຫາ­ວິ­ທະ­ຍາ­ໄລ​ວິ­ທະ­ຍາ­ສາດສຸ­ຂະ­ພາບ (ວ​ສວ) ຄະ­ນະ­ບໍ­ດີ, ຮອງ​ຫົວ­ໜ້າ​ສູນ​ໂພ­ຊະ​ນາ​ການ​ກະ­ຊວງ​ສາ​ທາ​ລະນາ​ສຸກ​ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງເຂົ້າ​ຮ່ວມ.

ປະ­ຈຸ​ບັນ ສປປ ລາວ ​ຖື​ວ່າ​ຍັງ​ປະ​ເຊີນ​ກັບ​ບັນ­ຫາ​ທາງ​ດ້ານ​ໂພ­ຊະ​ນາ​ການ​ໂດຍ​ສະ­ເພາະ​ໃນ​ເດັກ​ອາ­ຍຸ​ຕ່ຳ​ກວ່າ 5 ປີ 44% ທີ່​ຂາດ​ສານ​ອາ­ຫານ​ຊ້ຳ​ເຮື້ອ (ເຕ້ຍ) ຊຶ່ງ​ສົ່ງ​ຜົນ​ກະ­ທົບ​ຕໍ່​ການ​ພັດ​ທະນາ​ປະ­ເທດ​ຊາດ​ໄລ­ຍະ​ຍາວ.

ບັນ­ຫາ​ຂາດ​ໂພ­ຊະ​ນາ​ການ​ແມ່ນ​ມີ 3 ສາ­ເຫດ​ຕົ້ນ­ຕໍ​ຄື: ການ​ໄດ້​ຮັບ​ອາ­ຫານ​ທີ່ພຽງ­ພໍ​ທາງ​ດ້ານ​ອາ­ຫານ ແລະ​ຄຸນ​ນະພາບ​ເປັນ​ປັດ​ໄຈ​ສຳ­ຄັນ​ເຮັດ​ໃຫ້​ເດັກ​ຂາດສານ​ອາ­ຫານ​ອີກ​ໜຶ່ງ​ແມ່ນ​ຄວາມ​ສາມາດ​ຂອງ​ທຸກ​ຄົນ​ທີ່​ກ່ຽວ­ຂ້ອງ​ໃນ​ການໃຫ້​ຄວາມ​ຮູ້​ເພື່ອ​ແນະ­ນຳ​ປະ­ຊາ­ຊົນ ກໍ​ຍັງ ຈຳ­ກັດ​ສຸດ​ທ້າຍ​ຍັງ​ມີ​ຄວາມ​ຈຳ­ກັດ​ທາງດ້ານ​ຂໍ້​ມູນ​ກ່ຽວ​ກັບ​ບັນ­ຫາ​ໂພ­ຊະ​ນາ​ການໃນ​ແມ່­ຍິງ​ຖື­ພາ, ເດັກ​ອ່ອນ, ເດັກ­ນ້ອຍຊັ້ນ​ອະ­ນຸ­ບານແລະ​ແມ່­ຍິງ​ໄວ​ຈະ­ເລີນ​ພັນ ເພື່ອ​ຈະ​ນຳ​ໃຊ້​ເຂົ້າ​ໃນ​ການ​ວາງ​ແຜນເພື່ອ​ກຳ­ນົດ​ທິດ​ທາງ​ໃນ​ການ­ຈັດ­ຕັ້ງ​ປະ­ຕິ­ບັດ​ໜ້າ​ແນ­ໃສ່​ແກ້​ໄຂ​ໃຫ້​ຖືກ­ຕ້ອງ​ຕາມ​ຫຼັກ​ວິ­ຊາ​ການ.

ການ​ທີ່​ຈະ​ເຮັດ​ໃຫ້​ສະ­ພາບ​ໂພ­ຊະ​ນາການ​ດີ​ຂຶ້ນ ​ເປັນ​ສິ່ງ​ທີ່​ທ້າ​ທາຍ​ໜຶ່ງ​ເພື່ອ​ໃຫ້​ບັນ­ລຸ​ເປົ້າ​ໝາຍ​ສະ­ຫັດ​ສະ​ວັດ​ຂອງການ​ພັດ­ທະ­ນາ Millennium Development Goals MDGa ຊຶ່ງຈະ​ສິ້ນ​ສຸດ​ໃນ​ປີ 2017 ແລະ​ກ້າວ​ໄປ​ສູ່ການ​ປະ­ຕິ­ບັດ​ເປົ້າ​ໝາຍ​ການ​ພັດ­ທະ­ນາ ແບບ​ຢືນ​ຢົງ Sustainable Development Goals-SDGs ໃນ 17 ຂໍ້ ໂດຍ​ມີ​ເປົ້າ​ໝາຍ​ທີ 2 ຄື​ກຳ​ຈັດ­ການ​ອຶກຫິວ Zero hunger ຊຶ່ງ​ເປັນ​ເປົ້າ​ໝາຍ​ທີ່ນອນ​ໃນ​ແຜນ​ຍຸດ​ທະ​ສາດ​ແຫ່ງ​ຊາດ​ດ້ານໂພ­ຊະ​ນາ​ການ​ປີ 2016 ຮອດ 2025 ແລະ​ແຜນ​ປະ­ຕິ­ບັດ​ງານ 2016-2020.

ກອງ​ປະ­ຊຸມ​ຄັ້ງ​ນີ້ ພາຍ​ໃຕ້​ຫົວ­ຂໍ້​ໂພ­ຊະ​ນາ​ການ​ນັບ​ແຕ່​ໄລ­ຍະ​ເລີ່ມ​ຕົ້ນ​ຂອງຊີ­ວິດ​ເປັນ​ສິ່ງ​ຈຳ­ເປັນ​ສຳ­ລັບ​ການ​ພັດທະ​ນາ​ຂອງ​ເດັກ​ໃນ​ທ້ອງ, ເດັກ​ເກີດ​ໃໝ່ ແລະ​ເດັກ­ນ້ອຍ ນອກ​ນີ້ ​ຍັງ​ມີ​ການ​ນຳ​ສະເໜີ​ຂອງ​ບັນ­ດາ​ວິ­ທະ­ຍາ­ກອນ​ທີ່​ມີ​ປະ­ສົບການ​ສູງ ເພື່ອ​ເປັນ​ການ​ແລກ­ປ່ຽນ​ໂດຍ​ນຳ​ໃຊ້​ເປັນ​ເວ­ທີ​ສົນ­ທະ­ນາ​ໃນ​ການ​ຊອກ​ຫາ​ທາງ​ສຳ­ລັບ​ການ​ແກ້​ໄຂ​ບັນ­ຫາ​ແບບ​ຍືນ​ຍົງ.

ຂ່າວ: ບຸນ​ນິກ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.