ເຕືອນ! ລະ­ວັງລົມ­ພາ­ຍຸ​ລະ­ດູ​ຮ້ອນ

ປະ­ຊາ­ຊົນ​ລາວ​ທົ່ວ​ປະ­ເທດ​ກຽມຮັບ​ມື​ລະ­ວັງ​ໄພ​ທຳ​ມະ​ຊາດ​ທີ່​ມວນ​ອາກາດ​ໜາວ​ເຢັນ​ຈາກຈີນ ຈະ​ເພີ່ມ​ກຳລັງ​ແຮງ​ຂຶ້ນ​ຕື່ມ​ອີກ​ເທື່ອ​ໃໝ່​ແຜ່​ປົກ​ຄຸມທົ່ວ​ທຸກ​ພາກ​ຂອງ​ລາວ​ລະ­ຫວ່າງ​ວັນ​ທີ 25-27 ມີ­ນາ​ທີ່​ຈະ​ມາ​ຮອດ​ນີ້.

ອີງ​ຕາມ​ແຈ້ງ​ການ​ຈາກ​ກະ­ຊວງຊັບ­ພະ­ຍາ­ກອນ​ທຳ​ມະ​ຊາດ ແລະ​ສິ່ງແວດ​ລ້ອມ​ກົມ​ອຸ­ຕຸ­ນິ­ຍົມ ແລະ ອຸ​ທົກ​ກະສາດ​ວັນ​ທີ 23 ມີ­ນາ 2017 ໃຫ້​ຮູ້​ວ່າ: ມວນ​ອາ­ກາດ​ໜາວ​ເຢັນ​ຈາກ​ປະ­ເທດຈີນ ຈະ​ເພີ່ມ​ກຳ­ລັງ​ແຮງ​ຂຶ້ນ​ຕື່ມ​ອີກເທື່ອ​ໃໝ່​ແຜ່​ລົງ​ມາ​ປົກ​ຄຸມ​ຢູ່​ທົ່ວ​ທຸກ​ພາກຂອງ​ປະ­ເທດ​ລາວ​ສົມ­ທົບ​ກັບ 2 ກະ­ແສລົມ​ຕາ​ເວັນ​ອອກ​ສຽງ​ໃຕ້ ແລະ​ລົມ​ຕາ​ເວັນຕົກ-ຕາ​ເວັນຕົກສຽງ​ໃຕ້ພັດປົກ​ຄຸມ​ໃນ​ໄລຍະ​ວັນ​ທີ 25-27 ມີ­ນາ 2017 ເກີດ​ມີ​ແລວປະ​ທະ​ຂອງ​ມວນ​ອາ­ກາດ​ຮ້ອນ ແລະ​ອາກາດ​ເຢັນ ຊຶ່ງ​ຈະ​ເຮັດ​ໃຫ້​ມີ​ລົມ­ພາ­ຍຸ​ລະ­ດູຮ້ອນ​ເກີດ​ຢູ່​ບາງ​ທ້ອງ­ຖິ່ນ​ແຂວງ​ພາກເໜືອ​ດ້ານ​ຕາ­ເວັນ­ຕົກ​ລົງ​ຫາ​ພາກ​ກາງ ແລະ​ພາກ​ໃຕ້​ໃນ​ໄລ­ຍະ​ດັ່ງ­ກ່າວ ດັ່ງ­ນັ້ນ ​ເພື່ອ​ເປັນ​ການ​ກະ­ກຽມ ແລະຮັບ​ມືກົມ​ອຸ­ຕຸ­ນິ­ຍົມ ແລະ​ອຸ​ທົກ​ກະ​ສາດ​ຈິ່ງຂໍ​ແຈ້ງ​ເຕືອນ​ໃຫ້​ພໍ່​ແມ່​ປະ­ຊາ­ຊົນ​ອຳ­ນາດການ​ປົກ­ຄອງ ແລະ​ອົງ​ການ­ຈັດ­ຕັ້ງ​ທຸກພາກ­ສ່ວນ​ທີ່​ອາ­ໄສຢູ່​ແຂວງ​ຊຽງ​ຂວາງ, ບໍ່​ແກ້ວ, ຫຼວງ​ພະບາງ, ໄຊ​ຍະ​ບູ​ລີ, ນະ­ຄອນ­ຫຼວງ​ວຽງຈັນ, ແຂວງ​ວຽງ​ຈັນ, ໄຊ​ສົມ­ບູນ, ບໍ​ລິຄຳ​ໄຊ, ຄຳ​ມ່ວນ, ສະ­ຫວັນ​ນະ​ເຂດ, ສາລະ​ວັນ, ເຊ​ກອງ ແລະ​ຈຳ­ປາ​ສັກ​ໃຫ້​ມີສະ­ຕິ​ກຽມ­ພ້ອມ​ຮັບ​ມື​ກັບ​ສະ­ພາບ​ຝົນ­ຕົກຟ້າຮ້ອງ, ຟ້າ​ເຫຼື້ອມ, ໝາກ​ເຫັບຕົກ, ລົມພັດ​ແຮງ​ທີ່ອາດ​ຈະ​ເຮັດ​ໃຫ້ເກີດຕົ້ນ​ໄມ້ຫັກ, ເສົາ​ໄຟ­ຟ້າ​ລົ້ມ ແລະ​ເຮືອນ​ຊານ​ເປ່​ເພທີ່​ສຳ­ຄັນ​ຢາກ​ຮຽກ­ຮ້ອງ​ປະ­ຊາ­ຊົນ​ທົ່ວໜ້າ​ຄວນ​ຫຼີ້ກ​ລ້ຽງ​ການ​ຈອດ​ລົດ​ໃກ້​ຕົ້ນໄມ້​ໃຫຍ່​ຫຼື​ສິ່ງ​ກໍ່­ສ້າງ​ທີ່​ບໍ່​ແຂງ­ແຮງ​ເພາະຕົ້ນ­ໄມ້ ຫຼື ສິ່ງ​ກໍ່­ສ້າງ​ອາດ​ຫັກ ຫຼື ລົ້ມທັບ​ໄດ້​ພ້ອມ​ນີ້​ຕ້ອງ​ໝັ່ນ​ຕິດ­ຕາມ​ການລາຍ​ງານ​ສະ­ພາບ​ອາ­ກາດ​ຈາກ​ກົມ​ອຸ­ຕຸນິ­ຍົມ ແລະ​ອຸ​ທົກ​ກະ​ສາດ​ເປັນ​ປະ­ຈຳ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.