ເປີດປະຊຸມເຊື່ອມໂຍງດ້ານພາສີອາຊຽນ

   ໃນລະຫວ່າງວັນທີ 11-13 ມິຖຸນາ 2019 ທີ່ນະຄອນຫຼວງວຽງຈັນ ໄດ້ຈັດກອງປະຊຸມຫົວໜ້າກົມພາສີອາຊຽນຄັ້ງທີ 28 ໂດຍມີທ່ານ ນາງ ທິບພະກອນ ຈັນທະວົງສາ ຮອງລັດຖະມົນຕີກະຊວງການເງິນ, ມີບັນດາຫົວໜ້າກົມພາສີຂອງບັນດາປະເທດສະມາຊິກອາຊຽນ 10 ປະເທດ, ກອງເລຂາອາຊຽນ, ອົງການພາສີໂລກ ແລະບັນດາປະເທດຄູ່ຮ່ວມພັດທະນາເຂົ້າຮ່ວມ.

  ທ່ານ ບຸນປະເສີດ ສີກຸນລະບຸດ ຮັກສາການຫົວໜ້າກົມພາສີ, ກະຊວງການເງິນ ກ່າວວ່າ: ເພື່ອສົ່ງເສີມການເຕີບໂຕເສດຖະກິດ, ການພັດທະນາສັງຄົມ ແລະວັດທະນະທໍາລະຫວ່າງບັນດາສະມາຊິກ ແລະເພື່ອປົກປ້ອງສະຖຽນລະພາບໃນພາກພື້ນ ແລະການເຊື່ອມໂຍງໃນການພັດທະນາເສດຖະຄິດໃນຂົງເຂດ. ສະນັ້ນ, ອາຊຽນໄດ້ຖືວ່າເປັນພາກພື້ນໜຶ່ງທີ່ມີທ່ານແຮງສໍາລັບການຄ້າ ແລະ ການລົງທຶນລະຫວ່າງປະເທດ, ຊຶ່ງໃນ ປີ 2018 ອັດຕາການເຕີບໂຕຂອງອາ ຊຽນແມ່ນປະມານ 5% ມູນຄ່າການຄ້າຂອງອາຊຽນແມ່ນຢູ່ທີ 2,5 ພັນຕື້ໂດລາ ຊຶ່ງໃນນັ້ນ 22,9% ແມ່ນການຄ້າພາຍໃນອາຊຽນ, ມູນຄ່າການລົງທຶນ ຈາກຕ່າງປະເທດ (FDI) ໃນອາຊຽນແມ່ນບັນລຸ 135,62 ຕື້ໂດລາ ຊຶ່ງ 19,89% ແມ່ນພາຍໃນອາຊຽນ.

  ການຈັດກອງປະຊຸມໃນຄັ້ງນີ້ແມ່ນເປັນສ່ວນປະກອບທີ່ສໍາຄັນໜຶ່ງໃນການສ້າງປະຊາຄົມເສດຖະກິດອາຊຽນ (AEC) ແລະເພື່ອປຶກສາຫາລືການເຊື່ອມໂຍງວຽກງານພາສີຂອງບັນດາປະເທດສະມາຊິກອາຊຽນ, ປັບປຸງລະບົບພາສີອາຊຽນໃຫ້ມີປະສິດທິພາບສູງ, ໃຫ້ຮັກສາໄດ້ຄວາມປອດໄພຕາມດ່ານພາສີຊາຍແດນ, ການສ້າງສິ່ງອໍານວຍຄວາມສະດວກທາງການຄ້າ ແລະການຄຸ້ມຄອງການສົ່ງອອກ-ນໍາເຂົ້າສິນຄ້າຜ່ານດ່ານພາສີສາກົນ, ນອກນັັ້ນໃນກອງປະຊຸມດັ່ງກ່າວຍັງຈະໄດ້ມີການຮັບຮອງບັນດາເອກະສານທີ່ສໍາຄັນໃນການກໍານົດໜ້າທີ່ຂອງບັນດາຄະນະເຮັດວຽກຂອງພາສີອາຊຽນ ແລະພ້ອມດຽວກັນນັ້ນຈະມີການຮັບຮອງແຜນວຽກຂອງພາສີອາຊຽນ ປະຈໍາປີ 2019-2020.

ພາບ ແລະ ຂ່າວໂດຍ: ໜັງສືພິມເສດຖະກິດ-ສັງຄົມ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.