ເປີດ​ໂຄງ­ການ​ເຈາະ​ອຸ­ມົງ​ເສັ້ນ­ທາງ​ລົດໄຟ​ລາວ-ຈີນ ຊ່ວງ​ແຂວງ​ອຸ­ດົມ​ໄຊ

ພິ­ທີ​ເປີດ​ໂຄງ­ການ​ກໍ່­ສ້າງ​ເຈາະອຸ­ມົງ​ໂຄງ­ການ​ກໍ່­ສ້າງ​ເສັ້ນ­ທາງ​ລົດ­ໄຟລາວ-ຈີນ ຊ່ວງ​ຜ່ານ​ແຂວງ​ອຸ­ດົມ​ໄຊ​ໄດ້ ເປີດ​ຂື້ນ​ໃນ​ທ້າຍ​ອາ­ທິດ​ຜ່ານ​ມາ​ທີ່​ສະໜາມ​ພູ​ວັດ ບ້ານ​ທ້ຽວ ເມືອງ​ໄຊ ແຂວງອຸ­ດົມ​ໄຊ ເປັນ​ກຽດ​ເຂົ້າ​ຮ່ວມ​ມີ​ທ່ານ ເພັດສາ­ຄອນຫຼວງ​ອາ​ໄພ ເຈົ້າ­ແຂວງໆ​ອຸ­ດົມ ໄຊ, ມີ​ທ່ານ ໜີ່​ປ່າ​ກວາງ ກົງ­ສຸນ​ໃຫຍ່ແຫ່ງ ສປ ຈີນ ປະ­ຈຳ​ແຂວງ​ຫຼວງ​ພະ​ບາງ, ມີ​ທ່ານ ປໍ​ທອງ ໂງ່ນ​ພະ­ຈັນ ຮອງ​ຫົວ­ໜ້າກົມ​ຂົວ​ທາງຮອງ​ຫົວ­ໜ້າ​ໂຄງ­ການ​ກໍ່ ສ້າງ​ທາງ​ລົດ­ໄຟ​ລາວ-ຈີນ (ຈາກ​ບໍ່​ເຕັ່ນເຖິງ​ນະ­ຄອນ­ຫຼວງ​ວຽງ​ຈັນ) ທັງ​ເປັນ​ຜູ້ຕາງ­ໜ້າ​ກະ­ຊວງ​ໂຍ­ທາ​ທິ​ການ ແລະ​ຂົນສົ່ງ, ມີ​ບັນ­ດາ​ຕາງ­ຫນ້າ​ບໍ­ລິ­ສັດ​ກໍ່­ສ້າງ ຊ່ວງ​ຜ່ານ​ແຂວງ​ອຸ­ດົມ​ໄຊ ແລະ​ພາກສ່ວນ​ທີ່​ກ່ຽວ­ຂ້ອງ​ເຂົ້າ​ຮ່ວມ.

ພິ­ທີ​ໄດ້​ເລີ່ມ​ຈາກ​ການ​ທຳ​ພິ­ທີ​ທາງ​ສາ­ສະ­ໜາຕາມ​ຮິດ​ຄອງ​ປະ­ເພ­ນີ​ຂອງ​ລາວ ກໍ​ຄື​ຊາວ​ພຸດ​ທີ່​ໄດ້​ປະ­ຕິ­ບັດ​ກັນ​ມາ​ແຕ່​ດົນນານ ເພື່ອ​ໃຫ້­ການ​ກໍ່­ສ້າງ​ໂຄງ­ການ​ດັ່ງກ່າວ​ດຳ­ເນີນ​ໄປ​ດ້ວຍ​ດີ​ປາ­ສະ­ຈາກ​ອຸປະ​ສັກ​ນາໆ​ປະ­ການ​ທີ່​ຈະ​ເກີດ​ຂຶ້ນ​ກັບ​ອ້າຍ​ນ້ອງ​ພະ­ນັກ­ງານ​ທີ່​ປະ­ຕິ­ບັດ​ໜ້າ­ທີ່ຕົວ​ຈິງ, ຈາກ​ນັ້ນ​ທ່ານ ສົມ​ຈິດ ປັນ­ຍາສັກ ຮອງ​ເຈົ້າ­ແຂວງໆ​ອຸ­ດົມ​ໄຊ ກໍ​ໄດ້​ຂຶ້ນມີ​ຄວາມ​ຄຳ​ເຫັນທ່ານ​ໄດ້​ຍົກ​ໃຫ້​ເຫັນ​ປະຫວັດ​ຄວາມ​ເປັນ​ມາ​ຂອງ​ໂຄງ­ການ​ກໍ່ສ້າງ​ທາງ​ລົດ­ໄຟ​ລາວ-ຈີນ, ດ້ານ​ການລົງ­ທຶນ​ລັດ­ຖະ­ບານ​ລາວ​ໄດ້​ກູ້​ຢືມ​ດ້ວຍອັດ­ຕາ​ດອກ​ເບ້ຍ​ຕ່ຳໃນ​ອັດ­ຕາ 2,3% ແລະ​ຝ່າຍ​ຈີນ​ຖື​ຮຸ້ນ 70%, ຝ່າຍ​ລາວ​ເຮົາຖື​ຮຸ້ນ 30%.

ເສັ້ນ­ທາງ​ລົດ­ໄຟ​ມີ​ແລວ​ທາງ​ທີ່​ແລ່ນຜ່ານ​ແຂວງ​ອຸ­ດົມ​ໄຊ​ມີ​ຄວາມ​ຍາວ​ທັງໝົດ 126,6 ກິ­ໂລ­ແມັດ, ກວມ​ເອົາ 30,6% ໃນ​ນັ້ນ​ກວມ​ເອົາ 3 ສັນ­ຍາ ການ​ກໍ່­ສ້າງ​ຄື: ສັນ­ຍາ​ທີ​ໜຶ່ງ​ແມ່ນ​ເລີ່ມ ແຕ່​ກິ­ໂລ­ແມັດ​ທີ 16 ບອກ 900 ຫາ​ກິ ໂລ​ແມັດ 68+730 (ຍາວ 51,83 ກິ ໂລ​ແມັດ) ແມ່ນ​ບໍ­ລິ­ສັດ​ວິ­ສະ­ວະ­ກຳ​ທາງ ລົດ­ໄຟ​ເລກ 5 ເປັນ​ຜູ້​ຮັບ​ເໝົາ, ສັນ­ຍາ ທີ​ສອງ​ແມ່ນ​ເລີ່ມ​ແຕ່ ກິ­ໂລ­ແມັດ​ທີ 68+ 730 ຫາ​ກິ­ໂລ­ແມັດ 137+580 (ຍາວ 68.85 ກມ) ແມ່ນ​ບໍ­ລິ­ສັດ​ວິ­ສະ­ວະ­ກຳ ສາ­ກົນ​ເປັນ​ຜູ້​ຮັບ​ເໝົາ ແລະ​ສັນ­ຍາ​ທີ 3 ແມ່ນ​ເລີ່ມ​ແຕ່​ກິ­ໂລ­ແມັດ​ທີ 137+580 ຫາ​ກິ­ໂລ­ແມັດ 143+500 (ຍາວ 5,92 ກິ­ໂລ­ແມັດ) ໂດຍ​ແມ່ນ​ບໍ­ລິ­ສັດ​ວິ​ສະ​ວະກຳ​ທາງ​ລົດ­ໄຟ​ເລກ 8 ເປັນ​ຜູ້​ຮັບ​ເໝົາ, ໃນ​ນີ້​ລວມ​ມີ​ຂົວ 57 ແຫ່ງ, ມີ​ຄວາມຍາວ​ທັງ​ໝົດ 12,69 ກິ­ໂລ­ແມັດ, ອຸ­ມົງ​ມີ 34 ຈຸດ​ມີ​ຄວາ​ມວ​ຍາວ​ທັງ​ໝົດ 75,72 ກິ­ໂລ­ແມັດ, ມີ 9 ສະ­ຖາ­ນີ​ໃນ​ນີ້​ຢູ່​ເມືອງ ນາ​ໝໍ້​ມີ​ສອງ​ຈຸດ, ເມືອງ​ງາ​ມີ 4 ຈຸດ ແລະ ເມືອງ​ໄຊ 3 ຈຸດ ແລະ​ສາ­ມາດ​ມອບ​ສະ ໜາມ​ໃຫ້​ແກ່​ຜູ້​ຮັບ​ເໝົາ​ໄດ້​ທັງ​ໝົດ 14 ຈຸດ, ຈາກ​ທັງ​ໝົດ 19 ຈຸດ, ຈຸດ​ຕັ້ງ​ແຄ້ມ 21 ຈຸດ, ຈຸດ​ຕັ້ງ​ສາງ​ລະ­ເບີດ 6 ຈຸດ, ຈຸດ ຖີ້ມ​ດີນ​ມີ 20 ຈຸດ.

ນອກ​ນີ້​ ຍັງ​ໄດ້​ຮັບ​ຟັງ​ການ​ມີ​ຄວາມເຫັນ​ຂອງ​ຕາງ­ໜ້າ​ບໍ­ລິ­ສັດ​ຜູ້​ຮັບ​ເໝົາ ຊຶ່ງທາງ​ບໍ­ລິ­ສັດ​ໄດ້​ໃຫ້​ຄຳ​ໝັ້ນ​ສັນ­ຍາ​ວ່າ​ຈະປະ­ຕິ­ບັດ​ໂຄງ­ການ​ນີ້​ໃຫ້​ດີ ແລະ​ມີ​ປະ­ສິດ ທິ​ພາບ​ໃສ່​ໃຈ­ຄວາມ​ປອດ​ໄພ ແລະ​ສີ່ງແວດ​ລ້ອມ, ພາຍ­ຫຼັງ​ສຳ­ເລັດ​ພີ​ທີ​ທາງ ການ​ແລ້ວ​ທັງ​ສອງ​ຝ່າຍ​ກໍ​ໄດ້​ຮ່ວມ​ກັນຕັດ​ແຖບ​ຜ້າ ພ້ອມ​ທັງ​ລັ່ນ­ຄ້ອງ 9 ບາດ ເພື່ອ​ເປັນ​ສັນ­ຍານ​ໃຫ້​ແກ່​ການ​ເປີດ​ໂຄງການ​ດັ່ງ­ກ່າວ.

ໂດຍ: ແສງ​ອາ­ທິດ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.