ເຟ​ເດີ​ເຣີ ຢ້ຳ​ແຄ້ນ ນາ​ດາ​ລ ຄວ້າ​ແຊັມ ໄມ​ອາ​ມີ ໂອ​ເພັນ ສະ­ໄໝ​ທີ 3

ໂຣ​ເຈີ ເຟ​ເດີ​ເຣີ ນັກ​ເທັນ​ນິ​ສ​ມື 6 ຂອງ​ໂລກ​ຈາກ​ສະ​ວິດ ພິ­ສູດ​ຄວາມ​ແຂງ​ແກ່ນ​ໃນ​ສະ­ໜາມ​ເທັນ​ນິ​ສ​ໃຫ້​ເປັນ​ທີ່​ປະ­ຈັກ​ຕາ​ອີກ​ຄັ້ງ​ໃນ​ອາ­ຍຸ 35 ປີ ຫຼັງ​ຈາກ​ຈັດ­ການ​ຢ້ຳ​ແຄນ ຣາ​ຟາ​ເອ​ລ ນາ​ດາ​ລ ຄູ່​ແຂ່ງ​ລຸ້ນ​ນ້ອງ 2 – 0 ເຊັດ ກ່ອນ​ຈະ​ຄວ້າ​ຂັນ​ແຊັມ ໄມ​ອາ​ມີ ໂອ​ເພັນ ເປັນ​ສະ­ໄໝ​ທີ 3.

ການ​ແຂ່ງ­ຂັນ​ເທັນ​ນິ​ສລາຍ​ການ ໄມ​ອາ​ມີ ໂອ​ເພັນ 2017 ທີ່​ສະ­ຫະ­ລັດ​ອາ​ເມ​ຣິ​ກາ ເມື່ອ​ວັນ​ທີ 2 ເມ­ສາ ທີ່​ຜ່ານ​ມາ ເປັນ​ການ​ພົບ​ກັນ​ລະ­ຫວ່າງ 2 ຄູ່​ປັບ​ຕະ­ຫຼອດ​ການ​ຂອງ​ວົງ​ການ​ເທັນ​ນິ​ສ​ຢ່າງ ເຟ​ເດີ​ເຣີ ພົບ​ກັບ ນາ​ດາ​ລ ໂດຍ​ຖື​ເປັນ​ຄັ້ງ​ທີ 2 ຂອງ​ປີ​ທີ່​ໂຄ­ຈອນ​ມາ​ພົບ​ກັນ​ໃນ​ຮອບ​ຊີງ​ຊະ­ນະ​ເລີດ​ຕໍ່​ຈາກ​ລາຍ­ການ ອົດ​ສະ​ຕຣາ​ລີ ໂອ​ເພັນ ແລະ ເປັນ ເຟ​ເດີ​ເຣີ ທີ່​ຄວ້າ​ແຊັມ​ໄປ​ໄດ້​ໃນ​ຄັ້ງ​ນັ້ນ.

ແມັດ​ນີ້ ເຟ​ເດີ​ເຣີ ສ້າງ​ຜົນ­ງານ​ໄດ້​ຢ່າງ​ໂດດ​ເດັ່ນ​ດ້ວຍ​ການ​ຢຸດ​ເກມ​ເສີບ​ຂອງ ນາ​ດາ​ລ ເຊັດ​ລະ 1 ຄັ້ງ ກ່ອນ​ຕີ​ລູກ​ເກັ່ງ​ໃສ່​ຄູ່​ແຂ່ງ​ໄດ້ 29 ຄັ້ງ ພ້ອມ​ທັງ​ເສີບ​ກິນ​ອີກ 5 ຄັ້ງ, ຂະ­ນະ​ທີ່ ນາ​ດາ​ລ ຕັ້ງ​ສະ­ມາ­ທິ​ບໍ່​ໄດ້​ເຮັດ​ໃຫ້​ທ້າຍ​ເກມ​ເສຍ​ໄປ​ຫຼາຍ​ຄັ້ງ​ຈົນ​ໃນ​ທີ່​ສຸດ​ເປັນ​ນັກ​ເທັນ​ນິ​ສ​ຈາກ​ສະ​ວິດ ທີ່​ເກັບ​ໄຊ­ຊະ­ນະ​ໄປ 2 ເຊັດ​ລວດ 6 – 3 ແລະ 6 – 4.

ຜົນ​ທີ່​ອອກ​ມາ​ເຮັດ​ໃຫ້ ເຟ​ເດີ​ເຣີ ຄວ້າ​ຂັນ​ແຊັມ ໄມ​ອາ​ມີ ໂອ​ເພັນ ໃນ​ສະ­ໜາມ ຊັນ​ໄຊ ດັບ​ເບິ​ລ ເປັນ​ສະ­ໄໝ​ທີ 3 ຕໍ່​ຈາກ​ປີ 2005 ແລະ 206 ລວມ​ທັງ​ເປັນ​ແຊັມ​ລາຍ­ການ​ທີ 2 ຕິດ­ຕໍ່​ກັນ ຖັດ​ຈາກ​ລາຍ­ການ​ທີ່ ອິນ​ດຽນ ເວ​ລສ໌ ເມື່ອ​ອາ­ທິດ​ກ່ອນ​ໜ້າ​ນີ້ ເຊິ່ງ​ນັບ​ລວມ​ປີ​ນີ້​ລາວ​ຄວ້າ​ແຊັມ​ໄປ​ແລ້ວ 3 ລາຍ­ການ.

ນອກ­ຈາກ​ນີ້, ທ່າມ­ກາງ​ສຽງ​ຕົບ­ມື​ແລ້ວ​ຍັງ​ເຮັດ​ໃຫ້ ເຟ​ເດີ​ເຣີ ເຈົ້າ​ຂອງ​ແຊັມ ເອ​ທີ​ພີ ທົວ ລວມ​ທັງ​ໝົດ 91 ລາຍ­ການ ຈະ​ກັບ​ຂຶ້ນ​ສູ່​ຕຳ­ແໜ່ງ​ມື 4 ຂອງ​ໂລກ​ຫຼັງ​ການ​ປະ­ກາດ​ອັນ​ດັບ​ໂລກ​ນັກ​ເທັນ​ນິ​ສ​ຄັ້ງ​ໃໝ່​ໃນ​ອາ­ທິດ​ນີ້.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.