ເມສຊີ ຍິງ​ຈຸດ​ໂທດ​ຊະນະ​ຊິ​ລີ​ຫວຸດ​ຫວິດ

ອາກຊັງ​ຕິນ ຄວ້າ ​3 ​ຄະ​ແນນ​ສຳຄັນ ​ແມັດ​ຊີ ​ເຕະ​ຈຸດ​ໂທດ​ກຳ​ໄຊ​ເໜືອ​ຊິ​ລີ.

ການ​ແຂ່ງຂັນ​ບານ​ໂລກ 2018 ຮອບ​ຄັດ​ເລືອກ​ໂຊນ​ອາ​ເມ​ລິ​ກາ​ໃຕ້ ​ເມື່ອ​ເຊົ້າ​ວັນ​ສຸກ​ທີ່​ຜ່ານ​ມາ​ຕາມ​ເວລາ​ລາວ ອາກຊັງ​ຕິນ ລົງ​ຫຼິ້ນ​ໃນ​ເອສຕາດິ​ໂອ ​ໂມ​ນິວ​ເມນ​ທັລ ອັນ​ໂຕ​ນິ​ໂອ ​ເວສປູ​ຊິ​ໂອ ລິ​ເບີ​ຕີ ​ໃນ​ນະ​ຄອນ​ບູ​ເອ​ໂນ​ສ​ໄອ​ເຣສ ພົບ​ກັບ ຊິລີ ​ໂດຍ 11 ນັກ​ເຕະ​ທຳ​ອິດ​ເຈົ້າ​ບ້ານ​ຈັດ​ເຕັມ​ສົ່ງ​ຕົວ​ບຸກ ​ເອຄິ​ໂອ ອາ​ກູ​ເອ​ໂຣ, ລີ​ໂອ​ແນລ ​ເມ​ສຊີ, ອັງ​​ເຄລ ດິ ມາ​ເຣຍ ​ແລະ ກອນ​ຊາ​ໂລ ຮິ​ກົວ​ອິມ ລົງ​ແບບ​ພ້ອມພຽງ ສ່ວນ​ທີ​ມ​ຢາມ​ມີ​ອະ​ເລັກ​ຊິ​ສ ຊານ​ເຊຊ ​ແຕ່​ຂາດ ອາ​ຕູ​ໂຣ ວິ​ດັລ ທີ່​ຕິດ​ໂທດ​ຫ້ອມ​ແຂ່ງ ປາກົດ​ວ່າ ອາ​ເຈນ​ຕິ​ນາ ​​ເອົາ​ຊະນະ ຊິ​ລີ ​ໄປ​ຢ່າງ​ຫວຸດຫວິດ 1-0 ​ໂດຍ​ໄດ້​ປະຕູ​​ໄຊ​ຈາກ​ຈຸດ​ໂທດ​ຂອງ ລີ​ໂອ​​ແນ​ລ ​ເມສຊີ ນາທີທີ່ 16 ຫຼັງ​ຈາກ ​ໂຮ​ເຊ ຟູ​ເອນ​ຊາ​ລິ​ດາ ​ເຮັດ​ຜິດ​ກະຕິ​ກາ ອັງ​ເກິ​ລ ດິ ມາ​ເຣຍ ​ໃນ​ເຂດ​ໂທດ ອາ​ເຈນ​ຕິ​ນາ ມີ​ເພີ່ມ​ເປັນ 22 ຄະ​ແນນ​ຫຍັບ​ຂຶ້ນ​ມາ​ຢູ່​ດັນ​ດັບ 3 ດ້ານ ຊິ​ລີ 20 ຄະ​ແນນ​ເທົ່າ​​ເດີມ​ຢູ່​ດັນ​ດັບ 6.

ຄູ່​ອື່ນ ປາຣາ​ໄກວ ຊະນະ ​ເອກ​ວາ​ດໍ 2-1, ​ເວ​ເນ​ຊູ​ເອລາ ສະ​ເໝີ ​ເປຣູ 2-2.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.