ເມືອງໄກສອນ ມ້າງແກ້ງຄ້າຂາຍຢາເສບຕິດ

ທ້າຍອາທິດຜ່ານມານີ້, ເຈົ້າໜ້າທີ່ພະແນກຕຳຫຼວດສືບສວນ-ສອບສວນຄະດີອາຍາ, ກອງບັນຊາການ ປກສ ເມືອງໄກສອນ ພົມວິຫານ ໃຫ້ຮູ້ວ່າ: ເຈົ້າໜ້າທີ່ ປກສ ກຸ່ມ 6, ປກສ ກຸ່ມ 4 ແລະ ປກສ ກຸ່ມ 2 ເມືອງໄກສອນພົມວິຫານ ໄດ້ຮັບແຈ້ງລາຍງານຈາກພົນລະເມືອງດີວ່າ: ໄດ້ມີກຸ່ມແກ້ງມົ້ວສຸມ ແລະຄ້າຂາຍຢາເສບຕິດຢູ່ເຂດບ້ານໂພນສະຫວ່າງ ເມືອງໄກສອນພົມວິຫານ ດັ່ງນັ້ນ ຈິ່ງໄດ້ແຕ່ງຕັ້ງພະນັກງານວິຊາສະເພາະ ແລະສົມທົບກັບອຳນາດການປົກຄອງບ້ານລົງກວດກາເບິ່ງສະຖານທີ່ຕົວຈິງ ແລະເຫັນວ່າແຫຼ່ງຂ່າວມີມູນຄວາມຈິງແທ້.

ເຈົ້າໜ້າທີ່ ຈິ່ງໄດ້ເຂົ້າມ້າງ ແລະສະແດງຕົວເຂົ້າຈັບກຸມຜູ້ຖືກຫາໄດ້ 3 ຄົນ ຄື: ທ້າວ ອຸບົນ (ເຕະ) ອາຍຸ 42 ປີ, ກໍາມະກອນ, ບ້ານໂພນສະອາດ ພ້ອມກວດຄົ້ນຕົວຜູ້ກ່ຽວພົບເຫັນຂອງກາງຢາບ້າໄດ້ 148 ເມັດ, ທ້າວ ໄຊໂລວັນ (ເລ້) ອາຍຸ 35 ປີ, ກຳມະກອນ, ບ້ານໄຊຍະມຸງຄູນ ເມືອງໄກສອນ ພົມວິຫານ ພ້ອມຂອງກາງຢາບ້າ 192 ເມັດ ແລະທ້າວ ພູເງິນ ຫຼື ແມວ ອາຍຸ 23 ປີ, ຫວ່າງງານ, ບ້ານຍາງຄ້ຳ ເມືອງໄຊບູລີ ພ້ອມຢາບ້າ 989 ເມັດ ຊຶ່ງທັງ 3 ຄົນ ແມ່ນຢູ່ແຂວງສະຫວັນນະເຂດ.

ຜ່ານການສືບສວນ-ສອບສວນຂອງ ເຈົ້າໜ້າທີ່ ປກສ ເມືອງໄກສອນ ຜູ້ຕ້ອງຫາ ທັງ 3 ຮັບສາລະພາບວ່າ: ພວກຕົນ ແມ່ນໄດ້ເຄື່ອນໄຫວຄ້າຂາຍຢາເສບຕິດແທ້ ຊຶ່ງໄດ້ຂາຍໃຫ້ແກ່ກຸ່ມໄວໜຸ່ມ-ຊາວໝຸ່ມພາຍໃນບ້ານຂອງຕົນ, ປະຈຸບັນຄະດີດັ່ງກ່າວນີ້ຍັງຢູ່ໃນຂັ້ນຕອນຂອງການສືບສວນ-ສອບສວນຂະຫຍາຍຜົນຫາທີ່ໄປທີ່ມາຂອງກຸ່ມແກ້ງຄ້າຂາຍຢາເສບຕິດ ເພື່ອນຳຕົວຜູ້ກະທຳຜິດມາລົງໂທດຕາມກົດໝາຍ.

ຂ່າວ: ເສດຖະກິດ-ສັງຄົມ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.