ເຢຍລະ​ມັນ​ສົນ​ໃຈ​ສ້າງ​ທາງ​ລົດ​ໄຟ​ເຊື່ອມ​ອາ​ເມ​ລິ​ກາ​ໃຕ້​

ເຈົ້າໜ້າ​ທີ່​ໂບລີ​ວີ ​ແລະ ​ເຢຍລະ​ມັນ​ຖະ​ແຫຼ​ງວ່າ ຜູ້​ແທນ​ບໍລິສັດ​ຫຼາຍ​ສິບ​ແຫ່ງ​ຂອງ​ເຢຍລະ​ມັນ​ເຂົ້າ​ຮ່ວມ​ກອງ​ປະຊຸມ​ຢູ່​ໂບລີ​ວີ​ໃນ​ອາທິດ​ນີ້ ​ເພື່ອ​ຫາລື​ກ່ຽວ​ກັບ​ໂຄງການ​ກໍ່ສ້າງ​ທາງ​ລົດ​ໄຟ​ເຊື່ອມ​ຕໍ່​ບຣາຊິນ, ​ໂບລີ​ບີ ​ແລະ ​ເປຣູ ຊຶ່ງ​ຈະ​ຊ່ວຍ​ຊຸກຍູ້​ການ​ສົ່ງ​ອອກ.

ສຳນັກຂ່າວ​ຕ່າງປະ​ເທດ​ລາຍ​ງານ​ວ່າ: ​ໂຄງການ​ກໍ່ສ້າງ​ທາງ​ລົດ​ໄຟ​ມູນ​ຄ່າ 10 ຕື້​ໂລາ​ສະຫະລັດ ມີ​ໄລຍະ​ທາງ 3.700 ກິ​ໂລ​ແມັດ​ ເຊື່ອມ​ຕໍ່​ຝັ່ງ​ມະຫາ​ສະໝຸດ​ແອດ​ແລນ​ຕິກ ​ແລະ ປາຊິ​ຟິກ ຜ່ານ​ເຂດ​ປ່າ​ ​ແລະ ພູ ທ່ານ ​ໄຣ​ເນີ ບອມບາ ​ເຈົ້າ​ໜ້າ​ທີ່​ລະດັບ​ສູງ​ດ້ານ​ຄົມມະນາຄົມ ​ແລະ ການ​ພັດທະນາ​ຂອງ​ເຢຍລະ​ມັນ​ກ່າວ​ວ່າ ນັບ​ເປັນ​ໂຄງການ​ໃຫຍ່​ແຫ່ງ​ສັດຕະວັດ ຕົວ​ແທນ​ຈາກ​ບຣາຊິນ, ​ເປຣູ, ປຣາ​ກວາຍ, ອູຣູກວາ​ຍ ​ແລະ ​ໂບລີ​ວີ ລວມທັງ​ເຢຍລະ​ມັນ ​ແລະ ຊູ​ແອັດ ​ເຂົ້າ​ຮ່ວມ​ສຶກສາ​ຄວາມ​ເປັນ​ໄປ​ໄດ້​ໃນ​ການ​ກໍ່ສ້າງ​ເສັ້ນທາງ​ລົດ​ໄຟ​ດັ່ງກ່າວ ຊຶ່ງ​ຈະ​ຊ່ວຍ​ຫຍໍ້​ໄລຍະ​ທາງ​ການ​ຂົນ​ສົ່ງ​ຈາກ​ຝັ່ງບຣາຊິນ​ມາ​ຍັງ​ຕະຫຼາດ​ໃຫຍ່​ຫຼາຍ​ແຫ່ງ​ໃນ​ອາຊີ​ໄດ້.

ທ່ານ ມິລຕັນ ກລາ​ໂຣສ ​ເຈົ້າ​ໜ້າ​ທີ່​ລະດັບ​ສູງ​ດ້ານ​ໂຄງການ​ສາທາລະ​ນູປະ​ໂພ​ກ​ໂບລີ​ວີ​ກ່າວ​ວ່າ ​ໂບລີ​ວີ ​ແລະ ​ເຢຍລະ​ມັນ​​ໄດ້​ລົງ​ນາມ​ກັນ​ໃນ​ຂໍ້​ຕົກລົງ​ສະໜັບສະໜູນ​ດ້ານ​ເຕັກນິກ ​ແລະ ​ເງິນ​ທຶນ​ສຳລັບ​ໂຄງການ​ກໍ່ສ້າງ​ທາງ​ລົດ​ໄຟ​ດັ່ງກ່າວ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.