ເຢຍລະ​ມັນ​ເລີ່​ມທົດ​ລອງ​ດວງ​ອາທິດ​ທຽມ

ຄະນະ​ວິທະຍາສາດ​ເຢຍລະ​ມັນ​ເປີດ​ທົດ​ລອງ​ດວງ​ອາທິດ​ທຽມ​ຂະໜາດ​ໃຫຍ່​ທີ່​ສຸດ​ໃນ​ໂລກ ​ດ້ວຍ​ຄວາມ​ຫວັງ​ວ່າ ຈະ​ຊ່ວຍ​ໄຂ​ປິດສະໜາ, ​ແນວທາງ​ໃໝ່ໆ​ໃນ​ການ​ຜະລິດ​ເຊື້ອ​ໄພ​ທີ່​ເປັນ​ມິດ​ຕໍ່​ພູມ​​ອາກາດ.

ສຳນັກຂ່າວ​ຕ່າງປະ​ເທດ​ລາຍ​ງານ​ວ່າ: ໂຄງການ​ທົດ​ລອງ​ທີ່​ມີ​ຊື່ວ່າ ຊິນ​ໄລ​ທ (Synlight) ທີ່​ສູນ​ວິ​ໄຈ​ອຸຕຸນິຍົມ​ວິທະຍາ​ຂະ​ແໜງ​ການບິນ​ແລະ ອະວະກາດ​ແຫ່ງ​ຊາດ​ເຢຍລະ​ມັນ (ດີ​ແອ​ລອາຣ) ​ໃນ​ເມືອງ​ເຢີ​ລິ​ຊ ທາງ​ພາກ​ຕາ​ເວັນ​ຕົກ​ປະກອບດ້ວຍ ​ດວງ​ໄຟ​ສະປອດ​ໄລ​ຂະໜາດ​ໃຫຍ່ 149 ດວງ ຊຶ່ງ​ປົກກະຕິ​​ໃຊ້​ສຳລັບ​ເຄື່ອງສາຍຮູບ​ເງົາ ​ນັບຕັ້ງ​ແຕ່​ວັນ​ທີ 23 ມີນາ​ເປັນ​ຕົ້ນ​ໄປ ຄະນະ​ວິທະຍາສາດ​ຂອງ​ດີ​ແອ​ລອາຣຈະ​ເລີ່​ມ​ເຮັດ​ທົດ​ລອງ​ກັບ​ແສງ​ສະຫວ່າງ​ຊຸດ​ນີ້ ​ເພື່ອ​ພະຍາຍາມ​ຫາ​ແນວທາງ​​​ເກັບ​ພະລັງງານ​ປະລິມານ​ມະຫາສານ ທີ່​ເດີນທາງ​ມາ​ເຖິງ​ໂລກ​ໃນ​ຮູບ​ແບບ​ຂອງ​ແສງ​ສະຫວ່າງ​ຈາກ​ດວງ​ອາທິດ.

ຂອບ​ເຂດ​ໜຶ່ງ​ຂອງ​ການ​ວິ​ໄຈ​ຈະ​ມຸ່ງ​ເນັ້ນ​ວິທີ​ທີ່​ຈະ​ຜະລິດ​ໄຮ​ໂດຣ​ເຈນ​ຢ່າງ​ມີ​ຄຸນ​ນະພາ​ບ ຊຶ່ງ​ຈະ​ເປັນ​ບາດກ້າວ​ທຳ​ອິດ​ໄປ​ສູ່​ການ​ຜະລິດ​ເຊື້ອ​ໄພທຽມສຳລັບ​ເຮື​ອບິນ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.