ເຢຍລະ​ມັນ​-ອັງກິດ ຄວ້າ​ໄຊ​ແບບ​ສວຍ​ງາມ

​ເຢຍລະ​ມັນ-ອັງກິດ ຄວ້າ​ໄຊ​ແບບ​ສວຍ​ງາມ​ໃນ​ການ​ແຂ່ງຂັນ​ບານ​​ໂລກ 2018 ຮອບ​ຄັດ​ເລືອກ​ໂຊນ​ເອີຣົບ ​ເມື່ອ​ວັນ​ອາທິດ​ທີ 26 ມີ​ນາ.

ກາ​ນ​ແຂ່ງ​ຂັນ​ບານ​ໂລກ 2018 ຮອບ​ຄັດ​ເລືອກ​ໂຊນ​​ເອີຣົບ ​ເມື່ອ​ວັນ​ອາທິດ​ທີ 26 ມີນາ​ທີ່​ຜ່ານ​ມາ ​ໃນ​ກຸ່ມ​ຊີ ​ເຢຍລະ​ມັນ​ບຸກ​ໄປ​ຄວ້າ​ໄຊ​ເໜືອ ອາ​ເຊີ​ໄບຈັນ 4-1 ​ໂດຍ​ເຢຍລະ​ມັນ​ໄດ້​ປະຕູ​ຈາກ ອັງ​ເດຣ ​ຊູ​​ເລ ນາທີ​ທີ່ 19 ​ແລະ 81, ​ໂທ​ມັສ ມຸລ​ເລີ ນາທີ 36, ​ໂມ​ເມ​ຊ ນາທີ 45 ທາງ​ເຈົ້າ​ບ້ານ​ຕີ​ໄຂ່​ແຕກ​ໄດ້​ຈາກ ດິມິ​ທຣີຈ ມາ​ຊາ​ຣອຟ ນາທີ 31.

​ໄຊ​ຊະນະ​ເກ​ມນີ້​ເຮັດ​ໃຫ້ ​ເຢຍລະ​ມັນ​ເກັບ 15 ຄະ​ແນນ​ເຕັມ ຈາກ​ການ​ຄວ້າ​ໄຊ 5 ນັດ​ລວດ ຍິງ​ໄດ້ 20 ​ເສຍ 1 ນຳ​ເປັນ​ທີໜຶ່ງ​ຂອງ​ກຸ່ມ ສ່ວນ​ເອ​ເຊີ​ໄບຈັນ ມີ 7 ຄະ​ແນນ​ເທົ່າ​ເດີມ​ຈາກ​ການ​ລົງ​ເຕະ 5 ນັດ.

ຜົນ​ອີກ​ໜຶ່ງ​ຄູ່​ໃນ​ກຸ່ມ​ນີ້ ຊານ ມາຣີ​ໂນ ​ເສຍ​ໃຫ້ ​ເຊັກ 0-6.

ທາງ​ດ້ານ​ກຸ່ມ​ເອຟ ອັງກິດ ​ເປີດ​ສະໜາມ​ເວ​ມບລີ ​ໄດ້​ຕ້ອນລິ​ທົວ​ເນຍ 2-0 ​ໄດ້​ປະຕູ​ຈາກ ​ເຈີ​​ເມນ ​ເດ​ໂຟ ນາທີ 22, ​ເຈ​ມີ ວາ​ດີ ນາທີ 66 ​ເຮັດ​ໃຫ້​ອັງກິດ​ເກັບ​ເພີ່ມ​ເປັນ 13 ຄະ​ແນນ​ຈາກ 5  ນັດ​ນຳ​ເປັນ​ທີ່​ໜຶ່ງ​ໃນ​ຕາຕະລາງ ທາງ​ລິ​ທົວ​ເນຍ ມີ 5 ຄະ​​ແນນ​ເທົ່າ​ເດີມ​ແຂ່ງ​ເທົ່າ​ກັນ.

ສ່ວນ​ຜົນ​ອີກ​ໜຶ່ງ​ຄູ່​ໃນ​ກຸ່ມ​ອີ ​ອາ​ເມ​ເນຍ ຊະນະ ຄາ​ຊັກ​ສະຖານ ທີ່​ເຫຼືອ​ສິນ​ຄົນ 2-0.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.