ເຣດມີ ​ໂນ້ດ 4 ຍອດ​ຂາຍ​ດີ​ໃນ​ອິນ​ເດຍ

ສຽວໝີ່ ​ເຣດມີ ​ໂນ໊ດ 4 ກາຍ​ເປັນ​ສະມາດ​ໂຟນຮຸ່ນ​ທີ່​ຂາຍ​ໄວ​ທີ່​ສຸດ​ໃນ​ອິນ​ເດຍ ດ້ວຍ​ຍອດ​ຂາຍ 1 ລ້ານ​ໜ່ວຍ​ພາຍ​ໃນ 45 ມື້.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ສຽວໝີ່ ຜູ້​ຜະລິດ​ສະມາດ​ໂຟນຈາກ​ຈີນ ປະກາດ​ວ່າ ​ເຣດມີ​ໂນ້ດ 4 ກາຍ​ເປັນສະມາດ​ໂຟນທີ່​ຂາຍ​ດີ​ຂາຍ​​ໄດ້​ເຖິງ 1 ລ້ານ​ໜ່ວຍ​ໄດ້​ໄວ​ທີ່​ສຸດ​ໃນ​ອິນ​ເດຍ ​ໂດຍ​ເຣດມີ ​ໂນ້ດ 4 ຂາຍ​ເຖິງ​ລ້ານ​ໜ່ວຍ​ພາຍ​ໃນ 45 ມື້ ຫຼັງ​ຈາກ​ວາງ​ຂາຍ​ໃນ​ວັນ​ທີ່ 23 ມັງກອນ​ເທົ່າ​ກັບ​ວ່າ ຂາຍ​ອອກ 1 ໜ່ວຍ​ທຸກ 4 ວິນາ​ທີ​, ກ່ອນ​ໜ້າ​ນີ້ ສຽວ​ໝີ່ ​ເຄີຍ​ປະກາດ​ໃນ​ເດືອນ​ທີ່​ຜ່ານ​ມາ​ວ່າ ຍອດ​ຂາຍ​ໃນ​ມື້​ທຳ​ອິດ​ຂອງ​ເຣດມີ​ໂນ້ດ 4 ຫຼາຍ​ທີ່​ສຸດ​ໃນ​ປະຫວັດສາດ​ອຸດສາຫະກຳ​ສະມາດ​ໂຟນອິນ​ເດຍ ດ້ວຍ​ຍອດ​ຂາຍ​ຫຼາຍ​ກວ່າ 250.000 ໜ່ວຍ ພາຍ​ໃນ 10 ນາທີ​ທຳ​ອິດ ຜ່ານ​ເວັບ​ໄຊ​ຂອງ​ບໍລິສັດ.

​ເຣດມີ​ໂນ້ດ 4 ​ເປັນ​ຮຸ່ນ​ຕໍ່​ຈາກ​ເຣດມີ​ໂນ້ດ 3 ຊຶ່ງ​ຂາຍ​ທາງ​ອອນ​ລາຍ​ໄປ​ແລ້ວ​ຫຼາຍ​ກວ່າ 2,3 ລ້ານ​ໜ່ວຍ​ຫຼັງຈາກ​ເປີດ​ຕົວ​ໃນ​ປີ​ທີ່​ຜ່ານ​ມາ ສົ່ງ​ຜົນ​ໃຫ້​ເຣດມີ ​ໂນ້ດ 3 ​ເປັນ​ສະມາດ​ໂຟນຮຸ່ນ​ທີ່​ມີ​ຍອດ​ຂາຍ​ທາງ​ອອນ​ລາຍ​ຫຼາຍ​ທີ່​ສຸດ​ຂອງ​ອິນ​ເດຍ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.