ເວິລ​ແບ​ງຈັດ​ງົບ 57 ຕື້​ໂດ​ລາ​ຊ່ວຍ​ອາ​ຟຣິກາ

ທະນາຄານ​ໂລກ (​ເບິ​ລ​ແບ​ງ) ປະກາດ​ຈັດ​ສັນ​ເງິນ 57 ຕື້​ໂດ​ລາສະຫະລັດ ​ເພື່ອ​ເປັນ​ທຶນ​ສະໜັບສະໜູນ​ສຳລັບ​ພື້ນ​ທີ່​ທາງ​ພາກ​ໃຕ້​ຂອງ​ທະ​ເລ​ຊາຍ​ຊາ​ຮາຣາ​ໃນ​ອາ​ຟຣິກາ​ສຳລັບ​ໄລຍະ​ງົບປະມານ​ໃນ​ອີກ 3 ປີ​ຕໍ່ໜ້າ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ທ່ານ ຈິ​ມຍອງ​ຄິມ ປະທານ​ທະນາຄານ​ໂລກ​ຖະ​ແຫຼ​ງວ່າ ​ໃນ​ຈຳນວນ​ເງິນ​ດັ່ງກ່າວ​ມາ​ຈາກ​ສະມາຄົມ​ເພື່ອ​ການ​ພັດທະນາ​ລະຫວ່າງ​ປະ​ເທດ (​ໄອ​ດີ​ເອ) 45 ຕື້​ໂດ​ລາ ສ່ວນ​ທະນາຄານ​ໂລກ​ຈະ​ຈັດ​ສັນ​ເງິນ​ຊ່ວຍ​ເຫຼືອ​ລ້າ ​ແລະ ​ເງິນ​ກູ້​ບໍ່​ມີດ​ອກ​ເບ້ຍ​ສຳລັບ​ກຸ່ມ​ປະ​ເທດ​ທຸກ​ຍາກ​ທີ່​ສຸດ​ໃນ​ໂລກ ຮ່ວມ​ກັບ​ສະ​ຖາ​ບັນ​ການ​ເງິນ​ການ​ລົງທຶນ​ຂະ​ແໜງ​ເອກະ​ຊົນ 8 ຕື້​ໂດ​ລາ ​ແລະ ທະນາຄານ​ລະຫວ່າງ​ປະ​ເທດ ​ເພື່ອ​ການ​ບູລະນະ ​ແລະ ພັດທະນາ 4 ຕື້​ໂດ​ລາ.

ເຢຍລະ​ມັນ ​ຊຶ່ງ​ຈະ​ເປັນ​ເຈົ້າພາບ​ກອງ​ປະຊຸມ​ກຸ່ມ​ປະ​ເທດ​ເສດຖະກິດ​ຂະໜາດ​ໃຫຍ່ ຈີ 20 ລະຫວ່າງ​ວັນ​ທີ 17-18 ມີນາ​ທີ່​ຜ່ານ​ມາ​ຖະ​ແຫຼ​ງວ່າ ​ໂຄງການ​ເພື່ອ​ອາ​ຟຣິກາ​ຈະ​ເປັນ​ສິ່ງ​ສຳຄັນ​ອັນ​ດັບ​ທຳ​ອິດ​ສຳລັບ​ເຢຍລະ​ມັນ ​ຊຶ່ງ​ເປັນ​ປະ​ເທດ​ກຸ່ມ​ໃນ​ປີ​ນີ້ ​ໂດຍ​ມີ​ວັດຖຸ​ປະສົງ​ໃນ​ການ​ສະໜັບສະໜູນ​ໂຄງການ​ດ້ານ​ການ​ສຶກສາ, ສາທາລະນະ​ສຸກ, ນ້ຳ​ສະອາດ, ສຸຂະ​ອະນາ​ໄມ, ກະສິກຳ, ​ໂຄງ​ສ້າງ​ພື້ນຖານ​ແລະ ການ​ປະຕິ​ຮູບ​ລະບົບ​ໂຄງ​ສ້າງ ຊຶ່ງ​ອາ​ຟຣິກາ​ໃຕ້​ເປັນ​ປະ​ເທດ​ດຽວ​ໃນ​ພາກ​ພື້ນ​ອາ​ຟຣິກາ​ທີ່​ເປັນ​ສະມາຊິກ​ກຸ່ມ​ຈີ 20.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.