ເສດຖະກິດສົກປີ 2015-2016 ຈະຂະຫຍາຍຕົວໃນລະດັບ 7,8%

    ສະ­ພາບ​ເສດ­ຖະ­ກິດ​ຂອງ ສປປ ລາວ ແມ່ນ​ກຳ­ລັງ​ຢູ່​ໃນ​ບາດກ້າວ​ຂະ­ຫຍາຍ­ຕົວ​ຢ່າງ​ຕໍ່​ເນື່ອງ​ນັບຕັ້ງ­ແຕ່​ໄດ້​ມີ​ການ​ຫັນ­ປ່ຽນ​ທາງດ້ານ​ເສດ­ຖະ­ກິດ​ໃນ​ປີ 1986 ພາຍໃຕ້​ກົນ​ໄກ​ເສດ­ຖະ­ກິດ​ໃໝ່ເສດ​ຖະກິດ ສປປ ລາວ ແມ່ນ​ໄດ້​ປ່ຽນ​ຈາກເສດ­ຖະ­ກິດ​ແບບ​ລວມ​ສູນ ແລະ​ມີແຜນ­ການ​ມາ​ເປັນ​ລະ­ບົບ​ເສດ​ຖະກິດ​ຕະ­ຫຼາດ​ແບບ​ເປີດ​ກວ້າງ, ນະ­ໂຍ­ບາຍ​ເປີດ​ປະ­ຕູ​ສູ່​ຕະ­ຫຼາດ​ໂລກ​ແມ່ນ​ໄດ້​ຖືກ​ຈັດ​ຕັ້ງ​ປະ­ຕິ­ບັດ ເພື່ອສົ່ງ­ເສີມ ແລະ​ດຶງ​ດູດ​ການ​ລົງ­ທຶນ ໂດຍ​ກົງ​ຂອງ​ຕ່າງ­ປະ­ເທດ, ການປ່ຽນ­ແປງ​ເຫຼົ່າ​ນີ້ ແມ່ນ​ໄດ້​ສ້າງເງື່ອນ­ໄຂ​ອຳ­ນວຍ​ຄວາມ​ສະ­ດວກໃຫ້​ແກ່​ການ​ພັດ­ທະ­ນາ​ເສດ­ຖະ­ກິດ​ຂອງ​ປະ­ເທດ.

    ອີງ​ຕາມ ຂໍ້​ມູນ​ຂອງ​ສະ​ຖາ​ບັນຄົ້ນ­ຄວ້າ​ເສດ­ຖະ­ກິດ​ແຫ່ງ​ຊາດ ໄດ້​ຕີ​ລາ­ຄາ​ໄວ້​ວ່າ​ໃນ​ສົກ​ປີ 2014- 2015 ຜ່ານ​ມາ ແມ່ນ​ໄດ້​ມີ​ຫຼາຍ ເຫດ­ການ​ທີ່​ພົ້ນ​ເດັ່ນ​ຢູ່​ພາຍ​ໃນ​ປະ ເທດ, ພາກ​ພື້ນ ແລະ​ສາ­ກົນ ຊຶ່ງ ເປັນ​ທັງ​ກາ­ລະ​ໂອ­ກາດ ແລະ​ສິ່ງທ້າ​ທາຍ​ຕໍ່​ການ­ຈັດ­ຕັ້ງ​ປະ­ຕິ­ບັດ ແຜນ​ພັດ­ທະ­ນາ​ເສດ­ຖະ­ກິດ-ສັງ ຄົມ​ແຫ່ງ​ຊາດ​ສາ­ມາດ​ຕີ​ລາ­ຄາ​ໄດ້ ວ່າ​ເສດ­ຖະ­ກິດ​ແຫ່ງ​ຊາດ​ໄດ້​ສືບ ຕໍ່​ຂະ­ຫຍາຍ­ຕົວ ແລະ​ມີ​ສະ­ຖຽນ​ລະ ພາບ​ໂດຍ​ພື້ນ­ຖານ​ໃນ​ສົກ​ປີ 2015- 2016 ເສດ­ຖະ­ກິດ​ລາວ (GDP) ຂະ­ຫຍາຍ­ຕົວ​ໃນ​ລະ­ດັບ 7,8% ເປັນ​ອັດ­ຕາ​ການ​ເຕີບ​ໂຕ​ທີ່​ສູງ​ອັນ ດັບ​ສອງ​ໃນ​ບັນ­ດາ​ປະ­ເທດ​ສະ​ມາ ຊິກ​ອາ​ຊຽນ ແຕ່​ຊ້າ​ລົງ​ກວ່າ​ຈັງ ຫວະ​ການ​ເຕີບ​ໂຕ​ໃນ​ປີ 2012-2013 GDP ຕໍ່​ຫົວ​ຄົນ​ບັນ­ລຸ​ໄດ້ 13,41 ລ້ານ​ກີບ (ປະ­ມານ 1.671  ໂດ​ລາ​ສະ­ຫະ­ລັດ) ໃນ​ນັ້ນ ຂະ­ແໜງການ​ທີ່​ຂະ­ຫຍາຍ­ຕົວ​ໄວ​ກວ່າ​ໝູ່ ແມ່ນ​ຂະ­ແໜງ​ບໍ­ລິ­ຫານ ແລະ​ເປັນ ຕົວ​ຂັບ​ເຄື່ອນ​ຕົ້ນ­ຕໍ​ຂອງ​ເສດ​ຖະ ກິດ​ຂະ­ຫຍາຍ­ຕົວ 9,3% ຮອງ​ລົງມາ​ແມ່ນ​ຂະ­ແໜງ​ອຸດ­ສາ­ຫະ­ກຳ​ຂະຫຍາຍ​ຕົວ 8,5% ສ່ວນ​ຂະ­ແໜງກະ­ສິ­ກຳ​ຂະ­ຫຍາຍ­ຕົວ 3%.

ສະ­ຖຽນ​ລະ​ພາບ​ທາງ​ດ້ານເສດ­ຖະ­ກິດ ໃນ​ສົກ​ປີ 2014-2015ໂດຍ​ລວມ​ແລ້ວ​ແມ່ນ​ມີ​ຄວາມ​ຄືບໜ້າ​ດີ​ຂຶ້ນ ເມື່ອ​ທຽບ​ກັບ​ສົກ​ປີ​ຜ່ານມາ​ດັດ­ຊະ­ນີ​ລາ­ຄາ​ຂະ­ຫຍາຍ­ຕົວ ໃນ​ຈັງ­ຫວະ​ທີ່​ຫຼຸດ​ລົງ​ຍ້ອນ​ບໍ່​ໄດ້ຮັບແຮງ​ກົດ​ດັນ​ຈາກ​ລາ­ຄາ​ສິນ­ຄ້າຈາກ​ພາຍ​ນອກ​ເປັນ­ຕົ້ນ​ແມ່ນ​ລາຄາ​ນ້ຳ­ມັນ  ແລະ​ການ​ຄຸ້ມ​ຄອງ​ຈໍລະ​ຈອນ​ສິນ­ຄ້າ ສາ­ມາດ​ຮັກ­ສາ​ອັດຕາ​ແລກ­ປ່ຽນ​ໄວ້​ໄດ້​ໃນ​ກອບ​ທີ່​ກຳນົດ ແລະ​ລັດ­ຖະ­ບານ​ມີ​ຄວາມ​ພະຍາ​ຍາມ​ຄຸ້ມ​ຄອງ​ລາຍ​ຮັບ​ດັດ­ແກ້ລາຍ​ຈ່າຍ ແລະ​ສາ­ມາດ​ຫຼຸດ­ຜ່ອນການ​ຂາດ​ດຸນ​ງົບ­ປະ­ມານ​ຫຼຸດ​ລົງ ເມື່ອ​ທຽບ​ກັບ​ປີ­ຜ່ານ­ມາ ເຖິງ​ຢ່າງໃດ​ກໍ​ຕາມ ​ທາງ​ດ້ານ​ການ​ເງິນ​ລັດຖະ​ບານ​ບໍ່​ທັນ​ສາ­ມາດ​ຈັດ​ຕັ້ງ​ປະ­ຕິບັດ​ແຜນ​ລາຍ​ຮັບ ແລະ​ລາຍ​ຈ່າຍຕາມ​ແຜນ­ການ​ດັດ­ແກ້​ໄດ້ ສ່ວນທາງ​ດ້ານ​ລາ­ຄາ​ອັດ­ຕາ​ເງິນ​ເຟີ້ ໃນ​ໝວດ​ສະ­ບຽງ​ອາ­ຫານ ແລະ ເຄື່ອງ​ດື່ມ​ທີ່​ບໍ່​ແມ່ນ​ເຫຼົ້າ ຍັງ​ສືບ­ຕໍ່ເປັນ​ໝວດ​ທີ່​ປະ­ກອບ­ສ່ວນ​ສູງກວ່າ​ໝູ່​ຂອງ​ອັດ­ຕາ​ເງິນ​ເຟີ້​ລວມ.

ສະ​ຖາ​ບັນ​ຄົ້ນ­ຄວ້າ​ເສດ­ຖະ­ກິດແຫ່ງ​ຊາດຍັງ​ໄດ້​ຄາດ​ຄະ­ເນ​ວ່າ ເສດ­ຖະ­ກິດ​ລາວ ໃນ​ສົກ​ປີ 2014-2015 ຈະ​ຫຍາຍ​ຕົວ​ຢູ່​ໃນ​ລະ­ດັບ 7,6% ສາ­ເຫດ​ທີ່​ເຮັດ​ໃຫ້​ເສດ​ຖະ ກິດ​ລາວ ມີ​ທ່າ​ອຽງ​ຂະ­ຫຍາຍ­ຕົວ ຊ້າ​ລົງ​ເລັກ​ນ້ອຍ ແມ່ນ​ຍ້ອນ​ຂະ ແໜງ​ການ​ບໍ­ລິ­ການ​ທາງ​ດ້ານ ການ​ເງິນ​ການ​ທະ­ນາ­ຄານ​ມີ​ການ ປ່ອຍ​ສິນ​ເຊື່ອ​ເຂົ້າ​ໃນ​ລະ­ບົບ​ເສດ ຖະ​ກິດ​ໃນ​ຈັງ­ຫວະ​ທີ່​ຊ້າ​ລົງ​ໃນ​ປີ 2014 ແລະ​ຍ້ອນ​ລັດ­ຖະ­ບານ​ອາດສືບ­ຕໍ່​ຮັດ­ກຸມ​ການ​ໃຊ້​ຈ່າຍ​ຂອງ ພາກ​ລັດ​ຫຼາຍ​ຂຶ້ນ​ເຖິງ​ຢ່າງ­ໃດ​ກໍ ຕາມ​ບົດ​ລາຍ​ງານ​ໄດ້​ຄາດ​ຄະ­ເນວ່າ​ ສຳ­ລັບ​ສົກ​ປີ 2015-2016 ເສດ­ຖະ­ກິດ​ລາວ​ຈະ​ຂະ­ຫຍາຍ­ຕົວ ໄວ​ຂຶ້ນ​ເປັນ 7,8% ໂດຍ​ມີ​ປັດ​ໄຈ ຕົ້ນ­ຕໍ​ມາ​ຈາກ​ຂະ­ແໜງ­ການ​ຜະລິດ ໄຟ­ຟ້າ ເນື່ອງ​ຈາກ​ມີ​ເຂື່ອນ​ໄຟ­ຟ້າ​ໃໝ່​ຈຳ­ນວນ​ໜຶ່ງ​ທີ່​ຫາ​ກໍ​ສຳ­ເລັດ ແລະ​ຈະ​ເລີ່ມ​ການ​ຜະ­ລິດ​ໄຟ­ຟ້າ ເພື່ອ​ສົ່ງ​ອອກ ແລະ​ຄາດ​ວ່າ​ພາກ​ການ​ບໍ­ລິ­ການ​ຈະ​ເຕີບ​ໂຕ​ຂຶ້ນ​ກວ່າເກົ່າ ໂດຍ​ສະ­ເພາະ​ຂະ­ແໜງ­ການ ເງິນ​ການ​ທະ­ນາ­ຄານ ຄາດ​ວ່າ​ຈະ ກັບ​ມາ​ປ່ອຍ​ສິນ​ເຊື່ອ​ຫຼາຍ​ຂຶ້ນ​ພາຍ ຫຼັງ​ໄດ້​ມີ​ການ​ຮັດ­ກຸມ​ການ​ປ່ອຍສິນ​ເຊື່ອ ແລະ​ສຸມ​ໃສ່​ເກັບ​ໜີ້​ສິນ​ໃນປີ 2015.

ພາບ-ຂ່າວ: ເສດຖະກິດ-ສັງຄົມ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.