ເອເຊີ ເປີດຕົວໜ້າຈໍໂຄ້ງເກມມິງ ຮຸ່ນໃໝ່ມາພ້ອມລະບົບ Tobii Eye-Tracking

ໃນໄລຍະເວລາກະແສທີ່ຍອດນິຍົມໜ້າຈໍໂຄ້ງ ຈາກຫຼາຍໆ ບໍລິສັດພັດທະນາຈໍໂຄ້ງຂອງຕົວ ເອງເຂົ້າສູ່ຕະຫຼາດ ຊຶ່ງທາງ Acer ໄດ້ສ້າງຄວາມແຕກຕ່າງຈາກຄ່າຍອື່ນໆ ດ້ວຍການສ້າງຈໍໂຄ້ງແບບເກມມິງ ແລະຍັງຕິດຕັ້ງລະ ບົບ Tobii  Eye-Tracking ທີ່ສາ ມາດຄອບຄຸມການທຳງານດ້ວຍສາຍຕາລົງໄປໃນຈໍຮຸ່ນໃໝ່ນີ້ອີກ.

Acer Predator Z271T ເປັນໜ້າຈໍໂຄ້ງຂະໜາດ 27 ນິ້ວ ຄວາມລະອຽດ 1920 x 1080 Full HD ມີ refresh rate 144Hz ສ່ວນຖ້າໃຜມັກ refresh rate 240Hz ກໍ່ຈະມີມາໃນໜ້າຈໍຂະໜາດ 24.5 ນິ້ວ ຮຸ່ນ XB25 1HQT ແລະຮຸ່ນ XB271HUT  ສຳລັບຄວາມລະອຽດສູງ 2560 x 1440 ຂະໜາດຈໍ 27 ນິ້ວ ຊຶ່ງຈໍ ທຸກຮຸ່ນມາພ້ອມລະບົບ Nvidia G-Sync ໝົດຫ່ວງເລື່ອງ ອາການພາບຂາດໃນຂະນະຫຼິ້ນເກມ ແຕ່ປະເດັນຫຼັກໆ ຄືລະບົບ Tobii  Eye-Tracking ຫຼາຍໆຄົນອາດຈະສົງໃສວ່າມັນແມ່ນຫຍັງ.

Tobii Eye-Tracking ຄືລະບົບການກວດສອບເຄື່ອນໄຫວ ຂອງດວງຕາໂດຍຈະໃຊ້ດວງຕາຄວບຄຸມການທຳງານເທິງໜ້າຈໍ ມໍນິເຕີ ອີກທັງຍັງສາມາດໃຊ້ຫຼິ້ນເກມທີ່ຮອງຮັບລະບົບນີ້ໄດ້ອີກ  ພຽງແຕ່ໃນເວລານີ້ຍັງມີເກມທີ່ຮອງຮັບພຽງບໍ່ເທົ່າໃດເກມເທົ່ານັ້ນເຊັ່ນເກມ Mankind Divided, Assassin’s Creed games, ແລະ The Division ຈາກຫຼາຍໆ ຣີວິວທີ່ມີການທົດສອບການຫຼິ້ນ ເກມດ້ວຍລະບົບ Eye-Tracking ເບິ່ງໆ ໄປແລ້ວຄ່ອນຂ້າງຈະຫຍຸ້ງຍາກ.

ຊຶ່ງລະບົບ Tobii Eye-Trac king ຍັງເປັນເຕັກໂນໂລຊີຄ່ອນຂ້າງໃໝ່ທີ່ຍັງຫາປະໂຫຍດໃນການໃຊ້ງານແທ້ຈິງຍັງບໍ່ໄດ້ ແຕ່ໃນອະນາຄົດອາດມີຟັງເຊິນການທຳງານໃໝ່ໆທີ່ຮອງຮັບລະບົບນີ້ ຕາມອອກມາອີກຫຼາຍແບບແນ່ນອນ ສ່ວນໃຜທີ່ຢາກຈະຊື້ມາໄວ້ຫຼິ້ນກໍ່ສາມາດສັ່ງຊື້ໄດ້ເລີຍຢູ່ຮ້ານຄ້າ ຫຼື ຕົວແທນຈຳໜ່າຍທົ່ວໆໄປ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.