ເອ​ດີ​ບີ ສະ­ໝອງ​ທຶນແກ່​ລາວ​ແລ້ວ 20 ພັນ​ກວ່າ​ຕື້

ຕະ­ຫຼອດ​ໄລ­ຍະ​ຜ່ານ​ມາ ທະ­ນາ­ຄານ​ພັດ­ທະ­ນາ​ອາ­ຊີ (ເອ​ດີ​ບີ) ໄດ້​ສະ­ໜອງ​ທຶນ​ຊ່ວຍ­ເຫຼືອ​ລາວ​ໃນ​ຫຼາຍໆ​ດ້ານ​ເປັນ­ຕົ້ນ​ດ້ານ​ກະສິ​ກຳ, ພື້ນ­ຖານ​ໂຄງ​ລ່າງ, ການ​ສຶກ​ສາ, ການ​ພັດ­ທະ­ນາ​ດ້ານ​ພະລັງ​ງານ​ໄຟ­ຟ້າ, ການ​ກໍ່­ສ້າງ​ຖະ­ໜົນ​ຫົນ­ທາງ ແລະ​ອື່ນໆ​ເພື່ອ​ຊຸກ­ຍູ້ການ​ການ​ຂະ­ຫຍາຍ­ຕົວ​ທາງ​ດ້ານ​ເສດ­ຖະ­ກິດ

ຊຶ່ງ​ມາ​ຮອດ​ປະ­ຈຸ​ບັນ​ມີ​ແລ້ວ 20 ພັນ​ກວ່າຕື້​ກີບ ຂະ­ນະ​ທີ່​ໃນ­ຕໍ່­ໜ້າ​ເອ​ດີ​ບີ​ຢືນ­ຢັນຈະ​ສືບ­ຕໍ່​ຊ່ວຍ­ເຫຼືອ​ຕື່ມ​ອີກ ເພື່ອ​ໃຫ້​ບັນ​ລວມ ມູນ​ຄ່າ​ລຸ​ເປົ້າ​ໝາຍ​ທີ່​ວາງ​ໄວ້​ໃນ​ແຜນ­ການພັດ­ທະ­ນາ​ເສດ­ຖະ­ກິດ-ສັງ­ຄົມ​ແຫ່ງ​ຊາດ ແຕ່​ລະ​ໄລ­ຍະ​ຂອງ​ລັດ­ຖະ­ບານ.

ວັນ​ທີ 20 ເມ­ສາ​ຜ່ານ​ມາ​ທະ­ນາ­ຄານ ພັດ­ທະ­ນາ​ອາ­ຊີ​ປະ­ຈຳ ສປປ ລາວ ແລະ ກະ­ຊວງ​ການ​ຕ່າງ­ປະ­ເທດ​ໄດ້​ຮ່ວມ​ກັນຈັດ​ກິດ­ຈະ­ກຳ​ສະ­ເຫຼີມ­ສະ­ຫຼອງ​ການ​ຮ່ວມມື​ຄົບ­ຮອບ 50 ປີ ລະ­ຫວ່າງ ສປປ ລາວ ແລະ​ທະ­ນາ­ຄານ​ພັດ­ທະ­ນາ​ອາ­ຊີ ໂດຍເຂົ້າ​ຮ່ວມ​ຂອງ​ທ່ານ ສົມ​ດີ ດວງ​ດີ ຮອງນາ­ຍົກ­ລັດ­ຖະ­ມົນ­ຕີ, ລັດ­ຖະ­ມົນ­ຕີ​ກະ­ຊວງ ການ​ເງິນ, ທ່ານ ເຈມ​ສ ນູ​ເຈັນ ຫົວ­ໜ້າກົມ​ອາ­ຊີ​ຕາ­ເວັນ​ອອກ­ສຽງ​ໃຕ້​ທະ​ນາຄານ​ພັດ­ທະ­ນາ​ອາ­ຊີ, ມີ​ບັນ­ດາ​ລັດ​ຖະ ມົນ­ຕີ, ຜູ້­ຕາງ­ໜ້າ​ເອ​ດີ​ບີ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

ທ່ານ ເຈມ ນູ​ເຈັນ ກ່າວ​ວ່າ: ນັບແຕ່ ເອ​ດີ​ບີ ໄດ້​ເລີ່ມ​ປະ­ຕິ­ບັດ​ງານ​ຄັ້ງ​ທຳ ອິດ​ໃນ​ລາວ ປີ 1968, ເອ​ດີ​ບີ​ຮ່ວມ​ກັນ ກັບ​ບັນ­ດາ​ຄູ່​ຮ່ວມ​ພັດ­ທະ­ນາ​ຕ່າງໆ​ເຮັດ ວຽກ​ຢ່າງ​ໃກ້­ຊິດ​ກັບ​ລັດ­ຖະ­ບານ​ໃນ​ການ ສົ່ງ­ເສີມ​ການ​ຂະ­ຫຍາຍ­ຕົວ​ທາງ​ເສດ​ຖະ ກິດ​ແບບ​ຮອບ­ດ້ານ, ປະ­ກອບ­ສ່ວນ​ໃນ ການ​ຫຼຸດ­ຜ່ອນ​ຄວາມ­ທຸກ​ຍາກ ແລະ​ສະໜັບ​ສະ​ໜູນ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ໃຫ້​ຍືນ​ຍົງ, ເອ​ດີ​ບີ​ໄດ້​ສະ­ໜອງ​ເງິນ ກູ້​ຢືມ​ຄັ້ງ​ທຳ​ອິດ​ໃຫ້​ກັບ ສປປ ລາວ ໃນ​ປີ 1970 ມາ​ຮອດ​ປະ­ຈຸ​ບັນ​ເປັນ​ເວ­ລາ 47 ປີ​ທີ່​ເອ​ດີ​ບີ​ໄດ້​ສະ­ໜອງ​ທຶນ​ໃຫ້​ລວມ​ທັງ ໝົດ 20.800 ຕື້​ກີບ ຫຼື ປະ­ມານ 2,6 ຕື້​ໂດ​ລາ ເພື່ອ​ສະ­ໜັບ­ສະ­ໜູນ​ທາງ​ດ້ານ ການ​ເງິນ ແລະ​ດ້ານ​ວິ­ຊາ​ການ​ໃນ​ການ ພັດ­ທະ­ນາ​ດ້ານ​ພະ­ລັງ­ງານ, ພື້ນ­ຖານໂຄງ​ລ່າງ, ກະ­ສິ­ກຳ, ການ​ສະ­ໜອງ​ນ້ຳສະ­ອາດ ແລະ​ສຸ​ຂະ​ພິ​ບານ, ການ​ສືກ​ສາ, ສາ​ທາ ແລະ​ອື່ນໆ.

ທ່ານ ເຈມ ນູ​ເຈັນ ກ່າວ​ຕື່ມ​ວ່າ: ເອ​ດີ​ບີ​ຢືນ­ຢັນ​ຄຳ​ໝັ້ນ​ສັນ­ຍາ ແລະ​ການ ຮ່ວມ​ມື​ຂອງ​ຕົນ​ກັບ​ລັດ­ຖະ­ບານ ສປປ ລາວ ໃນ​ໄລ­ຍະ​ຍາວ ເພື່ອ​ສືບ­ຕໍ່​ຊ່ວຍ­ເຫຼືອ ປະ­ເທດ​ລາວ​ໃຫ້​ບັນ­ລຸ​ໄດ້​ເປົ້າ​ໝາຍ​ຕາມ ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ແຫ່ງ ຊາດ​ຄັ້ງ​ທີ VIII (2016-2020) ເພື່ອເຮັດ​ໃຫ້­ການ​ຈະ­ເລີນ​ເຕີບ​ໂຕ​ໄດ້​ຢ່າງ​ທົ່ວ ເຖິງ​ຍືນ​ຍົງ ແລະ​ໃຫ້​ປະ­ເທດ​ຫຼຸດ​ພົ້ນ​ອອກ ຈາກ​ສະ­ຖາ­ນະ​ພາບ​ປະ­ເທດ​ດ້ອຍ​ພັດ​ທະ ນາ​ພາຍ​ໃນ​ປີ 2020.

ສຳ­ລັບ​ທະ­ນາ­ຄານ​ພັດ­ທະ­ນາ​ອາ­ຊີ ແມ່ນ​ມີ​ສຳ­ນັກ­ງານ​ໃຫຍ່​ຕັ້ງ​ຢູ່​ໃນ​ນະ­ຄອນ­ຫຼວງ​ມະ­ນີ​ລາ​ສ້າງ­ຕັ້ງ​ຂຶ້ນ​ໃນ​ປີ 1966, ເອ​ດີ​ບີ​ກຳ­ລັງ​ສະ­ເຫຼີມ­ສະ­ຫຼອງ​ຄົບ­ຮອບ 50 ປີ​ຂອງ​ການ​ຮ່ວມ​ມື​ພັດ­ທະ­ນາໃນພາກ​ພື້ນ, ເອ​ດີ​ບີ ມີ​ສະ­ມາ­ຊິກ​ທັງ​ໝົດ 67 ປະ­ເທດ ໃນ​ນັ້ນ 48 ປະ­ເທດ​ມາ​ຈາກ​ຂົງ ເຂດ​ພາກ​ພື້ນ​ອາ­ຊີ ແລະ​ປາ​ຊີ​ຟີກ.

ໂດຍ: ສະ­ເຫຼີມ​ໄຊ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.