ແຄນນອນ ມີຍອດຜະລິດກ້ອງຕະກູນອີໂອເອສເຖິງ 80 ລ້ານໜ່ວຍ

     ແຄນນອນຜູ້ນຳດ້ານເຕັກໂນໂລຊີການຖ່າຍພາບລະດັບໂລກປະກາດຄວາມສຳເລັດໃນການຜະລິດກ້ອງຟີມ ແລະກ້ອງດິຈິຕອລປ່ຽນເລນສໄດ້ໃນຕະກູນອີໂອເອສ ມີຍອດການຜະລິດລວມກັນເຖິງ 80 ລ້ານ ກ້ອງແລ້ວເມື່ອວັນທີ 10 ພະຈິກ 2015 ໂດຍກ້ອງຕົວທີ 80 ລ້ານເປັນຮຸ່ນ EOS 5D SR ຊຶ່ງມີຈຳນວນພິກເຊລສູງສຸດໃນປະຈຸບັນເມື່ອທຽບກັບກ້ອງລະດັບດຽວກັນ.

     ໂດຍການຜະລິດກ້ອງເອສແອລອາ (SLR) ຕະກູນອີໂອເອສ (EOS) ຂອງແຄນນອນໄດ້ເລີ່ມຕົ້ນຂຶ້ນໃນປີ 1987 ທີ່ໂຮງງານໃນ ແຂວງຟຸກຸຊິມະປະເທດຍີ່ປຸ່ນ (ປະຈຸບັນຄືບໍລິສັດຟຸກຸຊິມະແຄນນອນອິງ) ກ່ອນຈະຍ້າຍໄປທີ່ຖານການຜະລິດອື່ນໆ ເຊັ່ນໃນແຂວງໂອອິຕະ ແລະໃນຈີນໄຕ້ຫວັນ ປະລິມານການຜະລິດເພີ່ມຂຶ້ນແບບໄວວາຕາມຄວາມແພ່ຫຼາຍກ້ອງດີເອສແອລອາໃນໄລຍະຕົ້ນທົດສະວັດ 2000 ຈົນມີຍອດການຜະລິດເຖິງ 80 ລ້ານກ້ອງເມື່ອໄວໆນີ້.

ຊື່ຂອງ EOS ຫຍໍ້ມາຈາກ Electro Optical System ທັງຍັງເປັນນາມຂອງເທບທິດາແຫ່ງຮຸ່ງອະລຸນໃນຕຳນານກຣີກບູຮານອີກດ້ວຍກ້ອງຕະກູນອີໂອເອສອອກສູ່ຕະຫຼາດເມື່ອເດືອນມີນາ 1987 ໃນຖານະກ້ອງເອສແອລອາຍຸກໃໝ່ທີ່ມີລະບົບໂຟກັສອັດຕະໂນມັດ ແລະເປັນຮຸ່ນທຳອິດຂອງໂລກທີ່ມີລະບົບຂວັ້ນເຊື່ອມຕໍ່ເລນສແບບເອເລັກໂຕຣນິກ ຊຶ່ງບໍ່ພຽງແຕ່ຊ່ວຍປະສານການຄວບຄຸມລະຫວ່າງເລນກັບຕົວກ້ອງເທົ່ານັ້ນ ແຕ່ລວມເຖິງການຄວບຄຸມລະບົບທັງໝົດຂອງກ້ອງດ້ວຍເອເລັກໂຕຣນິກແບບສົມບູນ.

ການທີ່ແຄນນອນເປັນຜູ້ຜະລິດສ່ວນປະກອບສຳຄັນທີ່ໃຊ້ໃນກ້ອງຕະກູນອີໂອເອສຊ່ວຍໃນການສ້າງສັນຜະລິດຕະພັນທີ່ມີປະສິດທິພາບໂດດ ເດັ່ນຍິ່ງຂຶ້ນດ້ວຍການເລືອກໃຊ້ເຊັນເຊີທີ່ເໝາະສົມທີ່ສຸດສຳລັບກ້ອງ ແຕ່ລະຮຸ່ນ ແລະດ້ວຍຈຸດແຂງດັ່ງກ່າວແຄນນອນຈິ່ງມີສ່ວນໃນການບຸກເບີກວົງການກ້ອງຖ່າຍຮູບຍຸກໃໝ່ດ້ວຍການພັດທະນາຜະລິດຕະພັນທີ່ປຽບດ້ວຍນະວັດຕະກຳເຊັ່ນກ້ອງຄອມແພັກນໍ້າໜັກເບົາຮຸ່ນ EOS Kiss (ໃນພູມິອາກາດອື່ນຮຽກວ່າ EOS Rebel EX ຫຼື EOS 500) ຊຶ່ງປະສົບຄວາມສຳເລັດໃນການຂະຫຍາຍຖານຜູ້ໃຊ້ລວມເຖິງກ້ອງໃນຊີຣີ EOS 5D ຊຶ່ງຫາກໍສະຫຼອງຄົບຮອບ 10 ປີໃນປີນີ້.

ການພັດທະນາແບບບໍ່ຢຸດຢັ້ງສົ່ງຜົນໃຫ້ບໍລິສັດປະສົບຄວາມສຳເລັດໃນການຄອງສ່ວນແບ່ງຕະຫຼາດກ້ອງດິຈິຕອລປ່ຽນເລນສໄດ້ເປັນອັນດັບ 1 ທົ່ວໂລກ 2 ຕັ້ງແຕ່ປີ 2003-2014 ແລະດ້ວຍການສະໜັບສະໜູນແບບຕໍ່ເນື່ອງຂອງຜູ້ໃຊ້ຜະລິດຕະພັນເລນ EF ຂອງແຄນນອນທີ່ອອກສູ່ຕະຫຼາດພ້ອມກັບກ້ອງອີໂອເອສລະບົບ SLR ຈິ່ງມີຍອດການຜະລິດລວມເຖິງ 110 ລ້ານກະບອກເມື່ອເຖິງເດືອນມິຖຸນາ 2015 ສ້າງສະຖິຕິໃໝ່ຂອງເລນສຖອດປ່ຽນໄດ້ທີ່ມີຍອດການຜະລິດຫຼາຍທີ່ສຸດໃນໂລກ.

ແຄນນອນຍັງຄົງມຸ່ງໝັ້ນພັດທະນາເຕັກໂນໂລຊີດ້ານພາບທີ່ຫຼາກຫຼາຍ ພ້ອມທັງສ້າງສັນຜະລິດຕະພັນກ້ອງຖ່າຍຮູບ ແລະເລນຄຸນນະພາບດີ ແລະໄວ້ໃຈໄດ້ ເພື່ອຕອບສະໜອງຄວາມຕ້ອງການທີ່ແຕກຕ່າງຂອງນັກຖ່າຍພາບຕັ້ງແຕ່ຜູ້ທີ່ໃຊ້ກ້ອງເປັນຄັ້ງທຳອິດລວມໄປເຖິງນັກຖ່າຍພາບສະໜັກຫຼິ້ນແລະຊ່າງພາບອາຊີບຄວບຄູ່ໄປກັບການເຜີຍແຜ່ວັດທະນະທຳການຖ່າຍພາບທຳມະດາ ແລະພາບເຄື່ອນໄຫວໃຫ້ເຂົ້າເຖິງຜູ້ຄົນທົ່ວໂລກ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.