ແຄນ​ນອນ EOS 7D Mark II ເໝືອນລະດັບ ທັງຄວາມໄວ ແລະ ໂຟກັລ ອັດຕາໂນມັດ

     ແຄນ​ນອນ​ຜູ້­ນຳ​ຜະ­ລິດ​ກ້ອງ​ຊັ້ນ​ນຳ​ຂອງໂລກ ​ພັດ­ທະ­ນາ​ເຕັກ​ໂນ​ໂລ​ຊີ​ໃຫ້​ກ້າວ­ໜ້າ​ເປັນ​ລຳ­ດັບ​ດ້ວຍ​ການ​ອອກ​ແບບ​ໃຫ້​ມີ​ຄຸນ​ນະ​ພາບແລະ​ປະ​ສິດ­ທິພາບ​ສູງ​ໃນ​ກ້ອງ​ຮຸ່ນ​ໃໝ່ໆ​ແບບ​ຕໍ່​ເນື່ອງ​ຈົນ​ຄອງ​ໃຈ ນັກ​ຖ່າຍ​ພາບ​ທົ່ວ​ໂລກ​ໃນ​ກຸ່ມ​ກ້ອງ​ດີ​ເອ​ສ​ແອ​ລ​ອາ ຈາກ​ຮຸ່ນ​ຕໍ່​ຮຸ່ນ​ນັບ​ຕັ້ງ­ແຕ່​ກ້ອງ​ດິ​ຈິ​ຕອລ​ເລີ່ມ​ຄອງ​ຕະ ຫຼາດ​ຈາກ​ຮຸ່ນ​ນ້ອຍ​ໄປ​ຈົນ​ເຖິງ​ຮຸ່ນ​ໃຫຍ່​ລະ­ດັບ​ມື​ອາ­ຊີບ ຊຶ່ງ​ຕອນ​ນີ້​ມີ​ຄວາມ​ສາ­ມາດ​ເກີນ​ກວ່າ​ທີ່​ໃຜ​ຈະ​ປະ​ເມີນ​ໄວ້​ມາ​ໄກ​ສຸດໆ​ຈາກ​ການ​ພັດ­ທະ­ນາ​ເຊັນ​ເຊີ, ລະ­ບົບ​ປະ­ມວນ​ຜົນ, ຊອຟ​ແວ​ພາຍ​ໃນ​ຕ່າງໆ​ເຮັດ​ໃຫ້ ກ້ອງ​ມີ​ຄວາມ​ສະ­ຫຼາດ​ເປັນ​ອັດ​ສະ​ລິ​ຍະ​ສູງ​ເຖິງ​ວ່າ​ປ່ອຍ​ໃຫ້​ຄິດ​ເອງ​ກໍ​ມີ​ໂອ­ກາດ​ຜິດ­ພາດ​ຕ່ຳ​ລົງ​ໄປ​ເລື້ອຍໆ,ມື້­ນີ້​ມາ​ຕິດ­ຕາມ​ເລື່ອງ​ເນື້ອ​ຫາ​ທີ່​ຈະ​ເຮັດ​ໃຫ້​ທ່ານ​ໝັ້ນ​ໃຈ​ໃນ​ການ​ຕັດ­ສິນ​ໃຈ​ເລືອກ​ມາ​ເປັນ​ກ້ອງ​ຄູ່​ໃຈ​ເພີ່ມ​ອີກ​ຈັກ​ໜ່ວຍ​ໜຶ່ງ.

ແຄນ​ນອນ  EOS 7D Mark II ເປັນ​ກ້ອງ​ລະ­ດັບ ທີ່​ຖືກ​ອອກ​ແບບ​ມາ​ໃຫ້​ມີ​ຮູບ​ລັກ­ສະ­ນະ​ບໍ່​ແຕກ​ຕ່າງ​ຈາກ​ຮຸ່ນ​ເດີມ​ຫຼາຍ​ປານ­ໃດ​ແຕ່​ສິ່ງ​ທີ່­ຢູ່​ພາຍ​ໃນ​ຜິດ​ຖືກ​ປະ­ຕິ​ຮູບ​ໃໝ່​ໝົດ​ເພື່ອ​ໃຫ້​ສະ­ມັດ­ຖະ​ນະ​ບໍ່​ເປັນ​ຮອງ​ກ້ອງ​ໃນ​ກຸ່ມ​ມື​ອາ­ຊີບ​ຫຼາຍ ໂດຍ​ເລີ່ມ​ຈາກ​ເຊັນ​ເຊີ​ຮຸ່ນ​ໃໝ່ CMOS ຄວາມ​ລະ­ອຽດ 20,2 ລ້ານ​ພິກ​ເຊລ​ທີ່​ມີ​ຄວາມ​ໄວ​ແສງ​ສູງ​ເກີດ​ສັນ­ຍານ​ລົບ​ກວນ​ຕ່ຳ ເຖິງ​ວ່າ​ຈະ​ຢູ່​ໃນ​ສະ­ພາບ​ແສງ​ໜ້ອຍ ແລະ ໃຊ້​ລະ­ບົບ​ໂຟກ​ັສ​ພາບ​ແບບ Dual Pixel CMOS AF ວາງ​ໄວ້​ພາຍ​ນອກ​ທີ່​ຂຶ້ນ​ຮູບ​ຮ່າງ​ຈາກ​ວັດ​ສະ​ດຸ Magnesium Alloy  ທັງ​ໝົດ ພ້ອມ Seal  ກັນ​ລະ­ອອງ​ນ້ຳ, ລະ­ອອງ​ຝຸ່ນ​ມາ​ບໍ່​ນ້ອຍ​ໜ້າ​ກ້ອງ ຮຸ່ນ​ໂປຣ​ສຳ­ລັບ​ມື​ອາ­ຊີບ ເພາະ­ວ່າ​ທາງ​ແຄນ​ນອນ​ຄາດ​ຫວັງ​ໃຫ້​ກ້ອງ​ຮຸ່ນ​ນີ້​ເປັນ King Of APS-C ຈິ່ງ​ບໍ່​ເວັ້ນ​ແມ່ນ​ແຕ່​ຫົວ​ແຟລດ​ຕິດ​ກ້ອງ, ບານ­ພັບ, ປຸ່ມ​ວົງ​ແຫວນ​ບັງ­ຄັບ ໃຫ້​ມີ​ການ​ຊິນ​ທີ່​ແໜ້ນ­ໜາ​ສາ­ມາດ​ນຳ­ໄປ​ໃຊ້​ລຸຍ, ທົນ​ທານ​ຕໍ່​ການ​ໃຊ້​ງານ​ໜັກ​ໄດ້​ເປັນ​ຢ່າງ​ດີ ຮຽກ​ໄດ້​ວ່າ ເປັນ​ທີ່​ສຸດ​ຂອງ​ກ້ອງ​ລະ­ດັບ​ເຊັນ​ເຊີ​ຂະ­ໜາດ APS-C.

EOS 7D Mark II ເນັ້ນ​ສື່­ສານ​ກັບ​ນັກ​ຖ່າຍ​ພາບ​ວ່າ​ກ້ອງ​ຮຸ່ນ​ນີ້​ເປັນສຸດ​ຍອດ​ໃນ​ເລື່ອງ​ຂອງ​ຄວາມ​ໄວ ແລະ​ຄວາມ​ແມ່ນ​ຢຳ​ດ້ວຍ​ຄວາມ​ໄວ ສູງ​ສຸດ​ໃນ​ການ​ຖ່າຍ​ພາບ​ຕໍ່​ເນື່ອງ​ທີ່ 10 ພາບ​ຕໍ່​ວິ­ນາ­ທີ ຊຶ່ງ​ເປັນ​ຜົນ​ຈາກ ການ​ໃຊ້​ຊຸດ​ຊັດ​ເຕີ ແລະ​ກົນ​ໄກ​ຊຸດ​ກະ­ຈົກ​ໃໝ່​ທັງ​ໝົດ​ເພື່ອ​ເພີ່ມ​ຄວາມ​ສະ ຖຽນ​ໃຫ້​ສູງ​ຍິ່ງ​ຂຶ້ນ ເຮັດ​ໃຫ້​ຄວາມ​ໄວ​ສູງ​ສຸດ​ທີ່ 1/8000 ວິ­ນາ­ທີ ສາ­ມາດ​ຕັ້ງ​ສຽງ​ການ​ລັ່ນ​ຊັດ​ເຕີ​ໃຫ້​ງຽບ​ລົງ​ໄດ້ ແຕ່​ຄວາມ​ໄວ​ໃນ​ການ​ຖ່າຍ​ພາບ​ຕໍ່ ເນື່ອງ​ຈະ​ສູງ​ສຸດ​ໄດ້​ທີ່ 4 ພາບ​ຕໍ່​ວິ­ນາ­ທີ ໃນ​ເລື່ອງ​ຄວາມ​ທົນ​ທານ​ຂອງ​ຊຸດ​ຊັດ​ເຕີ​ນັ້ນ​ໃຫ້​ຂໍ້​ມູນ​ວ່າ​ໄປ​ເຖິງ 200.000 ຄັ້ງ​ໄດ້​ສະ­ບາຍໆ.

EOS 7D Mark II ເລືອກ​ໃຊ້​ໜ່ວຍ​ປະ­ມວນ​ຜົນ​ຮຸ່ນ​ໃໝ່ ຊ່ວຍ​ໃຫ້​ລະ ບົບ​ການ​ເຮັດ​ວຽກ​ໃນ​ສ່ວນ​ຕ່າງໆ​ມີ​ຄວາມ​ວ່ອງ­ໄວ​ສູງ ໂດຍ​ສະ­ເພາະ​ໃນ ເລື່ອງ​ການ​ໂຟກ​ັສ​ອັດ­ຕະ­ໂນ­ມັດ​ຄຸນ​ນະ​ພາບ​ຂອງ​ພາບ​ໃນ​ແຕ່​ລະ​ຄ່າ ຄວາມ​ໄວ​ແສງ​ຕັ້ງ​ໄດ້​ສູງ​ສຸດ ISO16000  ມີ​ສັນ­ຍານ​ລົບ​ກວນ​ຕ່ຳ ລະ ບົບ​ວິ​ດີ​ໂອ​ໃຫ້​ຄວາມ​ລະ­ອຽດ Full HD ທີ່ 60pi ກົດ​ຊັດ​ເຕີ​ບັນ­ທຶກ​ພາບ ຕໍ່​ເນື່ອງ​ໄປ​ໄດ້​ເລື້ອຍໆ​ເຖິງ 1.090 ພາບ​ໃນ​ຮູບ​ແບບ JPEG ແລະ 19  ພາບ​ໃນ​ຮູບ​ແບບ RAW+JPEG ຫາກ​ຈະ​ເລືອກ​ເປັນ​ຟາຍ Raw ຢ່າງ ດຽວ​ກໍ​ເຮັດ​ໄດ້​ເຖິງ 31 ພາບ ຈະ​ສັງ­ເກດ​ວ່າ​ມັນ​ຮອງ​ຮັບ​ການ​ນຳ​ໃຊ້​ແບບ ໜັກ­ໜ່ວງ​ໄດ້​ບໍ່​ຕ່າງ​ກັບ​ມື​ອາ­ຊີບ​ເລີຍ ດັ່ງ­ນັ້ນ ການ​ຈັດ​ຊຸດ​ປະ­ມວນ​ຜົນ​ເປັນ ສອງ​ຕົວ​ແບບ​ນີ້​ໜ້າ​ຈະ​ເຫັນ​ຫັນ​ໄດ້​ຕໍ່​ໄປ​ແນ່­ນອນ​ໃນ​ກ້ອງ​ຮຸ່ນ​ສູງ​ຂອງ​ຍີ່­ຫໍ້​ນີ້​ເພາະ​ເຮັດ​ວຽກ​ໄດ້​ສົມ​ກັບ​ທີ່​ຕັ້ງ​ເປົ້າ​ໄວ້.

ກ້ອງ​ແຄນ​ນອນ EOS 7D Mark II ໃຫ້​ຈຸດ​ໂຟກ​ັສ​ມາ​ເຖິງ 65 ຈຸດ​ທີ່​ໂດດ​ເດັ່ນ​ອາດ​ເປັນ​ເພາະ​ທຸກ​ຈຸດ​ເປັນ​ແບບ cross type ແລະທີ່​ດີ​ຄື​ຈຸດ​ກາງ​ພັດ­ທະ­ນາ​ໃຫ້​ເປັນ​ແບບ Dual Cross type ຮອງ​ຮັບ ການ​ໂຟກ​ັສ​ພາບ​ເຖິງ f2.8 ສາ­ມາດ​ໂຟກ​ັສ​ໃນ​ສະ­ພາບ​ແສງ​ຕ່ຳ​ເຖິງ -3EV ໂດຍ​ລະ­ບົບ​ການ​ໂຟກ​ັສ​ແບບ​ຕິດ­ຕາມ​ວັດ­ຖຸ​ມີ​ລະ­ບົບ EOS iTR AF (Intelligent Tracking and Recognition) ມາ​ຊ່ວຍ​ຈົດ​ຈຳ​ລ໊ອກ​ໃບ​ໜ້າ (Tracks Face) ຫາກ​ທິດ​ທາງ​ປ່ຽນ​ກໍ​ຈະ​ໃຊ້​ການ​ຈັບ​ໂຟກ​ັສ ໄປ​ທີ່​ຮູບ​ຮ່າງ​ແທນ (Tracks Body) ແຕ່​ຖ້າ​ປ່ຽນ­ແປງ​ອີກ​ກໍ​ຈະ​ໃຊ້​ການ​ຈັບ​ສີ​ຂອງ​ວັດ­ຖຸ​ແທນ (Tracks Color) ຊຶ່ງ​ຈະ​ເຮັດ​ວຽກ​ຮ່ວມ​ກັບ​ລະ­ບົບ 150,000 Pixel RGB + IR Metering Sensor ການ​ຕັ້ງ​ຄ່າ​ເລີ່ມ​ຕົ້ນ​ເທິງ​ກ້ອງ EOS 7D Mark II ເພື່ອ​ໃຫ້​ກວດ​ຈັບ​ໃບ​ໜ້າ​ຂອງ​ຕົວ​ແບບ​ທີ່​ເປັນ ບຸກ­ຄົນ ແລະ​ສີ​ຂອງ​ຕົວ​ແບບ​ອື່ນໆ ລວມ​ເຖິງ​ຕິດ­ຕາມ​ຈຸດ​ໂຟກ​ັສ​ໄດ້​ເຕັກ​ໂນ​ໂລ​ຊີ​ນີ້​ຕໍ່​ຍອດ​ມາ​ຈາກ​ກ້ອງ EOS-1D X  ໂດຍ​ຂຽນ​ຊຸດ​ຄຳ​ສັ່ງ​ດ້ວຍ​ອັລ​ກໍ​ຣິ​ທຶມ​ການ​ກວດ​ຈັບ​ແບບ​ໃໝ່​ທີ່​ເຮັດ​ໃຫ້ AF ທຳ​ການ​ຕິດ­ຕາມ​ໄດ້​ແມ່ນ​ຢຳ​ຍິ່ງ​ຂຶ້ນ ຊຶ່ງ​ສາ­ມາດ​ນຳ​ໃຊ້​ໄດ້​ດີ​ໃນ​ໂໝດ​ໂຊນ AF ແລະ ໂຊນ AF ຂະ­ໜາດ​ໃຫຍ່ ລວມ​ເຖິງ​ທີ່​ເລືອກ​ອັດ­ຕະ­ໂນ­ມັດ 65 ຈຸດ ສາ­ມາດ​ເລືອກ​ໄດ້​ຈາກ​ຕົວ​ເລືອກ 65 ຈຸດ, 21 ຈຸດ ແລະ 9 ຈຸດ​ໃນ​ເມ​ນູ ອາດ​ມີ​ຄຳ​ຖາມ​ວ່າ​ແລ້ວ​ຈະ​ຫຼຸດ​ຈຳ­ນວນ ຈຸດ​ໂຟກ​ັສ​ເຮັດ​ຫຍັງ​ເພາະ​ຫຼາຍ​ກໍ່​ດີ​ກວ່າ​ບໍ່​ແມ່ນ​ບໍ? ຫາກ​ຕ້ອງ­ການ​ຄວາມ​ໄວ​ໃນ​ການ​ຄຳ­ນວນ​ແລະ​ຮູ້​ຕຳ­ແໜ່ງ​ຂອງ​ວັດ­ຖຸ​ເປົ້າ​ໝາຍ​ເຫຼືອ​ໃນ​ວົງ​ແຄບແລ້ວ​ການ​ເລືອກ​ໃຊ້​ຈຸດ​ໂຟກ​ັສ​ຈຳ­ນວນ​ໜ້ອຍ​ຈະ​ໃຫ້​ລະ­ບົບ​ເຮັດ​ວຽກ​ໄດ້​ວ່ອງ­ໄວ​ກວ່າ​ປະ​ເມີນ ຫຼື ຄຳ­ນວນ​ຕຳ­ແໜ່ງ​ທີ່​ບໍ່​ຈຳ­ເປັນ​ໃຫ້​ເສຍ​ເວ­ລາ.

ແຄນ​ນອນ EOS 7D Mark II ໃຫ້​ຊ່ອງ​ມອງ​ພາບ​ທີ່​ໃສ່​ສະ­ຫວ່າງ​ເບິ່ງ​ເຫັນ​ພາບ​ໄດ້ 100% ແບບ Intelligent View- finder II ສະ­ແດງ​ຂໍ້​ມູນ​ໃຫ້​ເຫັນ ພາບ​ຍິ່ງ​ຂຶ້ນ​ທັງ​ລະ­ບົບ​ໂຟກ​ັສ, ຈຸດ ໂຟກ​ັສ, ການ​ປັບ​ຕັ້ງ​ກ້ອງ, ລະ­ດັບ ນ້ຳ​ຮູບ​ແບບ Electronic Level  ປັບ​ໃຫ້​ອຽງ​ລວງ​ຕັ້ງ​ລວງ​ນອນ​ໄດ້ ສຳ­ລັບ​ຈໍ​ສະ­ແດງ​ຜົນ ດ້ານ​ຫຼັງ​ມີ ຂະ­ໜາດ 3 ນິ້ວ ຄວາມ​ລະ­ອຽດ 1,04 ລ້ານ​ຈຸດ​ແບບ Clear View II ເລືອກ​ບັນ­ທຶກ​ພາບ​ລົງ ແມັມ​ໂມ​ຣີ​ກ໊າດ​ໄດ້​ສອງ​ຊ່ອງ (Dual Slots) ຄື CF ແລະ SD Card ສາ­ມາດ​ຕັ້ງ​ໃຫ້​ບັນ­ທຶກພ້ອມ​ກັນ​ທັງ​ສອງ​ຊ່ອງ​ຫຼື​ເລືອກ​ອັນ ໃດ​ອັນ​ໜຶ່ງ​ໄດ້​ເຮັດ​ໃຫ້​ສະ­ດວກ​ບໍ່​ຕ້ອງ​ປ່ຽນ​ກ໊າດ​ເວ­ລາ​ກັບ​ພາບ​ສຳ­ຄັນ.

ດ້ານ​ການ​ບັນ­ທຶກ​ພາບ​ເປັນ ຟາຍ Movie ແຄ​ນອນ EOS 7D Mark II ໄດ້​ມີ​ການ​ພັດ­ທະ­ນາ​ໃຫ້​ທັນ​ສະ­ໄໝ​ດ້ວຍ​ລະ­ບົບ​ການ​ເລືອກ ໂຟກ​ັສ​ທີ່​ໃຊ້​ໃນ​ຮຸ່ນ EOS 70D ມາ​ກ່ອນ​ແຕ່​ເພີ່ມ​ປະ­ສິດ­ທິ­ພາບ​ການ ເຮັດ​ວຽກ​ໃຫ້​ແມ່ນ​ຢຳ​ແລະ​ນຸ່ມນວນ​ຂຶ້ນ ໂດຍ​ການ​ຕັ້ງ​ຄ່າ​ໃນ ລະ­ບົບ Movie Servo AF ໃຫ້ ມີ​ຄວາມ​ຊ້າ​ໄວ​ຕໍ່​ການ Shift focus ຂະ­ນະ​ແພນ​ກ້ອງ ໄດ້​ອີກ​ດ້ວຍ​ເລືອກ ຕັ້ງ​ຄ່າ​ຟາຍ​ພາບ​ໄດ້ 2 ຮູບ​ແບບ​ຄື MOV ແລະ MP4  ມີ​ຊ່ອງ HDMI OUT ແລະ Audio Output ສາ ມາດ​ບັນ­ທຶກ​ໄປ​ຍັງ External Hardisk  ແບບ  Uncompress  ເລືອກ​ເຮັດ​ພາບ​ແບບ  Slow Mo-tion  ໄດ້​ແບບ​ນຸ່ມ​ນວນ​ຈາກ​ຄວາມ ລະ­ອຽດ​ໃນ​ການ​ເກັບ​ເຟຣມ​ໄດ້ຫຼາຍ​ເຖິງ 60 ພາບ​ຕໍ່​ວິ­ນາ­ທີ.

EOS 7D Mark II ໄດ້​ໃສ່​ຕຳ ແໜ່ງ​ສະ­ຖານ­ທີ່​ບັນ­ທຶກ​ພາບ​ລົງ ໄປ​ໃນ​ເນື້ອ​ຟາຍ​ໄດ້​ທັນ­ທີ​ດ້ວຍ​ລະ ບົບ  GPS  ໃນ​ຕົວ ບໍ່​ວ່າ​ຈະ​ຢູ່​ມຸມ ໃດ​ຂອງ​ໂລກ​ກໍ​ພ້ອມ​ຮຽກ​ເບິ່ງ​ໄດ້ ຕະ­ຫຼອດ​ເວ­ລາ​ທີ່​ເປີດ​ຟາຍ​ຂຶ້ນ​ມາ ຮັບ​ຊົມ ອັນ​ທີ່​ຕ້ອງ​ລະ­ວັງ​ຄື ຢ່າ ເປີດ​ຄ້າງ​ປະ​ໄວ້​ເພື່ອ​ຈະ​ເຮັດ​ໃຫ້ ເປືອງ​ພະ­ລັງ­ງານ​ຫຼາຍ ເຖິງ​ວ່າ ກ້ອງ​ຮຸ່ນ​ນີ້​ຈະ​ໃຊ້​ພະ­ລັງ­ງານ​ຕ່ຳ​ຈົນແບັດ​ເຕີ​ຣີ​ເຂົ້າ​ຂັ້ນ​ອືດ​ໄດ້. ແຄນ ນອນ EOS 7D Mark II  ຈິ່ງ ເປັນ​ການ​ປະ­ສົມ​ປະ­ສານ​ເຕັກ​ໂນ ໂລ​ຊີ​ຄວາມ​ທັນ​ສະ­ໄໝ​ໃຫ້​ຕອບ​ສະ­ໜອງ​ວິ­ຖີ​ການ​ລ່າ​ພາບ​ໃຫ້​ສະ­ດວກ​ງ່າຍ­ດາຍ ແລະ​ວ່ອງ­ໄວ​ຢ່າງ​ມີ​ປະ ສິດ­ທິ​ພາບ​ສູງ​ໃນ​ການ​ທົດ​ສອບ  ເທື່ອ​ນີ້​ເນັ້ນ​ໄປ​ທີ່​ການ​ໃຊ້​ຮ່ວມ​ກັບ ເລນ​ສ​ເທ​ເລ​ໂຟ​ໂຕ​ຊ່ວງ 85 ມມ ທີ່ ຖື​ວ່າ​ເປັນ​ຕົວ​ທີ່​ມີ​ຄວາມ​ສະ­ຫວ່າງ ຫຼາຍ​ທີ່​ສຸດ​ຕອນ​ນີ້​ຄື f/1.2 ຊຶ່ງ ເປັນ​ທີ່​ໃຝ່­ຝັນ​ຂອງ​ນັກ​ຖ່າຍ​ພາບ​ຈຳ ນວນ​ບໍ່​ໜ້ອຍ​ທີ່​ຢາກ​ມີ​ໄວ້​ໃຊ້​ງານ ສຳ­ລັບ​ການ​ຖ່າຍ​ພາບ​ບຸກ­ຄົນ​ທີ່​ໃຫ້​ຄວາມ​ໃສ ເບິ່ງ​ນຽນ​ພຽງ​ແຕ່ ເລັງ​ກໍ​ຮູ້­ສຶກ​ໄດ້​ເລີຍ​ວ່າ​ຕົວ​ແບບ​ມີ​ມິ​ຕິ​ລອຍ​ອອກ​ມາ​ຈາກ​ສາກ​ຫຼັງຍິ່ງ​ໄດ້​ລະ­ບົບ​ການ​ໂຟກ​ັສ​ພາບ​ອັດ​ສະ​ລິ​ຍະ​ທີ່​ມີ​ການ​ຈົດ​ຈຳ​ໃບ​ໜ້າ​ໄດ້​ກໍ​ຍິ່ງ ຊ່ວຍ​ໃຫ້­ການ​ຖ່າຍ ພາບ​ແບບ​ແຟ​ເຊິນ​ເປັນ​ໄປ​ດ້ວຍ ຄວາມ​ລ່ຽນ­ໄຫຼ ບໍ່​ຕ້ອງ​ມາ​ນັ່ງ ຖ້າ​ກວດ​ສອບ​ໂຟກ​ັສ​ໃຫ້​ຫຍຸ້ງ­ຍາກ ເພາະ​ໝັ້ນ​ໃຈ​ວ່າ​ເຂົາ​ຈຸດ​ເຂົ້າ​ໂຟກ​ັສ ທີ່​ສຸດ​ດ້ວຍ​ການ​ປະ­ມວນ​ຜົນ​ທີ່​ວ່ອງໄວ ແລະ​ແມ່ນ​ຢຳ​ຫາ​ຄູ່​ປຽບ​ມາ ທຽບ​ໄດ້​ຍາກ…

ເພື່ອ​ໃຫ້​ໄດ້​ພາຍ​ຖ່າຍ​ທີ່​ມີ​ຄຸນ​ນະ​ພາບ​ສູງ​ສຳ­ລັບ​ການ​ນຳ​ໃຊ້ Ca- non EOS 7D Mark II ຈິ່ງ​ໄດ້​ບັນ­ຈຸ​ໜ່ວຍ​ປະ­ມວນ​ຜົນ​ຮຸ່ນ​ໃໝ່​ເປັນ  Dual DIGIC 6 ເຮັດ​ວຽກ​ຮ່ວມ​ກັບ AF ແລະ​ການ​ປະ­ມວນ​ຜົນ​ຂອງ​ພາບ ທີ່​ຖ່າຍ​ໄດ້​ໃຫ້​ໄດ້​ຄຸນ​ນະ​ພາບ​ສູງ​ສຸດ ໃຫ້​ພາບ​ທີ່​ມີ​ຄວາມ​ວ່ອງ­ໄວ​ໃນ​ລະ­ບົບ​ໂຟກ​ັສ​ພາບ ໃຫ້​ຄວາມ​ຄົມ ແລະ​ສີ­ສັນ​ສົດ­ໃສ ໂດຍ​ມີ​ສັນ­ຍານ​ລົບ​ກວນ​ຕ່ຳ ເຖິງ​ວ່າ​ຖ່າຍ​ພາບ​ໂດຍ​ການ​ຕັ້ງ​ໄອ​ເອ​ສ​ໂອ​ສູງ​ສາ­ມາດ​ຖ່າຍ​ພາບ​ໄດ້​ທີ່ ຄວາມ​ໄວ​ສູງ​ສຸດ​ໄດ້​ເຖິງ ທັງ​ໃນ​ລະ­ບົບ​ຖ່າຍ​ພາບ​ປົກ­ກະ­ຕິ ແລະ​ໃນ​ລະ­ບົບ ຖ່າຍ​ພາບ​ແບບ​ຮູບ­ເງົາ ໂດຍ​ມີ​ສັນ­ຍານ​ລົບ​ກວນ​ຕ່ຳ ໃນ​ລະ­ບົບ​ຖ່າຍ​ພາບຍັງ​ສາ​ມາ​ມາດ​ປັບ​ເລັ່ງ​ຄ່າ​ຄວາມ​ໄວ​ໃຫ້​ສູງ​ໄດ້​ທຽບ​ເທົ່າ​ກັບ ISO 25600  ແລະ ISO 51200 ສຳ­ລັບ​ລະ­ບົບ​ຮູບ­ເງົາ​ສາ­ມາດ​ປັບ​ເລັ່ງ​ຄວາມ​ໄວ ແສງ​ໄດ້​ສູງ​ສຸດ​ທຽບ​ເທົ່າ ISO 25600.

ລະ­ບົບ Auto ISO ສາ­ມາດ​ປັບ​ຕັ້ງ ຈຳ­ກັດ​ຄ່າ​ໄອ​ເອ​ສ​ໂອ​ໄດ້ ຫຼື ຈະຕັ້ງ​ເປັນ​ແບບ​ຈຳ­ກັດ​ຄ່າ​ຄວາມ​ໄວ​ເຊັດ​ເຕີ​ຕ່ຳ​ສຸດ​ດ້ວຍ​ການ​ປັບ​ຕັ້ງ​ໃນ Custom Menu ເພີ່ມ​ຄວາມ​ສະ­ດວກ​ສຳ­ລັບ​ການ​ຄວບ​ຄຸມ​ຄຸນ​ນະ​ພາບ​ຂອງ​ພາບ​ຖ່າຍເພື່ອ​ໃຫ້​ໄດ້​ພາບ​ທີ່​ຄົມ ຫຼຸດ​ການ​ສັ່ນ​ຂອງ​ພາບ​ໄດ້​ຍິ່ງ​ຂຶ້ນນັ້ນ​ເອງ.

ລະ­ບົບ Anti Flicker Shooting ເພື່ອ​ໃຫ້​ໄດ້​ພາບ​ທີ່​ມີ­ຄ່າ​ແສງ​ທີ່​ຕະ ຫຼອດ​ໄລ­ຍະ​ໃກ​ນານ​ຖ່າຍ​ພາບ ໂດຍ​ສະ­ເພາະ​ຢ່າງ​ຍິ່ງ​ສຳ­ລັບ​ການ​ຖ່າຍ ພາບ​ຕໍ່​ເນື່ອງ Canon EOS 7D Mark II ໄດ້​ຕິດ​ຕັ້ງ​ລະ­ບົບ Anti Flicker Shooting ຊຶ່ງ​ຈະ​ເຮັດ​ໜ້າ­ທີ່​ກວດ​ຈັບ​ຮອບ​ການ​ວູບ​ວາບ​ຂອງ ແສງ​ທີ່​ມີ​ແຫຼ່ງ​ກຳ­ເນີດ​ຈາກ​ແສງ​ໄຟ​ຈາກ​ຫຼອດ​ຟູ​ອາ​ເຣ​ສ​ເຊັນ ໂດຍ​ຈະ​ທຳ ການ​ຖ່າຍ​ພາບ​ໃນ​ຊ່ວງ​ຈັງ­ຫວະ​ທີ່​ມີ​ແສງ​ສະ­ຫວ່າງ​ສູງ​ສຸດ​ເທົ່າ​ນັ້ນ​ເຮັດ ໃຫ້​ໄດ້​ພາບ​ທີ່​ສະ­ຫວ່າງ​ເທົ່າ​ກັນ​ຕະ­ຫຼອດ​ຊ່ວງ​ໃນ​ການ​ຖ່າຍ​ພາບ​ຕໍ່​ເນື່ອງ.

AE System ໃໝ່ EOS iSA System ເພື່ອ​ໃຫ້​ໄດ້​ພາບ​ທີ່​ມີ​ຄຸນ​ນະ​ພາບ​ສູງ​ສຸດ​ທັງ​ໃນ​ດ້ານ​ການ​ໂຟກ​ັສ ແລະ​ຄ່າ​ແສງ​ທີ່​ແມ່ນ​ຢຳ​ຖືກ­ຕ້ອງລວມ​ທັງ​ສີ­ສັນ​ທີ່​ສົດ­ໃສ​ເຕັມ​ປະ­ສິດ­ທິ­ພາບ ແຄນ​ນອນ​ໄດ້​ຕິດ​ຕັ້ງ  AE Sensor ໃໝ່​ຫຼ້າ​ສຸດ​ໃນ​ລະ­ບົບ iSA System (Intelligent Subject Analysis)  ທີ່​ມີ​ຄວາມ​ລະ­ອຽດ​ສູງ 150.000 ພິກ​ເຊລ ແບບ RGB+IR Metering System ໂດຍ​ນຳ​ເອົາ​ລະ­ບົບ​ວັດ​ແສງ​ແບບ IR ເຂົ້າ​ມາ​ຊ່ວຍ​ໃນ​ການ​ຈັບ​ພາບ​ທັງ​ລະ­ບົບ Face Detection ແລະ Color Tracking ລວມ​ທັງ​ການ​ກວດ​ການ​ເກີດ Fricker  ໃນ​ລະ­ບົບ Anti Fricker Shooting.

ຈາກ​ຄຸນ­ສົມ­ບັດ​ທັງ​ໝົດ​ເຮັດ​ໃຫ້​ສະ­ຫຼຸບ​ໄດ້​ເລີຍ​ວ່າ Canon EOS 7D MkII ນີ້​ເໝາະ​ກັບ​ວຽກ​ທີ່​ຕ້ອງ­ການ​ຄວາມ​ໄວ ແລະ​ຄວາມ​ຄົມ​ຂອງ ພາບ​ສູງ​ໃນ​ສະ​ປີດ​ຊັດ​ເຕີ​ໄວໆ ເຊັ່ນ​ການ​ຖ່າຍ​ພາບ​ກີ­ລາ​ຫຼາຍ​ທີ່​ສຸດ​ແຕ່​ຖ້າຈະ​ຊື້​ໄປ​ນຳ​ໃຊ້​ທົ່ວ​ໄປ ກໍ​ຍິ່ງ​ເຮັດ​ໃຫ້​ຄຸນ​ນະ​ພາບ​ຂອງ​ພາບ​ທີ່​ໄດ້​ດີ​ຂຶ້​ມາ​ອີກ ພຽງ​ແຕ່​ທ່ານ​ຕ້ອງ​ຮູ້­ຈັກ​ແລະ​ເຂົ້າ­ໃຈ​ທຳ​ມະ​ຊາດ​ຂອງ​ເຊັນ​ເຊີ APS-C ທີ່​ແຕກ​ຕ່າງ​ຈາກ​ເຊັນ​ເຊີ​ແບບFull Frame ເທົ່າ​ນັ້ນ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.