ແຊັມປ້ຽນ ລີກ ທີມຈາກແອັດສະປາຍ ພົບກັນເອງ! ແມນຢູ ພົບ ເຊລຕາ ຢູໂຣປາ ລີກ

ໃນ​ທີ່​ສຸດ​ກໍ່​ຮູ້​ຜົນ​ກັບ​ການ​ລໍ­ຄອຍ​ຂອງ​ແຟນ​ບານ​ທົ່ວ​ໂລກ ກັບ​ຜົນ​ຈັບ​ສະ­ຫຼາກ ການ​ແຂ່ງ­ຂັນ​ບານ​ລະ​ລະ­ດັບ​ສະ­ໂມ­ສອນຂອງ​ທະ­ວີບ​ເອີ​ຣົບ ຢູ​ຟາ ແຊັມ​ປ້ຽນ ລີກ ແລະ ຢູ​ໂຣ​ປາ ລີກ ຮອບ​ຮອງ​ຊະ­ນະ​ເລີດ ທີ່​ສຳ­ນັກ­ງານ​ໃຫຍ່​ຂອງ​ຢູ​ຟາ ເມືອງ​ນີ​ຢົງ ປະ­ເທດ​ສະ​ວິດ​ເຊີ​ແລນ ເມື່ອ​ເວ­ລາ 18:30 ໂມງ ວັນ​ສຸກ ທີ 21 ເມ­ສາ ທີ່​ຜ່ານ​ມາ.

* ໝາຍ­ເຫດ ຊື່​ທີມ​ທີ່​ຂຶ້ນ​ກ່ອນ​ຈະ​ເປັນ​ຝ່າຍ​ໄດ້​ແຂ່ງ​ໃນ​ຖິ່ນ​ຂອງ​ຕົນ​ເອງ​ກ່ອນ

ຢູ​ຟາ​ແຊັມ​ປ້ຽນ ລີກ ຮອບ​ຮອງ

ເຣ​ອັລ ມາດ​ຣິດ ( ແອັດ​ສະ​ປາຍ ) ພົບ ແອັດ​ເລ​ຕິ​ໂກ ມາດ​ຣິດ ( ແອັດ​ສະ​ປາຍ )

ໂມ​ນາ​ໂກ ( ຝຣັ່ງ ) ພົບ ຢູ​ເວນ​ຕູ​ສ ( ອິ​ຕາ​ລີ )

ນັດ​ທຳ​ອິດ​ຈະ​ແຂ່ງ​ກັນ ໃນ​ວັນ​ທີ  2 ແລະ 3 ພຶດ­ສະ­ພາ 2017 ແລະ ນັດ​ທີ 2 ແມ່ນ​ແຂ່ງ­ຂັນ ວັນ​ທີ 9 ແລະ 10 ພຶດ­ສະ­ພາ 2017.

ສຳ​ຫຼັບ ລາຍ­ການ ຢູ​ຟາ ແຊັມ​ປ້ຽນ ລີກ ນັດ​ຊີງ​ຊະ­ນະ​ເລີດ ຈະ​ໄດ້​ຈັດ​ຂຶ້ນ​ທີ່ ສະ­ໜາມ​ມິ​ລ​ເລນ​ນຽມ ສະ​ເຕ​ດ້ຽມ ( Millennium Stadium ຫຼື National of wales ສະ­ໜາມ​ສຳ​ຫຼັບ​ທີມ​ຊາດ​ເວ​ລ ) ເມືອງ​ຄາ​ດີ​ຟ ປະ­ເທດ ເວ​ລ ເຊິ່ງ​ສະ­ໜາມ​ສາ­ມາດ​ບັນ­ຈຸ​ຜູ້​ເຂົ້າ​ຊົມ​ໄດ້​ປະ­ມານ 74,500 ບ່ອນ​ນັ່ງ ແລະ ກຳ­ນົດ​ເອົາ ວັນ​ເສົາ ທີ 3 ມິ­ຖຸ­ນາ 2017 ເປັນ​ນັດ​ຊີງ.

ຢູ​ໂຣ​ປາ ລີກ ຮອບ​ຮອງ

ເຊລ​ຕາ ບີ​ໂກ ( ແອັດ​ສະ​ປາຍ ) ພົບ ແມນ​ເຊ​ັສ​ເຕີ ຢູ​ໄນ​ເຕັດ ( ອັງ­ກິດ )

ອາ​ແຈັກ ອຳ​ສະ​ເຕີ​ດຳ ( ໂຮນ​ລັງ ) ພົບ ລີ​ຢົງ ( ຝຣັ່ງ )

ນັດ​ທຳ​ອິດ​ຈະ​ແຂ່ງ​ກັນ ໃນ​ວັນ​ທີ  4 ພຶດ­ສະ­ພາ 2017 ແລະ ນັດ​ທີ 2 ແມ່ນ​ແຂ່ງ­ຂັນ 11 ພຶດ­ສະ­ພາ 2017.

ສຳ​ຫຼັບ ລາຍ­ການ ຢູ​ຟາ ຢູ​ໂຣ​ປາ ລີກ ນັດ​ຊີງ​ຊະ­ນະ​ເລີດ ຈະ​ໄດ້​ຈັດ​ຂຶ້ນ​ທີ່ ສະ­ໜາມ​ເຟຣນດ໌ສ ອາ​ຣີ​ນາ ( Friends Arena ) ເມືອງ​ໂຊລ​ນາ ປະ­ເທດ​ສະ​ວີ​ເດັນ ສະ­ໜາມ​ສາ­ມາດ​ບັນ­ຈຸ​ຜູ້​ເຂົ້າ​ຊົມ​ໄດ້​ປະ­ມານ 50,000 ບ່ອນ​ນັ່ງ ແລະ ກຳ­ນົດ​ເອົາ ວັນ​ພຸດ ທີ 24 ພຶດ­ສະ­ພາ 2017 ເປັນ​ນັດ​ຊີງ.

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.