ແທ່ນ​ຄຳ ຕົວ​ແບບ​ທະ­ນາ­ຄານ​ບ້ານເມືອງ​ຫົງ​ສາ

ແທ່ນ​ຄຳ ເປັນ​ທະ­ນາ­ຄານ​ບ້ານຕົວ​ແບບ​ໃນ​ການ​ບໍ­ລິ­ຫານ, ການ​ຄຸ້ມ​ຄອງ ແລະ​ການ​ກວດ­ກາ​ທີ່​ດີ ຊຶ່ງ​ປະ­ຈຸ​ບັນ​ມີ 580 ສະ­ມາ­ຊິກ, ມີ​ເງິນ​ຝາກ​ຂອງ​ສະ​ມາຊິກ​ທັງ​ໝົດ 2,5 ຕື້​ກີບ ເຮັດ​ໃຫ້​ຊັບ​ສິນ ແລະ​ທຶນ​ທັງ​ໝົດ​ຂອງ​ບ້ານ​ມີ​ຈຳ­ນວນ 2,671 ຕື້​ກີບ.

ທະ­ນາ­ຄານ​ບ້ານ​ດັ່ງ­ກ່າວ​ໄດ້​ຮັບ​ການ ສ້າງ­ຕັ້ງ​ຂຶ້ນ​ໃນ​ທ້າຍ​ປີ 2007 ໃນ​ເວ­ລາ ນັ້ນ ມີ​ສະ­ມາ­ຊິກ​ທັງ​ໝົດ  192 ຄົນ ແລະ​ໄດ້​ຮັບ​ທຶນ​ຊ່ວຍ­ເຫຼືອ​ຈາກ​ໂຄງ­ການ​ຈີ​ທີ ແຊັດ 42 ກວ່າ​ກີບ, ມີ​ຍອດ​ເງິນ​ຝາກ​ຂອງ​ສະ­ມາ­ຊິກ 6 ລ້ານ​ກ່ວ​າ​ກີບ ແຕ່​ຂະ­ນະ​ດຽວ​ກັນ ກໍ​ໄດ້​ປ່ອຍ​ກູ້​ໃຫ້​ສະ­ມາ­ຊິກ 4 ລ້ານ​ກີບ ແລະ​ມາ​ຮອດ​ປີ 2017 ນີ້​ທະ­ນາ­ຄານ​ບ້ານ​ແທ່ນ​ຄຳ ມີ​ສະ­ມາ­ຊິກ  580 ຄົນ ຊຶ່ງ​ມີ​ເງິນ​ຝາກ​ຂອງ​ສະ­ມາ­ຊິກ 2,5 ຕື້​ກີບ ແລະ​ໄດ້​ປ່ອຍ​ກູ້​ໃຫ້​ສະ­ມາ­ຊິກ 531 ລ້ານ​ກວ່າ​ກີບ ທັງ​ໝົດ​ເປັນ​ຄຳ​ຢືນ ຢັນ​ຂອງ​ທ່ານ ຄຳ​ພຽງ ຄຳ​ມຸງ­ຄຸນ ປະ ທານ​ສະ­ພາ​ບໍ­ລິ­ຫານ​ສະ​ຖາ​ບັນ​ການ​ເງິນ ຈຸ​ລະ​ພາກ​ທີ່​ບໍ່​ຮັບ​ເງິນ​ຝາກ​ເມືອງ​ເງິນ-ຫົງ​ສາ ທັງ​ເປັນ​ປະ­ທານ​ທະ­ນາ­ຄານ​ບ້ານ ແທ່ນ​ຄຳ.

ທ່ານ​ປະ­ທານ​ທະ­ນາ­ຄານ​ບ້ານ​ແທ່ນ​ຄຳ ກ່າວ​ຕື່ມ​ວ່າ: ຜ່ານ​ການ­ເຄື່ອນ­ໄຫວໃນ​ໄລ­ຍະ​ຜ່ານ​ມາ​ສະ­ມາ­ຊິກ​ສ່ວນ​ໃຫຍ່ໄດ້​ກູ້​ຢືມ​ເງິນ​ນຳ​ໃຊ້​ເຂົ້າ​ຖືກ​ເປົ້າ​ໝາຍຕົວ​ຈິງ ຊຶ່ງ​ກ່ອນ​ໜ້າ​ນີ້​ຊີ­ວິດ​ການ​ເປັນ​ຢູ່ ຂອງ​ຫຼາຍ​ຄອຍ​ຄົວ​ມີ​ຄວາມ­ທຸກ​ຍາກ, ຈົນ​ບາງ​ຄົວ​ເຮືອນ​ກໍ​ບໍ່​ມີ​ເຮືອນ​ຢູ່, ລົດ​ທຳການ​ຜະ­ລິດ ຫຼື ລົດ​ລາກ​ແກ່​ແຮ່ງ​ບໍ່​ເວົ້າ, ບໍ່​ມີ​ເງິນ​ເອົາ​ໄຟ­ຟ້າ​ເຂົ້າ​ເຮືອນ ແລະ​ອື່ນໆ, ແຕ່​ຍ້ອນ​ມີ​ການ​ນຳ­ພາ​ຂອງ​ອົງ­ຄະ​ນະ​ພັກ ແລະ​ອຳ­ນາດ​ການ​ປົກ­ຄອງ ແຂວງ​ໄຊຍະ​ບູ​ລີ ກໍ​ຄື​ການ​ນຳ​ເມືອງ​ຫົງ​ສາ ແລະ ການ​ຊ່ວຍ­ເຫຼືອ​ຂອງ​ຫຼາຍ​ພາກ­ສ່ວນ, ແຕ່​ສິ່ງ​ສຳ­ຄັນ​ແມ່ນ​ຄວາມ​ດຸ­ໝັ່ນ​ຫ້າວ­ຫັນ​ປະ­ດິດ​ສ້າງ​ຂອງ​ຊາວ­ບ້ານ ແລະ​ຍ້ອນ ການ​ປະ­ກອບ­ສ່ວນ​ຂອງ​ແຫຼ່ງ​ທຶນ​ທະ​ນາຄານ​ບ້ານ ຊຶ່ງ​ເປັນ​ທະ­ນາ­ຄານ​ຂອງ​ປະ­ຊາ­ຊົນ​ເຮັດ​ໃຫ້​ຊີ­ວິດ​ການ​ເປັນ​ຢູ່​ຂອງ​ຊາວ­ບ້ານ​ດີ​ຂຶ້ນ​ຢ່າງ​ຂາດ​ຂັ້ນ ແລະ​ມີ​ພາ ຫະ​ນະ​ທຳ​ການ​ຜະ­ລິດ, ມີ​ລົດ­ຈັກ-ລົດ ໃຫຍ່, ລົດ​ໄຖ​ນາ, ຈັກ​ປັ່ນ​ເຂົ້າ, ໂຮງ­ສີ ປະ­ຈຸ​ບັນ​ປະ­ຊາຊົນ​ມີ​ເຂົ້າ​ຂາຍ​ອອກ​ທຸກ​ປີ ແລະ​ມີ​ເງິນ​ຝາກ​ໄວ້​ຢູ່​ທະ­ນາ­ຄານ​ບ້ານຂອງ​ຕົນ.

ແຜນ­ການ​ໃນ­ຕໍ່­ໜ້າ​ນີ້ ຈະ​ສືບ­ຕໍ່​ລະ­ດົມ​ເງິນ​ຝາກ​ໃຫ້​ເພີ່ມ​ຂຶ້ນ ແລະ​ໃນ​ເວ­ລາ​ດຽວ​ກັນ ກໍ​ຈະ​ສູ້​ຊົນ​ປ່ອຍ​ກູ້​ໃຫ້​ຖືກ​ເປົ້າ​ໃຫ້​ຫຼາຍ  ແລະ​ເພີ່ມ​ຂຶ້ນ, ປັບ­ປຸງ​ກົດ​ລະ­ບຽບ​ຂອງທະ­ນາ­ຄານ​ບ້ານ​ກ່ຽວ​ກັບ​ການ​ຝາກ​ເງິນ ແລະ​ຊຳ­ລະ​ເງິນ​ໃຫ້​ແທດ­ເໝາະ​ກັບ​ສະ­ພາບ​ຕົວ​ຈິງ, ເອົາ­ໃຈ­ໃສ່​ແກ້​ໄຂ​ບັນ­ຫາ​ໜີ້​ກາຍ​ສັນ­ຍາ​ໃຫ້​ຫຼຸດ​ລົງ ແລະ​ສຳ­ເລັດ​ກ່ອນເດືອນ​ທີ່​ຈະ​ຈ່າຍ​ເງິນ​ປັນ​ຜົນ​ທ້າຍ​ປີ​ໃຫ້ທ່ວງ​ທັນ​ຕາມ​ທີ່​ກຳ­ນົດ​ໄວ້.

ຂ່າວ: ເສດຖະກິດ-ສັງຄົມ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.