ແມນ​ຢູຊະນະ​ໂບ​ໂຣຫຍັບຂຶ້ນ​ອັນ​ດັບ 5

ແມນ​ເຊັດ​ເຕີ ຢູ​ໄນ​ເຕັດ ຫຍັບ​ຂຶ້ນ​ອັນ​ດັບ 5 ​ໃນ​ຕາຕະລາງ​ພຣີ​ເມຍ​ລີກ​ອັງກິດ​ຮຽບຮ້ອຍ ຫຼັງ​ບຸກ​ໄປ​ຢາມ​ ​ໂບ​ໂຣ ​ເຖິງ​ຖິ່ນຣີ​ເວີ​​ໄຊ ສະ​ເຕ​ດຽມ 3-1.

ການ​ແຂ່ງຂັນ​ພຣີ​ເມຍ​ລີກ ອັງກິດ ​ເມື່ອ​ວັນ​ອາທິດ​ທີ່​ຜ່ານ​ມາ ​ແມນ​ເຊັດ​ເຕີ ຢູ​ໄນ​ເຕັດ ​ເກັບ​ໄຊຊະນະ​ນັດ​ສຳຄັນ​ໄດ້​ສຳ​ເລັດ ຫຼັງ​ບຸກ​ໄປ​ອັດ​ມິດ​ເດິ​ລສ​ໂບຣ ​ເຖິງ​ຖິ່ນຣີ​ເວີ​​ໄຊ 3-1 ພ້ອມ​ຫຍັບ​ຂຶ້ນ​ມາ​ຢູ່​ທີ່​ອັນ​ດັບ 5 ຮຽບຮ້ອຍ ​ໂດຍ​ແມນ​ຢູ ທີ່​ສ້າງ​ສະຖິຕິ​ຊະນະ​ໃນ​ເກ​ມພຣີ​ເມຍ​ລີ​ເຖິງ 600 ນັດ​ເປັນ​ທີ​ມທຳ​ອິດ ອອກ​ນຳ​ໄປ​ກ່ອນ 2-0 ຈາກ ມາຣູຢານ ​ເຟລ​ໄລ​ນີ ນາທີ​ທີ່ 30 ​ແລະ ​ເຈ​ສຊີ ລິນ​ກາດ ນາ​ທີ​ທີ່ 63 ສ່ວນ​ເຈົ້າ​ບ້ານ​ຕີ​ໄຂ​ແຕກ​ນຳ​ມາ​ເປັນ 1-2 ຈາກ ຣູດີ ​ເກສ​ເຕດ ນາທີ​ທີ 77 ຈົນ​ເຖິງ​ຊ່ວງ​ທົດ​ເວລາ​ບາດ​ເຈັບ​ນາ​ທີ​ທີ່ 90+4 ອັນ​​ໂຕ​ນິ​ໂອ ວາ​ເລນ​ເຊຍ ກໍ​ຕັດ​ບານ​ຈາກ ບິ​ກ​ເຕີ ບັລ​ເດ​ສ ຜູ້​ຮັກສາ​ປະຕູ​ເຈົ້າ​​ບ້ານ​ ທີ່​​ເສຍ​ຫຼັກ​ມື່ນ​ລົ້ມ​ເຂົ້າ​ໄປ​ຍິງ​ໃຫ້​ແມນ​ຢູ ຄວ້າ​ໄຊ​ໄປ​ຢ່າງ​ເດັດຂາດ 3-1 ຈາກ​ໄຊ​ຊະນະ​ນັດ​ນີ້​ເຮັດ​​ໃຫ້​ແມນ​ຯ​ຢູ​ໄນ​ເຕັດ​ມີ 52 ຄະ​ແນນ​ຈາກ 27 ນັດ​ຂຶ້ນ​ມາ​ຢູ່​ທີ່ 5 ​ແລະ ​ເປັນ​ການ​ຫຍັບ​ຂຶ້ນ​ມາ​ໃນ 5 ອັນ​ດັບ​ເປັນ​ຄັ້ງ​ທຳ​ອິດ​ໃນ​ຮອບ 184 ວັນ ຫຼື ຕັ້ງ​ແຕ່​ວັນ​ທີ 16 ກັນຍາ 2016 ​ເປັນ​ຕົ້ນ​ມາ ຂະນະ​ທີ່ ​ໂບ​ໂຣ ມີ 22 ຄະ​ແນນ​ຈາກ 28 ນັດ​ຢູ່​ຮອງ​ທ້າຍ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.