ແມ່​ນ້ຳຢູ່​ຟິລິບ​ປິນ​​ເຕັ້ມ​ແຕ່ຂີ້​ເຫຍື້ອ

ແມ່​ນ້ຳ​ສາຍ​ໜຶ່ງ​ໃນ​ແຂວງ​ບູລາ​ກັນ​ປະ​ເທດ​ຟິລິບ​ປິນທີ່​ເຕັມ​ໄປ​ດ້ວຍ​ຂີ້​ເຫຍື້ອ​ລອຍ​ເຕັມ​ຢູ່​ເທິງ​ໜ້າ​ນ້ຳ ຂະນະ​ດຽວ​ກັນ​ກໍ​ມີ​ເຈົ້າ​ໜ້າ​ທີ່​ກຳລັງ​ເຂົ້າ​ມາ​ຈັດ​ເກັບ​ຂີ້​ເຫຍື້ອ​ເຫຼົ່ານັ້ນ​ຢູ່.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ​ແມ່​ນ້ຳ​ສາຍ​ດັ່ງກ່າວ​ຄື ​ແມ່​ນ້ຳມາຣິ​ເລົາ​ໃນ​ແຂວງ​ບູລາ​ກັນ ທາງ​ພາກ​ເໜືອ​ຂອງ​ນະຄອນຫຼວງ​ມະນິລາ​ຂອງ​ຟິລິບ​ປິນປະມານ 11 ກິ​ໂລ​ແມັດ ຊຶ່ງ​ຂີ້​ເຫຍື້ອ​ທີ່​ລອຍ​ໃນ​ແມ່​ນ້ຳ​ນັ້ນ​ມີ​ຈຳນວນ​ຫຼາຍ​ຈົນ​ເປັນ​ໜ້າ​ຕົ​ກໃຈ ​ເບິ່ງ​ຄື​ກັບ​ເປັນ​ແຫຼ່ງຖີ້ມຂີ້​ເຫຍື້ອ​ເລີຍ,ເນື່ອງ​ຈາກ​ການ​ພັດທະນາ​ທາງ​ເສດຖະກິດ ​ແລະ ການ​ຂະຫຍາຍຕົວ​ຂອງ​ເມືອງ ຊຶ່ງ​ຟິລິບ​ປິນ​ເປັນ​ປະ​ເທດ​ກຳລັງ​ພັດທະນາ​ໃນ​ອາຊີ​ຕາ​ເວັນ​ອອກສຽງ​ໃຕ້(ອາ​ຊຽນ)ຕ້ອງ​ປະ​ເຊີນ​ກັບ​ຂີ້​ເຫຍື້ອ​ຈຳນວນ​ຫຼາຍ.ໃນ​ປີ 2000 ລັດຖະບານ​ຟິລິບ​ປິນກຳນົດ​ໃຫ້​ບໍລິສັດຕ່າງປະ​ເທດ​ຕ້ອງ​ແຍກ​ປະ​ເພດ​ຂີ້​ເຫຍື້ອ​ທີ່​ເກີດ​ຈາກ​ການ​ຜະລິດ​ອອກ​ມາ ​ແຕ່​ເນື່ອງ​ຈາກ​ການ​ພັດທະນາ​ໄວ​ເກີນ​ໄປ​​ເຮັດ​ໃຫ້​ລັດຖບານ​ບໍ່​ສາມາດ​ຄວບ​ຄຸມ​ປະລິມານ​ຂີ້​ເຫຍື້ອ​ໄດ້.

ຄາດ​ວ່າ​ໃນ​ປີ 2025 ປະ​ເທດ​ແຖບອາຊີ​ໃຕ້ ​ແລະ ປາຊິ​ຟິກຕ້ອງ​ປະ​ເຊີນ​ກັບ​ສະຖານະ​ການ​ຂີ້ເຫຍື້ອ​ທີ່​ເພີ່ມ​ຂຶ້ນ 150%.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.