ແລນ​ແອນ​ເຮົາ​ສວຽງ​ຈັນ​ ສ້າງ​ເຮືອນ​ທັນ​ສະໄໝ​ໃຫ້​ໃຜກໍ​ເປັນ​ເຈົ້າ​ຂອງໄດ້

ແລນ​ແອນ​ເຮົາ​ສວຽງ​ຈັນ​ເປັນ​ໂຄງ­ການ​ໜຶ່ງ​ທີ່​ນັກ­ທຸ­ລະ­ກິດ​ລາວ-ໄທ​ຮ່ວມ​ລົງ­ທຶນ​ສ້າງ​ບ້ານ​ຈັດ​ສັນ​ລວມ​ມີ​ເຮືອນ​ທັນ​ສະ­ໄໝ​ຫຼາຍ​ຮ້ອຍ​ຫຼັງທີ່​ມີ​ຄວາມ​ສະ­ດວກ​ໄດ້​ມາດ­ຖານ​ພ້ອມ​ຮັບ­ປະ­ກັນ​ຄວາມ​ປອດ​ໄພ ປະ­ຈຸບັນ​ເປີດ​ໃຫ້​ລູກ​ຄ້າ​ເຂົ້າ​ຈັບ​ຈ່ອງ​ເປັນ​ເຈົ້າ​ຂອງ ໂດຍ​ສາ­ມາດ​ຈ່າຍ​ຜ່ອນ ແລະ​ຈ່າຍ​ສົດ​ໄດ້.

ເມື່ອ​ບໍ່​ດົນ​ມາ​ນີ້​ ທ່ານ ວາ​ຣອດ ຈັນ­ທະ​ຣະ​ດາວ​ັລຍ໌ ຜູ້­ອຳ­ນວຍ­ການ​ໂຄງການ​ແລນ​ແອນ​ເຮົາ​ສວຽງ​ຈັນ ໃຫ້​ສຳ­ພາດ​ກັບ​ທີມ​ຂ່າວ​ໜັງ­ສື​ພີມ​ເສດ­ຖະ­ກິດ-ສັງ­ຄົມ​ຮູ້​ວ່າ: ປະ­ຈຸ​ບັນ​ຢູ່​ລາວ​ບ້ານ​ຈັດ​ສັນ​ຍັງ​ບໍ່​ທັນ​ເກີດ​ຂຶ້ນ​ຫຼາຍ  ແລະ​ອີກ​ຢ່າງ​ທາງ​ຄຸນ​ນະ​ພາບ ແລະ​ລາ­ຄາ​ຍັງ​ບໍ່​ປານ­ໃດ

ຖ້າ​ທຽບ­ໃສ່​ກັບ​ປະ­ເທດ​ເພື່ອນ​ບ້ານ ຊຶ່ງໃນ​ນັ້ນ​ຄິດ​ວ່າ​ທາງ​ແລນ​ເຮົາ​​ສາ­ມາດເຮັດ​ດີ​ກວ່າ ແລະ​ຮັບ​ມາດ­ຖານ​ຈິ່ງ​ເກີດ​ມີແນວ​ຄວາມ​ຄິດ​ມາ​ລົງ­ທຶນ​ສ້າງ​ໝູ່​ບ້ານຈັດ​ສັນ​ຂຶ້ນ​ໃນ​ພື້ນ​ທີ່​ເສດ­ຖະ­ກິດ​ເພື່ອ​ຮອງ​ຮັບ​ການ​ຂະ­ຫຍາຍ­ຕົວ​ຂອງ​ຕົວ​ເມືອງ​ອີກຢ່າງ​ເຫັນ​ວ່າ​ໃນ​ແງ່​ມອງ​ທາງ​ເສດ​ຖະກິດ​ການ​ລົງ­ທຶນ​ຂອງ​ຕ່າງ­ປະ­ເທດ​ຫຼາຍຂຶ້ນ ຈິ່ງ​ຕັດ­ສິນ​ໃຈ​ເພື່ອ​ເປັນ​ດ້ານ​ໜຶ່ງ​ເຂົ້າ​ການ​ພັດ­ທະ­ນາ.

ໂຄງ­ການ​ແມ່ນ​ເລີ່ມ​ມາ​ໄດ້​ປະ­ມານ 6 ເດືອນ​ລວມ​ມີ​ເນື້ອ­ທີ່ 30 ເຮັກ­ຕາ ໂດຍ​ແບ່ງ​ເປັນ 3 ເຂດ​ຊຶ່ງ​ໂຄງ­ການ​ເນັ້ນ ຂາຍ​ດິນ​ພ້ອມ​ເຮືອນ​ທີ່​ສາ­ມາດ​ຮອງ​ຮັບ ຄອບ­ຄົວ​ນ້ອຍ ແລະ​ໃຫຍ່ ປະ­ກອບ​ມີ 4 ແບບ​ຄື​ເຮືອນ​ຫຼັງ​ໃຫຍ່​ຊັ້ນ​ດຽວ 3 ຫ້ອງນອນ 3 ຫ້ອງ​ນ້ຳ, ມີ 2 ຫ້ອງ​ນອນ 2 2 ຫ້ອງ​ນ້ຳ, ເຮືອນ​ຫຼັງ 2 ຊັ້ນ​ແມ່ນ​ມີ 2 ແບບ​ໃຫ້​ລູກ​ຄ້າ​ໂດຍ​ສາ­ມາດ​ໃຫ້​ລູກ​ຄ້າສາ­ມາດ​ຜ່ອນ ແລະ​ຈ່າຍ​ສົດ​ໄດ້.

ປະ­ຈຸ​ບັນ​ໂຄງ­ການ​ກຳ­ລັງ​ເຮັດ​ເຮືອນຕົວ­ຢ່າງ ໂດຍ​ມີ​ສິ່ງ​ຈູງ​ໃຈ​ໃຫ້​ລູກ​ຄ້າ​ມາຊື້​ແມ່ນ​ຈະ​ແຖມ​ເຄື່ອງ​ເຟີ​ນິ​ເຈີ​ໃຫ້​ພ້ອມ ຊຶ່ງ​ເປີດ​ມາ​ໄດ້​ໄລ­ຍະ​ໜຶ່ງ​ລູກ​ຄ້າ​ມາ​ຈັບ ຈ່ອງ​ແລ້ວ 10 ຫຼັງ ໂຄງ­ການ​ດັ່ງ­ກ່າວ ແມ່ນ​ນັກ​ອອກ​ແບບ​ທີ່​ປະ­ສົບ​ການ​ຕົກແຕ່ງ​ມາ​ຫຼາຍ​ທີ່​ປະ­ເທດ​ໄທ​ໂດຍ​ຮັບ​ເຮັດອາ­ຄານ, ອາ​ພັດ​ເມັນ ແລະ​ໝູ່​ບ້ານ​ມາກ່ອນ.

ທ່ານ ວາ​ຣອດ ຈັນ­ທະ​ຣະ​ດາວ​ັລຍ໌ ຍັງ​ໃຫ້​ຮູ້​ຕື່ມ​ວ່າ: ໂຄງ­ການ​ນີ້​ຖື​ເປັນ​ໂຄງການ​ໃໝ່​ບ້ານ​ຈັດ​ສັນ​ໃນ​ຕົວ​ເມືອງທັນສະ­ໄໝ​ເນັ້ນ​ປະ­ໂຫຍດ​ໃຊ້​ສອຍ ແລະ​ຄຸນ ນະ​ພາບ​ງານ​ອອກ​ແບບ​ກໍ່­ສ້າງ​ຄຸ້ມ​ຄ່າ​ແກ່ການ​ພັກ​ອາ​ໃສ ແລະ​ການ​ລົງ­ທຶນ​ທີ່​ຮັບປະ­ກັນ​ມາດ­ຕະ­ຖານ​ການ​ເດີນ­ທາງ​ສະດວກ​ສະ­ບາຍ ນອກ​ນີ້ ຍັງ​ຮັບ​ຄວາມ​ປອດ ໄພ​ໂດຍ​ມີ​ຍາມ​ໄວ້ 24 ຊົ່ວ­ໂມງ ແລະ​ມີຄົນ​ອະ​ນາ​ໄມ້​ໃຫ້ ແລະ​ມີ​ສວນ​ສາ​ທາ​ໂດຍເປັນ​ພື້ນ​ທີ່​ສີ­ຂຽວ​ບໍ່​ຫ່າງ​ຈາກ​ຕົວ​ປານໃດ​ ນອກ​ນີ້​ຍັງ​ຈະ​ສ້າງ​ບ່ອນ​ອອກ­ກຳ­ລັງກາຍ ແລະ​ສະ​ລອຍ­ນ້ຳ​ທີ່​ຄົບ​ວົງ​ຈອນ.

ສຳ­ລັບ​ພໍ່​ແມ່​ປະ­ຊາ­ຊົນ​ຄົນ​ໃດ​ທີ່​ມີຄວາມ​ສົນ­ໃຈ​ຈຳ­ນວນ​ເຮືອນ​ດັ່ງ­ກ່າວ​ສາ­ມາດ​ເຂົ້າ​ສັ່ງ​ຈອງ​ເປັນ​ເຈົ້າ​ຂອງ​ໄດ້​ທີ່​ບ້ານ​ນາ​ຄວາຍ​ໃຕ້ ເມືອງ​ໄຊ​ເສດ​ຖາ ນະ­ຄອນ­ຫຼວງ​ວຽງ​ຈັນ.

ຂ່າວ: ເສດຖະກິດ-ສັງຄົມ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.