ແຮ​ມິລຕັດ ​ເວລາ​ດີ​ສຸດ​ຊ້ອມ​ຮອບ​ທຳ​ອິດ​ອອສ​ເຕຣລຽນ

​ເມີ​ເຊ​ເດ​ສ 1-2 ຮອບ​ຊ້ອມ​ຮອບ​ທຳ​ອິດ ອອສ​ເຕຣລຽນ ​ກຣັງປຣີ 2017.

ການ​ແຂ່ງຂັນ​ລົດ​ຟໍມູລາ ວັນ 2017 ອອສ​ເຕຣລຽນ ກຣັງປຣີ 2017 ລາຍການ​ທຳ​ອິດ​ຂອງ​ປີ ທີ່​ນະ​ຄອນ​ຫຼວງ​ເມລ​ເບິນ ປະ​ເທດ​ອົດ​ສະຕຣາລີ ​ເມື່ອ​ວັນ​ສຸກ​ທີ່​ຜ່ານ​ມາ ​ເປັນ​ຮອບ​ຝຶກ​ຊ້ອມ​ທຳ​ອິດ ຊຶ່ງ​ປີ​ນີ້​ມີ​ການ​ປັບ​ປ່ຽນ​ລົດ​ຫຼາຍ​ຢ່າງ ບໍ່​ວ່າ​ຈຈະ​ໜ້າ​ລໍ້​ກວ້າງ​ຂຶ້ນ ລວມ​ເຖິງ​ຂະໜາດ​ລົດ​ກວ້າງ​ຂຶ້ນ ດາວ​ນ໌ຟໍຫຼາຍຂຶ້ນ ​ເກາະ​ຖະໜົນ​ຫຼາຍ​ຂຶ້ນ​ແລະ​ເຮັດ​ໃຫ້​ຂັບ​ໄດ້​ໄວ​ຂຶ້ນ ປາກົດ​ວ່າ 2 ນັກ​ຂັບ​ເມີ​ເຊ​ເດ​ສ ລູອິສ ​ແຮ​ມິລ​ເຕັດ ​ແລະ ວັລ​ເທຣີ ບອດ​ຕາສ ທຳ​ເວລາ​ດີ​ສຸດ​ເປັນອັນ​ດັບ 1-2 ​ໂດຍ ​ແຮ​ມິລຕັນ ທຳ​ເວລາ​ຕໍ່​ຮອບ​ໄວ​ສຸດ 1 ນາທີ 24,220 ວິນາທີ ​ໄວ​ກວ່າ ບອດ​ຕາສ 0,0583 ວິນາທີ.
ຮອງ​ລົງມາ ດາ​ນຽນ ຣິກຄາ​ໂດ ຈາກ​ເຣດບລູ ​ເຣຊຊິງ ຊ້າ​ກວ່າ 0,666 ວິນາທີ ​ແລະ ​ແມັກ​ຊ ​ເວີສ​​ແຕປ​ເປ​ນ ຈາກ​ເຣດບລູ ​ເຊັນ​ກັນ​ຕາມ​ຫຼັງ 1.026 ວິນາທີ ຂະນະ​ທີ່ ຄີ​ມີ ​ໄຮ​ໂຄ​ເນນ ​ແລະ ​ເຊ​ບາສ​ຕຽນ ​ເວດ​ເທ​ລ ຂອງ​ເຟີຣາຣີ ​ເປັນອັນ​ດັບ 5 ​ແລະ 6 ຕາມ​ລຳດັບ.

ດ້ານ​ແມັກ​ຄາ​ເຣນ ບໍ່​ສູ້​ດີ​ປານ​ໃດ ​ເຟີ​ນານ​ໂດ ອໍ​ລອນ​ໂຊ ອະດີດ​ແຊ໋ມ​ໂລກ ຊ້າ​ກວ່າ​ເກືອບ 3 ວິນາທີ ​ແລະ ສະ​ເຕຟ​ເຟນ ຟາ​ນ ຟານ​ດອນ​ຢຶດອັນ​ດັບ​ສຸດ​ທ້າຍ​ຈາກ​ລົດ 20 ຄັນ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.