ໂຈ້ບຸນມີ ເພີ່ມທຶນຮ້ອຍຕື້ກວ່າກີບ ສ້າງສະຖານີຂົນສົ່ງສິນຄ້າສາກົນ

   ບໍ­ລິ­ສັດ ໂຈ້​ບຸນ​ມີ ກຣຸບ ຂົນ­ສົ່ງ​ສິນ­ຄ້າ​ສາ­ກົນ ໄອ​ຊີ​ດີ (ICD)ຈຳ­ກັດ​ຜູ້​ດຽວໄດ້​ເພີ່ມ​ການ​ລົງ­ທຶນ​ຈາກ 40 ຕື້​ກີບ ປະ­ມານ 5 ລ້ານ ໂດ​ລາ­ມາ​ເປັນ 160 ຕື້​ກີບ ຫຼື ປະ­ມານ 20 ລ້ານ​ໂດ​ລາ ເພື່ອ​ພັດ­ທະ­ນາລະ­ບົບ​ບໍ­ລິ­ການ​ການ​ຂົນ­ສົ່ງ​ສິນ­ຄ້າ​ສາ­ກົນ ໄອ​ຊີ​ດີ ຂອງ​ເນື້ອ­ທີ່14 ເຮັກຕາ ໃນ​ເຂດ​ດິນ​ສຳ​ປະ­ທານ​ທີ່​ເຂດ​ເສດ­ຖະ­ກິດ​ສະ­ເພາະ​ທ່າ​ແຂກ​ແຂວງຄຳ​ມ່ວນ ໃຫ້​ເປັນ​ສູນ​ລວມ​ການ​ຂົນ­ສົ່ງ​ຂອງ​ພາຍ​ໃນ, ພາກ​ພື້ນ, ອາຊຽນ ແລະ​ສາ­ກົນ, ຂະ­ນະ​ທີ່​ການ​ກໍ່­ສ້າງ​ໄດ້​ວາງ​ສີ​ລາ​ລືກ​ລົງ­ມື​ມາແຕ່ປາຍ​ເດືອນ​ຕຸ­ລາ 2015 ຮອດ​ດຽວ­ນີ້​ໄລ­ຍະ 1 ສຳ­ເລັດແລ້ວ ແລະ​ກຳ­ລັງ​ສືບ­ຕໍ່​ໄລ­ຍະ2.

   ຕາມ​ການ​ລາຍ​ງານ​ຂອງ​ເຈົ້າ​ໜ້າ­ທີ່​ຮັບ­ຜິດ­ຊອບ​ໂຄງ­ການ ບໍ­ລິ­ສັດໂຈ້ບຸນ​ມີກຣຸບ​ຂົນ­ສົ່ງ​ສິນ­ຄ້າສາ­ກົນ ໄອ​ຊີ​ດີ ຈຳ­ກັດຜູ້​ດຽວ ​ຮູ້​ວ່າ: ສາ­ເຫດ​ຂອງ​ການ​ເພີ່ມ​ທຶນ ເຂົ້າ​ໃສ່​ການ​ລົງ­ທຶນ​ໃນ​ຄັ້ງ​ນີ້​ກໍເພື່ອ ພັດທະ​ນາ​ລະ­ບົບ​ການ​ບໍ­ລິ­ການ​ຂົນ­ສົ່ງ​ຂອງລາວ​ໃຫ້​ໄດ້​ຕາມ​ເຕັກ­ນິກ​ມາດ­ຕະ­ຖານສາ­ກົນ​ມີ​ລະ­ບົບ​ກວດ​ສອບ ແລະ​ປ້ອງ​ກັນ ທັນ​ສະ­ໄໝ​ທີ່​ຮັບ­ປະ­ກັນ ເພື່ອ​ຮອງ​ຮັບການ​ຂົນ­ສົ່ງ​ຂອງ​ພາຍ​ໃນ ແລະ​ຕ່າງ​ປະເທດ​ບໍ່​ວ່າ​ຈະ​ເປັນ​ການ​ຂົນ­ສົ່ງ​ໂດຍ­ສານ,ການ​ຂົນ­ສົ່ງ​ສິນ­ຄ້າ, ຈອດ​ລົດ, ລະ­ບົບສາງ, ພຽງ​ແຫ່ງ​ດຽວ​ໃນ ສປປ ລາວ.

Untitled-1

    ເຈົ້າ​ໜ້າ­ທີ່​ຄຸ້ມ​ຄອງ​ເຂດ​ເສດ­ຖະ­ກິດ​ສະ­ເພາະ​ທ່າ​ແຂກ ແຂວງ​ຄຳ​ມ່ວນ ລາຍງານ​ວ່າ: ນີ້​ແມ່ນ​ຄວາມ​ກະ​ຕື​ລື​ລົ້ນ​ຂອງ ນັກ​ລົງ­ທຶນ​ກໍ່​ຄື​ບໍ­ລິ­ສັດ​ໂຈ້ ບຸນ​ມີ ກຣຸບ ຂົນສົ່ງ​ສິນ­ຄ້າ​ສາ­ກົນ ໄອ​ຊີ​ດີ ຈຳ­ກັດ ຜູ້​ດຽວໃຫ້​ມີ​ປະ­ສິດ­ທິ­ພາບ ແລະ​ປະ​ສິດ­ທິ​ຜົນ​ມີ ມາດ­ຕະ­ຖານ, ມີ​ຄວາມ​ທັນ​ສະ­ໄໝ ຊຶ່ງ ຈະ​ສົ່ງ​ຜົນ​ດີ​ຕໍ່​ຜູ້​ລົງ­ທຶນ ແລະ​ພາກ​ລັດ​ໃນ ການ​ຄຸ້ມ​ຄອງ ແລະ​ໃນ​ນາມ​ພາກ​ລັດ​ພວກ ເຮົາ​ກໍ​ໄດ້​ມີ​ການ​ຊີ້​ນຳ​ໃຫ້​ບໍ­ລິ­ສັດ​ດັ່ງ­ກ່າວນີ້​ດຳ­ເນີນ​ກິດ­ຈະ­ການ​ໃຫ້​ສອດ­ຄ່ອງ ຕາມ​ກົດ­ໝາຍ​ວ່າ​ດ້ວຍ​ການ​ສົ່ງ­ເສີມ​ການ ລົງ­ທຶນ ແລະ​ດຳ­ລັດ​ວ່າ​ດ້ວຍ​ເຂດ​ເສດ​ຖະ ກິດ​ພິ­ເສດ ແລະ​ເຂດ​ເສດ­ຖະ­ກິດ​ສະ­ເພາະ​ແລະ​ລະ­ບຽບ​ອື່ນໆ​ທີ່​ລັດ​ວາງ​ອອກ​ຢ່າງ ເຂັ້ມ​ງວດ, ຜ່ານ​ການ­ຈັດ­ຕັ້ງ​ປະ​ຈິ​ບັດ​ກໍ ເຫັນ​ວ່າ​ບໍ­ລິ­ສັດ​ມີ​ຄວາມ​ຕັ້ງ­ໃຈ​ເປັນ​ໄປ ຕາມ​ລະ­ບຽບ​ກົດ­ໝາຍ ແລະ​ຄິດ​ວ່າ​ຈະ ສ້າງ​ຜົນ​ປະ­ໂຫຍດ​ໃຫ້​ແກ່​ລັດ​ໄດ້​ຫຼາຍ​ພໍ ສົມ­ຄວນ ແລະ​ທາງ​ເຂດ​ກໍ່​ໄດ້​ອະ­ນຸ­ມັດ​ເນື້ອ ທີ່ 114 ເຮັກ­ຕາ​ໃຫ້​ບໍ­ລິ­ສັດ​ພັດ­ທະ­ນາ​ກິດ ຈະ​ການ, ສະ­ເພາະ​ທຶນ​ທີ່​ເພີ່ມ​ຂຶ້ນ​ເປັນ 20 ລ້ານ​ໂດ​ລາ​ນີ້ ແມ່ນ​ຈະ​ນຳ​ໃຊ້​ພັດ­ທະ­ນາ ສະ­ເພາະ​ເຂດ​ບໍ­ລິ­ການ​ຂົນ­ສົ່ງ​ສິນ­ຄ້າ​ສາ ກົນ​ໄອ​ຊີ​ດີ ຈຳ­ນວນ 14 ເຮັກ­ຕາ ແລະ ການ​ກໍ່­ສ້າງ​ມາ​ຮອດ​ປະ­ຈຸ​ບັນ​ນີ້​ສຳ­ເລັດໄລ­ຍະ​ທີ​ໜຶ່ງ ແລະ​ເປັນ​ໄປ​ຕາມ​ແຜນ​ໂຄງການ​ທີ່​ບໍ­ລິ­ສັດພວກ​ເຮົາ​ໄດ້​ວາງ​ໄວ້ ແລະ ຍັງ​ສືບ­ຕໍ່​ດຳ­ເນີນ​ການ​ກໍ່­ສ້າງ ແລະ​ຄາດ ຄະ­ເນ​ວ່າ​ຈະ​ສຳ­ເລັດ​ຕາມ​ແຜນ, ສ່ວນເນື້ອ­ທີ່​ຍັງ​ເຫຼືອ​ແມ່ນ​ຈະ​ດຳ­ເນີນ​ທຸ­ລະ​ກິດ ໃນ​ຮູບ​ແບບ​ອື່ນ​ໃນ​ຂະ­ແໜງ​ອຸດ​ສາ​ຫະກຳ​ການ​ຜະ­ລິດ.

ພາບ-ຂ່າວ: ເສດຖະກິດ-ສັງຄົມ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.