ໂອ​ເປັກ-​ນອກ​ກຸ່ມ​ໂອ​ເປັກ​ຮ່ວມ​ມື​ຫຼຸດ​ຜະລິດ​ນ້ຳມັນ

ໂອ​ເປັກ ​ແລະ ກຸ່ມ​ນອກ​ໂອ​ເປັກ ຮ່ວມ​ມື​ຫຼຸດ​ການ​ຜະລິດ​ນ້ຳມັນ​ຕາມ​ຂໍ້​ຕົກລົງ​ໃນ​ລະດັບ 94% ​ໃນ​ເດືອນ​ກຸມພາ​ທີ່​ຜ່ານ​ມາ.

ສຳນັກຂ່າວ​ຕ່າງປະ​ເທດ​ລາຍ​ງານ​ວ່າ: ທ່ານ ອະ​ເລັກ​ຊານ​ເດີ ​ໂນ​ວັ​ດ ລັດຖະມົນຕີ​ວ່າການ​ກະຊວງ​ພະລັງງານຣັດ​ເຊຍ​ເປີ​ດ​ເຜີຍ​ໃນ​ວັນ​ທີ່ 27 ມີນາ​ທີ່​ຜ່ານມາ​ວ່າ ກຸ່ມ​ປະ​ເທດ​ຜູ້​ສົ່ງ​ອອກ​ນ້ຳມັນ (​ໂອ​ເປັກ) ​ແລະ ຜູ້​ຜະລິດ​ນ້ຳມັນ​ນອກ​ກຸ່ມ​ໂອ​ເປັກ ​ໃຫ້​ຄວາມ​ຮ່ວມ​ມື​ຫຼຸດ​ກຳລັງການ​ຜະລິດ​ນ້ຳມັນ​ຕາມ​ຂໍ້​ຕົກລົງ​ໃນ​ລະດັບ 94% ​ໃນ​ເດືອນ​ກຸມພາ​ທີ່​ຜ່ານ​ມາ, ທ່ານ ​ໂນ​ວັດ ກ່າວ​ວ່າ ຣັດ​ເຊຍ​ຈະ​ຫຼຸ​ດກຳລັງ​ງານ​ຜະລິດ​ນ້ຳມັນ​ໃຫ້​ໄດ້ 3 ​ແສນ​ບາ​ເຣລຕໍ່​ມື້ ພາຍ​ໃນ​ທ້າຍ​ເດືອນ​ເມສາ ພ້ອມ​ກັບ​ຄາດ​ວ່າ ສະຕ໊ອກນ້ຳມັນ​ທົ່ວ​ໂລກ​ຈະ​ປັບ​ຕົວ​ຫຼຸດ​ລົງ​ໃນ​ໄລຍະ​ໄຕ​ມາດ 2 ຂອງ​ປີ​ນີ້.

ທັງ​ນີ້ ​ໃນ​ກອງ​ປະຊຸມ​ວັນ​ທີ 30 ພະຈິກ​ປີ​ທີ່​ຜ່ານ​ມາ ​ໂອ​ເປັກ​ໄດ້​ບັນລຸ​ຂໍ້​ຕົກລົງ​ປັບ​ຫຼຸດ​ກຳລັງ​ການ​ຜະລິດ​ນ້ຳມັນ​ລົງ 1,2 ລ້ານ​ບາ​ເຣລຕໍ່​ມື້ ຈາກ​ນັ້ນ​ໃນ​ໄລຍະ​ກາງ​ເດືອນ​ທັນວາ ຜູ້​ຜະລິດ​ນ້ຳມັນ​ນອກ​ກຸ່ມ​ໂອ​ເປັກ​ໄດ້​ຕົກລົງ​ທີ່​ຈະ​ປັບ​ຫຼຸດ​ກຳລັງ​ການ​ຜະລິດ​ລົງ 558.000 ບາ​ເຣລຕໍ່​ມື້ ​ໂດຍ​ມີ​ຜົນ​ບັງຄັບ​ໃນ​ວັນທີ່ 1 ມັງກອນ​ໃນ​ປີ​ນີ້ ​ແລະ ມີ​ກຳນົດ​ເປັນ​ເວລາ 6 ​ເດືອນ​ທີ່​ຈະ​ສິ້ນ​ສຸດ​ໃນ​ກາງ​ປີ​ນີ້.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.