ໄຂ້ຫວັດ​ສັດ​ປີກ​ສາຍ​ພັນ​ໃໝ່ A/H5N6 ລະບາດ​ຢູ່​ຫວຽດນາມ

ມີ​ໄກ່​ຕິດ​ເຊື້ອໄຂ້ຫວັດ​ສັດ​ປີກ​ສາຍ​ພັນ​ໃໝ່ A/H5N6 ຈຳນວນ 130 ​ໂຕ ​ໃນ​ແຂວງ​ກວາງ​ຈິທາງ​ພາກ​ກາງຂອງ​ຫວຽດນາມ ​ແລະ ທາງ​ການ​ໄດ້​ຂ້າ​ໄກ່​ໄປ​ແລ້ວ​ຈຳນວນ 200 ​ໂຕ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ກະຊວງ​ກະສິກຳ​ຫວຽດນາມ ​ແລະ ກົມ​ສຸຂະພາບ​ສັດ​ລາຍ​ງານ​ວ່າ ມີ​ການກວດ​ພົບ​ການ​ລຸກລາມ​ຂອງ​ພະຍາດໄຂ້ຫວັດ​ສັດ​ປີກ​ສາຍ​ພັນ​ໃໝ່ A/H5N6 ຊຶ່ງ​ເປັນ​ສາຍ​ພັນ​ໃໝ່​ໃນ​ແຂວງ​ກວາງ​ຈິ ທາງ​ພາກ​ກາງຂອງ​ປະ​ເທດ, ທັງ​ນີ້​ມີ​ໄກ່​ຕິດ​ເຊື້ອໄຂ້ຫວັດ​ສັດ​ປີກ​ສາຍ​ພັນ​ໃໝ່ A/H5N6 ຈຳນວນ 130 ​ໂຕ ​ໃນ​ວັນ​ທີ 9-17 ມີນາ​ທີ່​ຜ່ານ​ມາ ​ແລະ ທາງ​ການ​ໄດ້​ຂ້າ​ໄກ່​ໄປ​ແລ້ວ​ຈຳນວນ 200 ​ໂຕ, ຂະນະ​ນີ້​ຫວຽດນາມ​ມີ​ການ​ລາຍ​ງານ​ການ​ແພ່​ລະບາດ​ຂອງໄຂ້ຫວັດ​ສັດ​ປີກ​ສາຍ​ພັນ​ໃໝ່ A/H5N1 ​ໃນ 4 ​ແຂວງ ​ແລະ ສາຍ​ພັນ A/H5N6 ​ໃນ 2 ​ແຂວງ ​ໃນ​ໄລຍະ 21 ມື້​ທີ່​ຜ່ານ​ມາ ສົ່ງ​ຜົນ​ໃຫ້​ມີ​ການ​ຂ້າ​ໄກ່​ໄປ​ແລ້ວ​ຈຳນວນ 9 ພັ​ນ​ໂຕ.

​ເຈົ້າ​ໜ້າ​ທີ່​ສາທາລະນະ​ສຸກ​ຫວຽດນາມ​ຍັງ​ອອກ​ປະກາດ​ເຕືອນ​ວ່າ ໄຂ້ຫວັດ​ສັດ​ປີກ​ສາຍ​ພັນ​ໃໝ່ A/H7N9, A/H5N2  ​ແລະ A/H5N8 ມີ​ທ່າ​ອຽງ​ທີ່​ຈະ​ເຂົ້າ​ສູ່​ຫວຽດນາມ​ຈາກ​ການ​ຂົນ​ສົ່​ງ ​ແລະ ການ​ບໍລິ​ໂພ​ກສັດປີກ​ທີ່​ເຂົ້າປະ​ເທດ​ແບບ​ຜິດ​ກົດໝາຍ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.