ໄຂ​ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 3 ຂອງ​ສະ­ພາ​ແຫ່ງ​ຊາດ​ຊຸດ​ທີ VIII

ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 3 ຂອງ​ສະ­ພາ​ແຫ່ງ​ຊາດ​ຊຸດ​ທີ VIII ໄດ້​ໄຂ​ຂຶ້ນ​ຢ່າງ​ເປັນ​ທາງ​ການ​ໃນ​ວັນ​ທີ 25 ເມ­ສາ​ຜ່ານ​ມາ​ທີ່​ຫໍ​ປະ­ຊຸມ​ສະ­ພາ​ແຫ່ງ​ຊາດ ໂດຍ​ການ​ເປັນ​ປະ­ທານ​ຂອງ​ທ່ານ​ນາງ ປາ­ນີ ຢາ​ທໍ່​ຕູ້ ປະ­ທານ​ສະ­ພາ​ແຫ່ງ​ຊາດ, ເປັນ​ກຽດ​ເຂົ້າ​ຮ່ວມ​ຂອງ​ທ່ານ ບຸນ​ຍັງ ວໍ­ລະ​ຈິດ ປະ­ທານ​ປະ­ເທດ​ແຫ່ງ ສປປ ລາວ, ທ່ານ ທອງ​ລຸນ ສີ​ສຸ​ລິດ ນາ­ຍົກ­ລັດ­ຖະ­ມົນ­ຕີ, ມີ​ຮອງ​ນາ­ຍົກ­ລັດ­ຖະ­ມົນ­ຕີ, ບັນ­ດາ​ລັດ­ຖະ­ມົນ­ຕີ, ຄະ­ນະ​ປະ­ຈຳ​ສະ­ພາ​ແຫ່ງ​ຊາດ, ພ້ອມ​ດ້ວຍ​ບັນດາ​ສະ­ມາ­ຊິກ​ສະ­ພາ​ແຫ່ງ​ຊາດ ແລະ​ພາກ­ສ່ວນ​ທີ່​ກ່ຽວ­ຂ້ອງ​ເຂົ້າ​ຮ່ວມ.

ທ່ານ​ນາງ ປາ­ນີ ຢາ​ທໍ່​ຕູ້ ກ່າວ​ສູນ ທອນ​ພົດ​ເປີດ​ກອງ​ປະ­ຊຸມ​ວ່າ: ໃນ​ກອງ​ປະ­ຊຸມ​ຄັ້ງ​ນີ້​ແມ່ນ​ຈະ​ໄດ້​ສຸມ​ໃສ່​ພິ­ຈາ­ລະ­ນາ ແລະ​ຕົກ­ລົງ​ບາງ​ບັນ­ຫາ​ສຳ­ຄັນ​ຂອງ​ຊາດ ເປັນ­ຕົ້ນ​ຮັບ​ຟັງ​ການ​ລາຍ​ງານ​ໂດຍ​ສັງ­ເຂບ​ຂອງ​ທ່ານ​ນາ­ຍົກ­ລັດ­ຖະ­ມົນ­ຕີ​ກ່ຽວກັບ​ການ­ຈັດ­ຕັ້ງ​ປະ­ຕິ­ບັດ​ແຜນ​ວຽກ​ຈຸດ​ສຸມ​ໃນ​ໄລ­ຍະ 6 ເດືອນ​ຜ່ານ​ມາ ແລະ​ ທິດທາງ​ແຜນ­ການ​ໃນ­ຕໍ່­ໜ້າ​ຂອງ​ລັດ­ຖະ­ບານ, ສະ­ຫຼຸບ​ການ­ຈັດ­ຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ເສດ­ຖະ­ກິດŒສັງ­ຄົມ​ໝົດ​ປີ 2016 ແລະ​ການ​ຜັນ​ຂະ­ຫຍາຍ​ຈັດ​ຕັ້ງ​ປະ­ຕິ­ບັດ​ແຜນ​ປີ 2017, ຜົນ​ການ­ຈັດ­ຕັ້ງ​ປະ­ຕິ­ບັດ​ແຜນ​ງົບ­ປະ­ມານ​ແຫ່ງ​ລັດ 3 ເດືອນ​ຂ້າມ​ຜ່ານ, ສະ­ພາບ​ການ­ຈັດ­ຕັ້ງ​ປະ­ຕິ­ບັດ​ແຜນ​ງົບ­ປະ­ມານ​ແຫ່ງ​ລັດ​ງວດ 1 ແລະ​ຄາດ­ໝາຍ 9 ເດືອນ​ປະ­ຈຳ​ປີ 2017, ພິ­ຈາ­ລະ­ນາ ແລະ​ຮັບ­ຮອງ​ບົດ​ລາຍ​ງານ​ກ່ຽວ​ກັບ​ສະ­ພາບ​ການ​ຄຸ້ມ​ຄອງ​ລາ­ຄາ​ສິນ­ຄ້າ, ທິດ​ທາງ ແລະ​ມາດ​ຕະ­ການ​ແກ້​ໄຂ​ບັນ­ຫາ​ດັ່ງ­ກ່າວ​ໃນ­ຕໍ່­ໜ້າ, ພິ­ຈາ­ລະ­ນາ ແລະ​ຮັບ­ຮອງ​ການ​ເລືອກ​ຕັ້ງ​ປະ­ທານ​ອົງ­ການ​ກວດ​ສອບ​ແຫ່ງ​ລັດ ແລະ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ຂອງ​ອົງ­ການ​ກວດ​ສອບ​ໃນ​ໄລ­ຍະ 5 ປີ­ຜ່ານ­ມາ ແລະ​ທິດ​ທາງ​ແຜນ­ການ 5 ປີ​ຕໍ່­ໜ້າ (2017Œ2021).

ນອກ​ນັ້ນ ຍັງ​ຈະ​ໄດ້​ພິ­ຈາ­ລະ­ນາ ແລະ​ຮັບ­ຮອງ​ບົດ​ລາຍ​ງານ​ອົງ­ການ​ໄອ​ຍະ​ການ​ປະ­ຊາ­ຊົນ​ສູງ​ສຸດ​ກ່ຽວ​ກັບ​ການ​ປະ​ຕິບ​ັັດ​ສິດ​ສັ່ງ​ຟ້ອງ​ຄະ­ດີ​ອາ­ຍາ​ຂຶ້ນ​ສານ ແລະ​ການ​ເຂົ້າ​ຮ່ວມ​ດຳ­ເນີນ​ຄະ­ດີ​ແພ່ງ​ຢູ່​ທີ່​ປະ­ຊຸມ​ສານ​ໃນ​ໄລ­ຍະ​ຜ່ານ​ມາ, ທິດ​ທາງ​ປັບ­ປຸງ ແລະ​ຍົກ​ສູງ​ຄຸນ​ນະ­ພາ​ບວຽກ​ງານ​ດັ່ງ­ກ່າວ​ໃນ​ຊຸມ​ປີ​ຕໍ່­ໜ້າ, ຮັບ­ຮອງ​ບົດ​ລາຍ​ງານ​ສານ​ປະ­ຊາ­ຊົນ​ສູງ​ສຸດ​ກ່ຽວ​ກັບ​ການ​ດຳ­ເນີນ​ຄະ­ດີ​ຢູ່​ສານ​ຂັ້ນ​ຕົ້ນ ແລະ​ສານ​ຂັ້ນ​ອຸ­ທອນ​ໃນ​ໄລ­ຍະ​ຜ່ານ​ມາ, ທິດ​ທາງ​ປັບ­ປຸງ ແລະ​ຍົກ​ສູງ​ສຸດ​ຄຸນ​ນະ­ພາ​ບວຽກ​ງານ​ດັ່ງ­ກ່າວ​ໃນ​ຊຸມ​ປີ​ຕໍ່­ໜ້າ, ພິ­ຈາ­ລະ­ນາ​ຮັບ­ຮອງ​ເອົາ​ການ​ແຕ່ງ­ຕັ້ງ​ຮອງ​ປະ­ທານ​ກຳ­ມາ​ທິ​ການ​ກົດ­ໝາຍ​ຕາມ​ການ​ສະ­ເໜີ​ຂອງ​ຄະ­ນະ​ປະ­ຈຳ​ສະ­ພາ​ແຫ່ງ​ຊາດ, ຮັບ​ຟັງ​ການ​ລາຍ​ງານ​ກ່ຽວ​ກັບ​ການ​ປະ­ຕິ­ບັດ​ໜ້າ­ທີ່​ຂອງ​ຄະ­ນະ​ປະ­ຈຳ​ສະ­ພາ​ແຫ່ງ​ຊາດ​ລະ­ຫວ່າງ​ສອງ​ກອງ​ປະ­ຊຸມ ແລະ​ທິດ​ທາງ​ວຽກ​ງານ 9 ເດືອນ​ປະ­ຈຳ​ປີ​ໃນ­ຕໍ່­ໜ້າ.

ພ້ອມ​ດຽວ​ກັນ​ນີ້ ກໍ​ໄດ້​ພິ­ຈາ­ລະ­ນາ​ຮັບ­ຮອງ​ເອົາ​ການ​ສ້າງ, ການ​ປັບ­ປຸງ​ກົດ­ໝາຍ ແລະ​ການ​ທາບ​ທາມ​ຮ່າງ​ກົດ­ໝາຍ ຊຶ່ງ​ລວມ​ມີ​ທັງ​ໝົດ 14 ສະ­ບັບ ໃນ​ນັ້ນ ຮ່າງ​ກົດ­ໝາຍ​ສ້າງ​ໃໝ່​ມີ 5 ສະ­ບັບ​ປະ­ກອບ​ມີ​ຮ່າງ​ກົດ­ໝາຍ​ວ່າ​ດ້ວຍ​ການ​ປົກ​ປ້ອງ​ຂໍ້​ມູນ​ເອ​ເລັກ​ໂຕຣ​ນິກ, ກົດ­ໝາຍ ວ່າ​ດ້ວຍ​ຄື້ນ​ຄວາມ​ຖີ່​ວິ­ທະ­ຍຸ​ສື່­ສານ, ກົດ ໝາ­ຍວ່າ​ດ້ວຍ​ສິ­ລະ​ປະ​ການ­ສະ­ແດງ, ກົດ­ໝາຍ​ວ່າ​ດ້ວຍ​ສົນ­ທິ­ສັນ­ຍາ ແລະ​ສັນ­ຍາ​ສາ­ກົນ ແລະ​ປະ­ມວນ​ກົດ­ໝາຍ​ອາ­ຍາ, ສ່ວນ​ກົດ­ໝາຍ​ສະ­ບັບ​ປັບ­ປຸງ​ມີ 8 ສະ­ບັບ ປະ­ກອບ​ມີ ຮ່າງ​ກົດ­ໝາຍ​ວ່າ​ດ້ວຍ​ອົງ­ການ ໄອ​ຍະ​ການ​ປະ­ຊາ­ຊົນ, ສານ​ປະ­ຊາ­ຊົນ, ວ່າ​ດ້ວຍ​ນ້ຳ ແລະ​ຊັບ­ພະ­ຍາ­ກອນ​ນ້ຳ, ກົດ­ໝາຍ​ວ່າ​ດ້ວຍ​ສະ­ຖິ­ຕິ, ກົດ­ໝາຍ​ວ່າ​ດ້ວຍ​ໄຟ­ຟ້າ ແລະ​ກົດ­ໝາຍ​ວ່າ​ດ້ວຍ​ຄະ­ນະ​ຊາວ​ໝຸ່ມ​ປະ­ຊາ­ຊົນ​ປະ­ຕິ­ບັດ​ລາວ, ກົດ­ໝາຍ​ວ່າ​ດ້ວຍ​ກຳ­ລັງ​ປ້ອງ​ກັນ​ຄວາມ​ສະ­ຫງົບ​ປະ­ຊາ­ຊົນ ແລະ​ກົດ­ໝາຍ​ວ່າ​ດ້ວຍ ເລືອກ​ຕັ້ງ​ສະ­ມາ­ຊິກ​ສະ­ພາ​ແຫ່ງ​ຊາດ ແລະ​ສະ­ພາ​ປະ­ຊາ­ຊົນ​ແຂວງ, ພ້ອມ​ທັງ​ທາບທາມ​ປະ­ມວນ​ກົດ­ໝາຍ​ແພ່ງ.

ຂ່າວ: ເສດຖະກິດ-ສັງຄົມ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.