ໄຊຍະບູລີ ພັດທະນາຂະແໜງແຮງງານໃຫ້ສົມຄູ່ກັນ

ເພື່ອສ້າງກຳລັງແຮງງານທີ່ເພີ່ມຂຶ້ນຕາມຄວາມຕ້ອງການຂອງຕະຫຼາດ ຕາມທິດການຂອງການຫັນເປັນອຸດສາ ຫະກຳ ແລະທັນສະໄໝພະແນກແຮງງານ ແລະສະຫວັດດີການສັງຄົມ ແຂວງໄຊ ຍະບູລີຈະຊຸກຍູ້ບັນດາໂຮງຮຽນວິຊາຊີບສ້າງແຮງງານໃນຂະແໜງການຕ່າງໆ ໃຫ້ເຂັ້ມແຂງແນໃສ່ຕອບສະໜອງບຸກ ຄະລາກ່ອນແກ່ຜູ້ຈ້າງງານໄດ້ຫຼາກຫຼາຍ ແລະປະຊາຊົນໃຫ້ມີອາຊີບຕິດຕາມມີ ວຽກເຮັດງານທຳທີ່ໝັ້ນຄົງຂຶ້ນ.

ທ່ານ ນາງ ແພງຈັນ ແກ້ວມະນີວົງ ຫົວໜ້າພະແນກແຮງງານ ແລະສະຫວັດດີການສັງຄົມແຂວງໄຊຍະບູລີໄດ້ຊີ້ແຈງວ່າ ໃນປະຈຸບັນທົ່ວແຂວງມີໂຮງຮຽນວິ ຊາຊີບ 5 ແຫ່ງ ໃນນີ້ເປັນຂອງລັດ 1 ແຫ່ງ ແລະຂອງເອກະຊົນ 4 ແຫ່ງ ໃນແຕ່ລະປີ ທາງແຂວງກໍ່ໄດ້ສົ່ງນັກຮຽນໄປເສັງເຂົ້າຮຽນຕໍ່ວິຊາຊີບຕ່າງໆເປັນປົກກະຕິ ເຊິ່ງໃນສົກປີ 2015-2016 ມີທັງໝົດ 107 ຄົນ, ຍິງ 42 ຄົນໃນນີ້ຢູ່ສະຖາບັນ ພັດທະນາສີມືແຮງງານລາວ-ເກົາຫຼີມີ 88 ຄົນ, ຍິງ 34 ຄົນ ແລະຢູ່ສູນພັດທະນາສີ ມືແຮງງານພາກເໜືອແຂວງອຸດົມໄຊ 20 ຄົນ, ຍິງ 9 ຄົນ.

ໄດ້ປະສານສົມທົບກັບບັນດາຂະແໜງການ: ຫົວໜ່ວຍແຮງງານບັນດາສູນຝຶກວິຊາຊີບ ແລະສູນພັດທະນາສີມືແຮງງານທັງພາກລັດ ແລະເອກະຊົນຊຶ່ງສັງລວມໄດ້ທັງໝົດ 137 ຄົນ, ຍິງ 103 ຄົນ, ຈັດຝຶກອົບຮົມວິຊາຊີບ ແລະພັດທະນາສີມືແຮງງານໃຫ້ນາຍຊ່າງ ແລະກຳມະກອນຂອງບັນດາຫົວໜ່ວຍແຮງງານພາຍໃນ ແຂວງຈຳນວນ 4.678 ຄົນ, ຍິງ 2.038 ຄົນປະສານສົມທົບກັບຫົວໜ່ວຍແຮງ ງານໂຄງການ ແລະພາກສ່ວນກ່ຽວຂ້ອງ ລົງເກັບກຳຂໍ້ມູນຕຳແໜ່ງງານຫວ່າງຢູ່ບໍລິສັດໄຟຟ້າຫົງສາ ແລະໂຄງການເຂື່ອນໄຟຟ້ານໍ້າຂອງມີ 371 ຕໍາແໜ່ງ, ຂຶ້ນທະບຽນຜູ້ຕ້ອງການມີວຽກເຮັດງານທໍາໄດ້ 768 ຄົນ, ຍິງ 242 ຄົນ ແລະເກັບກຳຂໍ້ມູນການຈັດຫາງານພາຍໃນມີ 827 ຄົນ, ຍິງ 266 ຄົນ ເທົ່າກັບ 10,6% ຂອງແຜນການປີ.

ສັງລວມແລ້ວໃນປີ 2016ນີ້ມີແຮງງານລາວໄປອອກແຮງງານຢູ່ປະເທດ ໄທແບບບໍ່ຖືກຕ້ອງທັງໝົດ 5.773 ຄົນ, ຍິງ 2.977 ຄົນ ຂະນະທີ່ການຄຸ້ມຄອງແຮງງານປະຈຸບັນໃນທົ່ວແຂວງມີຫົວໜ່ວຍແຮງງານທັງໝົດ 692 ແຫ່ງ, ມີແຮງງານທັງໝົດ 13.280 ຄົນ, ຍິງ 2.540 ຄົນ ໃນນີ້ມີແຮງງານລາວ 6.942 ຄົນ, ຍິງ 1.801 ຄົນ ແລະແຮງງານຕ່າງປະເທດ 6.338 ຄົນ, ຍິງ 739 ຄົນ ມີແຮງງານຫວຽດນາມ 812 ຄົນ, ຍິງ 118 ຄົນ ແຮງງານຈີນ 1.106 ຄົນ, ຍິງ 205 ຄົນ, ແຮງງານໄທ 3.598 ຄົນ, ຍິງ 386 ຄົນ, ແຮງງານພີລິບປິ່ນ 731 ຄົນ, ກໍາປູເຈຍ 27 ຄົນ ແລະ ແຮງງານ ອື່ນໆອີກ 64 ຄົນ, ຍິງ 3 ຄົນ.

ໄດ້ລົງເຜີຍແຜ່ກົດໝາຍວ່າດ້ວຍແຮງ ງານຢູ່ບັນດາຫົວໜ່ວຍແຮງງານໄດ້ 23 ຄັ້ງ ມີຜູ້ເຂົ້າຮ່ວມ 1.724 ຄົນ, ຍິງ 440 ຄົນ, ເຜີຍແຜ່ຄໍາສັ່ງເລກທີ 62/ນຍ ກ່ຽວກັບການຂຶ້ນທະບຽນ ແລະອອກບັດອະນຸຍາດເຄື່ອນໄຫວຊົ່ວຄາວຂອງຄົນ ຕ່າງປະເທດສາມາດຂຶ້ນທະບຽນໄດ້ 481 ຄົນ, ຍິງ 106 ຄົນ ໃນນີ້ໄດ້ປັບປຸງສະຖານນະພາບ 168 ຄົນ ຊໍາລະ 313 ຄົນ.

ທ່ານຍັງໃຫ້ຮູ້ຕື່ມວ່າໃນຊຸມປີຕໍ່ໜ້ານີ້ ຕ້ອງໄດ້ຊຸກຍູ້ຫົວໜ່ວຍແຮງງານທຸລະກິດ ແລະໂຄງການຕ່າງໆໃນທົ່ວແຂວງ ທີ່ມີຜູ້ໃຊ້ແຮງງານກັບຜູ້ອອກແຮງງານເພື່ອເປັນການປົກປ້ອງຜົນປະໂຫຍດອັນ ຊອບທຳຂອງຜູ້ອອກແຮງງານປະສານສົມທົບກັບບັນດາໂຮງຮຽນວິຊາຊີບ ຕ່າງໆ ເພື່ອໃຫ້ໄວໜຸ່ມໄດ້ເຂົ້າຝຶກອົບຮົມ ວິຊາຊີບໃຫ້ໄດ້ 4.000 ຄົນ ລົງເກັບກໍາ ຂໍ້ມູນຜູ້ທີ່ຮຽນຈົບວິຊາຊີບພວມຫວ່າງງານນັກຮຽນຈົບມໍຕົ້ນ, ມໍປາຍທີ່ບໍ່ມີເງື່ອນໄຂໄປຮຽນຕໍ່ໃຫ້ໄດ້ເຂົ້າຮຽນໂຮງຮຽນ ວິຊາຊີບມີຈຳນວນ 3.500 ຄົນ ເພື່ອຕອບສະໜອງ ແລະຮອງຮັບໃຫ້ແກ່ບັນ ດາຫົວໜ່ວຍແຮງງານ, ໂຮງການຕ່າງໆຕື່ມອີກ.

ຂ່າວ: ເສດຖະກິດ-ສັງຄົມ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.