ໄຊ​ຍະ​ເກັບ​ລາຍ​ຮັບ​ໄດ້​ແລ້ວ 143 ຕື້​ກວ່າ​ກີບ

ໄຊ​ຍະ​ບູ​ລີ​ແມ່ນ​ອີກ​ແຂວງ​ໜຶ່ງ​ທີ່ມີ​ຄວາມ​ເອົາ­ໃຈ­ໃສ່​ໃນ​ການ­ຈັດ­ຕັ້ງ​ປະ­ຕິບັດ​ແຜນ​ງົບ­ປະ­ມານ​ໃຫ້​ໄປ​ຕາມ​ແຜນ­ການ​ທີ່​ວ່າງ​ໄວ້ ຊຶ່ງ​ໃນ​ງວດ​ທຳ​ອິດ​ປີ 2017 ນີ້​ ແຂວງ​ດັ່ງ­ກ່າວ​ສາ­ມາດ​ເກັບລາຍ​ຮັບ​ເຂົ້າ​ງົບ​ໄດ້ 143,9 ຕື້​ກີບ ສ່ວນລາຍ​ຈ່າຍ​ມີ 92 ຕື້​ກວ່າ​ກີບ.

16 ມີນາ 2017 ທີ່ຜ່ານມາ ແຂວງ​ໄຊ​ຍະ​ບູລີ ໄດ້​ຈັດ​ກອງ​ປະ­ຊຸມ​ການ​ລາຍ​ງານ​ການຈັດ​ຕັ້ງ​ປະ­ຕິ­ບັດ​ແຜນ​ງົບ­ປະ­ມານ​ງວດ I ການ​ເກັບ​ຂໍ້​ມູນ ແລະ​ສຳ​ຫຼວດ​ຖານລາຍ​ຮັບ​ງົບ­ປະ­ມານ​ຄືນ­ໃໝ່​ໄລ­ຍະ II ຂຶ້ນທີ່​ຫ້ອງ​ປະ­ຊຸມ​ຫ້ອງ​ວ່າ­ການ​ປົກ­ຄອງແຂວງ ເຂົ້າ​ຮ່ວມ​ມີ​ທ່ານ ທິບ​ພະ​ກອນ ຈັນ­ທະ​ວົງ­ສາ ຮອງ​ລັດ­ຖະ­ມົນ­ຕີ​ກະ­ຊວງການ​ເງິນ, ທ່ານ ເພັງ​ນິ​ລັນ ຄຳ​ພັນ​ເພັງ ຮອງ​ເຈົ້າ­ແຂວງ​ໄຊ​ຍະ​ບູ​ລີ, ມີ​ບັນ­ດາທ່ານ​ຫົວ­ໜ້າ​ກົມ, ຮອງ​ຫົວ­ໜ້າ​ກົມ​ຈາກກະ­ຊວງ​ການ​ເງິນ, ມີ​ບັນ­ດາ​ທ່ານ​ກຳ­ມະ­ການ​ປະ­ຈຳ​ພັກ​ແຂວງ, ກຳ­ມະ­ການ​ພັກ​ແຂວງ, ຫົວ­ໜ້າ, ຮອງ​ຫົວ­ໜ້າ​ພະ­ແນກ­ການ​ອ້ອມ​ຂ້າງແຂວງ​ພ້ອມ​ດ້ວຍ​ພະ­ນັກ­ງານ-ວິ­ຊາ​ການທີ່​ກ່ຽວ­ຂ້ອງ​ເຂົ້າ​ຮ່ວມ.

ທ່ານ ບຸນ​ແທນ ທິ​ແກ້ວ ຫົວ­ໜ້າ​ພະ­ແນກ­ການ​ເງິນ ແຂວງ​ໄຊ​ຍະ​ບູ​ລີ ໄດ້​ລາຍ​ງານ​ການ­ຈັດ­ຕັ້ງ​ປະ­ຕິ­ບັດ​ແຜນ​ງົບ­ປະ­ມານ​ງວດ​ທີ I ວ່າ ປີ 2017 ແຂວງ​ໄຊ​ຍະ​ບູ​ລີ​ມີ​ຕົວ​ເລກ​ແຜນ­ການ​ເກັບ​ລາຍ​ຮັບ​ທັງ​ໝົດ 543,3 ຕື້​ກວ່າ​ກີບ​ຕົວ​ເລກ​ລາຍ​ຮັບພາຍ​ໃນ 213 ຕື້​ກວ່າ​ກີບ, ແຜນ​ລາຍ​ຮັບດຸນ​ດ່ຽງ​ຈາກ​ສູນ​ກາງ 312,27 ຕື້​ກີບ, ຕົວ​ເລກ​ແຜນ​ລາຍ​ຈ່າຍ​ທັງ​ໝົດ 543,3 ຕື້​ກີບ, ລາຍ​ຈ່າຍ​ປົກ­ກະ­ຕິ 518,86 ຕື້ ກີບ.

ຜ່ານ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານເກັບ​ລາຍ​ຮັບ​ງົບ­ປະ­ມານ​ແຫ່ງ​ລັດ, ຮອດ​ປະ­ຈຸ​ບັນ​ເກັບ​ລາຍ​ຮັບ​ທັງ​ໝົດ 143,92 ຕື້​ກີບ, ເທົ່າ​ກັບ 28,08% ຂອງ​ແຜນການ​ປີ, ລາຍ​ຮັບ​ພາຍ​ໃນ​ປະ­ຕິ­ບັດ​ໄດ້ 40,14 ຕື້​ກີບ, ເທົ່າ​ກັບ 18,84% ລາຍ ຮັບ​ພາ­ສີ (ສູນ​ກາງ) 103,7 ຕື້​ກີບ, ຮັບ​ເງິນ​ດຸນ​ດ່ຽງ​ຈາກ​ສູນ​ກາງ​ຮອດ​ປະ­ຈຸ​ບັນ ປະ­ຕິ­ບັດ​ໄດ້ 58 ຕື້​ກີບ, ລາຍ​ຈ່າຍ​ປົກກະ­ຕິ​ຮອດ​ປະ­ຈຸ​ບັນ​ປະ­ຕິ­ບັດ​ໄດ້ 92,3 ຕື້​ກີບ ເທົ່າ​ກັບ 17,28% ຂອງ​ແຜນ­ການປະ­ຈຳ​ປີ, ສ່ວນ​ການ​ເບິກ​ຈ່າຍ​ເງິນ­ເດືອນ​ຮອດ​ວັນ​ທີ່ 14 ມີ­ນາ 2017 ໃນ​ທົ່ວ ແຂວງ​ສາ­ມາດ​ປະ­ຕິ­ບັດ​ໄດ້ 57,71% ຂອງ​ຄັງ​ເງິນ­ເດືອນ​ທົ່ວ​ແຂວງ ແລະ​ພວມກຳ­ລັງ​ປະ­ຕິ­ບັດ​ໃນ​ເດືອນ 42,29%.

ຂ່າວ: ຕາ​ເລັກ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.