ໄຟໄໝ້ກຸດຕິວັດທາດຫຼວງຍັງປະເມີນຜົນເສຍຫາຍບໍ່ໄດ້

ຈາກເຫດການອັກຄີໄພເກີດໄຟໄໝ້ກຸດຕິຢູ່ວັດທາດຫຼວງເໜືອ ເມືອງໄຊເສດຖາ ນະຄອນຫຼວງວຽງຈັນໃນຄ່ຳຄືນ ວັນທີ 18 ເມສາຜ່ານມາ ຊຶ່ງໄດ້ມີມູນຄ່າ ການເສຍຫາຍຫຼາຍແຕ່ຍັງບໍ່ສາມາດປະ ເມີນ ແລະຫາສາເຫດໄດ້ເທື່ອປະຈຸບັນແມ່ນຍັງຢູ່ໃນຂັ້ນຕອນ ຂອງການສືບສວນ-ສອບສວນຂອງເຈົ້າ ໜ້າທີ່ກ່ຽວຂ້ອງ.

ວັນທີ 19 ເມສາ 2019 ທ່ານ ພັທ ຈັນຫອມ ແກ້ວສຸລະໄຊ ຫົວໜ້າຫ້ອງຕໍາ ຫຼວດກອງບັນຊາການ ປກສ ນະຄອນ ຫຼວງວຽງຈັນໄດ້ລາຍງານໃຫ້ຮູ້ວ່າ: ອີງ ຕາມຄໍາໃຫ້ການຂອງພະອາຈານພາຍ ໃນໃຫ້ຮູ້ວ່າ: ໃນເວລາ 18:40 ໂມງ ວັນ ທີ 18 ເມສາ 2019 ໄດ້ມີເກີດເຫດໄຟ ໄໝ້ກຸດຕິຄູບາ ແລະຈົວຢູ່ວັດທາດຫຼວງ ເໜືອ ຊຶ່ງເປັນກຸດຕິສອງຊັ້ນ, ຊັ້ນລຸ່ມກໍ່ ດ້ວຍສີມັງ, ຊັ້ນເທິງແອ້ມດ້ວຍແປ້ນ, ປູ ດ້ວຍແປ້ນ ສ່ວນຫຼັງຄາມຸງດ້ວຍ ກະເບື້ອງ ກຸດຕິດັ່ງກ່າວມີລວງຍາວ 25 ແມັດ, ກວ້າງ 8 ແມັດມີທັງໝົດ 20 ຫ້ອງ, ມີຄູບາອາໄສຢູ່ຈໍານວນ 25 ອົງ ກ່ອນຈະເກີດເຫດການໄຟໄໝ້ໃນເວລາ 18:35 ໂມງຂອງມື້ດຽວກັນໄດ້ມີໄຟ ມອດປະມານ 1-2 ນາທີ ຈາກນັ້ນໄຟຟ້າ ກໍມາ ແລະຕໍ່ມາໄຟຟ້າໄດ້ມອດອີກເປັນ ຄັ້ງທີສອງຈາກນັ້ນຈຶ່ງເກີດໄຟລຸກໄໝ້ຢູ່ ຝາກຸດຕິດ້ານຫຼັງຫ້ອງເຄິ່ງກາງ ພ້ອມ ກັນນັ້ນຄູບາ ແລະຈົວໄດ້ພາກັນມອດແຕ່ ບໍ່ສາມາດມອດໄດ້ຈຶ່ງເຮັດໃຫ້ໄຟລຸກລາມ ໄປຫົວກຸດຕິຈາກນັ້ນຈຶ່ງໄດ້ປະສານຫາ ລົດມອດໄຟປະກອບມີ 6 ຄັນ ໃນນັ້ນ ລົດມອດໄຟຈາກພະແນກສະກັດກັ້ນອັກ ຄີໄພ ປກສ ນະຄອນຫຼວງວຽງຈັນ 3 ຄັນ, ຈາກກົມຕໍາຫຼວດມອດໄຟ 1 ຄັນ, ໜ່ວຍກູ້ໄຟ 1623 1 ຄັນ ແລະ ປກສ ເມືອງໄຊເຊດຖາ 1 ຄັນ ພ້ອມທັງໃຊ້ກໍາ ລັງຄົນທັງໝົດ 40 ຄົນ ເຂົ້າມາຊ່ວຍ ມອດໄຟຈົນຮອດເວລາ 20:00 ໂມງ ຈຶ່ງສາມາດມອດໄຟໄດ້ໂດຍຄູບາ ແລະ ຈົວປອດໄພ.

ກຸດຕິວັດທາດຫຼວງເໜືອ ຊຶ່ງເປັນກຸດ ຕິທີ່ໄດ້ນໍາໃຊ້ມາຫຼາຍສິບປີແລ້ວສຳລັບ ຜົນເສຍຫາຍກໍແມ່ນໄດ້ສູນເສຍກຸດຕິ 1 ຫຼັງ ສ່ວນມູນຄ່າການເສຍຫາຍຍັງບໍ່ ສາມາດປະເມີນໄດ້ ແລະສາເຫດຂອງ ການເກີດອັກຄີໄພແມ່ນຍັງຢູ່ໃນຂັ້ນຕອນ ຂອງການສືບສວນ-ສອບສວນຂອງເຈົ້າ ໜ້າທີ່ກ່ຽວຂ້ອງ.

ນສພ ເສດຖະກິດ-ສັງຄົມ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.