ໄຟໄໝ້ຢູ່ຄົງເຊໂດນ ເຮືອນ 6 ຫຼັງຮັບຄວາມເສຍຫາຍ

    ເວ­ລາ​ປະ­ມານ 16:30 ຂອງ​ວັນ​ທີ 6 ມັງ­ກອນ 2016 ໄດ້​ເກີດ​ເຫດ​ໄຟ​ໄໝ້​ເຮືອນຂອງ​ປະ­ຊາ­ຊົນ​ຢູ່​ບ້ານ​ຄຳ​ທອງ ກຸ່ມ​ຄຳ​ທອງ ເມືອງຄົງ​ເຊ​ໂດນ ແຂວງ​ສາ­ລະ​ວັນ ອັນ​ເຮັດ ໃຫ້​ເຮືອນ 6 ຫຼັງ ໄດ້​ຮັບ​ຄວາມ​ເສຍ​ຫາຍ ມີ ປະ­ຊາ­ຊົນ​ຈຳ­ນວນ 30 ຄົນ, ຍິງ 15 ຄົນ ທີ່ ໄດ້​ຮັບ​ຜົນ​ກະ­ທົບ.

     ເຫດ­ການ​ຄັ້ງ​ນີ້​ນັບ​ວ່າ​ໄດ້​ສ້າງ​ຄວາມ​ເສຍຫາຍ​ຢ່າງ​ຫຼວງ­ຫຼາຍ​ແກ່​ປະ­ຊາ­ຊົນ​ພາຍ​ໃນ ບ້ານ​ຄຳ​ທອງ ຊຶ່ງ​ມີ​ເຮືອນ​ທີ່​ຖືກ​ໄຟ​ໄໝ້​ຈົນ ໝົດ 4 ຫຼັງແລະ​ອີກ 2 ຫຼັງ ແມ່ນ​ຖືກ​ກະ­ທົບ​ຈຳ­ນວນ ໜຶ່ງ (ແຕ່​ລະ​ຫຼັງ​ເປັນ​ເຮືອນ​ປະ­ເພດ​ເຄິ່ງ ໄມ້​ເຄິ່ງ​ປູນ) ຕາມ​ການ​ລາຍ​ງານ​ຂອງ ເຈົ້າ​ໜ້າ­ທີ່​ເມືອງ​ຄົງ​ໃຫ້​ຮູ້​ວ່າ: ມູນ​ຄ່າ​ເສຍ ຫາຍ​ເບື້ອງ​ຕົ້ນ​ຈາກ​ເຫດ​ຄັ້ງ​ນີ້​ມີ​ປະ­ມານ 586,78 ລ້ານ​ກີບ ຊຶ່ງ​ໃນ​ນັ້ນ​ລວມ​ມີ​ວັດ ຖຸ​ທີ່​ມີ­ຄ່າ ແລະ​ພາ­ຫະ­ນະ​ຕ່າງໆ​ຄື: ລົດ ຈັກ 4 ຄັນ, ລົດ​ໄຖ​ນາ 1 ຄັນ, ເງິນ​ບາດ 12 ພັນ​ບາດ, ເງິນ​ກີບ 11,5 ລ້ານ​ກີບ ແລະ​ຄຳ​ຈຳ­ນວນ​ໜຶ່ງ.

ຈາກ​ເຫດ­ການ​ດັ່ງ­ກ່າວ​ອຳ­ນາດ​ການ ປົກ­ຄອງ​ເມືອງ​ທຸກ​ພາກ­ສ່ວນ​ກຳ­ລັງ​ໃຫ້ ການ​ຊ່ວຍ­ເຫຼືອ ແລະ​ໃກ້­ຊິດ­ຕິດ­ແທດ​ກັບ ພໍ່​ແມ່​ປະ­ຊາ­ຊົນ​ທີ່​ຖືກ​ເຄາະ​ຮ້າຍ ພ້ອມ​ທັງ ຂຸ້ນ­ຂ້ຽວ​ລົງ​ເກັບ​ກຳ​ຂໍ້​ມູນ​ສອບ​ສວນ​ຫາ ສາ­ເຫດ​ທີ່​ເຮັດ​ໃຫ້​ເກີດ​ໄຟ​ໄໝ້​ໃນ​ຄັ້ງ​ນີ້.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.