ໄຟໄໝ້ເຮືອນສອງຊັ້ນ ລາມໃສ່ຫ້ອງແຖວຢູ່ບ້ານສີຫອມ

  ເຈົ້າ​ໜ້າ­ທີ່​ໄດ້​ອອກ​ມາ​ເຕືອນ​ໃຫ້​ສັງ­ຄົມ ໂດຍ​ສະ­ເພາະ​ຜູ້​ຢູ່​ເຂດ​ຕົວ​ເມືອງ​ຕ້ອງ​ມີ​ຄວາມ​ລະ­ມັດ­ລະ­ວັງ​ຫຼາຍ​ຂຶ້ນ ເນື່ອງ​ຈາ​ກວ່າ​ມີ​ອັກ­ຄີ​ໄພ​ເກີດ​ຂຶ້ນ​ຢ່າງ​ຕໍ່​ເນື່ອງ, ສາ­ເຫດ​ສ່ວນ​ໃຫຍ່​ຍ້ອນ​ການ​ຂາດ​ສະ­ຕິ​ໃນ​ການ​ໃຊ້​ຟືນ​ໄຟ ເປັນ­ຕົ້ນ ແມ່ນ​ການ​ໄຕ້​ທູບ​ທຽນ​ບູ­ຊາ ແລະ​ການ​ແຕ່ງ​ຢູ່​ຄົວ­ກິນ​ຫຼ້າ​ສຸດ​ເມື່ອ​ທ້າຍ​ອາ­ທິດ​ຜ່ານ​ມາ​ຢູ່​ນະ­ຄອນ­ຫຼວງ​ວຽງ​ຈັນໄດ້​ເກີດ​ອັກ­ຄີ​ໄພ​ຂຶ້ນ ທີ່​ບ້ານ​ສີ​ຫອມ ເມືອງ​ຈັນ­ທະ​ບູ​ລີ ເປັນ​ເຫດ​ເຮັດ​ໃຫ້​ເຮືອນ 2 ຊັ້ນ ແລະ​ຫ້ອງ​ແຖວ​ປະ­ຊາ­ຊົນ​ໄດ້​ຮັບ​ຄວາມ​ເສຍ​ຫາຍ.

   ເຈົ້າ​ໜ້າ­ທີ່​ຕຳ­ຫຼວດ​ສະ­ກັດ​ກັ້ນ ແລະ​ມອດ​ໄຟ​ນະ­ຄອນ­ຫຼວງ​ວຽງ​ຈັນ​ໃຫ້​ຮູ້​ວ່າ: ເຫດ­ການ​ໄຟ​ໄໝ້​ໃນ​ຄັ້ງ​ນີ້​ເກີດ​ຂຶ້ນ​ໃນຕອນ​ຄ່ຳ​ຂອງ​ວັນ​ທີ 18 ທັນ­ວາ​ນີ້ ຊຶ່ງ​ເປັນ​ເຮືອນ​ສອງ​ຊັ້ນ ຍ້ອນ​ມີ​ອຸ­ປະ­ກອນ​ຖັງ​ແກ​ັສ ແລະ​ເຄື່ອງ­ໃຊ້​ທີ່​ເປັນ​ວັດ​ສະ​ດຸໄວ​ໄຟ, ເຮັດ​ໃຫ້​ໄຟ​ລຸກ​ໄໝ້​ລາມ​ໄປ​ໃສ່​ເຮືອນ​ຫ້ອງ​ແຖວ​ຂອງ​ປະ­ຊາ­ຊົນ​ທີ່​ໃກ້​ກັນ 7 ຫ້ອງ ມີ 6 ຄອບ­ຄົວ ແລະ​ມູນ​ຄ່າ​ເສຍ​ຫາຍ​ຫຼາຍ​ກວ່າ 2 ຕື້​ກີບ ໂດຍ​ເຈົ້າ​ໜ້າ­ທີ່​ໄດ້​ລະ­ດົມ​ກຳ­ລັງ​ພົນ ແລະ​ລົດ​ຫົດ​ນ້ຳ​ເຂົ້າ​ມອດ​ໄຟ​ເພື່ອ​ສະ­ກັດ​ກັ້ນ​ບໍ່​ໃຫ້​ໄຟ​ລຸ­ກລາມ​ກວ້າງ​ອອກ​ຕື່ມ ຊຶ່ງ​ໃຊ້​ເວ­ລາ​ກວ່າ 5 ຊົ່ວ­ໂມງ ແລະ​ລົດ​ຫົດ​ນ້ຳ​ກວ່າ 10 ຄັນ ຈິ່ງ​ສາ­ມາດ​ຄວບ​ຄຸມ​ໄຟ​ໄວ້​ໄດ້.

ຈາກ​ການ​ສືບ­ສວນŒສອບ​ສວນ​ເບື້ອງ​ຕົ້ນ​ເຈົ້າ​ໜ້າ­ທີ່​ໃຫ້​ຮູ້​ວ່າ: ກ່ອນ​ເກີດ​ເຫດ​ເມຍ​ເຈົ້າ​ຂອງ​ເຮືອນ​ໄດ້​ຂຶ້ນ​ໄປ​ໄຕ້​ທູບ​ທຽນ​ບູ­ຊາ​ຢູ່​ຊັ້ນ​ສອງ​ຂອງ​ເຮືອນ​ເນື່ອງ​ຈາກ​ວັນ​ດັ່ງ­ກ່າວ​ເປັນ​ວັນ​ສິນ ແລະ ຫຼັງ​ຈາກ​ນັ້ນ​ກໍ​ລົງ​ມາ​ຂາຍ­ເຄື່ອງ​ນຳ​ຜົວ​ຢູ່​ຊັ້ນ​ລຸ່ມ ແລະ​ໃນ​ເວ­ລາ 19 ໂມງ ໄດ້​ມີ​ປະ­ຊາ­ຊົນ​ພົບ​ເຫັນ​ໄຟ​ລຸກ​ໄໝ້​ອອກ​ມາ ຈາກ​ຊັ້ນ​ສອງ​ຂອງ​ເຮືອນ, ແລ້ວ​ມີ​ແກ​ັສ​ແຕກ​ຂຶ້ນ ແລະ​ເກີດ​ໄຟ​ໄໝ້​ຂຶ້ນ.

ແນວ­ໃດ​ກໍ​ດີ ເຈົ້າ​ໜ້າ­ທີ່​ໃຫ້​ຮູ້​ຕື່ມ​ອີ​ກວ່າ ປະ­ຈຸ​ບັນ​ສະ­ພາບ​ອາ­ກາດ​ໄດ້​ມີ​ການ​ປ່ຽນ­ແປງ​ເຂົ້າ​ສູ່​ລະ­ດູ­ແລ້ງ ຊຶ່ງ​ຈະ​ເຮັດ​ໃຫ້​ເກີດ​ອັກ­ຄີ​ໄພ​ໄດ້​ງ່າຍ, ໂດຍ​ສະ­ເພາະ​ໃນ 1 ເດືອນ​ຜ່ານ​ມາ​ຢູ່​ນະ­ຄອນ­ຫຼວງ​ວຽງ​ຈັນ​ມີ​ອັກ­ຄີ​ໄພ​ເກີດ​ຂຶ້ນ​ກວ່າ 10 ຄັ້ງ​ສາ­ເຫດ​ສ່ວນ​ໃຫຍ່​ແມ່ນ​ຍ້ອນ​ການ​ຂາດ​ສະ­ຕິ​ໃນ​ການ​ໃຊ້​ຟືນ​ໄຟ​ເປັນ­ຕົ້ນ​ແມ່ນ​ໄຕ້​ທູບ​ທຽນ​ບູ­ຊາ, ການ​ໃຊ້​ໄຟ­ຟ້າ​ໃນ​ການ​ແຕ່ງ​ຢູ່​ຄົວ­ກິນ ຈິ່ງ​ຟາກ​ເຕືອນ​ໃຫ້​ປະ­ຊາ­ຊົນ​ມີ​ສະ­ຕິ ແລະ​ໃຫ້​ມີ​ຄວາມ​ລະ­ມັດ­ລະ­ວັງ​ຂຶ້ນ​ຕື່ມ​ໃນ​ການ​ນຳ​ໃຊ້.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.