ໄຮເນເກັນ ນໍາຂັນຢູຟາແຊ໋ມປ່ຽນລີກ ມາໃຫ້ແຟນບານຊາວລາວໄດ້ໃກ້ຊິດ

     ເບຍ​ຍີ່­ຫໍ້​ຊື່​ດັງ ”ໄຮ​ເນ​ເກັນ” ຜູ້​ສະ­ໜັບ­ສະ­ໜູນ​ຫຼັກ​ຂອງ​ລາຍ­ການ​ບານ­ເຕະ​ຢູ​ຟາ​ແຊ໋ມ​ປຽນ​ລີກ​ສ້າງ​ປະ­ຫວັດ­ສາດ​ໃຫ້​ວົງ​ການ​ບານ­ເຕະດ້ວຍ​ການ​ນຳ​ເອົາ​ຂັນ​ແຊ໋ມ​ຢູ​ຟາ​ແຊ໋ມ​ປຽນ​ລີກ​ມາ​ປະ­ກົດ​ຕໍ່­ໜ້າ​ໃຫ້​ແຟນບານ​ຊາວ​ລາວ​ໄດ້​ເຫັນ​ຢ່າງ​ປະ­ຈັກ ຕາ​ທີ່​ສູນ​ການ​ຄ້າ​ວຽງ​ຈັນ​ເຊັນ​ເຕີ.

     ຕອນ​ແລງ​ຂອງ​ວັນ​ທີ 8 ມີ­ນາ​ທີ່ ຜ່ານ​ມາ​ທີ່​ສູນ​ການ​ຄ້າ​ວຽງ​ຈັນ​ເຊັນ ເຕີ​ນະ­ຄອນ­ຫຼວງ​ວຽງ​ຈັນ​ໄດ້​ມີ​ງານ ສະ­ແດງ​ຂັນ​ແຊ໋ມ​ບານ­ເຕະ​ຢູ​ຟາ​ແຊ໋ມ ປຽນ​ລີກ​ຂອງ​ແທ້​ລວມ​ເຖິງ​ເສື້ອ​ເບີ 10 ພ້ອມ​ລາຍ​ເຊັນ​ຂອງ ລິ​ໂອ​ເນ​ລ ເມ​ສ​ຊີ ທີ່​ໃສ່​ລົງ​ແຂ່ງ​ໃຫ້ ບາ​ເຊ​ໂລ​ນາ ຄວ້າ​ແຊ໋ມ ຢູ​ຟາ ລະ­ດູ​ການ​ຫຼ້າ​ສຸດ, ໃຫ້​ກຽດ​ເຂົ້າ​ຮ່ວມ​ໂດຍ ທ່ານ ສົມ​ພູ​ູ ພົງ­ສາ ຜູ້​ຊ່ວຍ​ລັດ­ຖະ­ມົນ­ຕີ​ວ່າ­ການກະ­ຊວງ​ສຶກ​ສາ​ທິ​ການ ແລະ​ກີ­ລາ  ແລະ​ທ່ານ ວາ​ລາ​ດິ​ເມຍ ສະ​ລອຟ ຜູ້​ບໍ­ລິ­ຫານ​ງານ​ຝ່າຍ​ການ​ຕະ­ຫຼາດ ຂອງ​ໄຮ​ເນ​ເກັນ​ພ້ອມ​ດ້ວຍ​ຕາງ­ໜ້າສະ­ຫະ­ພັນ​ບານ­ເຕະ​ແຫ່ງ​ຊາດ​ລາວ, ພາກ­ສ່ວນ​ທີ່​ກ່ຽວ­ຂ້ອງ ແລະ​ແຟນໆ ບານ​ຊາວ​ລາວ​ເຂົ້າ​ຮ່ວມ.

ທ່ານ ວາ​ລາ​ດິ​ເມຍ ສະ​ລອຟ ຜູ້​ບໍລິ​ຫານ​ງານ​ຝ່າຍ​ການ​ຕະ­ຫຼາດ​ຂອງ ໄຮ​ເນ​ເກັນ​ກ່າວ​ວ່າ: ເບຍ​ໄຮ​ເນ​ເກັນ ເປັນ​ເບຍ​ຊັ້ນ​ນຳ​ຂອງ​ໂລກ ແລະ​ເປັນຜູ້​ສະ­ໜັບ­ສະ­ໜູນ​ຫຼັກ​ຂອງ​ຢູ​ຟາ​ແຊ໋ມປຽນ​ລີກ​ມາ​ຕັ້ງ­ແຕ່​ປີ 2005 ຈິ່ງ​ໄດ້ ນຳ​ເອົາ​ຂັນ​ແຊ໋ມ​ດັ່ງ­ກ່າວ​ມາ​ໃຫ້​ຊາວ ລາວ​ຜູ້​ທີ່​ມັກ​ໃນ​ກີ­ລາ​ບານ­ເຕະ​ໄດ້​ສຳຜັດ​ແບບ​ປະ­ຈັກ​ຕາ ແລະ​ໃກ້​ສິດ​ກັບ ປະ­ສົບ​ການ​ຂອງ​ການ​ເປັນ​ແຊ໋ມ​ເປັນ ຄັ້ງ​ປະ­ຫວັດ­ສາດ​ນອກ​ນັ້ນ, ກໍ​ເພື່ອ ເປັນ​ການ​ສ້າງ​ແຮງ​ບັນ­ດານ​ໃຈ​ໃຫ້ ຊາວ​ລາວ​ກໍ​ຄື​ຊາວ​ໂລກ​ຫັນ​ມາ​ຫຼິ້ນ​ກີລາ​ບານ­ເຕະ​ຫຼາຍ​ຂຶ້ນ.

ໃນ​ໂອ­ກາດ​ນີ້​ທ່ານ ສົມ​ພູ​ູ ພົງ­ສາ ຜູ້​ຊ່ວຍ​ລັດ­ຖະ­ມົນ­ຕີ​ວ່າ­ການ​ກະ­ຊວງສຶກ​ສາ​ທິ​ການ ແລະ​ກີ­ລາ​ກ່າວ​ວ່າ:  ຂໍ​ຊົມ­ເຊີຍ​ໄຮ​ເນ​ເກັນ​ທີ່​ສາ­ມາດ​ນຳ ເອົາ​ຂັນ​ແຊ໋ມ​ຢູ​ຟາ​ແຊ໋ມ​ປຽນ​ລີກ​ທີ່ເປັນ​ຂັນ​ຍິ່ງ​ໃຫຍ່​ທີ່​ສຸດ​ຂອງ​ວົງ​ການ ບານ­ເຕະ​ສະ­ໂມ­ສອນ​ໂລກ​ມາ­ສູ່​ປະເທດ​ລາວ ຊຶ່ງ​ຈະ​ເປັນ​ນິ­ມິດ​ໝາຍ​ອັນ ດີ​ທີ່​ຈະ​ກະ­ຕຸກ​ຊຸກ­ຍູ້​ໃຫ້​ແກ່​ວົງ​ການບານ­ເຕະ​ລາວ​ລວມ​ທັງ​ເປັນ​ປະ­ສົບ ການ​ຈາ​ການ​ໄດ້​ສຳ­ຜັດ ແລະ​ໄດ້​ເຫັນ ຄັ້ງ​ທຳ​ອິດ ໂດຍ​ສະ­ເພາະ​ກໍ​ແມ່ນ​ກະຕຸ້ນ​ໃຫ້​ແຟນ​ບານ​ຊາວ​ລາວ​ຫັນ​ມາ ຫຼິ້ນ​ກີ­ລາ​ຫຼາຍ​ຂຶ້ນ ແລະ​ພັດ­ທະ­ນາ ວົງ​ການ​ກີ­ລາ​ຕໍ່​ໄປ.

ສຳ­ລັບ​ຊາວ​ລາວ​ຜູ້​ທີ່​ໄດ້​ກຽດ​ສຳຜັດ​ຄັ້ງ​ທຳ​ອິດ​ຂັນ​ໃຫຍ່​ທີ່​ສຸດ​ຂອງ ບານ­ເຕະ​ສະ­ໂມ­ສອນ​ໃນ​ໂລກ​ແມ່ນ ທ້າວ ອາ​ນຸ​ໄຊ ອູມ​ມະ­ນີ​ທູບ ຊຶ່ງ​ເປັນ​ຜູ້​ຊະ­ນະ​ໃນ​ການ​ຫຼິ້ນ​ເກມ​ກັບ​ໄຮ​ເນ​ເກັນ ຈາກ​ການ​ຕອບ​ຄຳ​ຖາມ​ທີ່​ວ່າ”ຖ້າ  ທ່ານ​ເປັນ​ຜູ້​ໂຊກ​ດີ​ໄດ້​ສຳ­ຜັດ​ຂັນ​ຢູ​ຟາແຊ໋ມ​ປຽນ​ລີກ​ທ່ານ​ຈະ​ເຮັດ​ແນວ­ໃດ”ລາວ​ຕອບ​ວ່າ​ມື້­ໜຶ່ງ​ຈະ​ຖື​ທຸງ­ຊາດ​ລາວ ແລະ​ອີກ​ມື​ໜຶ່ງ​ຈະ​ຖື​ຂັນ​ແຊ໋ມ ຢູ​ຟາ​ແຊ໋ມ​ປຽນ​ລີກ​ເຮັດ​ໃຫ້​ຄຳ​ຕອບ ຂອງ​ລາວ​ຖືກ​ໃຈ​ກຳ­ມະ­ການ​ຫຼາຍ​ທີ່ ສຸດ.

ສ່ວນ​ຕົວ​ແທນ​ນັກ​ເຕະ­ບານ​ທີມຊາດ​ລາວ​ທີ່​ໄດ້​ໃກ້​ສິດ​ກັບ​ຂັນ​ລາງວັນ​ດັ່ງ­ກ່າວ​ໄດ້­ແກ່​ສຸກ​ອາ­ພອນ​ວົງຈຽງ​ຄຳ​ກອງ​ກາງ­ຂອງ​ເອ​ສຣາ ແລະທົດ​ນິ­ລາດ ສີ​ບຸນ​ເຮືອງ​ກອງ​ຫຼັງ​ຈາກ ໄຟ­ຟ້າ​ລາວ​ເອ​ັຟ​ຊີ​ການ­ສະ­ແດງ​ຂັນແຊ໋ມ​ດັ່ງ­ກ່າວ​ຈະ​ດຳ­ເນີນ​ໄປ​ອີກ 3 ວັນ​ປະ­ກອບ​ດ້ວຍ​ວັນ​ທີ 9 ມີ­ນາ 2016 ທີ່​ສວນ​ເຈົ້າ​ອາ​ນຸ​ວົງ ແລະ​ຫຼັງ​ຈາກນັ້ນ​ວັນ​ທີ 11Œ-12 ຈະ​ສະ­ແດງ​ທີ່​ສູນການ​ຄ້າ​ລາວŒໄອ​ເຕັກ (ໄອ​ເຕັກ​ມໍ​ຊັ້ນ 7).

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.