ໝາກ​ໄມ້​ລົດ​ສົ້ມ ຊ່ວຍ​ຫຼຸດ​ຄວາມ​ສ່ຽງ​ເປັນ​ພະ­ຍາດ​ສະ­ໝອງ​ເສື່ອມ

ເຖິງ​ວ່າ​ພະ­ຍາດ​ສະ​ໝງ​ເສື່ອມ​ຈະ​ພົບ​ຫຼາຍ​ຂຶ້ນ​ໃນ​ປັດ­ຈຸ­ບັນ ແຕ່​ກໍ​ມີ​ວິ­ທີ​ປ້ອງ​ກັນ ແລະ​ສາ­ມາດ​ຫຼຸດ​ຄວາມ​ສ່ຽງ​ລົງ​ໄດ້ ຊຶ່ງ​ຜົນ​ການ​ສຶກ​ສາ​ວິ­ໄຈ​ໃຫ້​ຮູ້​ວ່າ ການ​ຮັບ​ປະ­ທານ​ໝາກ​ໄມ້​ທີ່​ມີ​ລົດ​ຊາດ​ສົ້ມ ສາ­ມາດ​ຊ່ວຍ​ຫຼຸດ​ຄວາມ​ສ່ຽງ​ເປັນ​ພະ­ຍາດ​ສະ­ໝອງ​ເສື່ອມ​ໄດ້.

ໂດຍ​ທີມ​ນັກ­ວິ­ທະ­ຍາ­ສາດ​ຂອງ​ມະ­ຫາ­ວິ­ທະ­ຍາ­ໄລ​ໂທ​ໂຮ​ຄຸ ປະ­ເທດ​ຍີ່­ປຸ່ນ ໄດ້​ລະ­ບຸ​ວ່າ ໝາກ​ໄມ້​ທີ່​ມີ​ລົດ​ຊາດ​ສົ້ມ​ເຊັ່ນ ໝາກ­ກ້ຽງ ແລະ​ໝາກ​ນາວ ມີ​ສານ​ຟຣາ​ໂວ​ນອຍ​ທີ່​ເອີ້ນ​ວ່າ “ໂນ​ບິ​ເລ​ຕິນ” ຢູ່​ບໍ­ລິ­ເວນ​ເປືອກ ຈະ​ຊ່ວຍ​ພັດ­ທະ­ນາ​ຄວາມ​ຊົງ​ຈຳ​ທີ່​ບົກ­ພ່ອງ ແລະ​ຊ່ວຍ​ໃຫ້­ການ​ໄຫຼ​ວຽນ​ຂອງ​ເລືອດ​ໄປ​ສູ່​ສະໝອງ​ດີ​ຂຶ້ນ.

ຂະ­ນະ​ທີ່​ໃນ​ປະ­ເທດ​ອັງ­ກິດ​ກໍ​ມີ​ການ​ສຶກ​ສາ​ກ່ຽວ​ກັບ​ເລື່ອງ​ນີ້​ເຊັ່ນ​ກັນ ໂດຍ​ຄວາມ​ຮ່ວມ​ມື​ລະ­ຫວ່າງ​ນັກ­ວິ­ທະ­ຍາ­ສາດ​ຄິງ​ຄໍ​ລ​ເລ​ຈ ລອນ​ດອນ ແລະ​ມະ­ຫາ­ວິ­ທະ­ຍາ­ໄລ​ລິ​ເວີ​ພູ​ລ ທີ່​ຕິດ­ຕາມ​ຜົນ​ຈາກ​ກຸ່ມ​ຄົນ​ໄວ​ກາງ­ຄົນ​ທັງ​ຊາຍ ແລະ​ຍິງ​ຫຼາຍ​ກວ່າ 13 ພັນ​ຄົນ ເປັນ​ໄລ­ຍະ​ເວ­ລາ 5-7 ປີ ຊຶ່ງ​ພົບ​ວ່າ ການ​ຮັບ​ປະ­ທານ​ໝາກ​ໄມ້​ທີ່​ມີ​ລົດ​ຊາດ​ສົ້ມ​ທຸກ​ວັນ ຈະ​ຊ່ວຍ​ຫຼຸດ​ຄວາມ​ສ່ຽງ​ຕໍ່​ການ​ພັດ­ທະ­ນາ​ໄປ​ສູ່​ພະ­ຍາດ​ສະ   ໝອງ​ເສື່ອມ​ໄດ້​ເຖິງ 23% ເມື່ອ​ທຽບ​ກັບ​ຄົນ​ທີ່​ຮັບ​ປະ­ທານ​ໝາກ​ໄມ້​ລົດ​ຊາດ​ສົ້ມ​ນ​ໜ້ອຍ​ກວ່າ 2 ເທື່ອ​ຕໍ່​ສັບ­ປະ­ດາ.

ຢ່າງ­ໃດ​ກໍ​ຕາມ ຍັງ​ບໍ່​ມີ​ຜົນ​ການ​ສຶກ​ສາ​ໃດ​ທີ່​ວິ­ໄຈ​ເຖິງ​ຄວາມ​ສຳ­ພັນ​ກັນ​ລະ­ຫວ່າງ ການ​ບໍ­ລິ­ໂພກ​ໝາກ​ໄມ້​ລົດ​ສົ້ມ​ກັບ​ອັດ­ຕາ​ການ​ເກີດ​ພາ­ວະ​ສະ­ໝອງ​ເສື່ອມ​ໄດ້​ຢ່າງ​ຊັດ​ເຈນ ທັງ​ນີ້ ຜົນ​ການ​ວິ­ໄຈ​ຂອງ​ທັງ​ສອງ​ພາກ­ສ່ວນ​ດັ່ງ­ກ່າວ​ຈິ່ງ​ເປັນ​ພຽງ​ການ​ຊີ້​ບອກ​ວ່າ ການ​ບໍ­ລິ­ໂພກ​ໝາກ​ໄມ້​ທີ່​ມີ​ລົດ​ຊາດ​ສົ້ມ​ເປັນ​ປະ­ຈຳ ມີ​ຄວາມ​ເຊື່ອມ​ໂຍງ​ຕໍ່​ການ​ຫຼຸດ​ຄວາມ​ສ່ຽງ​ຕໍ່​ການ​ເກີດ​ພາ­ວະ​ສະ­ໝອງ​ເສື່ອມ​ໄດ້.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.