​ໂຕ​ກຽວຈະມີ 45 ​ຕຶກສູງຕ້ອນຮັບ​ໂອ​ລິ​ມປິກ

ນະຄອນຫຼວງ​ໂຕ​ກຽວ​ຂອງ​ຍີ່ປຸ່ນ​ຈະ​ມີ 45 ຕຶກ​ແຫ່ງ​ໃໝ່​ທີ່​ຈະ​ປະກົດ​ຂຶ້ນ​ໃນ​ໄລຍະ​ເວລາ​ຂອງ​ການຈັດ​ແຂ່ງຂັນ​ໂອ​ລິ​ມປິກປີ 2020.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ນະຄອນຫຼວງ​ໂຕ​ກຽວ​ຂອງ​ຍີ່ປຸ່ນ​ຈະ​ໄດ້​ເຫັນ​ຈຳນວນ​ຕຶກ​ສູງ​ແຫ່ງ​ໃໝ່​ເກີດ​ຂຶ້ນ​ຫຼາຍ​ເກືອບ 50% ​ໃນ​ອີກ 3 ປີ​ຕໍ່ໜ້າ, ທ່ານ ​ໂທ​ໂຍຄາ​ຊຸ ອິມາ​ເຊ​ກິ ຫົວໜ້າ​ນັກວິ​ເຄາະ​ຈາກ​ບໍລິສັດ​ໃຫ້​ເຊົ່າ​ຊື້ ​ແລະ ​ໃຫ້​ຄຳ​ປຶກສາ Sanko Estate Co Ltd ກ່າວ​ວ່າ ຈຳນວນ​ຕຶກ​ສູງ​ທີ່​ເພີ່ມ​ຂຶ້ນ​ໄດ້​ແຮງ​ຊຸກຍູ້​ມາ​ຈາກ​ງົບປະມານ​ທີ່​ເພີ່ມ​ຂຶ້ນ ​ແລະ ການ​ຜ່ອນຄາຍ​ນະ​ໂຍບາຍ​ທາງ​ການ​ເງິນ, ​ໂດຍ​ພື້ນ​ທີ່​ອາຄານ​ສຳນັກງານ​ທີ່​ພ້ອມ​ໃຫ້​ເຊົ່າ​ໃນ​ຕຶກ​ທີ່​ມີ​ຫຼາຍ​ຊັ້ນ​ຫຼາຍ​ກວ່າ 661 ແມັດມົນທົນ ​ໃນ 3 ພື້ນ​ທີ່​ໃຈກາງ​ນະຄອນຫຼວງ​ໂຕ​ກຽວ ຈະ​ເພີ່ມ​ເປັນ 1,8 ລ້ານ​ແມັດມົນທົນໃນ​ປີ 2020 ຈາກ 1,2 ລ້ານ​ແມັດມົນທົນ​ໃນ​ໄລຍະ 3 ປີ​ກ່ອນ​ປີ 2017 ນີ້ ທ່ານ ອິມາ​ເຊ​ກິ​ໃຫ້​ຂໍ້​ມູນ​ລວມ​ເຖິງ​ອະສັງຫາລິມະ​ຊັບ​ໃນ​ບໍລິ​ເວນ​ເຂດ​ມາຣຸ​ໂນ​ອຸ​ຊິ​ໃກ້​ກັບ​ສະຖານີ​ໂຕ​ກຽວ ຊຶ່ງ​ເປັນ​ຕຶກ​ໃໝ່​ທີ່​ມີ 41 ຊັ້ນ​ທີ່​ໂຮງ​ແຮມ​ໂອ​ຄຸຣະກໍ​ມີ​ກຳນົດ​ສ້າງ​ສຳ​ເລັດ​ສົມບູນ​ໃນ​ປີ 2019.

ມີປະລິມານ​ການ​ກໍ່ສ້າງ​ຕຶກ​ໃໝ່​ເພີ່ມ​ສູງ​ຂຶ້ນ​ເຖິງ 75% ພາຍ​ໃນ​ປີ 2016-2018 ຊຶ່ງ​ຈະ​ຢູ່​ໃນ​ເຂດ​ຊິ​ໂຍດະ​ກາງ ຊູ​ໂອ ​ແລະ ມິ​ນາ​ໂຕະ ​ເມື່ອ​ທຽບ​ກັບ​ຕົວ​ເລກ​ກ່ອນ​ໜ້າ​ນີ້​ຄື 61% ​ໃນ​ປີ 2011-2015.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.