10 ວິທີ​ຮັກສາ​ຫູ​ຟັງ ​​ເພື່ອ​ການ​ນຳ​ໃຊ້​ທີ່​ຍາວ​ນານ

ຫູ​ຟັງ ຫຼື Small Talk ​ເປັນ​ສິ່ງ​ທີ່​ຄູ່​ກັບ​ເຄື່ອງ​ຫຼິ້ນ​ເພງ, ​​ໂທລະສັບ​ມື​ຖື ​ແລະ ອຸປະກອນ​ມັລຕິ​ມີ​ເດຍ ມາ​ຕັ້ງ​ແຕ່​ຍຸກ​ເຕັກ​ໂນ​​ໂລ​ຊີ​ມັລ​ຕິ​ມີ​​ເດຍ​ໃນ​ຍຸກ​ທຳ​ອິດ ຊຶ່ງ​ເຊື່ອ​ວ່າ​ໃນ​ປະຈຸ​ບັນ​ນີ້​ຫຼາຍ​ຄົນ​ທີ່​ມີ​ສະມາດ​ໂຟນ ຫຼື ​ແທັບ​ເລັດ​ນັ້ນ​ກໍ່​ຕ້ອງ​ມີ​ຫູ​ຟັງ​ນີ້​ຕິດ​ຕົວ​ໄວ້​ສະ​ເໝີ ​ເພື່ອ​ໃຊ້​ໃນ​ການ​ເບິ່ງ​ວິດີໂອ ຟັງ​ເພງ ​ແລະ ​ເບິ່ງ​ຮູບ​ເງົາ, ນອກຈາກ​ນັ້ນ ຍັງ​ໃຊ້​ເປັນ​ເຄື່ອງ​ປະດັບ​ແຟ​ເຊິ​ນ​ໃຫ້​ກັບ​ເຮົາ​ໄດ້​ອີກ​ ​ເພາະ​ເວລາ​ໃສ່​ຫູ​ຟັງ​ຄົນ​ໃສ່​ມັກ​ຈະ​ຄິດ​ວ່າ​ຕົນ​ເອງ​ມີ​ສະ​ເໜ່ສະ​ເໝີ ຄິດ​ວ່າ​ຫຼາຍ​ຄົນ​ກໍ່​ເປັນ ບໍ່​ຮູ້​ເປັນ​ຫຍັງ​ຄື​ກັນ ຮ່າໆ… ​ແຕ່​ກໍ່​ມີ​ຫຼາຍ​ຫາງ​ສຽງ​ທີ່​ຍັງ​ຈົ່ມ​ມາ​ວ່າ “​ເປັນ​ຫຍັງ​ໃຊ້​ຫູ​ຟັງ​ໄດ້​ບໍ່​ດົນ ກໍ່​ເພລະເດ…” ຊຶ່ງ​ຂໍ​ຕອບ​ເລີຍ​ວ່າ ຄົນ​ເຮົາ​ແຕ່ລະຄົນ​ມີ​ວິທີ​ການ​ໃຊ້​ຫູ​ຟັງ ​ແລະ ວິ​ທີ​ເກັບ​ມ້ຽນ​ຫູ​ຟັງ​ທີ່​ບໍ່​ຄື​ກັນນັ້ນ​ເອງ ຊຶ່ງ​ໃນ​ມື້​ນີ້​ເວັບ​ໄຊຂອງ​ເຮົາ​ຈະ​ມາ​ແນະນຳ​ວິທີ​ຮັກສາ​ຫູ​ຟັງ ​ແລະ ວິທີ​ທຳ​ຄວາມ​ສະອາດ​ຫູ​ຟັງໃຫ້​ຢູ່​ກັບ​ທ່ານ​ຜູ້​ອ່ານ​ໄປ​ດົນໆ​ນັ້ນ​ເອງ.

Pop_Blue

ວິທີ​ຮັກສາ​ຫູ​ຟັງ​ແບບ​ງ່າຍໆ

  1. ​ເວລາ​ຖອດ​ຫູ​ຟັງ​ອອກ​ຈາ​ກ​ເຄື່ອງ​ຫຼິ້ນ​ເພງ ຫຼື ​ໂທລະສັບ​ຢ່າດຶງ​ບ່ອນ​ສາຍ​ມັນ​ເດັດຂາດ ​ເພາະ​ຈ​ະ​ເຮັດ​ໃຫ້​ສາຍທອງ​ແດງ​ຂ້າງ​ໃນ​ຂາດ​ໄດ້ ​ໃຫ້ທ່ານ​ຜູ້​ອ່ານ​ດຶງ​ຢູ່​ຂວັ້ນ​ຫູ​ຟັງ ​ແບບ​ນີ້​ສາຍ​ຂອງ​ເຮົາ​ຈະ​ປອດ​ໄພ​ບໍ່​ມີ​ຂາດ​ທາງ​ໃນ​ແນ່ນອນ
  2. ຢ່າ​ມ້ວນ​ຫຼື​ແກ​ວ່ງ​ສາຍ​ຫູ​ຟັງ​ຫຼິ້ນ ​ເພາະ​ສາຍ​ໄຟ​ຂ້າງ​ຫູ​ຟັງ​ໃນ​ນັ້ນ​ມີ​ໂອກາດ​ຂາດ​ໄດ້​ງ່າຍໆ ຜູ້​ຂຽນ​ເຫັນ​ໝູ່​ຫຼາຍ​ຄົນ​ບໍ່​ຮູ້​ເປັນ​ຫຍັງ​ເວລາ​ບໍ່​ມີ​ຫຍັງ​ເຮັດ ມັກ​ເອົາ​ຫູ​ຟັງ​ມາ​ແກ​ວ່ງ​​ຫຼິ້ນ ບ້າງ​ເທື່ອ​ກໍ່​ເອົາ​ມາ​ພັນ​ນິ້ວມື​ຫຼິ້ນ ​ແລ້ວ​ບໍ່​ດົນ​ກໍ່​ມາ​ຈົ່ມ​ວ່າ​ຫູ​ຟັງ​ຂາດ​ອີກ​ແລ້ວ.
  3. ​ໃຊ້​ແລ້ວ​ຢ່າ​ໂຍນ ​ໃຫ້​ຄ່ອຍໆ​ວາງ ​ເພາະ​ຕົວ​ຫູ​ຟັງ​ເມື່ອ​​ເກີດ​ການ​ກະ​ແທກ​ຢູ່​ເລື້ອຍໆ​ ​ຈະ​ເຮັດ​ໃຫ້​ຄຸນ​ນະພາ​ບສຽງ​ນັ້ນ​ຕໍ່າລົງ ຫຼື ຫາກ​ໂຊກ​ຮ້າຍ​ຕົວຫູ​ຟັງ​ຂອງ​ທ່ານ​ກໍ່​ອາດ​ຈະ​​ເພໄປ​ເລີຍ
  4. ທຳ​ຄວາມ​ສະອາດ​ຫູ​ຟັງ​ແດ່​ເມື່ອ​ມີ​ໂອກາດ ​ໂດຍ​ໃຊ້ຜ້າ​ສະອາດ​ຈຸບ​ນໍ້າ​ຢາ​ທຳ​ຄວາມ​ສະອາດ​ໝາດໆ ​ເຊັດ​ຄ່ອຍໆ​​​ໃສ່​ກະ​ໂຕ​ຫູ​ຟັງ ​ແລະ​ສາຍ
  5. ຫ້າມ​ໃຊ້​​ເຫຼົ້າ​ເຊັດ​ຫູ​ຟັງ​ທີ່​ເຮັດ​ມາ​ຈາກ​ຢາງ ​ເພາະ​ຢາງ​ນັ້ນ​ບໍ່​ຖື​ກກັບ​ສານ​ປະ​ເພດ​ເຫຼົ້າ ຊຶ່ງ​ຈະ​ເຮັດ​ໃຫ້​ອາຍຸ​ການ​ນຳ​ໃຊ້​ຂອງ​ຢາງ​ນັ້ນ​ສັ້ນ​ລົງ
  6. ​ເວລາ​ເກັບ​ມ້ຽນ​ຫູ​ຟັງ​ເຂົ້າ​ກະ​ເປົ໋າຄວນ​ມ້ວນ​ເກັບ​ແບບ​ເປັນ​ລະບຽບ ​ເສຍ​ເວລາ​ໜ້ອຍ​ດຽວ​ແຕ່​ກໍ່​ດີກ​ວ່າ​ວິ​ທີ​ຫຍວມ ​ແລະ​ຍັດ ​ເພາ​ະທ່ານ​ອາດ​ໃຊ້​ເວລາ​ຫຼາຍ​ກວ່າ​ເດີມ​ໃນ​ການ​ການ​ແກະ​ຫູ​ຟັງ​ທີ່​ມັນ​ພັນ​ກັນ​ຫຍຸ້ງ​ຢູ່​ອອກ​ມາ​ຟັງ​ໃນ​ຄັ້ງ​ຕໍ່​ໄປ
  7. ​ເວລາ​ຈະ​ໃຊ້​ຫູ​ຟັງ ຫາກ​ຫູ​ຟັງ​ເກີດ​ພັນ​ກັນ​ໃຫ້​ຄ່ອຍໆ​ແກະ ຢ່າ​ສະ​ບັດໆ​ເດັດຂາດ ​ເພາະ​ສາຍທອງ​ແດງ​ຂ້າງ​ຫູ​ຟັງ​ມີ​ໂອກາດ​ຂາດ​ໄດ້
  8. ຫຼີ້ກລ່ຽງຄວາມ​ຈື້ນ ຫຼື​ນໍ້າ ​ເພາະ​ຢ່າ​ລືມ​ວ່າ​ຫູ​ຟັງ​ຂອງ​ເຮົາ​ກໍ່ມີ​ສ່ວນປະ​ກອບ​ຂອງ​ໂລຫະ ຫຼື​ສາຍ​ໄຟ​ຢູ່​ນຳ
  9. ຢ່າ​ວາງ​ຫູ​ຟັງ​ຕາກ​ແດດ ​ເພາະ​ຄຸນ​ນະພາ​ບຂອງ​ຢາງ​ຫູ​ຟັງ​ຈະ​ຫຼຸດ​ລົງ
  10. ຫາກ​ມີ​ໃບຮັບ​ປະກັນ​ສິນຄ້າ ຫຼື ​ໃບ​ບິນ​ຈາກ​ຮ້ານ​ຄວນ​ເກັບ​ໄວ້​ໃຫ້​ດີ ​​ເຜື່ອ​ກໍລະນີ​ເກີດຂໍ້​ບົກ​ພ່ອງ​ຈາກ​ສິນຄ້າ ​ເຮົາ​ກໍ​ສາມາດ​ໃຊ້​ເປັນ​ຫຼັກ​ຖານ​ໃນ​ການ​ຮຽກຮ້ອງ​ສິດ​ປະກັນ​ໄດ້.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.