30 ນາງ​ສາວຫລວງ​ພະ​ບາງ ພ້ອມ​ຂຶ້ນ​ເວ­ທີ​ປະ​ກວດ​ນາງ​ສັງ­ຂານ

ເນື່ອງ​ໃນ​ໂອ­ກາດ​ບຸນ­ປີ­ໃໝ່​ລາວ ປະ­ຈຳ​ປີ ພສ 2560 ທີ່​ຈະ​ມາ​ເຖິງ​ນີ້ ແຂວງ​ຫຼວງ​ພະ​ບາງ ໄດ້​ກະ­ກຽມ​ຄວາມ​ພ້ອມ​ຫຼາຍໆ​ດ້ານ​ເປັນ­ຕົ້ນ​ແມ່ນ​ໄດ້​ມີ​ການ​ຄັດ​ເລືອກ​ເອົາ​ນາງ​ສາວ​ງາມ​ປະ­ຈຳ​ປີ ຫຼື ເອີ້ນ​ວ່າ​ນາງ​ສັງ­ຂານ.

ທ່ານ​ນາງ ອິນ​ທະ​ວອນ ພົມ­ມະ­ຈັນ ຮອງ​ເຈົ້າ­ເມືອງ​ຫຼວງ​ພະ​ບາງ ໄດ້​ໃຫ້​ສຳ­ພາດ​ຕໍ່​ຜູ້​ສື່​ຂ່າວ​ສັງ­ຄົມ​ວ່າ: ປີ​ນີ້​ມີ​ຜູ້​ສະ­ໝັກ ເຂົ້າ​ປະ​ກວດ​ນາງ​ສັງ­ຂານ​ທັງ​ໝົດ 70 ນ້ອງ ທີ່​ມາ​ຈາກ​ສະ​ຖາ​ບັນ​ການ​ສຶກ​ສາ ແລະ​ໂຮງ­ຮຽນ​ຕ່າງໆ​ພາຍ ໃນ​ເທ­ສະ​ບານ​ເມືອງ​ຫຼວງ​ພະ​ບາງ ປະ­ຈຸ​ບັນ​ ໄດ້​ຄັດ​ເລືອກ​ເອົາ 30 ນ້ອງ ຜູ້​ທີ່​ມີ​ມາດ­ຖານ, ມີ​ຄວາມ​ພ້ອມ ແລະ​ມີ​ພອນ​ສະ­ຫວັນ ເຂົ້າ​ຝຶກ​ຊ້ອມ ໂດຍ​ຈະ​ໄດ້​ຄັດ ເລືອກ​ເອົາ​ນາງ​ສາວ ຈຳ­ນວນ 7 ນ້ອງ ໃນ​ວັນ​ທີ 11-12 ເມ­ສາ​ນີ້ ເພື່ອ​ເປັນ​ຕົວ​ແທນ​ໃຫ້​ແກ່​ລູກ​ສາວ​ພະ­ຍາ​ກະ­ບິນ​ລະ ພົມ​ທີ່​ເຄີຍ​ປະ­ຕິ­ບັດ​ຕໍ່​ກັນ​ມາ.

ທ່ານ​ຮອງ​ເຈົ້າ­ເມືອງ​ຫຼວງ​ພະ​ບາງ ຍັງ​ກ່າວ​ຕື່ມ​ວ່າ: ຈຳ­ນວນ​ນາງ​ສາວ 30 ນ້ອງ ແມ່ນ​ຈະ​ໄດ້​ຜ່ານ​ການ​ຝຶກ​ຊ້ອມ ການ​ຟ້ອນ​ລຳ­ວົງ​ລາວ, ກິ­ລິ­ຍາ​ມາ­ລະ­ຍາດ, ການ​ປາກ​ເວົ້າ, ການ​ຍ່າງ ແລະ​ວິ­ທີ​ການ​ຕ່າງໆ​ຕາມ​ມາ­ລະ­ຍາດ​ຂອງ​ແມ່­ຍິງ​ລາວ, ນອກ​ນີ້​ຍັງ​ໄດ້​ໃຫ້​ນາງ​ສາວ​ທັງ​ໝົດ ຈະ​ໄດ້​ໃສ່​ຊຸດ​ແບບ, ຊຸດ​ໄໝ​ລາວ, ຊຸດ​ສາ­ລະ​ບັບ ແລະ​ຊຸດ​ຊົນ­ເຜົ່າ ທີ່​ມີ​ຢູ່​ແຂວງ​ຫຼວງ​ພະ​ບາງ ເພື່ອ​ຂຶ້ນ​ປະ​ກວດ​ພິ­ເສດ​ປີ​ນີ້​ນາງ​ສາວ​ທັງ​ໝົດ​ຈະ​ຮ່ວມ​ກັນ​ຟ້ອນ​ລຳ­ວົງ​ກັບ​ຊາຍ​ແບບ​ຕື່ມ​ອີກ.

ສະ­ນັ້ນ​ການ​ປະ​ກວດ​ນາງ​ສັງ­ຂານ ທີ່​ແຂວງ​ຫຼວງ​ພະ​ບາງ ປີ​ນີ້​ຈະ​ຄຶກ­ຄື້ນ​ມ່ວນ­ຊື່ນ​ກວ່າ​ປີ​ທີ່​ຜ່ານ​ມາ​ແນ່­ນອນ​ຈິ່ງ​ຂໍ ເຊີນ­ຊວນ​ບັນ­ດາ​ແຂກ​ຫາ​ໂອ­ກາດ​ຍາດ​ເວ­ລາ​ໄປ​ເບິ່ງ​ໄປ​ຊົມ​ໃຫ້​ໄດ້ ຊຶ່ງ​ຈະ​ຈັດ ຂຶ້ນ​ໃນ​ລະ­ຫວ່າງ​ວັນ​ທີ 11-12 ເມ­ສາ ຈະ​ມາ​ເຖິງ​ນີ້ ທີ່​ເດີນ​ທາດ­ຫຼວງ.

ຂ່າວ: ເສດຖະກິດ-ສັງຄົມ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.