LINE ປ່ອຍການນຳໃຊ້ເດັດ! ໂທລົມກັນເປັນກຸ່ມໄດ້ 200 ຄົນ

LINE ປ່ອຍອັບເດດໃໝ່ ເພີ່ມຄຸນລັກສະນະໂທລົມກັນເປັນກຸ່ມ ຮອງຮັບໄດ້ເຖິງ 200 ຄົນ ແຕ່ມີ 4 ຕະຫຼາດຫຼັກຂອງ LINE ແມ່ນຈີນໄຕ້ຫວັນ, ຍີ່ປຸ່ນ, ໄທ ແລະ ອິນໂດເນເຊຍທີ່ຍັງບໍ່ສາມາດໃຊ້ວຽກຄຸນລັກສະນະນີ້ໄດ້ໃນປະຈຸບັນ.

ຄຸນລັກສະນະການນຳໃຊ້ໃໝ່ຂອງ LINE ນີ້ ປ່ອຍອອກມາທັງໃນລະບົບປະຕິບັດການ Android, iOS ແລະ Windows (ສ່ວນ Mac ຈະຕາມມາທີຫຼັງ) ແນວໃດກໍຕາມ ເປັນທີ່ໜ້າແປກໃຈເລັກນ້ອຍທີ່ຄຸນລັກສະນະການນຳໃຊ້ໃໝ່ນີ້ ບໍ່ໄດ້ປ່ອຍອອກມາໃຫ້ 4 ປະເທດຂ້າງຕົ້ນທີ່ເປັນຕະຫຼາດຫຼັກຂອງແອບພລິເຄເຊິນ LINE  ນຳໃຊ້ ຄາດວ່າ LINE ໜ້າຈະຕ້ອງທົດສອບລະບົບຕະຫຼາດນ້ອຍໆກ່ອນ.

ຄຸນລັກສະນະການໂທໄດ້ເປັນກຸ່ມຂອງ LINE ນີ້ ຖືວ່າເໜືອກວ່າການໂທເປັນກຸ່ມຂອງ Skype ທີ່ປ່ອຍອອກມາກ່ອນໜ້າທີ່ຫຼາຍ ເພາະຂອງ Skype ຈະຈຳກັດຈຳນວນຄົນໄວ້ທີ່ 25 ຄົນ ແຕ່ຂອງ LINE ສາມາດລົມເປັນກຸ່ມໄດ້ເຖິງ 200 ຄົນ ຊຶ່ງໜ້າຈະເປັນປະໂຫຍດສຳລັບບໍລິສັດຂະໜາດໃຫຍ່ທີ່ຈະໃຊ້ LINE ໃນການໂທລົມ ປະຊຸມພ້ອມກັນຫຼາຍໆຄົນ.

ປະຈຸບັນ LINE ເລີ່ມພົບບັນຫາກັບຈຳນວນຍອດຜູ້ໃຊ້ທີ່ບໍ່ຄ່ອຍເຕີບໂຕເທົ່າໃດ ເນື່ອງຈາກຄູ່ແຂ່ງທີ່ແຂງແກ່ນ ເຊັ່ນ Whatapp ໄດ້ຄອງຕະຫຼາດແອບພລິເຄເຊິນແຊັດຟາກຕາເວັນຕົກໄວ້ ເຮັດໃຫ້ WhatsApp ເຂົ້າໄປເຈາະຕະຫຼາດ ດ້ານຕາເວັນຕົກໄດ້ບໍ່ງ່າຍປານໃດ, ແນວໃດກໍຕາມ LINE ກໍມີຂ່າວລືກຳລັງຈະນຳຫຸ້ນເຂົ້າຕະຫຼາດທັງໃນຕະຫຼາດນິວຢອກ ແລະ ຕະຫຼາດຫຸ້ນໂຕກຽວ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.