5 ປີ­! ເມືອງ​ໄກ­ສອນ​ພົມ­ວິ­ຫານ ສ້າງເສັ້ນທາງຫຼາຍເສັ້ນ

ຕາມການໃຫ້ສຳ­ພາດຂອງທ່ານ ບຸນທຶງ ພົງສະຫວັດ ຄະ­ນະປະ­ຈຳພັກເມືອງ ຮອງປະ­ທານອົງ­ການພັດ­ທະ­ນາ ແລະ ບໍ­ລິ­ຫານຕົວເມືອງໄດ້ແຈ້ງໃຫ້ຮູ້ໃນວັນທີ 7 ເມ­ສາ 2016 ວ່າ: ຕະ­ຫຼອດໄລ­ຍະ 5 ປີ­ຜ່ານ­ມາ (2011-2015) ອົງ­ການບໍ­ລິ­ຫານ ແລະ ພັດ­ທະ­ນາຕົວເມືອງ ໄດ້ຮັບງົບ­ປະ­ມານໃນການພັດທະນາພື້ນ­ຖານໂຄງລ່າງ ໂດຍສະ­ເພາະໂຄງ­ການຂະ­ຫຍາຍເສັ້ນ­ທາງໃນເທ­ສະບານເມືອງປະ­ກອບມີ 23 ໂຄງ­ການ, ມູນຄ່າ 72 ຕື້ກວ່າກີບ, ໃນນັ້ນ ໄດ້ກໍ່­ສ້າງສຳ­ເລັດແລ້ວ 23 ໂຄງ­ການ ຊຶ່ງປະ­ກອບມີ: ໂຄງ­ການເຂດບ້ານໂພນສະ­ຫວ່າງໃຕ້ທາງ 4 ເສັ້ນ, ໂພນສະ­ຫວ່າງເໜືອ 3 ເສັ້ນ, ບ້ານສອນໄຊ 2 ເສັ້ນ, ບ້ານຫົວ ເມືອງເໜືອ 1 ເສັ້ນ, ບ້ານອຸ­ດົມວິ­ໄລ 5 ເສັ້ນ, ໂພນສະ­ຫວັນ 4 ເສັ້ນ, ໂພນສະ­ອາດ 3 ເສັ້ນ, ສອນໄຊ 2 ເສັ້ນ, ທ່າເມືອງ 1 ເສັ້ນ, ໂພນສະ­ຫວາດ 2 ເສັ້ນ, ສຸນັນທາ 1 ເສັ້ນ, ສະ­ໜາມໄຊ 3 ເສັ້ນ, ສະ­ພານໃຕ້ 2 ເສັ້ນ, ດົງດຳດວນ 4 ເສັ້ນ, ໜອງເດີ່ນ 1 ເສັ້ນ ແລະບ້ານໝໍເມືອງ 1 ເສັ້ນ, ລວມມີໄລ­ຍະທາງທັງໝົດ 33.582 ແມັດ ໃນນັ້ນ ມີທາງບຸກ­ເບີກໃໝ່ 1 ເສັ້ນ, ຍາວ 528 ແມັດ, ທາງຍົກລະ­ດັບດິນແດງ 7 ເສັ້ນ, ຍາວ 10.443 ແມັດ, ທາງປູຢາງຊັນໜຶ່ງ 26 ເສັ້ນ, ຍາວ 20.279 ແມັດ, ທາງປູຍາງສອງຊັ້ນ 1 ເສັ້ນ, ຍາວ 240 ແມັດ ແລະ ທາງເບຕົງເສີມເຫຼັກ 5 ເສັ້ນ, ຍາວ 2.092 ແມັດ ໂດຍແມ່ນບໍລິສັດສະ­ຫວັນຄຳ ກໍ່­ສ້າງຂົວ-ທາງ ຈຳກັດ ເປັນຜູ້ຮັບເໝົາກໍ່­ສ້າງ.

ປະ­ຈຸບັນ ໂຄງ­ການກໍ່­ສ້າງກຳ­ລັງສຸມໃສ່ປູ­ຢາງຊັ້ນໜຶ່ງເສັ້ນ­ທາງເຂດບ້ານສະ­ໜາມໄຊ 3 ເສັ້ນ ຊຶ່ງເປັນອີກເສັ້ນ­ທາງໜຶ່ງທີ່ມີຄວາມສຳ­ຄັນໃນການລະ­ບາຍລົດ ຊຶ່ງເສັ້ນ­ທາງດັ່ງ­ກ່າວນີ້ ເປັນເສັ້ນທາງເຊື່ອມຕໍ່ໃສ່ທາງເລກ 9 ຢູ່ເຂດກິໂລແມັດທີ 7 ມາເຊື່ອມຕໍ່ໃສ່ເສັ້ນ­ທາງຟ້າງຸ່ມ (ທາງໄປ ມ.ຂ) ຊຶ່ງເປັນເສັ້ນ­ທາງໃໝ່ນອກເມືອງ ເພື່ອລະ­ບາຍລົດທີ່ແອອັດຕາມຕົວເມືອງ ແລະ ຄາດວ່າຈະໃຫ້ສຳ­ເລັດກ່ອນປີໃໝ່ລາວ 2559 ຢ່າງແນ່­ນອນ.

ໃນໂອ­ກາດດັ່ງ­ກ່າວ ທ່ານ ບຸນທຶງ ພົງສະຫວັດຍັງໄດ້ຝາກມາເຖິງຜູ້ໃຊ້ລົດໃຊ້ຖະ­ໜົນ ແລະ ເຈົ້າໜ້າ­ທີ່ ທີ່ກ່ຽວ­ຂ້ອງຈົ່ງພ້ອມກັນເປັນຫູເປັນ­ຕາ, ກວດ­ກາໃນການໃຊ້ລົດບັນ­ທຸກນໍ້າໜັກເກີນ ແລະ ຜູ້ປະ­ກອບການກໍບໍ່ຄວນໃສ່ນໍ້າ­ໜັກຫຼາຍຈົນເກີນໄປເພາະເສັ້ນ­ທາງດັ່ງ­ກ່າວເປັນເສັ້ນ­ທາງປູ­ຢາງຊັ້ນດຽວບໍ່ສາ­ມາດຮັບນໍ້າ­ໜັກຫຼາຍເກີນໄປ ຈະເຮັດໃຫ້ເສັ້ນ­ທາງເປ້ເພ ແລະສູນເສຍງົບ­ປະ­ມານໃນການສ້ອມ­ແປງຕື່ມອີກ.

ຂ່າວ: ຈັນທະໂຄລົບ ນສພ ເສດຖະກິດ-ສັງຄົມ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.