5 ໜ່ວຍ​ກູ້​ໄພ​ໃນ​ນະ­ຄອນ­ຫຼວງ​ໄດ້​ຮັບ​ເງິນ​ອຸ­ປະ­ຖຳ​ຈາກ ລຮລ

ເພື່ອ​ປະ­ກອບ­ສ່ວນ​ຊຸກ­ຍູ້​ວຽກ​ງານກູ້​ໄພ​ຈາກ​ອຸ­ປະ­ຕິ­ເຫດ​ທີ່​ເກີດ​ຂຶ້ນ​ຕາມທ້ອງ​ຖະ­ໜົນ​ໃຫ້​ມີ​ປະ­ສິດ­ທິ­ພາບ ແລະ​ປະ​ສິດ­ທິ​ຜົນ​ດີ​ຂຶ້ນ, ລັດ​ວິ​ສາ​ຫະ​ກິດ​ຖື​ຮຸ້ນ ລາວ (ລຮລ) ຈິ່ງ​ໄດ້​ມອບ​ເງິນ ເພື່ອ​ອຸ­ປະ­ຖຳ​ບັນ­ດາ​ໜ່ວຍ​ກູ້​ໄພ​ໃນ​ນະ­ຄອນ­ຫຼວງ ຈຳ­ນວນ 5 ພາກ­ສ່ວນລວມ​ມູນ​ຄ່າ 60  ລ້ານ​ກີບ, ໂດຍ​ພິ­ທີ​ມອບ-ຮັບ ດັ່ງ­ກ່າວ ຈັດ​ຂຶ້ນ​ໃນ​ວັນ​ທີ 26 ເມ­ສາ 2017, ທີ່​ຫ້ອງ­ການ ລຮລ, ຕາງ­ໜ້າ​ມອບຂອງ ທ່ານ ສົມ​ບຸນ ມະ­ໂນ​ລົມ ຜູ້­ອຳ­ນວຍ­ການ  ລຮລ, ພ້ອມ​ນັ້ນ ກໍ​ຍັງ​ມີ​ພາກ­ສ່ວນ​ທີ່ກ່ຽວ­ຂ້ອງ ແລະ​ຕາງ­ໜ້າໜ່ວຍ​ກູ້​ໄພ​ແຕ່​ລະ​ພາກ­ສ່ວນ​ເຂົ້າ​ຮ່ວມ.

ທ່ານ ສົມ​ບຸນ ມະ­ໂນ​ລົມ ກ່າວ​ວ່າ: ໃນ​ຊຸມ​ປີ­ຜ່ານ­ມາ​ຢູ່​ນະ­ຄອນ­ຫຼວງ​ວຽງ​ຈັນ ໄດ້​ມີ​ອຸ­ປະ­ຕິ­ເຫດ​ເກີດ​ຂຶ້ນ​ຫຼາຍ ແລະ ເພີ່ມ​ຂຶ້ນ​ເລື້ອຍໆ, ຊຶ່ງ​ເຮັດ​ໃຫ້​ມີ​ຜູ້​ບາດເຈັບ, ເສຍ​ຊີ­ວິດ ແລະ​ຊັບ​ສິນ, ສະ­ເພາະ ປີ 2015 ຜ່ານ​ມາ, ລັດ​ວິ​ສາ​ຫະ​ກິດ​ຖື ຮຸ້ນ​ລາວ ເປັນ​ອົງ​ກອນ​ຂອງ​ລັດ­ຖະ­ບານ ກໍ​ໄດ້​ປະ­ກອບ­ສ່ວນ​ງົບ­ປະ­ມານ​ເຂົ້າ​ໃນ ວຽກ​ງານ​ການ​ກູ້​ໄພ​ໂດຍ​ສະ­ເພາະ​ສະ​ມາຄົມ​ອາ­ສາ​ກູ້​ໄພ​ນະ­ຄອນ­ຫຼວງ​ຈຳ­ນວນ 36 ລ້ານ​ກີບ ແລະ​ໃນ​ປີ 2016 ກໍ​ອຸ­ປະຖຳ​ໃຫ້​ໜ່ວຍ​ກູ້​ໄພ 4 ພາກ­ສ່ວນ, ພາກ ສ່ວນ​ລະ 12 ລ້ານ​ກີບ ລວມ​ທັງ​ໝົດ 48 ລ້ານ​ກີບ, ສຳ­ລັບ​ໃນ​ປີ 2017 ນີ້ ເນື່ອງ ມີ​ຫຼາຍ​ພາກ­ສ່ວນ​ຂໍ​ອຸ­ປະ­ຖຳ, ລຮລ ຈິ່ງ​ໄດ້​ສືບ­ຕໍ່​ປະ­ກອບ­ສ່ວນ​ອຸ­ປະ­ຖຳ​ເປັນ​ຈຳ ນວນ​ເງິນ​ທັງ​ໝົດ 60 ລ້ານ​ກີບ ໃຫ້​ແກ່ 5 ພາກ­ສ່ວນ, ພາກ­ສ່ວນ​ລະ 12 ລ້ານ​ກີບ​ຄື: ໜ່ວຍ​ກູ້​ໄພ​ມູນ​ນິ­ທິ​ຊ່ວຍ­ເຫຼືອ​ຄົນທຸກ​ຍາກແຫ່ງ ສປປ ລາວ, ໜ່ວຍ​ກູ້​ໄພ​ອາ­ສາ​ກູ້​ໄພ​ນະ­ຄອນ­ຫຼວງ, ໜ່ວຍ​ກູ້​ໄພມູນ​ນິ­ທິ​ພັດ­ທະ­ນາ​ຜາ​ສຸກ, ໜ່ວຍ​ກູ້​ໄພ​ມູນນິ­ທິ​ຮ່ວມ​ໃຈ​ຊ່ວຍ­ເຫຼືອ​ຜູ້​ປະ­ສົບ​ໄພ ແລະ ໜ່ວຍ​ກູ້​ໄພ​ມູນ​ນິ­ທິ​ປະ­ສານ​ໃຈ ຊຶ່ງ​ຫວັງຢ່າງ​ຍິ່ງ​ວ່າ­ການ​ປະ­ກອບ­ສ່ວນ​ຂອງ ລຮລ ໃນ​ຄັ້ງ​ນີ້ ຈະ​ເປັນ​ປະ­ໂຫຍດ ແລະ​ຖືກ​ນຳ​ໃຊ້​ເຂົ້າ​ໃນ​ການ­ເຄື່ອນ­ໄຫວ​ວຽກງານ​ຂອງ​ພວກ​ທ່ານ ເພື່ອ​ຊ່ວຍ­ເຫຼືອ​ສັງຄົມ​ຢ່າງ​ມີ​ປະ​ສິດ­ທິ​ຜົນ.

ໂດຍ: ພິມ​ພອນ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.