53 ປະ​ເທດ​ຮ່ວມ​ປະຊຸມ​ອາຊີ-​ເອີຣົບຢູ່​ຫວຽດນາມ

ຜູ້​ແທນ​ຈາກ 53 ປະ​ເທດ​ອາຊີ ​ແລະ ​ເອີຣົບ ​ເຂົ້າ​ຮ່ວມ​ກອງ​ປະຊຸມ​ອາ​ແຊ໋ມຢູ່​ຫວຽດນາມ ​ເພື່ອ​ຫາລື​ຊັບພະຍາກອນ​ມະນຸດ​, ການ​ພັດທະນາ​ແບບ​ຍືນ​ຍົງ.

ສຳນັກ​ຂ່າວສານ​ຫວຽດນາມ​ລາຍ​ງານ​ວ່າ: ຜູ້​​ແທນ​ຈາກ 53 ປະ​ເທດ​ອາຊີ ​ແລະ ​ເອີຣົບ ​ເຂົ້າ​ຮ່ວມ​ກອງ​ປະຊຸມ​ອາຊີ​ເອີຣົບ (ອາ​ແຊ໋ມ) ຢູ່​​ນະຄອນ​ເວ້ຂອງ​ຫວຽດນາມ​ໃນ​ວັນ​ທີ 30 ມີນາ​ທີ່​ຜ່ານ​ມາ ​ເພື່ອ​ຫາລື​ເຖິງ​ການ​ສ້າງ​ວັດທະນາ​ທຳ​ການ​ສຶກສາ ​ແລະ ຊັບພະຍາກອນ​ເພື່ອ​ການ​ພັດທະນາ​ແບບ​ຍືນ​ຍົງ ​ແລະ ສອດຄ່ອງ​ກັບ​ການ​ປະຕິຮູບ​ອຸດສາ ຫະກຳ​ໃນ​ຍຸຸກທີ 4 ຊຶ່ງກອງ​ປະຊຸມ​ຄັ້ງ​ນີ້ ​ເປັນຄວາມ​ຄິດ​ລິ​ເລີ່​ມຂອງ​ທ່ານ ຫງວຽນ ຊວນ​ຟຸກ ນາຍົກລັດ ຖະມົນຕີຂອງ​ຫວຽດນາມ ​ໄດ້​ຮັບ​ການ​ສະໜັບສະໜູນ​ຈາກ 5 ປະ​ເທດ​ສະມາຊິກ​ຄື: ​ແຟງ​ລັງ, ອິນ​ເດຍ, ອິນ​ໂດ​ເນ​ເຊຍ, ຍີ່ປຸ່ນ ​ແລະ ສ.​ເກົາຫຼີ.

ອາ​ແຊ໋ມ ສວມບົດບາດ​ສຳຄັນ​ທີ່​ສຸດ ​ໃນ​ການ​ເຊື່ອ​ມຕໍ່​ລະຫວ່າງ​ບັນດາ​ລັດ, ລັດຖະບານ​ບັນດາ​ວິ​ສາ​ຫະກິດ ​ແລະ ປະຊາຊົນ​ລະຫວ່າງ 2 ທະວີບ ​ເພື່ອ​ຄວາມ​ສັນຕິພາບ​ການຮ່ວມ​ມື​ພັດທະນາ ​ແລະ ວັດທະນາ​ຖາວອນ​. ອາ​ແຊ໋ມປະກອບສ່ວນ​ຢ່າງ​ຕັ້ງໜ້າ​ເຂົ້າ​ໃນ​ການຊຸກຍູ້​ການ​ສຶກສາ ​ແລະ ພັດທະນາ​ແຫຼ່ງຊັບພະຍາກອນ​ມະນຸດ​ລະຫວ່າງ 2 ທະວີບ ອາຊີ – ​ເອີ​ຣົບ ​ແລະ ພວກ​ເຮົາ ກໍ່​ໄດ້​ຮັບ​ຮູ້​ຂໍ້​ລິ​ເລີ່​ມຫຼາຍ​ຢ່າງ, ບັນດາ​ໂຄງການ​ກ່ຽວ​ກັບ​ການ​ພັດທະນາ​ແຫຼ່ງຊັບພະຍາກອນມະນຸດ ​ເຊິ່ງ​ໄດ້ຮັບ​ການ​ປຸກລະດົມ​ຈາກ​ຫລາຍ​ປະ​ເທດ​ສະມາຊິກ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.