Android N ເປີດຕົວຟີເຈີຄັ້ງທຳອິດ ມີຫຍັງແດ່?

   ບໍ່​ທັນ​ຕັ້ງ​ຕົວ​ເລີຍ​ກໍ​ວ່າ​ໄດ້ສຳ­ລັບ​ການເປີດ​ຕົວ Android N ເມື່ອ​ຄ່ຳ​ຄືນ​ຂອງ​ວັນທີ 9 ມີ­ນາ​ທີ່​ຜ່ານ​ມາ​ນັບ​ເປັນ​ລະ­ບົບ​ປະ­ຕິ­ບັດ​ການ​ຮຸ່ນ​ຫຼ້າ​ສຸດ​ຂອງ​ກູ​ເກິ​ລ​ທີ່​ປ່ອຍ​ອອກ​ມາ​ໄວ​ກວ່າ​ທີ່​ຄາດ​ການ​ໄວ້​ວ່າ​ຈະ​ມີ​ຂຶ້ນ​ໃນ​ງານ Google I/O 2016 ລະ­ຫວ່າງ ວັນ​ທີ 18-20 ພຶດ­ສະ­ພາ​ທີ່​ແຄ​ລິ​ຟໍ​ເນຍ ສະ­ຫະ­ລັດ​ອາ­ເມ­ລິ­ກາ​ຊຶ່ງ​ຟີ​ເຈີ​ທີ່​ເປີດ­ເຜີຍເປັນ​ຄັ້ງ​ທຳ​ອິດ​ຈະ​ມີ​ຫຍັງ​ແດ່ ມາ​ເບິ່ງ​ກັນ​ເລີຍ.

1. Split-Screen Mode

ຟີ​ເຈີ​ແຍກ​ໜ້າ​ຈໍ​ທີ່​ຊ່ວຍ​ໃຫ້​ຜູ້​ໃຊ້Android  N ສາ­ມາດ​ແບ່ງ​ເຄິ່ງ​ໜ້າ​ຈໍ​ເພື່ອ​ເປີດ​ນຳ ໃຊ້ 2 ແອບ​ພລິ​ເຄ​ເຊິນ​ພ້ອມ​ກັນ​ໄດ້​ບໍ່​ວ່າ​ຈະ​ເປັນ​ລວງ​ນອນ ຫຼື ລວງ​ຕັ້ງ​ລວມ​ໄປ​ເຖິງ ສາ­ມາດ​ຂະ­ຫຍາຍ​ເຄື່ອງ​ໜ້າ​ຈໍ​ດ້ານ​ໜຶ່ງ​ໃຫ້​ຫຼາຍ​ກວ່າ​ມີ​ສະ­ແດງ​ຜົນ​ຫຼາຍ​ກວ່າ​ອີກ​ດ້ານ​ໜຶ່ງ​ໄດ້ ຮອງ​ຮັບ​ການ​ນຳ​ໃຊ້​ທັງ​ສະ­ມາດ​ໂຟນ ແລະ​ແທັບ​ເລັດ​ແຕ່​ຟີ​ເຈີ​ນີ້​ອາດ​ຮອງ​ຮັບ​ການ​ນຳ​ໃຊ້​ໄດ້ ສະ­ເພາະ​ບາງ​ແອັບ​ເທົ່າ​ນັ້ນ​ນອກ ຈາກ​ນີ້​ຍັງ​ມີ​ໂໝດ“picture-in-picture” ໃຫ້​ຜູ້​ໃຊ້​ສາ­ມາດ​ເບິ່ງ​ວິ​ດີ​ໂອ​ພາຍ​ໃຕ້   ໜ້າ​ຈໍ​ນ້ອຍໆ​ໃນ​ຂະ­ນະ​ທີ່​ໃຊ້​ງານ​ແອບ​ພລິ​ເຄ​ເຊິນ​ອື່ນ​ໄປ​ພ້ອມ​ກັນ​ໄດ້​ອີກ.

Split-Screen-Mode

2. Notifications ທີ່​ໃຊ້​ໄດ້​ຫຼາຍ​ຂຶ້ນ

ແຖບ​ແຈ້ງ​ເຕືອນ ​ຫຼື Notifications  ໃນ Android N ເພີ່ມ​ຟີ​ເຈີ​ໃໝ່​ທີ່​ຮຽກ​ວ່າ“direct reply” ສາ­ມາດ​ສັ່ງ​ຂໍ້­ຄວາມ​ຕອບ​ກັບ​ໄດ້​ທັນ­ທີ​ເມື່ອ​ມີ​ການ ແຖບ​ແຈ້ງ​ເຕືອນ​ປາ­ກົດ ໂດຍ​ບໍ່​ຕ້ອງ​ເປີດ​ແອບ​ແຕ່​ຢ່າງ­ໃດ ແລະ​ສາ­ມາດ​ກຳ­ນົດ​ລາຍ​ຊື່​ເປັນ​ລາຍ​ບຸກ­ຄົນ​ຫຼື​ຈັດ​ກຸ່ມ​ລາຍ​ຊື່​ທີ່​ຕ້ອງ­ການ​ໃຫ້​ສະ­ແດງ​ການ ແຈ້ງ​ເຕືອນ​ພ້ອມ​ຕອບ​ກັບ​ໃນ​ທັນ­ທີ​ໄດ້.

Notifications

3. Doze ທີ່​ຊ່ວຍ​ປະ­ຢັດ​ແບັດ​ເຕີ​ຣີ​ຈະ​ດີ​ຂຶ້ນ​ກວ່າ​ໃນ Marshmallow

ແຕ່​ກ່ອນ​ໃນAndroid Marshmallow ຈະ​ມີ​ຟີ​ເຈີ Doze ມາ​ໃຫ້​ນຳ​ເລີຍ ທຳ​ໜ້າ­ທີ່​ເຂົ້າ​ສູ່​ໂໝດ​ປະ­ຢັດ​ພະ­ລັງ­ງານ​ອັດ­ຕະ­ໂນ­ມັດ​ພາຍ­ຫຼັງ​ຈາກ​ທີ່​ອຸ­ປະ  ກອນ​ແອນ​ດຣອຍ​ບໍ່​ໄດ້​ໃຊ້​ງານ​ໃນ​ໄລ­ຍະ​ເວ­ລາ​ໜຶ່ງ​ແຕ່​ດ້ວຍ​ພຶດ­ຕິ​ກຳ​ຂອງ​ຜູ້ ໃຊ້​ສະ­ມາດ​ໂຟນ​ໃນ​ປະ­ຈຸ​ບັນ​ທີ່​ກູ​ເກິ​ລ​ອາດ​ມອງ​ວ່າ​ມີ​ການ​ຈັບ​ຖື​ໃຊ້​ງານ​ເກືອບ​ຈະ​ຕະ­ຫຼອດ​ເວ­ລາ​ດັ່ງ­ນັ້ນ​ຟີ​ເຈີ Doze ໃນ Android N ຈິ່ງ​ຖືກ​ພັດ­ທະ­ນາ​ໃຫ້  ເປີດ​ນຳ​ໃຊ້​ອັດ­ຕະ­ໂນ­ມັດ​ທັນ­ທີ​ທີ່​ປິດ​ໜ້າ​ຈໍ​ພ້ອມ​ຫຼຸດ​ການ​ນຳ​ໃຊ້​ພະ­ລັງ­ງານ ດ້ວຍ​ການ​ປິດ​ການ​ເຊື່ອມ​ຕໍ່ GPS ແລະ​ການ​ຈັບ​ສັນ­ຍານ Wi-Fi

doze-level-2

4. Project Svelte ຫຼຸດ​ການ​ໃຊ້​ແຣມ

ອີກ​ໜຶ່ງ​ຟີ​ເຈີ​ທີ່​ຊ່ວຍ​ໃຫ້​ບາງ​ແອບ​ພລິ​ເຄ​ເຊິນ​ປະ­ເພດ Background Process/Service ມີ​ການ​ໃຊ້​ແຣມ​ທີ່​ໜ້ອຍ​ລົງ.

  1. ປັບ​ແຕ່ງQuick Settings ໄດ້​ງ່າຍ ແລະ​ຫຼາຍ​ຂຶ້ນ

ແຕ່​ກ່ອນ​ໃນ​ເມ​ນູ Quick Settings ທີ່​ຫາກ​ຈະ​ເປີດ-ປິດ​ໂໝດ​ຕ່າງໆ​ກໍ​ຕ້ອງ​ໃຊ້​ການ​ປາດ​ໜ້າ​ລົງ​ມາ​ເຖິງ​ສອງ​ຄັ້ງ​ແຕ່​ໃນAndroid N ເມື່ອ​ຕ້ອງ ການ​ຮຽກ​ໃຊ້ Quick \Settings ພຽງ​ປາດ​ໜ້າ​ຈໍ​ລົງ​ຄັ້ງ​ທຳ​ອິດ​ກໍ​ຈະ​ພົບ​ເມ​ນູ​ສຳ­ລັບ​ເປີດ-ປິດ​ໂໝດ​ຕ່າງໆ​ແບບ​ຫຍໍ້​ໄດ້​ທັນ­ທີ ແລະ​ຈະ​ສະ­ແດງ​ເຕັບ​ຮູບ ແບບ​ເມື່ອ​ປາດ​ໜ້າ​ຈໍ​ລົງ​ມາ​ຄັ້ງ​ທີ​ສອງ​ນອກ­ຈາກ​ນີ້​ຍັງ​ສາ­ມາດ​ປັບ​ເລື່ອນ​ຕຳ­ແໜ່ງ​ໂໝດ​ການ​ນຳ​ໃຊ້​ຕາມ​ທີ່​ສະ­ດວກ​ໄດ້​ເອງ​ອີກ.

quick-setting

  1. ປັບ​ເມ​ນູ​ການ​ຕັ້ງ​ຄ່າ​ໃຫ້​ເປັນ​ໂໝດ​ການ​ນຳ​ໃຊ້​ກາງ­ຄືນ

ຫຼາຍ​ຄົນ​ທີ່​ໃຊ້Google Maps ກໍ​ພໍ​ຮູ້​ວ່າ​ເມື່ອ​ເກີດ​ການ​ນຳ​ໃຊ້​ໃນ​ໄລ­ຍະ​ຄ່ຳ ອິນ​ເຕີ​ເຟດ​ຈະ​ປັບ​ເປັນ​ໂທ​ສີ­ມື​ຊຶ່ງ​ຄຸນ­ສົມ­ບັດ​ດັ່ງ­ກ່າວ​ໄດ້​ຖືກ​ນຳ​ມາ​ໃຊ້​ໃນAndroid N ໃນ​ສ່ວນ​ການ​ຕັ້ງ​ຄ່າ​ເປັນ​ເມ​ນູ​ທີ່​ຮຽກ​ວ່າ“System UI Tuner” ທີ່​ຈະ​ປັບ​ອິນ​ເຕີ​ເຟດ​ເປັນ​ໂທ​ສີ­ມືດ​ອັດ­ຕະ­ໂນ­ມັດ​ຈະ​ຕ້ອງ​ເຂົ້າ​ໄປ​ເປີດ​ນຳ​ໃຊ້​ໃນ​ເມ​ນູ​ນີ້​ເສຍ​ກ່ອນ.

system-ui

  1. ຮອງ​ຮັບ​ພາ­ສາ JAVA 8

ການ​ຄອມ​ໄພ​ເລີ​ແບບ​ໃໝ່​ສຳ­ລັບ​ແອນ​ດຣອຍ​ສາ­ມາດ​ເຮັດ​ວຽກ​ຮ່ວມ​ກັບ​ແອນ​ດຣອຍ​ເວີ​ເຊິນ​ເກົ່າ​ໄປ​ຈົນ​ເຖິງ​ເວີ​ເຊິນ Gingerbread  ໄດ້.

  1. ປະ­ຢັດ​ພະ­ລັງ­ງານ​ນຳ Data Saver.

ເປັນ​ໂໝດ​ປະ­ຢັດ​ປະ­ລິ­ມານ​ການ​ນຳ​ໃຊ້​ພາຍ​ໃນ​ຕົວ​ລະ­ບົບ​ປະ­ຕິ­ບັດ​ການ.

  1. ບລ໊ອກ​ເບີ​ທີ່​ບໍ່​ຕ້ອງ­ການ.

ອີກ​ໜຶ່ງ​ຟີ​ເຈີ​ໃນ Android N ສາ­ມາດ​ບລ໊ອກ​ໝາຍ​ເລກ­ໂທລະ­ສັບ​ທີ່​ບໍ່​ຕ້ອງ­ການ​ໄດ້​ລວມ​ເຖິງ​ບລ໊ອກ​ການ​ຮຽກ​ເຂົ້າ­ຂອງ​ແອບ​ພລິ​ເຄ​ເຊິນ Hangouts ໄດ້​ອີກ.

10. Android N ຕອນ​ນີ້​ຍັງ​ເປັນ​ເວີ​ເຊິນ​ທົດ​ສອບ​ສຳ­ລັບ​ນັກ​ພັດ­ທະ­ນາ ຫຼື Developer Preview ເທົ່າ​ນັ້ນ.

  1. ໃຊ້​ທົດ​ສອບ​ໄດ້​ຮ່ວມ​ກັບNexus 6, Nexus 5X, Nexus 6P, Nexus Player, Nexus 9 ແລະPixel C.
  2. ບໍ່​ແນະ­ນຳ​ໃຊ້ ຜູ້​ໃຊ້​ທົ່ວ​ໄປ​ນຳ​ມາ​ໃຊ້​ໃນ​ເວ­ລາ​ນີ້​ແຕ່​ອາດ​ຈະ​ເລີ່ມ​ໄດ້​ຮັບ​ອັບ​ເດດ​ຊ່ວງ​ໄຕ​ມາດ​ທີ 3 ຂອງ​ປີ​ນີ້.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.