ຕະຫຼາດສົມຫວັງຈະເປີດບໍລິການທ້າຍເດືອນນີ້

  ຕະຫຼາດສົມຫວັງ ເມືອງຫາດຊາຍຟອງ ຖືເປັນສະຖານທີ່ອີກແຫ່ງໜຶ່ງທີ່ໃຫ້ບໍລິການຊື້-ຂາຍທັນສະໄໝຄົບວົງຈອນປະຈຸບັນແມ່ນໄດ້ພັດທະນາໂຄງການກໍ່ສ້າງສຳເລັດແລ້ວໂດຍຈະເປີດເປັນທາງການໃນວັນທີ 25 ທັນວາ 2019 ນີ້ບັນດາພໍ່ຄ້າຊາວຂາຍທີ່ມາເຂົ້າຈັບຈອງ ແລະ ທົດລອງຂາຍໃນໄລຍະເປີດໃໝ່ນີ້ແມ່ນໄດ້ຮັບສິດທິພິເສດຫຼາຍຢ່າງ.   ທ່ານ ຄຳພັນ ຄຳມະນີໄຊ ທີ່ປຶກສາຕະຫຼາດສົມຫວັງໃຫ້ສຳພາດວ່າ: ຕະຫຼາດສົມຫວັງໄດ້ເລີ່ມກໍ່ສ້າງໃນເດືອນກຸມພາ 2018 ໂດຍມີເນື້ອທີ່ທັງໝົດ 17.500 ຕາ ແມັດ ເປັນອາຄານຕະຫຼາດທີ່ທັນສະໄໝວົງຈອນທີ່ໃຫຍ່ສຸດຂອງເມືອງຫາດຊາຍຟອງ ຊຶ່ງມີເດີ່ນຈອດລົດກວ້າງຂວາງສາມາດຈອດໄດ້ 300-400 ຄັນ ບໍ່ມີການເກັບຄ່າຈອດນອກນັ້ນມີທາງເຂົ້າ-ອອກ 3 ຈຸດ ແລະ ມີການຈັດສັນພື້ນທີ່ 6 ໂຊນ, ມີທີ່ການບໍລິການແຕກຕ່່າງກັນເຊັ່ນ: ພື້ນທີ່ຂາຍເຄື່ອງນຸ່ງຫົ່ມ, ວັດຖຸຕ່າງໆ, ເຄື່ອງ ແຫ້ງ, ຂອງກິນສຸກ, ພື້ນທີ່ຂາຍຜັກໝາກໄມ້, ພື້ນທີ່ຂາຍຊີ້ນ, ປາ ແລະສິນຄ້າສົດອື່ນໆໂດຍມີເວລາປິດ-ເປີດໝູນວຽນການບໍລິການ 24 ຊົ່ວໂມງປະຈຸບັນແມ່ນສຳເລັດກໍ່ສ້າງແລ້ວ ແລະ ມີໂຕະສຳເລັດຮູບບ່ອນເກັບຜະລິດຕະພັນສິນຄ້າໄວ້ໃຫ້ພໍ່ຄ້າຊາວຂາຍຈຳນວນ 300 ກວ່າໜ່ວຍສຳລັບພໍ່ຄ້າຊາວຂາຍເຂົ້າມາຈັບຈອງແມ່ນຈະມີສ່ວນຫຼຸດ ຫຼືມີສິດທິພິເສດຫຼາຍໆຢ່າງໃນໄລຍະເປີດທົດລອງໃນວັນທີ 25 ທັນວາ 2019 ຫາວັນທີ 1 ມັງກອນ 2020 ນີ້ ສະເພາະປະເພດ ສິນຄ້າກະສິກຳເຊັ່ນ: ຜັກສະອາດ, ໝາກໄມ້, ຊີ້ນ, ປາ ແລະອື່ນໆແມ່ນຈະບໍ່ໄດ້ເກັບຄ່າບໍລິການ.   ຈຸດເດັ່ນຂອງຕະຫຼາດສົມຫວັງເປັນໂຄງສ້າງອາຄານໃຫຍ່ທັນສະໄໝ ແລະປອດໂປ່ງພື້ນທີ່ບໍລິການຂາຍສົ່ງ, ຂາຍຍ່ອຍ ແລະຕິດກັບຖະໜົນທ່າເດື່ຶອ Km8 ຊຶ່ງເປັນເສັ້ນທາງເຊື່ອມຕໍ່ລະຫວ່າງປະເທດລາວ-ໄທເປັນສູນລວມອີກບ່ອນໜຶ່ງຂອງການຊື້-ຂາຍ ແລະພ້ອມທີ່ຈະພິຈາລະນາເງື່ອນໄຂພິເສດສໍາລັບສິນຄ້າຕົວແບບຂອງທ້ອງຖິ່ນໂດຍສະເພາະສິນ ຄ້າໜຶ່ງເມືອງໜຶ່ງຜະລິດຕະພັນແຫ່ງ ຊາດຕາງເປັນການສົ່ງເສີມສິນຄ້າພາຍ ໃນ ແລະອໍານວຍຄວາມສະດວກໃຫ້ ຊາວຕ່າງປະເທດສາມາດເລືອກຊື້ສິນຄ້າຂອງລາວເຮົາໄດ້ງ່າຍໃນລາຄາທີ່ເໝາະສົມ. __________ ຂຽນໂດຍ: ແພງຕາພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

Read more

ກຽມພົບກິດຈະກຳທະນາຄານ ເອຊີລີດາ ຈຳກັດ ທົ່ວປະເທດ

  ໃນວັນທີ 20 ທັນວາ 2019 ທີ່ຈະມາເຖິງນີ້ທະນາຄານເອຊີລີດາ ຈະໄດ້ຈັດກິດຈະກຳການຕັ້ງບູດ, ເພື່ອໃຫ້ຂໍ້ມູນຜະລິດຕະພັນຕ່າງໆແກ່ລູກຄ້າ, ໃນກິດຈະກຳດັ່ງກ່າວຈະມີການແຈກລາງວັນສຳລັບລູກຄ້າທີ່ເປີດບັນຊີເງິນຝາກພ້ອມທັງລົງທະບຽນນຳໃຊ້ບັດເອທີເອັມ ແລະແອັບທັນໃຈຂອງທະນາຄານນຳອີກອີກ.  ໂດຍເງື່ອນໄຂການຮັບລາງວັນຈະຕ້ອງເປັນຜູ້ເປີດບັນຊີເງິນຝາກປະຢັດ, ລົງທະບຽນບັດ ATM, ນຳໃຊ້ເອຊີລີດາທັນໃຈ ແລະຝາກເລີ່ມຕົ້ນ 5 ລ້ານກີບ ຮັບທັນທີເສື້ອ ຫຼື ຄັນຮົ່ມ; ເປີດບັນຊີຝາກມີກຳນົດຮັບດອກເບ້ຍ ທຸກເດືອນເລີ່ມຕົ້ນ 5 ລ້ານກີບ ໄລຍະ 6 ເດືອນຂຶ້ນໄປຮັບ ທັນທີເສື້ອ ຫຼື ຄັນ ຮົ່ມ; ເປີດບັນຊີຝາກມີກຳນົດຮັບດອກ ເບ້ຍເມື່ອຮອດກຳນົດເລີ່ມຕົ້ນ 10 ລ້ານກີບ ໄລຍະ 6 ເດືອນຂຶ້ນໄປຮັບທັນທີເສື້ອ ຫຼືຄັນຮົ່ມ; ເປີດບັນຊີເງິນຝາກສະສົມເພື່ອການສຶກສາ, ບັນຊີເງິນຝາກເພື່ອສຸຂະພາບ ຫຼື ບັນຊີເງິນຝາກເບ້ຍບຳນານ (ບັນຊີໃດໜື່ງ) ເລີ່ມຕົ້ນ 5 ລ້ານກີບ ຮັບທັນທີເສື້ອ ຫຼືຄັນຮົ່ມ.  ຊຶ່ງທ່ານສາມາດພົບກັບຮ້ານວາງສະແດງຂອງທະນາຄານໄດ້ຕາມສະຖານທີ່ຕ່າງໆເຊັ່ນ: ບ້ານຈັດສັນຫຼັກ 7 ແຂວງຈຳປາສັກ; ໂຮງຮຽນເຕັກນິກວິຊາຊີບປາກງາວ ແຂວງບໍ່ແກ້ວ; ຕະຫຼາດໂນນຄໍ້ ນະຄອນຫຼວງວຽງຈັນ; ຕະຫຼາດລ້ອງປໍເມືອງໄຊຍະບູລີແຂວງໄຊຍະບູລີ; ຕະຫຼາດນາວຽງຄຳ ນະຄອນຫຼວງພະບາງ; ຕະຫຼາດນັດບຸນກິນຈຽງເຜົາມົ້ງ ເດີ່ນ ກີລາ ແຂວງອຸດົມໄຊ; ໂຮງຮຽນເຕັກນິກ ວິຊາຊີບບ້ານໂມ ເມືອງລະມາມ ແຂວງ ເຊກອງ; ຕະຫຼາດໃຫຍ່ສະຫວັນໄຊ ແຂວງສະຫວັນນະເຂດ; ຕະຫຼາດສາລະວັນ ແຂວງສາລະວັນ; ຕະຫຼາດເມືອງປາກຊ່ອງ ແຂວງຈຳປາສັກ; ໂຮງຮຽນວິຊາຊີບລາວ-ເກົາຫຼີ ນະຄອນຫຼວງວຽງຈັນ; ຫ້ອງການບ້ານຫ້ວຍເຊົາ ເມືອງຄົງເຊໂດນ ແຂວງຈຳປາສັກ; ຕະຫຼາດໃໝ່ປາກຊັນ ແຂວງບໍລິຄຳໄຊ; ຕະຫຼາດແກ້ງກອກ ເມືອງຈຳພອນ ແຂວງສະຫວັນນະເຂດ; ຕະຫຼາດໂພນ ໂຮງແຂວງວຽງຈັນ; ຕະຫຼາດໂພນສະຫວັນ ແຂວງຊຽງຂວາງ; ຕະຫຼາດຕານມີໄຊ ນະຄອນຫຼວງວຽງຈັນ; ບຸນສະຫຼອງ ວັນຊາດເດີ່ນກີລາເມືອງອຸທຸມພອນ ແຂວງສະຫວັນນະເຂດ; ຕະຫຼາດສວນມອນ ນະຄອນຫຼວງວຽງຈັນ; ໂຮງຮຽນສ້າງຄູ ແຂວງຫຼວງນໍ້າທາ; ວິທະຍາໄລເຕັກນິກ ເມືອງວັງວຽງ ແຂວງວຽງຈັນ; ຕະຫຼາດທົ່ງປົ່ງ ເມືອງສີໂຄດຕະບອງ ນະຄອນຫຼວງວຽງຈັນ ຫຼືຈະສອບຖາມຂໍ້ມູນເພີ່ມຕື່ມໄດ້ທີ່ໝາຍເລກໂທລະສັບ 021 264998. ———- ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

Read more

ທ່ານ ນາງ ວິນຄຳ ລຸນທອນ ຮັບແຕ່ງຕັ້ງເປັນ ຜອ ໃຫຍ່ບໍລິສັດຂໍ້ມູນຂ່າວສານສິນເຊື່ອ

   ພາຍຫຼັງທີ່ ທ່ານນາງ ວິນຄໍາ ລຸນທອນ ໄດ້ຮັບການປະກາດແຕ່ງຕັ້ງເປັນຜູ້ອໍານວຍການໃຫຍ່ (ຜອ) ບໍລິສັດຂໍ້ມູນຂ່າວສານສິນເຊື່ອແຫ່ງ ສປປ ລາວ ໃນວັນທີ 17 ທັນ ວາຜ່ານມາ; ທ່ານໄດ້ໃຫ້ການສໍາພາດວ່າ: ຈຸດປະສົງຫຼັກຂອງການສ້າງຕັ້ງບໍລິສັດເພື່ອຍົກສູງພາລະບົດບາດການເຄື່ອນໄຫວຂອງວຽກງານຂໍ້ມູນຂ່າວສານສິນເຊື່ອໃຫ້ພົ້ນເດັ່ນ, ເປັນສູນກາງໃນການແລກປ່ຽນຂໍ້ມູນທີ່ຕິດພັນກັບວຽກງານຂໍ້ມູນຂ່າວສານສິນເຊື່ອເພື່ອນຳມາສ້າງຜະລິດຕະພັນໃຫ້ໄດ້ຕາມມາດຕະຖານສາກົນທີ່ມີຄວາມຄົບຖ້ວນ, ມີຄຸນນະພາບ, ມີຄວາມທັນສະໄໝ, ຮັບປະກັນຄວາມປອດໄພດ້ານຂໍ້ມູນຂ່າວສານສິນເຊື່ອກ້າວໄປສູ່    ການເຊື່ອມໂຍງກັບພາກພື້ນ ແລະສາກົນໃນອະນາຄົດ; ປະກອບສ່ວນເຂົ້າໃນການກຳນົດນະໂຍບາຍເງິນຕາຂອງພາກລັດແນໃສ່ເພື່ອຮັກສາຄວາມມີສະຖຽນລະພາບທາງດ້ານການເງິນ-ເງິນຕາ, ຄຸ້ມຄອງບັນດາສະຖາບັນການເງິນ; ສະມາຊິກນໍາໃຊ້ຂໍ້ມູນຂ່າວສານສິນເຊື່ອເຂົ້າໃນການວິເຄາະຄວາມສ່ຽງດ້ານສິນເຊື່ອກ່ອນການອະນຸ ມັດເງິນກູ້, ທົບທວນ, ປັບໂຄງສ້າງໜີ້, ແຈ້ງເຕືອນເງິນກູ້ທີ່ມີຄວາມສ່ຽງ, ກຳນົດຜະລິດຕະພັນ ແລະການຕະຫຼາດຂອງຕົນ; ສົ່ງເສີມການເຂົ້າເຖິງແຫຼ່ງທຶນຂອງວິສາ ຫະກິດຂະໜາດນ້ອຍ ແລະຂະໜາດກາງ, ສັງຄົມສາມາດເຂົ້າເຖິງຂໍ້ມູນຂ່າວສານສິນເຊື່ອໄດ້ງ່າຍຂຶ້ນ,ນໍາໃຊ້ຂໍ້ມູນຂ່າວສານສິນເຊື່ອເຂົ້າໃນວຽກງານຕ່າງໆ ແລະສົ່ງເສີມໃຫ້ສັງຄົມມີວິໄນທາງການເງິນ.  ບໍລິສັດດໍາເນີນທຸລະກິດຕາມຂອບເຂດສິດໂດຍເຄື່ອນໄຫວທຸລະກິດຕາມວັດຖຸປະສົງທີ່ໄດ້ກຳນົດໄວ້ໃນໃບທະບຽນວິສະຫະກິດ; ເປັນເຈົ້າຕົນເອງທາງດ້ານການເງິນ,ການບໍລິຫານຊັບສິນ ແລະການຊອກຫາແຫຼ່ງທຶນໃນການຂະຫຍາຍທຸລະກິດ; ພິຈາລະນາການສະເໜີຂໍເຂົ້າເປັນສະມາຊິກຂອງບໍລິສັດ; ກວດກາສໍານວນເອກະສານສິນເຊື່ອ ແລະ ສົມທຽບຂໍ້ມູນສໍານວນເອກະສານສິນເຊື່ອຂອງສະມາຊິກກັບຂໍ້ມູນໃນຖານຂໍ້ມູນຕາມແບບພິມ; ກວດກາການເຂົ້າຄົ້ນຫາ ແລະ ນຳໃຊ້ຜະລິດຕະພັນຂໍ້ມູນຂ່າວສານ ສິນເຊື່ອຂອງສະມາຊິກ ແລະຜູ້ກ່ຽວຂ້ອງ; ປະຕິບັດມາດຕະການຕໍ່ຜູ້ທີ່ລະເມີດລະບຽບການກ່ຽວກັບວຽກງານຂໍ້ມູນຂ່າວສານສິນເຊື່ອ; ຄຸ້ມຄອງພະນັກງານໃນຂອບເຂດຄວາມຮັບຜິດຊອບບົນພື້ນຖານກົດໝາຍແຮງງານ ແລະລະບຽບພາຍໃນຂອງບໍລິສັດ ແລະນຳໃຊ້ສິດອື່ນໆຕາມກົດໝາຍ ແລະລະບຽບການກ່ຽວຂ້ອງ.   ທ່ານ ນາງ ວິນຄໍາ ລຸນທອນໄດ້ຢືນຢັນວ່າ: ສະມາຊິກຂອງສູນໄດ້ເພີ່ມຂຶ້ນຈາກ 30 ກວ່າແຫ່ງ ໃນປີ2010 ມາເປັນ 116 ແຫ່ງໃນປະຈຸບັນ, ໃນນີ້, ມີທະນາຄານທຸລະກິດ 43 ແຫ່ງ ແລະສະຖາບັນ ການເງິນຈຸລະພາກ 73 ແຫ່ງໃນ ຂອບ ເຂດທົ່ວປະເທດ ແລະດຽວນີ້ໄດ້ນຳໃຊ້ ລະບົບ CIB Online ເພື່ອເກັບກຳຂໍ້ມູນສິນເຊື່ອທັງໝົດທຸກປະເພດຂອງສະມາ ຊິກທີ່ເປັນທະນາຄານ ແລະສະຖາບັນ ການເງິນທີ່ປ່ອຍໃຫ້ລູກຄ້າຂອງຕົນ ແລະ ໃຫ້ບໍລິການຂໍ້ມູນຂ່າວສານສິນເຊື່ອໃຫ້ ແກ່ພາກສ່ວນຕ່າງໆທີ່ມີຄວາມຕ້ອງການນຳໃຊ້ຂໍ້ມູນເພື່ອວິເຄາະຄວາມສ່ຽງຂອງລູກຄ້າເງິນກູ້ກ່ອນການອະນຸມັດສິນເຊື່ອ, ບຸກຄົນແລະນິຕິບຸກຄົນທີ່ມີຄວາມຕ້ອງ ການນຳໃຊ້ຂໍ້ມູນດັ່ງກ່າວ, ຂໍ້ມູນລູກຄ້າຜູ້ກູ້ຢືມຂອງທະນາຄານໃນຖານຂໍ້ມູນ CIB Online ເປັນລາຍບຸກຄົນໄດ້ເພີ່ມຂຶ້ນຈາກ 64.205 ລາຍໃນປີ2014 ມາເປັນ 711.811 ລາຍໃນປີ 2019 ຂໍ້ມູນລູກຄ້ານິຕິບຸກຄົນເພີ່ມຂຶ້ນຈາກ 3.051 ລາຍໃນປີ 2014 ມາເປັນ 19.171 ລາຍ ໃນ ປີ2019. ປະຈຸບັນໃນແຕ່ລະເດືອນມີສະມາຊິກເຂົ້າມາຊົມໃຊ້ບໍລິການສູນຂໍ້ມູນສິນເຊື່ອໂດຍສະເລ່ຍປະມານ 12.500 ລາຍຕໍ່ເດືອນ ແລະສາມາດສ້າງ ລາຍຮັບຈາກການເກັບຄ່າບໍລິການໄດ້ປະມານ200 ລ້ານກີບຕໍ່ເດືອນ ແລະ 2,5 ຕື້ກີບຕໍ່ປີ ແລະ ຈະພັດທະນາວຽກງານຂໍ້ມູນຂ່າວສານສິນເຊື່ອຂອງປະເທດເຮົາຕິດພັນກັບການປະຕິບັດຄໍາສັ່ງເລກທີ 02/ນຍ ລົງວັນທີ 01/02/2018 ວ່າ ດ້ວຍການປັບປຸງບັນດາລະບຽບການ ແລະກົນໄກໃນການດໍາເນີນທຸລະກິດໃຫ້ສະດວກວ່ອງໄວໃນ ສປປ ລາວ ແຜນວຽກ Financial Inclusion ແລະການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງເພື່ອເຮັດໃຫ້ການເຂົ້າເຖິງການບໍລິການທາງການເງິນຂະຫຍາຍຕົວແກ້ໄຂຄວາມທຸກຍາກຈຶ່ງຮຽກຮ້ອງໃຫ້ຕ້ອງມີການພັດ ທະນາວຽກງານຂໍ້ມູນຂ່າວສານສິນເຊື່ອຮອບດ້ານ.   ທ່ານ ຜອ. ນາງ ວິນຄໍາ ລຸນທອນຍັງ ເນັ້ນວ່າ: ພາຍຫຼັງການສ້າງຕັ້ງບໍລິສັດ CIB ແລ້ວແມ່ນຈະສືບຕໍ່ປັບປຸງການ ເຄື່ອນໄຫວຕາມດຳລັດຂອງນາຍົກລັດຖະມົນຕີທີ່ກຳນົດໂດຍຈະເລັ່ງປັບປຸງຖານຂໍ້ມູນໃຫ້ສົມບູນໂດຍຈະມີການເກັບກຳຂໍ້ມູນສາທາລະນຸປະໂພກນຳບັນດາບໍລິສັດກ່ຽວຂ້ອງທີ່ໄດ້ມີການເຊັນ MOU ນຳກັນ ແລະຈະມີການພັດທະນາລະບົບໂປຼແກຼມຂໍ້ມູນຂ່າວສານສິນເຊື່ອທີ່ເປັນມາດຕະຖານສາກົນສາມາດຕອບສະໜອງຂໍ້ມູນຂ່າວສານສິນເຊື່ອຕາມຄວາມຕ້ອງການຂອງຜູ້ຊົມໃຊ້ເປັນຕົ້ນແມ່ນທະນາຄານທຸລະກິດ, ສະຖາບັນການເງິນ, ການຈັດຕັ້ງພາກລັດ, ສາກົນ ແລະ ບຸກຄົນ, ນິຕິບຸກຄົນອື່ນໆ, ພ້ອມນີ້, ຈະສຸມໃສ່ສ້າງຜະລິດຕະພັນໃນການຄົ້ນຄວ້າບໍລິ ຫານຄວາມສ່ຽງສິນເຊື່ອ ແລະ ປະກອບສ່ວນເຂົ້າໃນການຈັດຕັ້ງປະຕິບັດຕົວຊີ້ວັດສິ່ງອໍານວຍຄວາມສະ ດວກໃນການດຳເນີນທຸລະກິດ ໂດຍເບື້ອງຕົ້ນຈະພັດທະນາການບໍລິການຂໍ້ມູນ ຫຼື ບົດລາຍງານຂໍ້ມູນສິນເຊື່ອ; ກວດກາຕິດຕາມຂໍ້ມູນສິນເຊື່ອ; ກວດກາສະພາບການລົ້ມລະລາຍ; ການສັງລວມຂໍ້ມູນສິນເຊື່ອ; ລະບົບການແຈ້ງເຕືອນລ່ວງໜ້າ; ຄຸນລັກສະນະໃນການວິເຄາະສິນເຊື່ອ ແລະ

Read more

4 ໂຄງການພັດທະນາຕົວເມືອງຫຼວງນ້ຳທາມີຄວາມຄືບໜ້າ

  ວັນທີ 17 ທັນວາ 2019 ນີ້ ທ່ານ ເພັດຖາວອນ ພິລະວັນ ເຈົ້າແຂວໆ ຫຼວງນໍ້າທາ ລົງກວດກາຄວາມຄືບໜ້າໂຄງການພັດທະນາຕົວເມືອງຕາມແລວທາງອານຸພາກພື້ນແມ່ນໍ້າຂອງ 2 ຢູ່ເມືອງຫຼວງນໍ້າທາໂດຍມີ ທ່ານ ຄໍາລາ ຂານສະຫງ່າ ຫົວໜ້າພະແນກໂຍທາທິການ ແລະ ຂົນສົ່ງແຂວງ, ມີບໍລິສັດທີ່ປຶກສາໂຄງການ, ບໍລິສັດຮັບເໝົາກໍ່ສ້າງ ແລະພາກສ່ວນທີ່ກ່ຽວຂ້ອງເຂົ້າຮ່ວມ.  ທ່ານ ທະນູສີນ ຫົວໜ້າທີມທີປຶກສາໂຄງການໄດ້ລາຍງານຄວາມຄືບໜ້າໃຫ້ຮູ້ວ່າ: ໃນ 4 ໂຄງການກໍ່ສ້າງໂຄງການທຳອິດປະກອບມີໜ້າວຽກປັບປຸງສວນສາທາລະນະ, ຕະຫຼາດກາງຄືນ ແລະສະໜາມກີລາໃນຮົ່ມໂດຍແມ່ນບໍລິສັດຮ່ວງຊະນະໄຊກໍ່ ສ້າງຈຳກັດຜູ້ດຽວ ເປັນຜູ້ຮັບເໝົາກໍ່ສ້າງມູນຄ່າກໍ່ສ້າງ 1,5 ລ້ານໂດລາ, ໄລຍະການກໍ່ ສ້າງ 18 ເດືອນ ປະຈຸບັນສໍາເລັດ 27,40% ຄາດວ່າຈະສໍາເລັດໂຄງການໃນເດືອນກັນຍາ 2020.   ໂຄງການກໍ່ສ້າງຂົວຂ້າມນໍ້າທາ ແລະ ທາງເຂົ້າຂົວແມ່ນບໍລິສັດຈຳປາຄຳກໍ່ສ້າງ-ສ້ອມແປງຂົວທາງ ແລະເຄຫາສະຖານຈຳກັດຜູ້ດຽວເປັນຜູ້ຮັບເໝົາກໍ່ສ້າງໃນມູນຄ່າ 2,3 ລ້ານໂດລາ ໄລຍະການກໍ່ສ້າງ 18 ເດືອນຄວາມຄືບໜ້າສຳເລັດ 49,83% ຄາດວ່າຈະສໍາເລັດໂຄງການເດືອນມີນາ 2020.   ໂຄງການປັບປຸງບ້ານພາຍໃນເມືອງເສັ້ນທາງ ແລະຮ່ອງລະບາຍນໍ້າແຄມ ທາງເມືອງຫຼວງນໍ້າທາ ບໍລິສັດຄຳຟອງກຼຸບ ຮັບເໝົາກໍ່ສ້າງໃນມູນຄ່າ 7,4 ລ້ານໂດລາ, ໄລ ຍະການກໍ່ສ້າງ 18 ເດືອນ ປະຈຸບັນສໍາເລັດ 6,28% ຈະໃຫ້ສໍາເລັດເດືອນກັນຍາ2020.  ໂຄງການທີ 4 ແມ່ນໂຄງການກໍ່ສ້າງສະໜາມຂີ້ເຫຍື້ອແຂວງຫຼວງນໍ້າທາແມ່ນບໍລິສັດວີເອັດພີກໍ່ສ້າງຈຳກັດຜູ້ດຽວເປັນຜູ້ຮັບເໝົາກໍ່ສ້າງໄລຍະເວລາກໍ່ສ້າງ 18 ເດືອນ ປະຈຸບັນສຳເລັດ 46,25% ແລະກະກໍ່ສ້າງສຳເລັດເດືອນເມສາ 2020 ໂດຍທັງ 4 ໂຄງການໂດຍໄດ້ຮັບທຶນຊ່ວຍເຫຼືອລ້າຈາກທະນາຄານພັດທະນາອາຊີ. __________ ຂຽນໂດຍ: ອຸ້ມ ສົມນໍວັນພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

Read more

2020 ລັດຈະເກັບລາຍຮັບໃຫ້ໄດ້ 28 ພັນຕື້ກວ່າກີບ

  ແຜນງົບປະມານແຫ່ງລັດປະຈໍາປີ 2020, ລັດຖະບານວາງຄາດໝາຍສູ້ຊົນການຈັດເກັບລາຍຮັບໃຫ້ໄດ້ທັງໝົດ 28.997 ຕື້ກີບ ເທົ່າກັບ 16,31% ຂອງຈີດີພີ ເພີ່ມຂຶ້ນ 9,4% ຂອງແຜນປີ 2019, ສ່ວນລາຍຈ່າຍຄາດຈະຢູ່ໃນລະດັບ 35.693 ຕື້ກີບ ເທົ່າກັບ 20,08% ຂອງຈີດີພີເພີ່ມຂຶ້ນ 5,8% ທຽບໃສ່ແຜນການປີ 2019 ໃນນີ້ລາຍຈ່າຍບໍລິຫານ 22.818 ຕື້ກີບ ແລະລາຍຈ່າຍການລົງທຶນຂອງລັດ 12.875 ຕື້ກີບ.   ທ່ານ ບຸນໂຈມ ອຸບົນປະເສີດ ຮອງລັດຖະມົນຕີກະຊວງການເງິນໄດ້ລາຍງານຕໍ່ກອງປະຊຸມການເງິນທົ່ວປະເທດໃນວັນທີ 16 ທັນວາ ໃຫ້ຮູ້ວ່າ: ຄາດໝາຍລາຍຮັບງົບປະມານແຫ່ງລັດປະຈໍາປີ 2020 ທັງໝົດ 28.997 ຕື້ກີບ ເທົ່າກັບ 16,31% ຂອງຈີດີພີເພີ່ມຂຶ້ນ 9,4% ຂອງແຜນປີ 2019 ໃນນັ້ນລາຍຮັບຈາກພາສີ ແລະສ່ວຍສາອາກອນ 22.133 ຕື້ກີບ, ລາຍຮັບທີ່ບໍ່ແມ່ນພາສີແລະສ່ວຍສາອາກອນ 4.576 ຕື້ກີບ ແລະ ລາຍຮັບຈາກການຊ່ວຍເຫຼືອລ້າ 2.287 ຕື້ກີບ; ສ່ວນດ້ານລາຍຈ່າຍຄາດຈະຢູ່ໃນລະດັບ 35.693 ຕື້ກີບ ເທົ່າກັບ 20,08% ຂອງຈີດີພີເພີ່ມຂຶ້ນ 5,8% ທຽບໃສ່ແຜນການປີ 2019 ໃນນີ້ ລາຍຈ່າຍບໍລິຫານ 22.818 ຕື້ກີບ ເພີ່ມຂຶ້ນ 2,50% ຫຼື ເທົ່າກັບ 555,62 ຕື້ກີບ ທຽບໃສ່ແຜນການປີຜ່ານມາ ແລະລາຍຈ່າຍການລົງທຶນຂອງລັດ 12.875 ຕື້ກີບ ເພີ່ມຂຶ້ນ 12,22% ເທົ່າ ກັບ 1.401 ຕື້ກີບ ທຽບໃສ່ປີ 2019.   ສໍາລັບລາຍຈ່າຍບໍລິຫານຈໍານວນ 22.818 ຕື້ກີບ ທີ່ເພີ່ມຂຶ້ນ 2,50% ປະກອບມີລາຍຈ່າຍເງິນເດືອນ ແລະເງິນອຸດໜູນ11.500 ຕື້ກີບ ເພີ່ມຂຶ້ນ 450 ຕື້ກີບ, ເງິນນະໂຍບາຍ ແລະຊ່ວຍໜູນ 2.150 ຕື້ກີບ ເພີ່ມຂຶ້ນ 100 ຕື້ກີບ, ຈ່າຍບໍລິຫານກົງຈັກລັດ2.800 ຕື້ກີບ, ຈ່າຍດັດສົມ-ສົ່ງເສີມ 2.110 ຕື້ກີບ ເພີ່ມຂຶ້ນ 140 ຕື້ກີບ, ລາຍຈ່າຍການເງິນ 3.718 ຕື້ກີບເພີ່ມຂຶ້ນ 161 ຕື້ກີບ, ລາຍຈ່າຍຊື້ ໃໝ່ 100 ຕື້ກີບ ຫຼຸດລົງ 20 ຕື້ກີບ ແລະ ລາຍຈ່າຍອື່ນໆ 440 ຕື້ກີບ ເພີ່ມຂຶ້ນ 40 ຕື້ກີບ; ສ່ວນລາຍຈ່າຍການລົງທຶນຂອງລັດ 12.875 ຕື້ກີບ ເພີ່ມຂຶ້ນ 12,22% ມີລາຍຈ່າຍລົງທຶນຕ່າງປະເທດເປັນໂຄງການປະມານ 8.125 ຕື້ກີບ ເພີ່ມຂຶ້ນ 1.011 ຕື້ກີບ ແລະ ຈ່າຍລົງທຶນພາຍໃນ 4.750 ຕື້ກີບ ເພີ່ມຂຶ້ນ 390 ຕື້ກີບ (ລາຍລົງທຶນປົກກະຕິ 2.600 ຕື້ກີບເພີ່ມຂຶ້ນ 150 ຕື້ກີບ ແລະຈ່າຍລົງທຶນອື່ນໆ 2.150 ຕື້ກີບ).   ສະເພາະການຂາດດຸນງົບປະມານຄາດຄະເນປະມານ 6.696 ຕື້ກີບ ຫຼືປະມານ 3,77% ຂອງຈີດີພີ (ຈີດີພີຂະຫຍາຍຕົວປະມານ 6,5%) ໂດຍລວມແລ້ວການຂາດດຸນຫຼຸດລົງນັ້ນແມ່ນເປັນຕົວເລກໃກ້ຄຽງກັບວິໄສທັດ ແລະຍຸດທະສາດການພັດທະນາຂອງຂະແໜງການເງິນທີ່ລັດຖະບານຮັບຮອງ. ____________ ໜັງສືພິມເສດຖະກິດ–ສັງຄົມ

Read more

ທນບ ສາຂາຈຳປາສັກ ສືບຕໍ່ສະໜອງແຫຼ່ງທຶນໃຫ້ປະຊາຊົນ 2 ແຂວງ

 ທ່ານ ບຸນລັດ ຫຼວງໄຊ ເລຂາໜ່ວຍພັກ-ຫົວໜ້າທະນາຄານນະໂຍບາຍສາຂາຈຳປາສັກ (ທນບ-ສາຂາ ຈປສ) ໄດ້ໃຫ້ຮູ້ວ່າ: ຄະນະໜ່ວຍພັກ-ຄະນະສາຂາໄດ້ນໍາພາພະ ນັກງານຈັດຕັ້ງປະຕິບັດບັນດາໜ້າວຽກຕົ້ນຕໍໃນດ້ານວິຊາສະເພາະໂດຍອີງໃສ່ທ່າແຮງ,ຈຸດພິເສດ ແລະເງື່ອນໄຂພາຍໃນຂອງ ທນບ ແລະຂອງທ້ອງຖິ່ນ;ປະຈຸບັນ, ທນບ ສາຂາຈໍາປາສັກປະກອບມີ 4 ຂະແໜງການ, 5 ໜ່ວຍບໍລິການ,1 ຫ້ອງການປະສານງານການເຄື່ອນໄຫວສິນເຊື່ອໃນຂອບເຂດເມືອງເປົ້າໝາຍ ແລະ 1 ຈຸດສຸມລັດຖະບານ, 5 ຈຸດສຸມທ້ອງຖິ່ນ ແລະບ້ານ 3 ສ້າງມີ 12 ບ້ານ ມີ 6 ເມືອງ  ຢູ່ແຂວງຈໍາປາສັກ ແລະສາລະວັນ. ເຖິງແຫຼ່ງທຶນຕົ້ນຕໍຂອງ ທນບ ຊຶ່ງມີຍອດຍົກມາຕົ້ນເດືອນມັງກອນ 2019 ມີ376,62 ຕື້ກີບ,ໃນປີໄດ້ຮັບອະນຸມັດແຫຼ່ງທຶນຈາກທະນາຄານແຫ່ງ ສປປ ລາວ 64,9 ຕື້ກີບ, ຮອດເດືອນ ພະຈິກ ໄດ້ນໍາໃຊ້ 37,72 ຕື້ກີບ ເທົ່າກັບ 58,12% ຂອງແຜນການ. ຜ່ານການປະຕິບັດນະໂຍບາຍສີນເຊື່ອໃນເດືອນພະຈິກ 2019 ສາມາດປ່ອຍສິນເຊື່ອທຽບໃສ່ຕົວເລກສູ້ຊົນດ້ານສິນເຊື່ອໃນແຜນພັດທະນາເສດຖະກິດຂອງ 2 ແຂວງ ປະຈໍາປີ 2019 (64,9 ຕື້ກີບ) ສາມາດປະຕິບັດໄດ້  58,12%.   ພ້ອມນັ້ນ; ຄະນະໜ່ວຍພັກຍັງເອົາໃຈໃສ່ຕໍ່ຊີວິດການເປັນຢູ່ຂອງສະມາຊິກພັກ-ພະນັກງານ ໂດຍຊຸກຍູ້ສ້າງເສດຖະກິດຄອບຄົວດ້ວຍຮູບການສະສົມເງິນພະນັກງານ ທນບ ເປັນເງິນກອງທຶນລວມແລ້ວນໍາມາໃຫ້ພະນັກງານກອງທຶນກູ້ຢືມໃນອັດຕາດອກເບ້ຍຕໍ່າເພື່ອແກ້ໄຂຊີວິດການເປັນຢູ່, ສ້າງເສດຖະກິດຄອບຄົວເຮັດໃຫ້ພະນັກງານ-ສະມາຊິກພັກສາມາດເພີ່ງຕົນເອງ,ກຸ້ມຕົນເອງໄດ້ໃນລະດັບໃດໜຶ່ງຊຶ່ງມາຮອດທ້າຍເດືອນພະຈິກ 2019 ກອງທືນມີທັງໝົດ 1.587.793.000 ກີບ ແລະສໍາເລັດວຽກອື່ນໆອີກຈໍານວນໜຶ່ງ.   ທ່ານ ບຸນລັດ ຫຼວງໄຊ ຫົວໜ້າ ທນບ-ສາຂາ ຈໍາປາສັກ ກ່າວວ່າ: ທິດທາງການເຄື່ອນໄຫວໃນຕໍ່ໜ້າແມ່ນຈະສ້າງໃຫ້ໜ່ວຍພັກມີຄວາມປອດໃສເຂັ້ມແຂງໜັກແໜ້ນໃຫ້ໄດ້ຄາດໝາຍແຕ່ 80% ຂຶ້ນໄປ; ຕັ້ງໜ້າສູ້ຊົນປະຕິບັດໜ້າທີ່ແຕ່ລະດ້ານໃຫ້ໄດ້ຄາດໝາຍແຕ່  80% ຂຶ້ນໄປໂດຍສະເພາະວຽກງານວິຊາສະເພາະກໍສືບຕໍ່ນຳພາໄປຕາມ4 ຂະແໜງການ, 5 ໜ່ວຍບໍລິການ ແລະ ຫ້ອງການປະສານງານປະຕິບັດໃຫ້ສຳເລັດທຸກໆ ວຽກງານຕາມຄວາມຮັບຜິດຊອບຂອງຕົນແນໃສ່ຄາດໝາຍສູ້ຊົນປະຕິ ບັດແຜນການແຫຼ່ງທຶນ ແລະ ນຳໃຊ້ແຫຼ່ງທຶນປີ 2019; ສືບຕໍ່ປ່ອຍສິນເຊື່ອຜ່ານອົງການຈັດຕັ້ງ-ສັງຄົມກອງທຶນບ້ານຄໍາແປງ ເມືອງຊະນະສົມບູນ ແຂວງຈໍາປາສັກ ແລະຜ່ານສະພາສິນເຊື່ອບ້ວງທຶນສືບຕໍ່ນໍາໃຊ້ໃຫ້ສໍາເລັດເດືອນທັນວາ 2019; ເກັບກໍາຂໍ້ມູນເພື່ອຂຶ້ນແຜນສິນເຊື່ອແຜນສົກປີ 2020 ບ້ວງຈຸດສຸມ ແລະບ້ານ 3 ສ້າງໃຫ້ສໍາເລັດພາຍໃນເດືອນທັນວາ 2019 ແລະມອບໃຫ້ສາຍງານປັບປຸງສໍານວນເງິນກູ້ທັງລາຍກຸ່ມ ແລະລາຍບຸກຄົນໃຫ້ສໍາເລັດ. __________ ຂຽນໂດຍ: ຣັດສະໝີ ດວງສັດຈະ      ພາບ

Read more

ແຜນການ-ການເງິນ ຈະຮ່ວມກັນແກ້ໄຂ 10 ບັນຫາທີ່ຍັງຄົງຄ້າງໃຫ້ດີຂື້ນ ຍູ້ການພັດທະນາເສດຖະກິດ

  ວັນທີ 17 ທັນວາຜ່ານມາ ທີ່ຫໍປະຊຸມແຫ່ງຊາດນະຄອນຫຼວງວຽງຈັນໄດ້ມີກອງປະຊຸມວຽກງານແຜນການ-ການເງິນປະຈຳປີ 2019 ໂດຍເປັນປະທານຮ່ວມຂອງທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີກະຊວງແຜນການແລະການລົງທຶນ, ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະ ຊວງການເງິນ, ມີບັນດາລັດຖະມົນຕີ, ຮອງລັດຖະມົນຕີ, ຮອງເຈົ້າຄອງ, ຮອງເຈົ້າແຂວງ, ບັນດາຂະແໜງແຜນການ-ການເງິນທົ່ວປະເທດ ແລະ ພາກສ່ວນທີ່ກ່ຽວ ຂ້ອງເຂົ້າຮ່ວມ.   ທ່ານ ສອນໄຊ ສີພັນດອນ ກ່າວວ່າ: ໃນປີ 2019 ເຖິງແມ່ນວ່າການຈັດຕັ້ງປະຕິບັດວຽກງານຂອງຂະແໜງແຜນການ ແລະ ການລົງທຶນ ແລະ ຂະແໜງການເງິນ ຈະມີຜົນສຳເລັດຫຼາຍດ້ານກໍຕາມແຕ່ໄປຄຽງຄູ່ກັບດ້ານຕັ້ງໜ້ານັ້ນກໍຍັງເຫັນວ່າມີບາງດ້ານຍັງເປັນບັນຫາຂໍ້ຄົງຄ້າງທີຂະແໜງແຜນການ ແລະ ການລົງທຶນ ແລະ ຂະ ແໜງການເງິນຈະຕ້ອງໄດ້ພ້ອມກັນປັບປຸງແກ້ໄຂໃຫ້ດີຂຶ້ນກວ່າເກົ່າໂດຍສະເພາະບັນຫາທຳອິດເສດຖະກິດແຫ່ງຊາດເຖິງແມ່ນຈະເຕີບໂຕແຕ່ຍັງບໍ່ບັນລຸຕາມເປົ້າໝາຍທີ່ຕັ້ງໄວ້, ໂຄງປະກອບເສດຖະກິດມີການຫັນປ່ຽນຊ້າ, ການສົ່ງເສີມການຜະລິດເປັນສິນຄ້າຍັງບໍ່ເຂັ້ມແຂງ ແລະບໍ່ມີຈຸດສຸມເຮັດໃຫ້ສະມັດຕະພາບຂອງການຜະລິດຍັງຕໍ່າແລະການຜະລິດສ່ວນໃຫຍ່ຍັງເປັນແບບດັ້ງເດີມສ່ວນການຜະລິດ ແລະການບໍລິການທີີ່ມີປະສິດທິຜົນສູງ, ມີການນໍາໃຊ້ເຕັກໂນໂລຊີທັນສະໄໝ ແລະນະວັດຕະກໍາຍັງມີໜ້ອຍ, ທຸລະກິດພາຍໃນໂດຍສະເພາະ SME ຍັງບໍ່ທັນເຂັ້ມແຂງບໍ່ສາມາດກາຍເປັນພື້ນຖານໃຫ້ແກ່ເສດຖະກິດແຫ່ງຊາດໄດ້.   ບັນຫາທີ 2 ການສ້າງແຜນພັດທະນາເສດຖະກິດ-ສັງຄົມຍັງບໍ່ທັນເຂົ້າສູ່ລວງເລິກ ແລະການປະສານງານລະຫວ່າງຂະແໜງການຕ່າງໆ ກັບທ້ອງຖິ່ນຍັງບໍ່ໂລ່ງລ່ຽນເຮັດໃຫ້ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມໃນແຕ່ລະປີຍັງບໍ່ສາມາດບັນລຸຕາມລະດັບຄາດໝາຍທີ່ຕັ້ງໄວ້, 3) ການຊຸກຍູູ້ບັນດາຫົວໜ່ວຍທຸລະກິດຫັນເຂົ້າມາໃຊ້ລະບົບເຄື່ອງມືທັນສະໄໝໃນການມອບລາຍຮັບບໍ່ທັນໄດ້ດີເທົ່າທີີ່ຄວນ, ຄວາມຕື່ນຕົວຂອງຫົວໜ່ວຍທຸລະກິດຍັງຕໍ່າຍັງມີປະກົດການຫຼົບຫລີກ ແລະເຊື່ອງອໍາພັນທະຂອງຕົນຕໍ່ລັດຈໍານວນບໍ່ໜ້ອຍ; 4) ສະພາບຄວາມຝືດເຄືອງທາງດ້ານການເງິນ-ງົບປະມານທີີ່ສະສົມຫຼາຍສົກປີງົບປະ ມານທີີ່ຜ່ານມາຈະຕ້ອງໃຊ້ເວລາພໍສົມຄວນໃນການປັບປຸງກົນໄກ, ຂັ້ນຂອດ ແລະລະບຽບການທາງດ້ານການເງິນໃຫ້ຮັດກຸມກວ່າເກົ່າຈຶ່ງຈະສາມາດຟື້ນໂຕ ແລະກັບເຂົ້າສູ່ສະພາບປົກກະຕິ. ບັນຫາທີ 5 ສະຖຽນລະພາບທາງດ້ານເສດຖະກິດມະຫາພາກຍັງມີຄວາມບອບບາງສູງເປັນຕົ້ນອັດຕາແລກປ່ຽນມີການເໜັງຕີງແຮງ, ສ່ວນຕ່າງລະຫວ່າງອັດຕາແລກ ປ່ຽນລະຫວ່າງທະນາຄານ ແລະຕະຫຼາດກວ້າງຫຼາຍໃນບາງໄລຍະ, ມີການຂາດດຸນຊໍາລະປົກກະຕິກັບຕ່າງປະເທດໃນລະດັບສູງບວກມີການນໍາໃຊ້ເງິນຕາຫຼາຍສະກຸນໃນລະບົບເສດຖະກິດ,ຄັງສໍາຮອງເງິນຕາຕ່າງປະເທດຕໍ່າ,ພັນທະໜີ້ສິນຕ່າງປະເທດມີສູງ, ອັດຕາເງິນເຟີ້ສະເລ່ຍເຖິງແມ່ນຍັງຕໍ່າກວ່າແຜນການແຕ່ໄດ້ມີທ່າອ່ຽງເພີ່ມຂຶ້ນໄວ ແລະຕໍ່ເນືີ່ອງແຕ່ກາງປີເປັນຕົ້ນມາປະກອບກັບທ່າອ່ຽງການອ່ອນຄ່າຂອງເງິນກີບທຽບກັບເງິນບາດເຮັດໃຫ້ຄວາມກົດດັນທາງດ້ານເງິນເຟີ້ໄດ້ເພີີ່ມສູງຂຶ້ນ.   ສ່ວນບັນຫາ 6 ການປັບປຸງຄວາມຍາກ-ງ່າຍໃນການດໍາເນີນທຸລະກິດ ແລະການລົງທຶນເຖິງແມ່ນມີຄວາມພະຍາຍາມສູງແຕ່ຜົນການປ່ຽນແປງຍັງມີຄວາມຊັກຊ້າເຮັດໃຫ້ຍັງບໍ່ສາມາດດຶງດູດການລົງທຶນຂອງພາກເອກະຊົນທີ່ມີ ຄຸນນະພາບໄດ້ຕາມທ່າແຮງຕົວຈິງຂອງປະເທດ; 7) ການແກູ້ໄຂໜີ້ສິນໂຄງການລົງທຶນຂອງລັດຍັງມີຄວາມຄືບໜ້າ ຊ້າ ແລະຍັງບໍ່ທັນຕອບສະໜອງໄດ້ກັບ ຄວາມຮຽກຮ້ອງຕ້ອງການຕົວຈິງຍ້ອນມີໜີ້ສິນສະສົມຫຼາຍ ແລະງົບປະມານຍັງຈໍາກັດ;

Read more

ສາວງາມຫຼວງພະບາງ ຄວ້າຕຳແໜ່ງນາງສາວລາວ

  ສາວງາມໝາຍເລກ ML20 ນາງ ວິນະດາ ພິດສາລາດ ຕົວແທນຈາກ ແຂວງຫຼວງພະບາງ ຄວ້າຕຳແໜ່ງນາງສາວລາວປະຈໍາປີ 2019, ຊຶ່ງການປະກວດຮອບຕັດ ສິນໄດ້ມີຂຶ້ນໃນຄໍ່າຄືນວັນທີ 7 ທັນວາ ທີ່ສູນການຄ້າໄອເຕັກມໍ ນະຄອນຫຼວງວຽງຈັນ ໂດຍມີທ່ານ ອາລຸນໄຊ ສູນນະລາດ ເລຂາຄະນະບໍລິຫານງານຊາວໜຸ່ມປະຊາຊົນ ປະຕິວັດລາວ, ທ່ານ ນາງ ບັນດິດ ປະທຸມວັນ ຮອງປະທານສູນກາງສະຫະພັນແມ່ຍິງລາວ, ທ່ານ ຄົມປັນຍາ ເພັງວິໄນຍາ ປະທານໂຄງການປະກວດ, ມີບັນດາຜູ້ສະ ໜັບສະໜູນ, ແຂກຖືກເຊີນ ແລະພາກສ່ວນກ່ຽວຂ້ອງເຂົ້າຮ່ວມ.   ການປະກວດນາງສາວລາວເປັນເວທີອັນຊົງກຽດ ແລະເປັນເວທີສະແດງອອກຄວາມສາມາດຂອງແມ່ຍິງລາວໃນການເຜີຍແຜ່ມູນເຊື້ອວັດທະນະທໍາສູ່ສາຍຕາຊາວໂລກ, ສໍາລັບໂຄງການປະກວດນາງສາວລາວໃນປີນີ້ມີນາງສາວເຂົ້າຮ່ວມທັງໝົດ 40 ຄົນ, ແຕ່ເນື່ອງຈາກມີຜູ້ໜຶ່ງຕິດພາລະກິດບໍ່ສາມາດມາຮ່ວມບໍ່ໄດ້ໃນຮອບຕັດສິນຈຶ່ງເຫຼືອພຽງ 39 ນາງສາວ, ຜ່ານການປະກວດຜູ້ທີ່ຊະນະເລີດໄດ້ເປັນນາງສາວລາວ 2019 ໄດ້ແກ່ ML 20 ນາງ ວິນະດາ ພິສາລາດ ຕົວແທນຈາກແຂວງຫຼວງພະບາງຄວ້າມົງກຸດເພັດມູນຄ່າ 70 ລ້ານກີບ, ເງິນສົດ 30 ລ້ານກີບ ພ້ອມສາຍສະພາຍ; ສ່ວນຮອງອັນດັບ I ໄດ້ແກ່ ML 23 ນາງ ໂຈແອ້ນ ໂພທິວັດ ຕົວແທນນະຄອນ ຫຼວງວຽງຈັນ ໄດ້ຮັບມົງກຸດມູນຄ່າ 40 ລ້ານກີບ, ເງິນ ສົດ 15 ລ້ານກີບ; ຮອງອັນດັບ II ໄດ້ແກ່ ML 22 ນາງ ສຸດດາວອນ ປັດສາພັນ ຈາກແຂວງຈໍາປາສັກ ໄດ້ຮັບມົງກຸດມູນຄ່າ 40 ລ້ານກີບ ພ້ອມເງິນສົດ 10 ລ້ານ ກີບ; ຮອງອັນດັບ III ແມ່ນ ML 4 ນາງ ພອນສະນິດ ລັດຕະນະສັກ ແລະຮອງອັນດັບ IV ແມ່ນ ML 2 ນາງ ບຸດດາວ ຈັນທະລີ ທັງສອງແມ່ນຕົວແທນຈາກ ແຂວງອຸດົມໄຊ ໄດ້ຮັບມົງກຸດມູນຄ່າ 30 ລ້ານກີບ, ເງິນສົດຄົນລະ 8 ລ້ານກີບ.   ສະເພາະນາງສາວທີ່ໄດ້ຮັບຕໍາແໜ່ງ 1-3 ແມ່ນໄດ້ຮັບທຶນການສຶກສາລະດັບປະລິນຍາຕີທີ່ປະເທດຈີນຈໍານວນ 300 ລ້ານກີບ, ສ່ວນນາງສາວທີ່ໄດ້ຮັບຕໍາແໜ່ງ 4-5 ແມ່ນໄດ້ຮັບທຶນການສຶກສາລະດັບປະລິນຍາຕີທີ່ປະເທດໄທຈໍານວນ 150 ລ້ານກີບແລະຍັງໄດ້ຮັບຂອງລາງວັນອື່ນໆຈາກຜູ້ສະໜັບສະໜູນນໍາອີກ.  ນອກນັ້ນຍັງມີລາງວັນພິເສດ 10 ລາງວັນ ລາງວັນລະ 5 ລ້ານກີບ ໃນນີ້ລາງວັນນາງສາວຜິວພັນສວຍງາມໄດ້ແກ່ ML 7 ນາງ ເຈນນີ່ ຫຼວງວົງ ຕົວແທນຈາກແຂວງວຽງຈັນ, ລາງວັນໜ້າອ່ອນ ກວ່າໄວ ແລະລາງວັນຂວັນໃຈມະຫາຊົນ ໄດ້ແກ່ ML 26 ນາງ ມະນີພອນ ສິງຫາໄຊຍະແສງ ຈາກແຂວງອຸດົມໄຊ, ລາງວັນບຸກຄະລິກກະພາບດີແລະລາງວັນຂວັນໃຈມິດຕະພາບໄດ້ແກ່ ML 22 ນາງ ສຸດາວອນ ປັດພັນສາ ຈາກແຂວງຈໍາປາສັກ,ລາງວັນນາງສາວແຕ່ງໜ້າງາມໄດ້ແກ່ ML

Read more

ແກ້ວໂອໂຕ ນຳສະເໜີລົດໃໝ່ 2 ລຸ້ນ

ເມື່ອວັນທີ 29 ພະຈິກຜ່ານມາ ບໍລິສັດ ແກ້ວໂອໂຕ ກຣຸບ ຈໍາກັດ ໄດ້ນໍາສະເໜີລົດໃໝ່ 2 ລຸ້ນຄື: All-New MAZDA CX-30 ແລະ New MAZDA2 ຢູ່ສູນການຄ້າວຽງຈັນເຊັນເຕີ ນະຄອນຫຼວງວຽງຈັນ ເພື່ອເພີ່ມທາງເລືອກໃຫ້ແກ່ລູກຄ້າ. ທ່ານ ອູ່ເງີນ ແສງເພັດ ຜູ້ຈັດການຝ່າຍການຕະຫຼາດຂອງບໍລິສັດໃຫ້ຮູ້ວ່າ: All-New MAZDA CX-30 Sport SUV Primium ເປັນລຸ້ນທີ 2 ຂອງຜະ ລິດຕະພັນຍຸກທີ7, ຊຶ່ງເປົ້າໝາຍສ້າງຂຶ້ນໃຫ້ໄດ້ຄຸນນະພາບສູງສຸດທຸກອົງປະກອບຕອບໂຈດຕໍ່ຜູ້ຊົມໃຊ້ທີ່ມັກຄວາມເປັນ Premium, ເປັນເອກະລັກ ແລະມີສະໄຕເປັນຂອງໂຕເອງ, ເປັນລົດທີ່ມີຂະໜາດ ເໝາະສົມໃນການໃຊ້ຊີວິດໂຕຈິງປະຈໍາ ວັນ, ໂດຍນໍາເອົາແນວຄິດ ‘Less is more’ ຄື ການລົບ ຫຼື ນໍາອົງປະກອບຊິ້ນສ່ວນທີ່ບໍ່ຈໍາເປັນອອກເພື່ອຈະສ້າງຄວາມສົມບູນໃນເນື້ອທີ່ໆວ່າງ, ສ່ວນດ້ານການອອກແບບພາຍນອກຫຼູຫຼາ, ດ້ານຫຼັງກົມກືນເຂົ້າກັບໄຟທ້າຍ ແລະ ມີມິຕິສະທ້ອນໃຫ້ເຫັນເຖິງ ພະລັງເໝືອນດັ່ງລົດສະປອດ,ດ້ານໜ້າລຽບຫຼູປະສົມປະສານກັບໄຟຕາໜ້າ,ພາຍໃນໃຫ້ທັດສະນະວິໄສທີ່ດີຈັດວາງອຸປະກອນຕ່າງໆໃຫ້ຢູ່ໃນຕໍາແໜ່ງທີ່ໃຊ້ສະບາຍ, ຫ້ອ ງໂດຍສານໃຊ້ລະບົບກໍາຈັດສຽງລົບກວນຈາກພາຍນອກ, ມີເຄື່ອງສຽງ ແລະລໍາໂພງ BOSE 12 ໜ່ວຍ ທີ່ທຸ້ມຊັດເຈນ ແລະດີສຸດທີ່ເຄີຍມີມາ. MAZDA CX-30 ເປັນລົດທີ່ສາມາດໄປໄດ້ທຸກທີ່ລຸຍໄດ້ທຸກບ່ອນ,ເຄື່ອງຈັກ 2.0L ໃຫ້ພະລັງແຮງບິດສູງໃນຮອບເຄື່ອງຈັກຕໍ່າປະຢັດນໍ້າມັນສູງສຸດຈາກ SkyactivTechnology ໜຶ່ງດຽວຂອງ MAZDA, ຊຶ່ງບໍ່ດົນຜ່ານມານີ້ລົດດັ່ງກ່າວຄວ້າລາງວັນເດັ່ນໆລະດັບໂລກຄື: ລາງວັນພວງມະໄລຄໍາຈາກປະເທດເຢຍລະມັນປະຈໍາປີ 2019 ແລະ ລາງວັນລົດທີ່ມີຄວາມປອດໄພສູງສຸດຂອງ Euro

Read more

3 ດ່ານພາສີສາກົນຈະລອງໃຊ້ລະບົບ ບ53 ແບບເອເລັກໂຕຣນິກ

ເພື່ອເປັນຕະການໃນການຄຸ້ມຄອງຕິດຕາມ ແລະກວດກາພາຫະນະຜ່ານດ່ານສາກົນແບບລະບົບທັນສະໄໝສະດວກວ່ອງໄວໂປ່ງໃສ ແລະສອດຄ່ອງຖືກຕ້ອງຕາມລະບຽບການ. ໃນຕົ້ນເດືອນມັງ ກອນປີ 2020 ນີ້ດ່ານພາສີສາກົນຂົວມິດຕະພາບ I, ດ່ານພາສີສາກົນບໍ່ເຕັນ ແຂວງຫຼວງນໍ້າທາ, ດ່ານພາສີສາກົນຂົວມິດຕະພາບ IV ແຂວງບໍ່ແກ້ວ ຈະໄດ້ເປີດທົດລອງນຳໃຊ້ລອງລະບົບຄຸ້ມຄອງພາຫະນະທ່ອງທ່ຽວຢ້ຽມຢາມ ແລະພາຫະນະຂົນສົ່ງສິນຄ້າດ້ວຍລະບົບເອເລັກໂຕຣນິກ (ບ53).   ສະນັ້ນ, ໃນທ້າຍເດືອນພະຈິກຜ່ານມາ, ທີ່ດ່ານສາກົນຂົວມິດຕະພາບ I ໄດ້ຈັດກອງປະຊຸມນໍາສະເໜີ ແລະສາທິດເປີດທົດລອງນຳໃຊ້ລະບົບ (ບ53), ໂດຍການເຂົ້າ ຮ່ວມຂອງທ່ານນາງ ຄໍາຂວັນ ສີຊານົນ ຮອງຫົວໜ້າຫ້ອງການກະຊວງການເງິນ,ມີທ່ານ ບຸນປະເສີດ ສີກຸນລະບຸດ ຮັກສາການຫົວໜ້າກົມພາສີກະຊວງການເງິນ, ຫົວ ໜ້າດ່ານພາສີສາກົນຂົວມິດຕະພາບ I, ຄະນະດ່ານ, ຄະນະພະແນກ, ຜູ້ອໍານວຍການບໍລິສັດ ຄໍາປະເສີດ ຄອມພີວເຕີ ຈໍາກັດ ຜູ້ພັດທະນາລະບົບ (ບ53) ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.   ຕາມການລາຍງານຂອງຄະນະຮັບຜິດຊອບພັດທະນາລະບົບ ບ53 ແບບເອເລັກໂຕຣນິກໃຫ້ຮູ້ວ່າ: ລະບົບ ບ 53 ແບບເກົ່າທີ່ນຳໃຊ້ໃນປັດຈຸບັນທີ່ດ່ານພາສີສາກົນທົ່ວປະເທດເຫັນວ່າມີຂໍ້ມູນເພີ່ມຂຶ້ນເປັນຈຳນວນຫຼວງຫຼາຍເຮັດໃຫ້ຖານຂໍ້ມູນບໍ່ສາມາດຮອງຮັບໄດ້ ແລະເປັນສາເຫດເຮັດໃຫ້ຕ້ອງໄດ້ນຳໃຊ້ແບບແຍກຖານຂໍ້ມູນບໍ່ລວມສູນ, ທີ່ສຳຄັນການຊໍາລະຄ່າທຳນຽມຜູ້ໂດຍສານ, ພາຫະນະຕ່າງໆ ແລະຄ່າລ່ວງເວລາຍັງເກັບດ້ວຍເງິນສົດເຮັດໃຫ້ການສັງລວມລາຍຮັບຈາກຄ່າທຳນຽມມີຄວາມຫຍຸ້ງຍາກ, ຊັກຊ້າ, ບໍ່ໂປ່ງໃສ. ສະນັ້ນ, ເພື່ອເຂົ້າລະບຽບການ ແລະມາດຕະການໃນການຄຸ້ມຄອງຕິດຕາມ ແລະກວດກາພາຫະນະຜ່ານດ່ານສາກົນທາງບົກດ້ວຍການນຳໃຊ້ລະບົບ ບ53 ແບບເອເລັກໂຕຣນິກທີ່ເປັນເຄື່ອງມືທັນສະໄໝໃຫ້ແກ່ເຈົ້າໜ້າທີ່ພາສີໃນການຄຸ້ມຄອງພາຫະນະເຂົ້າ-ອອກທ່ອງທ່ຽວຢ້ຽມຢາມເປັນການຊົ່ວຄາວ, ພາຫະນະຂົນສົ່ງສິນຄ້າຜ່ານດ່ານພາສີສາກົນໃຫ້ເປັນເອກະພາບໃນຂອບເຂດທົ່ວປະເທດ, ທັງສະດວກວ່ອງໄວໂປ່ງໃສ, ສອດຄ່ອງຖືກຕ້ອງຕາມລະບຽບກົດໝາຍກໍານົດໄວ້, ຫັນການຄຸ້ມຄອງລາຍຮັບສູ່ລະບົບທັນສະໄໝໃນຂະແໜງພາສີທີ່ເກີດມີຫາງສຽງຈົ່ມວ່າຂອງສັງຄົມໂດຍສະເພາະແມ່ນການຈັດເກັບລາຍຮັບຍັງເກັບເປັນເງິນສົດເປັນຕົ້ນຄ່າທໍານຽມຕ່າງໆ.     ກະຊວງການເງິນໄດ້ອະນຸມັດໃຫ້ບໍລິສັດ ຄໍາປະເສີດ ຄອມພີວເຕີ ຈໍາກັດ ຜູ້ດຽວພັດທະນາລະບົບ (ບ53) ແບບທັນສະໄໝ, ເບື້ອງຕົນຈະໄດ້ໄປຕິດຕັ້ງ ແລະທົດລອງ ນໍາໃຊ້ຢູ່ດ່ານພາສີສາກົນຂົວມິດຕະພາບ I, ດ່ານພາສີສາກົນບໍ່ເຕັນ ແຂວງຫຼວງນໍ້າທາແລະດ່ານພາສີສາກົນຂົວມິດຕະພາບ IV ແຂວງບໍ່ແກ້ວ, ຄາດຄະເນວ່າຈະເປີດທົດນໍາໃຊ້ໃນເດືອນມັງກອນປີ 2020 ແລະຈະສືບຕໍ່ຜັນຂະຫຍາຍນຳໃຊ້ຢູ່ບັນດາດ່ານສາກົນໃນຂອບເຂດທົ່ວປະເທດ.   ອີງຕາມຕົວເລກລາຍງານເບື້ອງຕົ້ນຢູ່ດ່ານພາສີສາກົນຂົວມິດຕະພາບ I ມີ ຈໍານວນຜູ້ໂດຍສານທີ່ເດີນທາງເຂົ້າ-ອອກປະເທດໃນແຕ່ລະວັນ, ສະເລ່ຍຜູ້ໂດຍສານທີ່ເດີນ ທາງຂາເຂົ້າມີປະມານ 700 ກວ່າຄົນຕໍ່ວັນ, ພາຫະນະ (ປະເພດລົດ ບັນທຸກ) ປະມານ 500 ຄັນຕໍ່ວັນ, ສ່ວນການເດີນທາງຂາອອກຂອງຜູ້ໂດຍສານ 1.800 ຄົນຕໍ່ວັນພາຫະນະ (ປະເພດລົດເບົາ) ປະມານ 782 ຄັນຕໍ່ວັນ, ຖ້າເປັນ ວັນພັກລັດຖະການ ຫຼືມື້ທີ່ມີເທດສະການຕ່າງໆປະລິມານຜູ້ໂດຍສານຫຼືລົດສ່ວນໂຕແມ່ນເພີ່ມ ຂຶ້ນຫຼາຍເທົ່າຕົວ. ພາບ ຂ່າວ: ໜັງສືພິມເສດຖະກິດ-ສັງຄົມ

Read more
Copy Protected by Chetan's WP-Copyprotect.