ໄຊຍະຍົກເລີກ 8 ບໍລິສັດສຳປະທານ 13 ໂຄງການສຳຫຼວດ-ຊອກຄົ້ນແຮ່ທາດ

 ຜ່ານມາມີຫຼາຍບໍລິສັດທີ່ມາລົງທຶນຊອກຄົ້ນສຳຫຼວດແຮ່ທາດ ແລະ ເຮັດກິດຈະການບໍ່ແຮ່ຢູ່ແຂວງໄຊຍະບູລີ ນັບທັງຂັ້ນສູນກາງອະນຸມັດ ແລະ ແຂວງໄຊຍະບູລີອະນຸມັດ ແຕ່ແລ້ວມີ 8 ບໍລິສັດບໍ່ດຳເນີນກິດຈະການຂອງຕົນເຮັດໃຫ້ໝົດສັນຍາ, ທັງໝົດ 13 ໂຄງການ ໃນເນື້ອທີ່ 2,5 ກິໂລຕາແມັດ ໃນນີ້ຂັ້ນສູນກາງອະນຸມັດມີ11 ໂຄງ ການ ແລະຂັ້ນແຂວງອະນຸມັດ 2 ໂຄງການ.  ຕາມຂໍ້ມູນຈາກແຂວງໄຊຍະບູລີ ໃຫ້ຮູ້ວ່າ: ໂຄງການທີ່ກຳລັງເຄື່ອນໄຫວຊອກຄົ້ນ-ສຳຫຼວດມີ 1 ບໍລິສັດຄື: ບໍລິສັດໂດມິນຽມຊອກຄົ້ນຊອກ-ສຳຫຼວດແຮ່ທາດທອງແດງ ເຂດບ້ານສົມ ສະຫວັນ, ບ້ານໂພນສະອາດ ເມືອງພຽງ ແລະເມືອງປາກລາຍ ມີເນື້ອທີ່ສຳຫຼວດ 488 ກິໂລຕາແມັດ, ໄດ້ມີການເຄື່ອນໄຫວ ເກັບຕົວຢ່າງໄປວິໄຈຈຳນວນ 2 ຄັ້ງ, ມີຕົວແບບ 453 ຕົວແບບ, ນໍ້າໜັກ 277 ກິໂລກຣາມ ແລະ ອີກ 8 ບໍລິສັດທີ່ຂັ້ນສູນກາງອະນຸມັດແມ່ນໝົດອາຍຸສັນຍາວ່າດ້ວຍການຊອກຄົ້ນ-ສຳຫຼວດ, ມາ ຮອດປະຈຸບັນບໍ່ມີການເຄື່ອນໄຫວຫຍັງຢູ່ພາກສະໜາມ.   ສ່ວນໂຄງການຂັ້ນແຂວງອະນຸຍາດ ມີ 2 ໂຄງການເຊັ່ນ: ບໍລິສັດອໍລະວັນແຮ່ບາຣິດ ຈຳກັດ ໃນເນື້ອທີ່ສຳຫຼວດ 5 ເຮັກຕາ ຊຶ່ງໄດ້ເຈາະສຳຫຼວດໃນ 3 ເດືອນ ປີ 201 8 ປະຈຸບັນໄດ້ມີການເຄື່ອນໄຫວລົງສຳຫຼວດເກັບກຳຂໍ້ມູນຄືນຢູ່ໃນຂອບເຂດສຳປະທານຂອງບໍລິສັດຈຳນວນ 2 ຄັ້ງ ໃບອະນຸຍາດແຕ່ວັນທີ 20 ເມສາຫາ ວັນທີ 20 ສິງ ຫາ 2018. ມາຮອດປະຈຸບັນແມ່ນໄດ້ໝົດອາຍຸ; ບໍລິສັດ ແສງສຸວັນການຄ້າໂຄງການຊອກຄົ້ນ-ສຳຫຼວດແຮ່ຟູອໍຣາຍຢູ່ເຂດບ້ານດອນຕັນເມືອງຄອບແຂວງໄຊຍະບູລີ ໄດ້ອອກໃບອະນຸຍາດໃນເນື້ອທີ່ 4 ເຮັກຕາ ໄດ້ມີການເຄື່ອນໄຫວລົງສຳຫຼວດພາກສະໜາມຕົວຈິງຈຳນວນ 3 ຄັ້ງ.   ດ້ານໂຄງການລັດຮ່ວມທຶນກັບເອກະຊົນມີ 1 ໂຄງການຄື: ໂຄງການສ້າງແຜນທີ່ທໍລະນີສາດ, ແຜນທີ່ທໍລະນີເຄມີມາດຕາສ່ວນ 1/2 ແສນລະຫວ່າງກົມທໍລະນີສາດ ແລະ ແຮ່ທາດ ແລະ ກົມໃຫຍ່ສຳຫຼວດຂອງ ສປ ຈີນ ມີເນື້ອທີ່ 16,8 ພັນກິໂລຕາແມັດກວມເອົາເນື້ອທີ່ທົ່ວແຂວງ, ມາຮອດປະຈຸບັນສຳເລັດແລ້ວ95% ແລະ ໄດ້ທົດ ລອງເກັບກຳຕົວຢ່າງເພື່ອສ້າງແຜນທີ່ທໍລະນີສາດ ແລະທໍລະນີເຄມີມາດຕາສ່ວນ 1/5 ແສນຢູ່ເຂດ 4 ເມືອງໃຕ້. ຂຽນໂດຍ: ບຸນທີ ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

Read more

ສູນປ້ອງກັນພືດສຳເລັດສ້າງເຊື້ອຊີວະວິທະຍາຄວບຄຸມພະຍາດຫ່ຽວເຫຼືອງກ້ວຍ

 ດັ່ງຂ່າວໜັງສືພິມເສດຖະກິດ-ສັງຄົມເຄີຍນຳສະເໜີໄປແລ້ວວ່າພະຍາດຫ່ຽວເຫຼືອງຂອງກ້ວຍທີ່ພວມລະບາດຢູ່ໃນ 7 ແຂວງຂອງລາວ ແລະໜຶ່ງໃນນັ້ນເປັນສາຍພັນທີ່ຮຸນແຮງ, ແຜ່ລາມໄດ້ໄວ,ໄດ້ຫຼາຍຊ່ອງທາງ,ທີ່ສຳຄັນຍັງສາມາດຝັງຢູ່ກັບດິນໄດ້ດົນເຖິງ 30 ປີ ແລະຮ້າຍແຮງກວ່ານັ້ນຍັງບໍ່ທັນມີຢາຊະນິດໃດກຳຈັດໄດ້,ຢ່າງໃດກໍຕາມແຕ່ສິ່ງທີ່ສູນປ້ອງກັນພືດກົມປູກຝັງກະຊວງກະສິກຳ ແລະ ປ່າໄມ້ເຮັດໄດ້ແມ່ນສາມາດສ້າງເຊື້ອຊີວະວິທະຍາ 2 ຊະນິດ ເພື່ອຄວບຄຸມຄວາມຮຸນແຮງຂອງການລະບາດ, ຊຶ່ງປະຈຸບັນພາຍໃນສູນສາມາດສະໜອງໄດ້3-5 ຮ້ອຍກິໂລກຣາມຫາກຜູ້ປະກອບການຕ້ອງການກໍສາມາດພົວພັນເອົາໄດ້.   ທ່ານ ນາງ ຄອນສະຫວັນ ຈິດຕະລາດ ຫົວໜ້າໜ່ວຍງານພະຍາດພືດສູນປ້ອງກັນພືດໃຫ້ສຳພາດເມື່ອບໍ່ດົນມານີ້ຮູ້ວ່າ: ພະຍາດຫ່ຽວເຫຼືອງຂອງກ້ວຍໃນລາວຕາມການສຳຫຼວດແມ່ນໄດ້ຄົ້ນພົບມີ 2 ສາຍພັນຄື: ສາຍພັນ Race 1 (R1) ຈະພົບນຳກ້ວຍນ້ຳທົ່ວປະເທດ ແລະສາຍພັນທີ 2 ແມ່ນ Tropical Race 4 (TR 4) ທີ່ຄົ້ນພົບນຳປະເພດກ້ວຍຫອມ ຕ່າງປະເທດ ແລະປະເພດກ້ວຍງ້າວ, ໂດຍສາຍພັນ TR4 ມີຄວາມສາມາດທໍາລາຍກ້ວຍສາຍພັນພື້ນເມືອງຂອງລາວໄດ້ ແລະ ຍັງອາໄສຢູ່ດິນໄດ້ດົນກວ່າ 30 ປີ, ຖ້າຫາກວ່າພື້ນທີ່ທີ່ມີການລະ ບາດຫາກນຳກ້ວຍໄປປູກອີກບໍ່ວ່າຈະເປັນພັນກ້ວຍຊະນິດໃດກໍຕາມກໍຈະມີການລະບາດຕື່ມ ແລະມີຄວາມເປັນໄປ ໄດ້ສູງທີ່ຈະສາມາດເກີດກັບກ້ວຍຫອມ, ກ້ວຍໄຂ່ແລະກ້ວຍນ້ຳ ທີ່ເປັນພັນກ້ວຍ ພື້ນເມືອງຂອງລາວເຮົາ, ທັງນີ້ກໍເພາະ ພະຍາດດັ່ງກ່າວສາມາດໄປໄດ້ກັບຫຼາຍ ຊ່ອງທາງ ໂດຍສະເພາະນຳເຂົ້າທ່ອນ ພັນຈາກຕ່າງປະເທດກໍຄືເຫງົ້າກ້ວຍ ທີ່ມີດິນຕິດມານຳ, ນ້ຳ, ເສດພືດທີ່ເໜົ່າ ເປື່ອຍ ແລະອຸປະກອນຕ່າງໆຕົ້ນຕໍຄືລົດໄຖ, ລົດຂົນສົ່ງປຸ໋ຍ ແລະອຸປະກອນການຜະລິດ.   ເພື່ອເປັນການຢັບຢັ້ງການລະບາດຂອງພະຍາດດັ່ງກ່າວນີ້ທາງລັດຖະບານກໍຄືກະຊວງກະສິກຳ ແລະປ່າໄມ້ກໍໄດ້ມີການອອກຄຳສັ່ງຫ້າມເຄື່ອນຍ້າຍທ່ອນພັນຈາກແຫຼ່ງທີ່ມີການລະບາດ, ການ ເຄື່ອນຍ້າຍທ່ອນພັນລະຫວ່າງປະເທດ ໂດຍມີມາດຕະການຊັດເຈນແລ້ວ, ພ້ອມດຽວກັນນັ້ນ ກໍໄດ້ເລັ່ງໃສ່ການຈັດຊຸດຝຶກອົບຮົມໃຫ້ພະນັກງານຂັ້ນຮາກຖານຂອງແຕ່ລະທ້ອງຖິ່ນໃຫ້ເຂົ້າໃຈເຖິງການວິໄຈ, ການເກັບຕົວຢ່າງ ແລະ ການຕັ້ງກຸ່ມຫ້ອງກັນ, ປະຈຸບັນພວກເຮົາໄດ້ສ້າງ ແລະພັດທະນາຄູ່ມືການວິໄຈພະ ຍາດຫ່ຽວເຫຼືອງຂອງກ້ວຍ, ສຶກສາ ແລະພັດທະນາຄູມືການປ້ອງກັນ ແລະ ກໍາຈັດພະຍາດຫ່ຽວເຫຼືອງຂອງກ້ວຍ, ໄດ້ສຶກສາການນໍາໃຊ້ເຊື້ອຊີວະວິທະຍາໄທໂຄເດີມາຮາຊີອານໍາ (Trichoderma hazianum) ແລະເຊື້ອແບັກທີເລຍບາຊີລັສ ເອັສພີ (Bacillussp), ພ້ອມໄດ້ມີການສຶກສາພາກສະໜາມຢູ່ບ້ານນາໝ້ຽງ ເມືອງວັງວຽງ ແຂວງວຽງຈັນ, ຊຶ່ງ ຜົນທົດສອບຢູ່ຫ້ອງທົດລອງໄດ້ຜົນແລ້ວຈຶ່ງໄດ້ມີການທົດສອບໃສ່ຕົ້ນກ້ວຍໂດຍສາມາດຄວບຄຸມຄວາມຮຸນແຮງຂອງເຊື້ອ TR4 ໄດ້ເຖິງ 50-85%.  ເພື່ອເປັນການປ້ອງກັນ ແລະຄວບຄຸມແຕ່ຫົວທີສຳລັບຜູ້ຈະລົງທຶນປູກກ້ວຍ,ວິທີທີ່ດີທີ່ສຸດແມ່ນໃຫ້ໃຊ້ທ່ອນພັນລ້ຽງດ້ວຍເນື້ອເຍື່ອ,ຊຶ່ງສາມາດພົວພັນໄດ້ນຳສູນນາພອກ, ກະຊວງວິທະຍາສາດ ແລະເຕັກໂນໂລຊີ, ສ່ວນສານປ້ອງກັນ ຫຼື ເຊື້ອຈຸລິນຊີ ທີ່ຊ່ວຍປ້ອງກັນແມ່ນ ສາມາດພົວພັນໄດ້ນຳສູນປ້ອງກັນພືດສາລາຄຳ, ຊຶ່ງປະຈຸບັນທາງສູນສາມາດ ຜະລິດ ແລະສະໜອງໃຫ້ໄດ້ປະມານ 300-500 ກິໂລກຣາມ, ສຳລັບຜູ້ທີ່ຕ້ອງການເພາະພັນທ່ອນພັນເອງ ແມ່ນຄວນ ລະວັງດິນຕ້ອງເປັນບ່ອນທີ່ບໍ່ມີການ ລະບາດພະຍາດກ້ວຍມາກ່ອນ ແລະອີກວິທີໜຶ່ງພື້ນທີ່ທີ່ມີການລະບາດຄວນຂຸດຮ່ອງອ້ອມ, ທຳຄວາມສະອາດທັງຄົນ ແລະ ອຸປະກອນ, ພ້ອມທັງໃຊ້ເຊື້ອ Trichode rma hazianum ແລະ ເຊື້ອBacillussp, ລວມທັງສັງເກດການປ່ອຍນ້ຳເດັດຂາດບໍ່ໃຫ້ນ້ຳຈາກສວນກ້ວຍທີ່ຕິດເຊື້ອອອກໄປສູ່ເຂດອື່ນ, ທ່ານ ນາງ ຄອນສະຫວັນ ຈິດຕະລາດ ໃຫ້ຮູ້ຕື່ມ.   ປະຈຸບັນໃນຈຳນວນ 12 ແຂວງທີ່ມີ ການລົງທຶນປູກກ້ວຍມີການລະບາດແລ້ວ 7 ແຂວງຄື: ຫຼວງນ້ຳທາ, ບໍ່ແກ້ວ, ອຸດົມໄຊ, ຫຼວງພະບາງ, ໄຊຍະບູລີ, ແຂວງວຽງຈັນ ແລະນະຄອນຫຼວງວຽງຈັນ, ຊຶ່ງຖື ວ່າເປັນການລະບາດໄວ, ພາຍຫຼັງມີການ ລະບາດ ບໍລິສັດຜູ້ລົງທຶນໄດ້ເລີ່ມຍ້າຍຖານການປູກກ້ວຍລົງມາສູ່ພາກກາງ ແລະພາກໃຕ້ໃນປະຈຸບັນ, ສໍາລັບພາກໃຕ້ແມ່ນຈະເລີ່ມມີການລົງທຶນປູກກ້ວຍຫຼາຍພື້ນທີ່ການປູກກ້ວຍຈະເພີ່ມຂຶ້ນ, ແຕ່ກົງກັນຂ້າມພື້ນທີ່ການປູກກ້ວຍທາງພາກເໜືອຈະຫຼຸດລົງ, ໂດຍຈາກການຮວບຮວມຮອດດຽວນີ້ທົ່ວປະເທດມີເນື້ອທີ່ປູກກ້ວຍທັງໝົດ 19,65 ພັນເຮັກຕາ, ແຕ່ການທຳລາຍຂອງພະຍາດດັ່ງກ່າວເກືອບ 30% ຂອງພື້ນທີ່ທັງ

Read more

ນາຍົກ ລົງຊຸກຍູ້ຜະລິດກະສິກຳຢູ່ເມືອງຫາດຊາຍຟອງ ນະຄອນຫຼວງວຽງຈັນ

  ວັນທີ 5 ສິງຫາ 2019 ທ່ານ ທອງ ລຸນສີສຸລິດ ນາຍົກລັດຖະມົນຕີພ້ອມດ້ວຍບັນດາທ່ານລັດຖະມົນຕີ, ຂະແໜງການຕ່າງໆ ແລະພາກສ່ວນທີ່ກ່ຽວຂ້ອງໄດ້ລົງຊຸກຍູ້ວຽກງານກະສິກຳຢູ່ເມືອງຫາດຊາຍຟອງ ນະຄອນຫຼວງວຽງຈັນ ຊຶ່ງຖືກຕ້ອນຮັບຈາກອຳນາດການປົກຄອງເມືອງ ແລະພໍ່ແມ່ປະຊາຊົນຢ່າງອົບອຸ່ນ.   ທ່ານ ວົງເດືອນ ບຸນຍະແສງ ເຈົ້າເມືອງຫາດຊາຍຟອງ ໄດ້ລາຍງານໃຫ້ທ່ານນາຍົກພ້ອມຄະນະຊາບວ່າ: ປະຈຸບັນວຽກງານກະສິກຳ-ປ່າໄມ້ຂອງເມືອງຫາດຊາຍຟອງ ໄດ້ຮັບການພັດທະນາຢ່າງຕໍ່ເນື່ອງ, ທົ່ວເມືອງຫາດຊາຍຟອງ ມີເນື້ອທີ່ນາທັງໝົດ 6,08 ພັນເຮັກຕາ, ສະມັດຕະພາບ 4,49 ໂຕນຕໍ່ເຮັກຕາ, ເນື້ອທີ່ນາແຊງ4,01 ພັນເຮັກຕາ, ສະ ມັດຕະພາບ 5,63 ໂຕນຕໍ່ເຮັກຕາ, ເນື້ອ ທີ່ປູກພືດລະດູແລ້ງ 2,1 ພັນເຮັກຕາ, ລະດູຝົນ 1,1 ພັນເຮັກຕາ, ໃນນັ້ນປະກອບມີ 2 ກຸ່ມການຜະລິດຄື: ກຸ່ມຜະລິດພືດອິນຊີ ແລະ ກຸ່ມຜະລິດພັກສະອາດ. ກຸ່ມພືດພັກສະອາດໄດ້ແຍກເປັນ 3 ກຸ່ມບ້ານຄື: ກຸ່ມບ້ານສີມະໂນ, ກຸ່ມບ້ານຫາດກັນຊາ ແລະກຸ່ມບ້ານສະຫວ່າງ, ກຸ່ມຜະລິດພືດອິນຊີມີ 2 ກຸ່ມຄື: ກຸ່ມຊາຍຟອງເໜືອ ແລະກຸ່ມໂຄກຊາຍ, ມີລະບົບ ຊົນລະປະທານທັງໝົດ 16 ແຫ່ງ.  ສຳລັບການແຜ່ລະບາດຂອງພະຍາດໄຂ້ຍຸງລາຍມາຮອດເດືອນກໍລະກົດ 2019 ນີ້, ມີຜູ້ຕິດເຊື້ອພະຍາດ 399 ຄົນ, ເສຍຊີວິດ 1 ຄົນ, ຈຸດທີ່ລະບາດຫຼາຍກວ່າໝູ່ແມ່ນຢູ່ບ້ານດົງຄຳຊ້າງມີ 93 ຄົນ.  ໃນໂອກາດດັ່ງກ່າວ ທ່ານ ທອງລຸນ ສີສຸລິດ ກໍໄດ້ໃຫ້ກຽດມີຄຳເຫັນໂອ້ລົມພ້ອມເນັ້ນໃຫ້ອຳນາດການປົກຄອງເມືອງຫາດຊາຍຟອງ ເອົາໃຈໃສ່ຮັກສາມູນເຊື້ອປູກຝັງລ້ຽງ ສັດເປັນສິນຄ້າເພື່ອປ່ອນຕະຫຼາດໃນນະຄອນຫຼວງວຽງຈັນ, ເອົາໃຈໃສ່ຕິດຕາມກວດກາວຽກງານການລະບາດຂອງພະຍາດໄຂ້ເລືອດອອກ ແລະພະຍາດອະຫິວາໝູ, ປັບປຸງນະໂຍບາຍ ແລະນິຕິກຳສົ່ງເສີມການຜະລິດເປັນສິນຄ້າ ແລະສືບຕໍ່ກະກຽມດຳເນີນກອງປະຊຸມໃຫຍ່ 3 ຂັ້ນຂອງເມືອງໃຫ້ສຳເລັດຕາມແຜນ, ສືບຕໍ່ປະຕິບັດແຜນພັດ ທະນາເສດຖະກິດ-ສັງຄົມ ພ້ອມທັງສະກັດກັ້ນທຸກປະກົດການຫຍໍ້ທໍ້ໃນສັງຄົມໂດຍສະເພາະບັນຫາຢາເສບຕິດໃຫ້ລຸດລົງເທື່ອລະກ້າວ.  ນອກນັ້ນທ່ານນາຍົກລັດຖະມົນຕີພ້ອມດ້ວຍຄະນະຍັງໄດ້ລົງຢ້ຽມຢາມກຸ່ມຜະລິດຜັກປອດສານພິດ, ບ້ານຫາດກັນຊາ ເມືອງຫາດຊາຍຟອງຕື່ມອີກ. ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

Read more

ປກສ ອັດຕະປືມອບລົດຄືນໃຫ້ເຈົ້າຂອງເດີມ

  ທ້າຍເດືອນກໍລະກົດຜ່ານມາເຈົ້າໜ້າທີ່ ປກສ ແຂວງອັດຕະປື ມອບຂອງກາງປະເພດລົດຈັກທີ່ຖືກຄົນຮ້າຍລັກໄປຄືນໃຫ້ເຈົ້າຂອງເດີມຈຳນວນ 3 ຄັນ. ກ່າວມອບໂດຍ ທ່ານ ຮທ ຫັດສາຄອນ ວົງສຳລານ ວິຊາການພະແນກສືບສວນ-ສອບສວນ ແລະກ່າວຮັບໂດຍຕາງໜ້າເຈົ້າຂອງລົດຈັກຈຳນວນດັ່ງກ່າວ.   ເຈົ້າໜ້າທີ່ ປກສ ແຂວງ ໃຫ້ຮູ້ວ່າ: ລົດຈັກຈຳນວນ 3 ຄັນ ທີ່ນຳມາມອບໃນຄັ້ງນີ້ແມ່ນໄດ້ຈາກການແກ້ໄຂຄະດີລັກຊັບພົນລະເມືອງໂດຍຜູ້ຖືກຫາຊື່ ທ້າວ ຂາວອາຍຸ 25 ປີ, ປະຊາຊົນບ້ານເຊກະໝານ ເມືອງສາມັກຄີໄຊ ແຂວງອັດຕະປື ທີ່ຖືກເຈົ້າໜ້າທີ່ຕຳຫຼວດກັກຕົວໄດ້ໃນຄັ້ງວັນ ທີ 25 ມິຖຸນາ 2019 ທີ່ຜ່ານມາເຊິ່ງຜູ້ກ່ຽວໄດ້ໃຫ້ການກັບເຈົ້າໜ້າທີ່ຕຳຫຼວດວ່າໄດ້ຮ່ວມມືກັບທ້າວ ລິດ ເຄື່ອນໄຫວ ລັກຊັບພົນລະເມືອງຢູ່ໃນເທດສະບານແຂວງນັບແຕ່ເດືອນພຶດສະພາ 2019 ເປັນຕົ້ນມາເປັນຈຳ ນວນຫຼາຍຄັ້ງ ແລະ ຊັບສິນທີ່ລັກມາໃນແຕ່ລະຄັ້ງແມ່ນນຳໄປຂາຍເພື່ອເອົາເງິນມາໃຊ້ຈ່າຍຊື້ກິນຢ່າງຟຸມເຟືອຍ.   ຕໍ່ກັບບັນຫານີ້ເຈົ້າໜ້າທີ່ ປກສ ແຂວງ ໄດ້ສືບຕໍ່ດຳເນີນການສືບສວນ-ສອບສວນຂະຫຍາຍຜົນຫາຜູ້ຮ່ວມກະທຳຜິດກໍຄື ທ້າວ ລິດ ທີ່ໄດ້ເອົາໂຕຫຼົບໜີມາດຳເນີນຄະດີຕາມລະບຽບກົດໝາຍໃນຂັ້ນຕອນຕໍ່ໄປ. ຂຽນໂດຍ: ສັນຍາ 

Read more

ມອບນໍ້າມັນ ແລະຫີນຂຽວທີ່ໂຈນລັກໄປໃຫ້ບໍ່ຄຳເຊໂປນ

  ວັນທີ 30 ກໍລະກົດຜ່ານມາ, ທີ່ກອງບັນຊາການ ປກສ ເມືອງວິລະບູລີ ໄດ້ຈັດພິທີມອບຄືນນ້ຳມັນ, ຫີນຂຽວ (ຫີນແຮ່ທອງ) ແລະວັດຖຸຂອງກາງ ບາງຈຳນວນທີ່ໄດ້ຈາກການປະຕິບັດ ວຽກງານການສະກັດກັ້ນປະກົດການ ຫຍໍ້ທໍ້ໃນເຂດໂຄງການບໍ່ຄຳ-ທອງເຊ ໂປນ ເມືອງວິລະບູລີ ເພື່ອຄືນໃຫ້ແກ່ບໍລິສັດ ລ້ານຊ້າງມິເນໂຣນສ໌ລິມິເຕັດ ໂດຍການ ເປັນກຽດເຂົ້າຮ່ວມໃນພິທີມອບ-ຮັບໃນຄັ້ງນີ້ຂອງທ່ານ ທ່ອນແກ້ວ ພຸດທະ ໄກຍະລາດ ຮອງເຈົ້າແຂວງສະຫວັນນະເຂດ, ທ່ານ ຄຳຜຸຍ ສີບຸນເຮືອງ ເຈົ້າເມືອງວິລະບູລີ,  ມີທ່ານ ສະໝານ ອະເນ ກາ ອຳນວຍການໃຫຍ່ບໍລິສັດລ້ານຊ້າງ ມິເນໂຣນ, ມີຜູ້ຈັດການໃຫຍ່ບໍລິສັດຊືເຟີງ ຈີຫຼົງຂຸດຄົ້ນບໍ່ຄຳຈຳກັດ, ຜູ້ຈັດການໃຫຍ່ ຂອງບໍລິສັດລ້ານຊ້າງມີເນໂຣນສ໌, ຄະ ນະກອງບັນຊາການ ປກສ ເມືອງວິລະບູລີແລະພາກສ່ວນກ່ຽວຂ້ອງເຂົ້າຮ່ວມ.   ໃນພິທີ, ທ່ານ ພັທ ບຸນເຫຼືອ ມະນີລາ ຮອງຫົວໜ້າກອງບັນຊາການ ປກສ ເມືອງວິລະບູລີ ກໍ່ໄດ້ຂຶ້ນຜ່ານບົດລາຍງານ ຂອງຄະນະກຳມະການແກ້ໄຂປະກົດການຫຍໍ້ທໍ້ໃນສັງຄົມຂັ້ນເມືອງນັບແຕ່ວັນທີ 1 ມັງກອນ 2019 ໂດຍສັງເຂບວ່າ: ມີຄະດີທີ່ເກີດຂຶ້ນທັງໝົດ 200 ລາຍ, ສາມາດກັກຕົວຜູ້ກະທຳຜິດໄດ້ 227 ຄົນ, ຍິງ 90 ຄົນ (ເປັນຄົນຕ່າງປະເທດ 2 ຄົນ), ຢຶດຂອງກາງໄດ້ເປັນປະເພດ ຫີນຂຽວນ້ຳໜັກ 23.348 ກິໂລ, ນ້ຳ ມັນຂຽວ 3.860 ລິດ, ທໍ່ຢາງດຳ 10 ທໍ່, ກັກລົດຈັກທີ່ດັດແປງສະພາບຈຳນວນ590 ຄັນ, ລົດໃຫຍ່ຈຳນວນ 6 ຄັນ, ຕໍ່ກັບການແກ້ໄຂຄະດີທີ່ເກີດຂຶ້ນນີ້, ທາງຄະນະ ປກສ ເມືອງ ໄດ້ທຳການເປີດຊຸດດັດສ້າງສຶກສາອົບຮົມ ແລະປ່ອຍຕົວແລ້ວ 225 ຄົນ, ສົ່ງໃຫ້ ປກສ ແຂວງດຳເນີນ 1 ລາຍ, ມີຜູ້ຕ້ອງຫາ 2 ຄົນ, ມີເຄື່ອງຂອງ ກາງເປັນຫີນຂຽວ 14 ໂຕນ (ເກັບຮັກສາ ໄວ້ຢູ່ທີ່ສາງປກສ ເມືອງ), ສ່ວນລົດໃຫຍ່ຍີ່ຫໍ້ກະບະລຸ້ນຟອດເຣນເຈີ້ສີຂາວ 1 ຄັນ, ເງິນກີບທະນາຄານ 102 ລ້ານກີບ, ເງິນດົງຫວຽດນາມ 3,2 ລ້ານດົງແມ່ນໄດ້ສົ່ງໃຫ້ ປກສແຂວງສະຫວັນນະເຂດແລ້ວ.   ສຳລັບເຄື່ອງຂອງກາງທີ່ເກັບກູ້ໄດ້ຈາກການປະຕິບັດວຽກງານສະກັດກັ້ນປະກົດການຫຍໍ້ທໍ້ໃນເຂດໂຄງການບໍ່ຄຳ-ທອງເຊໂປນເມືອງວິລະບູລີ ທີ່ໄດ້ມີການມອບ-ຮັບໃນຄັ້ງນີ້ປະກອບມີ: ຫີນຂຽວຈຳນວນ 19.348 ໂຕນ, ນ້ຳມັນຂຽວ 3.860 ລິດ ແລະທໍ່ຢາງດຳອີກຈຳນວນ 10 ທໍ່ ເຊິ່ງໃຫ້ກຽດມອບໂດຍທ່ານເຈົ້າເມືອງວິລະບູລີແລະຮັບໂດຍທ່ານຜູ້ຈັດການໃຫຍ່ຂອງບໍລິສັດລ້ານຊ້າງມີເນໂຣນສ໌. ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

Read more

ມອບ-ຮັບຊົນລະປະທານໃນໂຄງການ ຄຖລ

ໃນວັນທີ 5 ສິງຫາ 2019 ກົມຊົນ ລະປະທານຮ່ວມກັບພະແນກກະສິກຳ ແລະປ່າໄມ້ນະຄອນຫຼວງວຽງຈັນ ໄດ້ຈັດພິທີມອບ-ຮັບ ໂຄງການຊົນລະປະທານສ້າງຫົວບໍ່, ດົງຄວາຍ 1 ແລະ 2 ນາລ້ອງ 3 ແລະໂຄງການຊົນລະປະທານໝາກຮຽວ 2 ຂຶ້ນ ຕາງໜ້າກົມຊົນລະປະທານເຊັນໂດຍ ທ່ານ ບຸນຄຳ ສີດາວົງ ຫົວໜ້າກົມຊົນລະ ປະທານ; ຕາງໜ້າພະແນກກະສິກຳ ແລະ ປ່າໄມ້ນະຄອນຫຼວງວຽງຈັນ ເຊັນໂດຍທ່ານ ຫຼ້າສາຍ ນວນທາສິງ ຫົວໜ້າພະແນກກະສິກຳ ແລະ ປ່າໄມ້ນະຄອນຫຼວງວຽງຈັນ; ຕາງໜ້າບໍລິສັດພົງຊັບທະວີກໍ່ສ້າງຂົວທາງເຄຫາສະຖານ ແລະ ຊົນລະປະທານຈຳກັດຜູ້ດຽວເຊັນໂດຍ ທ່ານ ຄຳແສງ ພັດສະຣິຍະແສງ ຮອງປະທານບໍລິສັດ ໂດຍການເຂົ້າຮ່ວມຂອງທ່ານ ອານຸພາບ ຕຸນາລົມ ປະທານສະພາປະຊາຊົນນະຄອນຫຼວງວຽງຈັນ, ປະທານຊີ້ນຳໂຄງການຄຖລ; ທ່ານ ທອງພັດວົງມະນີ ຮອງລັດຖະ ມົນຕີກະຊວງກະສິກຳ ແລະປ່າໄມ້; ທ່ານ ຊາຊູຊິ ເນກິຊິ ຫົວໜ້າທະນາຄານພັດທະນາອາຊີປະຈຳລາວ; ທ່ານຫົວໜ້າ-ຮອງຫົວໜ້າກົມ, ທ່ານ ເຈົ້າເມືອງ-ຮອງເຈົ້າເມືອງໄຊທານີ, ປາກງື່ມ ແລະຫາດຊາຍຟອງ; ພາກສ່ວນທີ່ກ່ຽວຂ້ອງ ແລະແຂກທີ່ຖືກເຊີນເຂົ້າຮ່ວມເປັນສັກຂີພິຍານ.   ໂຄງການຄຸ້ມຄອງ ແລະຫຼຸດຜ່ອນຄວາມສ່ຽງຈາກໄພນໍ້າຖ້ວມ ແລະແຫ້ງແລ້ງ (ຄຖລ) ໄດ້ຮັບທຶນສະໜັບສະໜູນຈາກທະນາຄານພັດທະນາອາຊີ (ADB) ຈຳນວນ 36,5 ລ້ານໂດລາ ແລະທຶນສົມທົບຂອງລັດຖະບານລາວ 5,9 ແສນໂດລາ ການຈັດຕັ້ງໂຄງການ ຄຖລ ມາເຖິງປະຈຸບັນໄດ້ສຳເລັດແລ້ວ 99,8% ສະເພາະໂຄງການພັດທະນາຊົນລະປະທານໄດ້ສຳເລັດການກໍ່ສ້າງ 100%. ກ່ຽວກັບຮູບແບບ ແລະວິທີການຈັດຕັ້ງປະຕິບັດຂອງໂຄງການ ຄຖລ ສາມາດໄດ້ຮັບຜົນສຳເລັດເປັນແຕ່ລະໄລຍະຊຶ່ງທະນາຄານ ADB  ແລະກະຊວງແຜນການ ແລະ ການລົງທຶນໄດ້ເຫັນດີມອບໃບຍ້ອງຍໍ ແລະ ຈັດລຳດັບເຂົ້າໃນບັນດາໂຄງການດີເດັ່ນໃນການຈັດຕັ້ງປະຕິບັດວຽກງານ.   ໂຄງການພັດທະນາຊົນລະປະທານເຂດວຽງຈັນໃຕ້ເປັນໂຄງການຍ່ອຍໜຶ່ງທີ່ຢູ່ພາຍໃຕ້ໂຄງການ ຄຖລ ມີສາຍຕັ້ງຂຶ້ນກັບພະແນກກະສິກຳ ແລະnປ່າໄມ້ນະຄອນຫຼວງວຽງຈັນ ມີໜ້າທີ່ພັດທະນາ ແລະກໍ່ສ້າງລະບົບຊົນລະປະທານ 4 ໂຄງ ການ 5 ຫົວງານ, ສາມາດສະໜອງນໍ້າໃຫ້ເນື້ອທີ່ການຜະລິດທັງໝົດ 1.542 ເຮັກຕາ, ມູນຄ່າການກໍ່ສ້າງທັງໝົດ 6 ລ້ານກວ່າໂດລາ ເຊິ່ງແມ່ນບໍລິສັດພົງຊັບທະວີກໍ່ສ້າງຂົວທາງເຄຫາສະຖານ ແລະຊົນລະປະທານຈຳກັດຜູ້ດຽວເປັນຜູ້ຮັບເໝົາກໍ່ສ້າງ, ໄລຍະເວລາໃນການກໍ່ສ້າງແມ່ນ 32 ເດືອນ (1 ກັນຍາ 2016-30 ເມສາ 2019). ໂຄງການຊົນລະປະທານທັງ 5 ຫົວງານເປັນໂຄງການຊົນລະປະທານຈັກສູບນໍ້າເຮືອແພ, ຂະໜາດ 75 ກິໂລວັດ, ລວມທັງໝົດ 18 ເຄື່ອງ ແລະມີລະບົບຄອງເໝືອງແມ່ຍາວທັງໝົດ 14.460 ແມັດ, ຄອງເໝືອງຂັ້ນສອງຍາວທັງໝົດ 28,3 ພັນແມັດ, ມີລະບົບອາຄານຕາມຄອງເໝືອງເພື່ອຄວບຄຸມ-ແຈກຢາຍນໍ້າທັງໝົດ 655 ແຫ່ງ ແລະຄອງລະບາຍຍາວ 1.650 ແມັດ. ນອກຈາກນີ້, ຍັງມີເສັ້ນທາງຂົນສົ່ງຜົນຜະລິດກະສິກຳມີຄວາມຍາວທັງໝົດ 16.470 ແມັດ. ຂຽນໂດຍ: ເຂັມມະໄລ ສົນດາວັນ ພາບ ແລະ ຂ່າວຈາກ: ໜັງສືພິມເສດຖະກິດ-ສັງຄົມ

Read more

ລາວ – ຣັດເຊຍ ເປີດໂອກາດໃຫ້ຜູ້ປະກອບການຈັບຄູ່ຮ່ວມທຸລະກິດ

ກອງປະຊຸມພົບປະຫາຄູ່ຮ່ວມທຸລະກິດລະຫວ່າງ ລາວ – ຣັດເຊຍ ຈັດຂຶ້ນເພື່ອເປີດໂອກາດໃຫ້ແກ່ນັກທຸລະກິດຂອງທັງສອງປະເທດ, ມີໂອກາດໄດ້ພົບປະກັນ ແລະ ອາດກ້າວເຂົ້າສູ່ການຮ່ວມທຸລະກິດນໍາກັນ ເຊິ່ງມີບັນດາບໍລິສັດໃນລາວ ເຂົ້າຮ່ວມ 20 ກວ່າບໍລິສັດ. ກອງປະຊຸມດັ່ງກ່າວຈັດຂຶ້ນໃນວັນທີ 14 ມິຖຸນາ 2019 ທີ່ສະພາການຄ້າ ແລະ ອຸດສາຫະກໍາ ແຫ່ງຊາດລາວ

Read more

ສສຊ ສະເໜີລັດສ້າງນິຕິກຳຄຸ້ມຄອງວັງວຽງ ຫວັງທ່ອງທ່ຽວກັບມາຄຶກຄັກ

  ເດືອນທີ່ຜ່ານມາ, ມີໜັງສືພິມ ແລະສື່ສັງຄົມອອນລາຍໄດ້ນຳສະເໜີຂ່າວໄປວ່າຕົວເລກນັກທ່ອງທ່ຽວທີ່ເຂົ້າມາທ່ຽວຢູ່ເມືອງວັງວຽງຫຼຸດລົງ,ຕໍ່ກັບບັນຫາດັ່ງກ່າວນີ້ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 10 ເຜີຍໃຫ້ຮູ້ເຖິງສາເຫດທີ່ພາໃຫ້ນັກທ່ອງທ່ຽວຫຼຸດລົງເປັນເພາະຄວາມເປັນທຳມະຊາດ ແລະ ສະ ພາບແວດລ້ອມພາຍໃນເມືອງທີ່ເຄີຍອຸດົມສົມບູນພັດຖືກທຳລາຍໄປຫຼາຍແລ້ວ.   ທ່ານ ບຸນເພັງ ສາຍນໍລະດີ ສະມາຊິກສະພາແຫ່ງຊາດເຂດເລືອກຕັ້ງທີ 10 ແຂວງວຽງຈັນ ໄດ້ມີຄຳເຫັນຕໍ່ກອງປະຊຸມສະພາແຫ່ງຊາດໃນອາທິດທີ່ຜ່ານມາຮູ້ວ່າ: ວຽກທ່ອງທ່ຽວແມ່ນວຽກໜຶ່ງທີ່ລັດຖະບານຖືເປັນທ່າແຮງຢ່າງໜຶ່ງຂອງການເກັບລາຍຮັບເຂົ້າງົບປະມານຂອງລັດ, ແຕ່ໃນໄລຍະຜ່ານມາການພັດທະ ນາ,ການຄຸ້ມຄອງການພັດທະນາວຽກງານການທ່ອງທ່ຽວຍັງເຮັດບໍ່ທັນໄດ້ດີເທົ່າທີ່ຄວນເປັນຕົ້ນວັງວຽງ,ຊຶ່ງເປັນເມືອງທ່ອງທ່ຽວທີ່ມີຊື່ສຽງດັງໄປທົ່ວໂລກ

Read more

ແລກປ່ຽນບົດຮຽນ ບໍລິຫານຈັດການນໍ້າໃນເຂື່ອນທົ່ວປະເທດ

ກະຊວງພະລັງງານ ແລະ ບໍ່ແຮ່ ຮ່ວມກັບ ບໍລິສັດ ໄຟຟ້ານໍ້າເທີນ 2 ເປີດກອງປະຊຸມຖອດຖອນບົດຮຽນ ກ່ຽວກັບການບໍລິຫານຈັດການນໍ້າ ແລະ ການຜະລິດພະລັງງານໃນຊຸມປີຜ່ານມາ ເພື່ອປຶກສາຫາລືແລກປ່ຽນບົດຮຽນການບໍລິຫານນໍ້າໃຫ້ມີປະສິດທິພາບ ແລະ ຫຼຸດຜ່ອນຜົນກະທົບ. ກອງປະຊຸມດັ່ງກ່າວຈັດຂຶ້ນໃນວັນທີ 14 ມິຖຸນາ 2019 ທີ່ໂຮງແຮມແລນມາກ ໂດຍການເປັນປະທານຂອງ

Read more

ກະສິກອນໄທ ສະໜັບສະໜູນເງິນ 70 ລ້ານໂດລາ ໂຄງການກໍ່ສ້າງໂຮງໝໍກະເສມລາດ

ທະນາຄານກະສິກອນໄທ ຈໍາກັດ ໄດ້ລົງນາມເຊັນສັນຍາສະໜັບສະໜູນເງິນ ຈໍານວນ 70 ລ້ານໂດລາສະຫະລັດ ສໍາລັບໂຄງການກໍ່ສ້າງໂຮງໝໍ ກະເສມລາດ ອິນເຕີເນຊັນແນວ ວຽງຈັນ ເຊິ່ງປັດຈຸບັນການກໍ່ສ້າງໂດຍລວມມີຄວາມຄືບໜ້າແລ້ວ 10 ກວ່າເປີເຊັນ. ດ້ານປະທານເຈົ້າໜ້າທີ່ບໍລິຫານເປີດເຜີຍ: ຄາດວ່າການກໍ່ສ້າງໃນໄລຍະທໍາອິດຈະໃຫ້ສໍາເລັດໃນເດືອນຕຸລາ 2019 ແລະ ແລ້ວສົມບູນແບບໃນປີ 2020 ເຊິ່ງຈະເປີດບໍລິການຢ່າງເປັນທາງການໃນເດືອນມັງກອນ

Read more
Copy Protected by Chetan's WP-Copyprotect.