Avatar 2 ບໍ່ທັນສາຍປີໜ້າ ເພາະສ້າງ 4 ພາກໃນເວລາດຽວກັນ

“ເຈມສ ຄາເມຣອນ” ຜູ້ກຳກັບຮູບເງົາຊື່ດັງຄົນການາດາ ເປີດເຜີຍວ່າ ຮູບເງົາເລື່ອງ ”Avatar 2” ບໍ່ສາມາດຜະລິດໃຫ້ທັນກຳນົດສາຍໃນປີ 2018 ເພາະຕອນນີ້ກຳລັງເຮັດວຽກຢ່າງໜັກ ເພື່ອສ້າງຮູບເງົາເລື່ອງ “Avatar” ອອກມາເທື່ອດຽວ 4 ພາກດ້ວຍກັນ ເປັນ ”Avatar 2”, 3, 4 ແລະ 5.

ເຖິງແມ່ນວ່າ ”Avatar 2” ຍັງບໍ່ໄດ້ມີກຳນົດສາຍອອກມາຢ່າງເປັນທາງການສຳລັບປີໜ້າ ແຕ່ທາງບໍລິສັດ Twenty Century Fox ເຄີຍຖະແຫຼງການເມື່ອເດືອນພະຈິກທີ່ຜ່ານມາ ວ່າຮູບເງົາເລື່ອງ “Avatar 2” ຈາກຜົນ ງານການສ້າງຂອງ ”ເຈມສ ຄາເມຣອນ” ຈະເຂົ້າສາຍໃນໂຮງຮູບເງົາໃນວັນທີ 21 ທັນວາ 2018. ດັ່ງນັ້ນ ຖືວ່າຕ້ອງຖ້າລວມກັນເຖິງ 10 ປີຫຼືປີ 2019 ຈຶ່ງຈະໄດ້ເບິ່ງພາກຕໍ່ຂອງຮູບເງົາເລື່ອງ “Avatar” ເຊິ່ງອອກສາຍເທື່ອທຳອິດໃນປີ 2009. ຜູ້ກຳກັບ ”ເຈມສ ຄາເມຣອນ” ກ່າວຕື່ມວ່າ ບົດຮູບເງົາຖືກຂຽນຂຶ້ນມາສຳລັບສ້າງ 4 ຕອນ ຫຼື 4 ພາກ ແລະ ງານກຽມການສ້າງກໍ່ກຳລັງດຳເນີນການສ້າງຕໍ່ໄປ ຖືວ່າເປັນງານທີ່ຍິ່ງໃຫຍ່ຫຼາຍ ແລະ ຢືນຢັນກັບແຟນຮູບເງົາວ່າ ລາວກຳລັງເຮັດວຽກຢ່າງໜັກໃນຕອນນີ້ ກັບໂປຣເຈັກນີ້.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.