Canon DR-C225W ເຄື່ອງສະ​ແກນ​ເອກະສານ​ຄວາມ​ໄວ​ສູງ ຮອງ​ຮັບ​ວາຍ​ຟາ​ຍ

 

Canon DR-C225W ເປັນສະ​ແກນ​ເນີ​ຄວາມ​ໄວ​ສູງ ຮູບຊົງ​ກະທັດ​ຮັດ ສະ​ແກນ​ເອກະສານ​ຄວາມ​ໄວ​ສູງ ຄຸນ​ນະພາ​ບງານ​ເປັນ​ເລີດ ອອກ​ມາ​ໃຫ້​ມີ​ຄວາມ​ທັງ​ສະ​ໄໝ​ຍິ່ງ​ຂຶ້ນ ​ພ້ອມ​ຮອງ​ຮັບ​ການສະ​ແກນ​ເອກະສານ​ຄຸນ​ນະພາ​ບສູງ​ທີ່​ສາມາດ​ເຊື່ອ​ຖື​ໄດ້ ​ແລະ ປະຢັດ​ພື້ນ​ທີ່​ໃນ​ການວາງ​ເທິງ​ໂຕ​ຂອງ​ທ່ານ​ເພາະ​ມີ​ຮູບ​ຮ່າງ​ກະທັດ​ຮັດ ພ້ອມ​ນັ້ນ​ຍັງ​ຮອງ​ຮັບ​ການ​ເຊື່ອມ​ຕໍ່​ວາຍ​ຟາຍ (Wi-Fi) ​ເພື່ອ​ເສີມ​ການ​ເຮັດ​ວຽກ​ເຂົ້າ​ກັບ​ອຸປະກອນ​ເຊື່ອມ​ຕໍ່​ທີ່​ຫຼາກ​ຫຼາຍ​ເຊັ່ນ ​ເຄື່ອງ​ຄອມ​ພິວ​ເຕີ, ສະມາດ​ໂຟນ ​ແລະ ​ແທັບ​ເລັດ.

ເຄື່ອງສະແກນເນີຄວາມໄວສູງ Canon DR-C225W ໄດ້ສ້າງມາດຕະຖານໃໝ່ໃຫ້ກັບເຄື່ອງສະແກນເນີຂະໜາດນ້ອຍດ້ວຍການອອກແບບທັນສະໄໝ, ບາງ ແລະ ຕົວເຄື່ອງແບບລວງຕັ້ງ ຊຶ່ງມາພ້ອມກັບຄຸນນະພາບໃນການສະແກນເອກະສານແບບ High-Speed.

canon2_400x400

ດ້ວຍທາງເດີນເອກະສານແບບໂຄ້ງ (U-Turn Path) ແລະການປ້ອນເອກະສານລວງຕັ້ງ ທ່ານສາມາດສະແກນ​ເອກະສານ​ໂດຍ​ບໍ່​ຕ້ອງ​ຕໍ່​ຂະຫຍາຍ​ອຸປະກອນ​ຕ່າງໆ ຊ່ວຍ​ປະຢັດ​ພື້ນ​ທີ່​ການ​ເຮັດ​ວຽກ​ໄດ້​ແບບ​ຕໍ່​ເນື່ອງ ​ເຄື່ອງ​ສະ​ແກນ​ເນີ Canon DR-C225W ສາມາດ​ສະ​ແກນ​ເອກະສາ​ນຄວາມ​ໄວ​ສູງ​ສຸດ 25 ​ແຜ່ນ​ຕໍ່​ນາທີ ນອກຈາກ​ນັ້ນ​ແລ້ວ ຍັງ​ສາມາດ​ສະ​ແກນ​ພາບ​ສີ​ເຕັມ​ຮູບ​ແບບ​ໄດ້​ອີກ.

ນອກຈາກ​ນີ້ ທ່ານ​ຍັງ​ສາມາດ​ເລືອກ​ທາງ​ເດີນ​ຂອງ​ເອກະສານ​ແບບ​ທາງ​ກົງ (Straight Path) ​ເພື່ອ​ສະ​ແກນ​ເອກະສານ​ບາງ​ປະ​ເພດ​ທີ່​ສະ​ແກນ​ໄດ້​ຍາກ​ເປັນ​ຕົ້ນ ​ເອກະສານທີ່​ມີ​ຄວາມ​ໜາ​​ເປັນ​ພິ​ເສດ ດ້ວຍ​ວິທີ​ການ​ສະຫຼັບ​ທາງ​ເດີນ​ເອກະສານ​ທີ່​ງ່າຍ, ສະດວກ ​ແລະ ວ່ອງ​ໄວ, Canon DR-C225W ຮອງ​ຮັບ​ການສະ​ແກນ​ເອກະ​ສານ​ຫຼາກ​ຫຼາຍປະ​ເພດ ພ້ອມ​ຕອບ​ສະໜອງ​ທຸກ​ຄວາມ​ຕ້ອງການ​ໃນ​ເຄື່ອງ​ດຽວ.

ດ້ວຍ​ຕົວ​ເຄື່ອງ​ຖືກ​ອອ​ກ​ແບບ​ມາ​ໃນ​ລວງ​ຕັ້ງ ​ແລະ​ທາງ​ເດີນ​ເອກະສານ​ແບບ​ໂຄ້ງ (U-Turn Path) ທ່ານ​ບໍ່​ຈະ​ເປັນ​ຕ້ອງ​ມີ​ພື້ນ​ທີ່​ເພື່ອ​ຮອງ​ຮັບ​ເຈ້ຍ ຈິ່ງ​ຊ່ວຍ​ເພີ່ມ​ປະສິດທິພາບ​ການ​ໃຊ້​ພື້ນ​ທີ່​ເຮັດ​ວຽກ​ໃຫ້​ເກີດ​ປະ​ໂຫຍ​ດສູງ​ສຸດ ສາມາດ​ສະ​ແກນ​ເອກະ​ສານ​ໄດ້​ຫຼາກ​ຫຼາຍ​ປະ​ເພດ ດ້ວຍ​ທາງ​​ເດີ​ນ​ເອກະສານ 2 ​ແບບ ທ່ານ​ສາ​ມາດ​ເລືອກ​ທາງ​ເດີນ​ເອກະສານ​ແບບ​ທາງ​ໂຄ້ງ (U-Turn Path) ​ເພື່ອ​ສະ​ແກນ​ເອກະສານ​ມາດຕະຖານ ຫຼື ນາມບັດ ​ໂດຍບໍ່​ຕ້ອງ​ມີ​ພື້ນ​ທີ່​ວ່າງ​ດ້ານ​ໜ້າ​ຕົວ​ເຄື່ອງ ຫຼື ​ເລືອກ​ທາງ​ເດີນ​ເອກະສານ​ແບບ​ທາງ​ກົງ (Straight Path) ​ເພື່ອ​ສະ​ແກນ​ເອກະສານ​ທີ່​ມີ​ຄວາມ​ໜາ​ເປັນ​ພິ​ເສດ​ເຊັ່ນ ​ໃບ​ຂັບຂີ່, ບັດປະຈຳຕົວ​ປະຊາຊົນ ຫຼື ​ເອກະສານ​ອື່ນໆ.

img.php

 

​ເຄື່ອງ​ສະ​ແກນ​ເອກະສານ​ຄວາມ​ໄວ​ສູງ Canon DR-C225W ມີ​ການ​ອອກ​ແບບ​ຮູບ​ຮ່າງ ໜ້າ​ຕາ​ໃຫ້​​ເຮັດ​ວຽກ​ແບບ​ວ່ອງ​ໄວ​ໂດຍ​ສາມາດ​ສະ​ແກນ​ເອກະສານ​ໄດ້​ດ້ວຍ​ຄວາມ​ໄວ​ສູງ​ສຸດ 25 ​ແຜ່ນ​ຕໍ່​ນາທີແບບ​ໜ້າ​ດຽວ ສາມາດ​ສະ​ແກນ​​ເອກະສານໄດ້​ທັງ​​ໂໝດຂາວ​ດຳ ​ແລະ ສີ (24 ບິດ) ດ້ວຍ​ຄວາມລະອຽດ​ສູງ​ສຸດຢູ່​ທີ່​ປະມານ 600×600  ຈຸດ​ຕໍ່​ນິ້ວ.

ສຳລັບ​ການ​ປ້ອນ​ເອກະ​ສານ​​ແມ່ນ​ສະດວກ​ສະບາຍ ​ໂດຍ​ການຫງາຍ​ໜ້າ​ທີ່​ຕ້ອງການ​ຂຶ້ນ​ໃນ​ທິດ​ທາງ​ປົກກະຕິ (Nautral Orientation) ຊ່ວຍ​ຫຼຸ​ດຄວາມ​ຜິດ​ພາດ​ທີ່​ອາດ​ເກີດ​ຂຶ້ນ ນອກຈາກ​ນັ້ນ ຍັງ​ມີ​ການກວດ​​ການສະ​ແກນ​ເອກະສານ​ຊ້ອນ​ທີ່​ໝັ້ນ​ໃຈ ​ເຊື່ອ​ຖື​ໄດ້ ​ເພາະ​ໃນ​ຕົວ​ເຄື່ອງ​ນັ້ນ​ມີ​ເຊັນ​ເຊີ​ອັນຕຣາ​ໂຊ​ນິກທີ່​ຕິດ​ຕັ້ງ​ມາ​ພ້ອມ​ ສາມາດ​ກວດຈັບ​ການສະ​ແກນ​ເອກະສານ​ຊ້ອນກັນ ​ຢ່າງ​ມີ​ປະສິດທິພາບ ຊ່ວຍ​ປ້ອງ​ກັນ​ຂໍ້ມູນ​ສຳ​ຄັນ​ບໍ່​ໃຫ້​​ເສຍ​ຫາຍ​ໃນ​ລະຫວ່າງ​ການສະ​ແກນ​ໄດ້.

dr-c225w

​ເຄື່ອງ​ສະ​ແກນ​ເນີ​ຄວາມ​ໄວ​ສູງ​ຮຸ່ນ​ໃໝ່​ນີ້ ຍັງ​ມາ​ພ້ອມ​ການ​ນຳ​ໃຊ້​ທີ່​ພຽບພ້ອມ​ ຟັງ​ເຊິ​ນການ​ເຮັດ​ວຽກ​ທີ່​ສົມບູນ​ແບບ ​ເພື່ອ​ການສະ​ແກນ​ເອກ​ະສານ​ທີ່​ຖືກຕ້ອງ​ແມ່ນ​ຢໍາ ບໍ່​ວ່າ​ຈະ​ເປັນການ​ຂ້າມ​ໜ້າ​ວ່າງ​ໂດຍ​ອັດຕະ​ໂນ​ມັດ (Skip Blank Page) ຫາກ​ຕ້ອງການ​ສະ​ແກນ​ຊຸດ​ເອກະສານ​ທີ່​ມີ​ທັງ​ແບບ​ໜ້າ​ດຽວ ​ແລະ ສອງ​ໜ້າ ສາມາດ​ເລືອກ​ຟັງ​ເຊິ​ນຂ້າມ​ໜ້າ​ວ່າງ (ບໍ່​ບັນທຶກ​ໜ້າ​ວ່າງ​ລົງ​ໄປ​ໃນ​ຟາຍ) ​ເພື່ອ​ຫຼຸດ​ຄວາມ​ຊໍ້າ​ຊ້ອນ​ຂອງ​ພາບ​ສະ​ແກນ ຊຶ່ງຟັງ​ເຊິ​ນນີ້​ຮອງ​ຮັບ​ກາ​ນສະ​ແກນ​ເອກະສານ​ສີ​ທີ່​ມີໜ້າ​ຫວ່າງ​ໄດ້.

ຖັດມາກໍຈະ​ເປັນ​ຟັງ​ເຊິ​ນການ​ກວດ​ຈັບ​ສີ​ອັດຕະ​ໂນມັດ Auto Color Detection​ ໃນ Canon DR-C225W ​ໂດຍສາມາດ​ກວດ​ຈັບ​ໄດ້​ວ່າ​ຄວນ​ບັນທຶກ​ເອກະສານ​ທີ່​ສະ​ແກນ​ເປັນ​ສີ ຫຼື ຂ່າວ​ດຳ ​ໂດຍ​ພິຈາລະນາ​ຈາກຕົ້ນ​ສະບັບ ຟັງ​ເຊິ​ນນີ້​ຊ່ວຍ​ຫຼຸດ​ຄວາມ​ຄວາມ​ຫຍຸ້ງຍາກ​ໃນ​ການ​ຄັດ​ແຍກ​ເອກະສານ​ສີ ​ແລະ ຂາວ​ດຳ ກ່ອນ​ເລີ່​ມຕົ້ນ​ສະ​ແກນ​ວຽກ.

Canon DR-C225W

​ເຄື່ອງ​ສະ​ແກນ​ເອກະສານ​ຄວາມ​ໄວ​ສູງ Canon DR-C225W ຍັງ​ມີ​ຄວາມສາມາດ​ກວດ​ຈັບ​ທິດ​ທາງຕົວ​ອັກສອນ (Text Orientation Recognition) ​ເມື່ອ​ເອກະສານ​ທີ່​ສະ​ແກນ​ມີ​ທິດ​ທາງ​ຈັດ​ວາງ​ຕົວ​ອັກສອນ​ແຕກ​ຕ່າງ​ກັນ ​ໂດຍ​ຈະ​ກວດ​ຈັບ​ທິດ​ທາງ​ຂອງ​ຕົວອັກສອນ ​ແລະ ໝຸນ​ພາບ​ໃຫ້​ຢູ່​ໃນ​ຕຳ​ແໜ່​ງທີ່​ຖືກຕ້ອງ​ແບບ​ອັດຕະ​ໂນມັດ ຊ່ວຍ​ຫຼຸດ​ເວລາ​ທີ່​ຕ້ອງ​ມາ​ຈັດ​ວາງ​ເອກະສານ​ເອງ​ໄດ້​ແບບ​ມີ​ປະສິດທິພາບ.

ຄວາມ​ສາມາ​ດອີກ​ອັນ​ໜຶ່ງ​ຂອງ​ເຄື່ອງ​ສະ​ແກນ​​ເອກະສານ​ Canon DR-C225W ຕົວ​ນີ້ ກໍ​ຄື​ການ​ແກ້​ເອກະສານ​ອຽງ (Deskew) ຫາກ​ເຄື່ອງ​ກວດ​ພົບ​ວ່າ​ມຸມ​ເອກະສານ​ນັ້ນ​ອຽງ​ມັນ​ກໍ​ຈະ​ປັບ​ເອກະສານ​ໃຫ້​ຊື່​ກ່ອນ​ບັນທຶກ​ຟາຍ ​ເຮັດ​ໃຫ້​ບໍ່​​ເສຍ​​ເວລາ​ຕ້ອງ​ມາສະ​ແກນ​ເອກະສານ​ໃໝ່ ​ເພີ່ມ​ຄວາມ​ສະດວກ​ສະ​ບາຍ​ໃກ້​ສະ​ແກນ​ເອກະສານ​ໄດ້​ແບບ​ຕໍ່​ເນື່ອງ.

 

ສຳລັບ​ຟັງ​ເຊິ​ນ Full Auto Mode ຈະ​ປະ​ເມີນ ​ແລະ ​ເລືອກ​ໂໝດທີ່​ເໝາະ​ສົມຫຼາຍ​ທີ່ສຸດ​ໃຫ້​ກັບ​ເອກະສານ​ແຕ່ລະ​ປະ​ເພດ​ແບບອັດຕະ​ໂນ​ມັດ​ເຊັ່ນ ການ​ປະ​ເມີນ​ເອກະສານ​ສີ, ຂະໜາດ​ຂອງ​ເອກະສານ, ຄວາມ​ລະອຽດ, ທິດ​ທາງ​ຂອງ​ຕົວ​ອັກສອນ​ໃນ​ເອກະສານ ​ແລະ ການ​ຂ້າມ​ໝ້າ​ຫວ່າງ ​ເຮັດ​​ໃຫ້​ຜູ້​ໃຊ້​ສາມາດ​ສະ​ແກນ​ເອກະສານ​ໄດ້​ຫຼາກ​ຫຼາຍ​ປະ​ເພດ​ພ້ອມ​ກັນ​ແບບ​ສະດວກ​ສະບາຍ.

Canon DR-C225W ຈະ​ມາ​ພ້ອມ​ຊອຟ​ແວ​ທີ່​ອຳນວຍ​ຄວາ​ມສະດວກ​ແລະ​ທັນ​ສະ​ໄໝ​ຍິ່ງ​ຂຶ້ນ ​ເປັນ​ຕົ້ນ​ແມ່ນ CaptureOnTouch ທີ່​​ໄດ້​ຮັບ​ການ​ອອກ​ແບບ​ມາ​ເພື່ອ​ເພີ່ມ​ປະສິດທິພາບ​ໃນ​ການ​ເຮັດ​ວຽກ​ຂອງ​ເຄື່ອງ​ສະ​ແກນ​ຕະກູນ DR ຊ່ວຍ​ໃຫ້ການ​ນຳ​ໃຊ້​ເຮັດ​ໄດ້​ສະດວກ​ສະບາຍ​ແລະ​ວ່ອງ​ໄວ ຮອງ​ຮັບ​ການ​ເຮັດ​ວຽກ​ໃນ​ລະບົບ​ປະຕິບັດ​ການ​ຕ່າງໆ​ທັງ Windows  ​ແລະ Mac OS ທີ່​ພຽບພ້ອມ​ດ້ວຍ​ຟັງ​ເຊິ​ນການ​ນຳ​ໃຊ້​ແບບ​ຄົບ​ຖ້ວນ.

ສ່ວນ​ການ​ນຳ​ໃຊ້​ກໍ​ແສນ​ງ່າ​ຍດາຍພຽງ​ປາຍ​ນິ້ວສຳຜັດ ກົດ​ປຸ່ມ ​Start  ເພື່ອ​ເປີດ​ນຳ​ໃຊ້ CaptureOnTouch ສາມາດ​ສະ​ແກນ​ເອກະສານ​ໄດ້​ງ່າຍດາຍ​ໂດຍ​ປະຕິບັດ​ຕາມ​ຄຳ​ແນະນຳ​ເທິງ​ໜ້າ​ຈໍ ນອກຈາກ​ນີ້ ທ່ານຍັງ​ສາມາດ​ບັນທຶກ​ຟາຍ​ໄດ້​ຫຼາກ​ຫຼາຍ​ຮູບ​ແບບ ​ເພາະ​ຮອງ​ຮັບ​ການ​ບັນທຶກ​ຮູບ​ແບບ​ຟາຍ​ໄດ້​ທັງ PDF, JPEG, TIFF, BMP ​ໃນ​ລະບົບ​ປະ​ບັດ​ການ ​Windows ​​ແລະ PPTX ​​ໃນ​ລະບົບ​ປະຕິບັດ​ການ Mac OS ທົ່າ​ນັ້ນ.

COT_v2-Scanner-Settings_tcm123-1242640

​Canon DR-C225W ມີ​ຟັງ​ເຊິ​ນຮອງ​ຮັບ​ການບີບ​ອັດ​ຟາຍ (High-compression PDF) ​ດ້ວຍ​ຟັງ​ເຊິ​ນນີ້​ຈະ​ທຳ​ໜ້າ​ທີ່​ຈັດ​ເກັບ​​ເອກະສານ​ທີ່​ມີ​ຫຼາຍ​ໜ້າ​ໃຫ້​ເປັນ​ຟາຍ​ພີ​ດີ​ເອຟ (PDF ) ທີ່​ບີບ​ອັດ​ແລ້ວ​ເປັນ​ຟາຍ​ດຽວ; ສຳລັບ​ຟາຍ​ພີ​ດີ​ເອຟທີ່​ເປັນ OCR  ຂະໜາດ​ສະ​ແກນ​ສາມາດ​ເລືອກ​ໃຊ້​ຟັ​ງ​ເຊິ​ນນີ້ ​ໂດຍ​ຈະ​ຄົ້ນ​ກາ​ຂໍ້​ຄວາມ​ໃນ​ເນື້ອ​ໃນ​ຂອງ​ພາບ​ສະ​ແກນ​ແບບ Full Text Search ​ໄດ້.

​ເຄື່ອງສະ​ແກນ​ເອກະສານ​ຄວາມ​ໄວ​ສູງ Canon DR-C225W ຍັງ​ສະໝັບສະ​ໜູນ​ການການ​ບັນທຶກ​ຟາຍ​ພີ​ດີ​ເອຟ​ໃນ​ຮູບ​ແບບ ​PDF/A ໄດ້ ຊຶ່ງ​ເປັນ​ຮູບ​ແບບ​ທີ່​ພັດທະນາ​ຂຶ້ນ​ໃຫ້​ເປັນ​ຮູບ​ແບບ​ມາດ​ຕະຖານ​ສາກົນ ສຳລັບ​ການ​ເຂົ້າ​ເຖິງ​ເອກະສານ​ແບບ​​ເອ​ເລັກ​ໂຕຣນິກ ພ້ອມ​ນັ້ນ​ຍັງ​ຮອງ​ຮັບ​ການ​ໃຊ້​ວຽກ​ຮ່ວມ​ກັບຟັງ​ເຊິ​ນ ​Evernote  ແລະ ​SharePointໂດຍ​ການ​ເລືອກປາຍທາງ​ໃນ​ການຈັດ​ເກັບ​ເອກະສານ​ໄດ້.

ຊອຟ​ແວ​ທີ່​ມີ​ມາ​ໃຫ້​ພ້ອມ​ປະກອບ​ດ້ວຍ:

  • CaptureOnTouch [Windows, Mac OS] ​

​​​ຟັງ​ເຊິ​ນ​ເພີ່ມ​ຄວາມ​ສະດວກ​ສະບາຍ​ໃນ​ການສະ​ແກນ​ເອກະສານ ສາມາດ​ເລືອກ​ສະ​ແກນ​ແບບ​ອັດຕະ​ໂນ​ມັດ ຫຼື ​ເລືອກ​ຕັ້ງ​ຄ່າ​ຕ່າງໆ​ໄດ້​ຕາມ​ຕ້ອງການ

  • Presto! BizCard [Windows, Mac OS]

​ຟັ​​ງ​ເຊິ​ນຮອງ​ຮັບ​ກາ​ນສະ​ແກນ​ນາມບັດ ​ເພື່ອ​ປ່ຽນ​ຂໍ້​ມູນ​ສຳຄັນ​ໃຫ້​ຢູ່​ໃນ​ຮູບ​ແບບ​ຖານ​ຂໍ້​ມູນ​ເພື່ອ​ຊອກ​ຄົ້ນ

  • EVERNOTE [Windows, Mac OS]
  • ​ເປັນ​ແອບ​ພລິ​ເຄ​ເຊິ​ນ​ Cloud based data management ​ໂດຍ CaptureOnTouch ມີ​ຕົວ​ເລືອກ​ໃນ​ການ​ສົ່ງ ​ແລະ ​ເກັບ​ຂໍ້​ມູນ​ຕ່ງໆ​ໄປ​ຍັງ Evernote server.
  • OmniPage [Windows]

ຄວາມ​ສາມາດ​ມັນ​ກໍ​ຄື​ປ່ຽນ​ເອກະສາ​ນຕົ້ນ​ສະບັບ​ໃຫ້​ເປັນ​ຟາຍ​ເອ​ເລັກ​ໂຕຣນິກທີ່​ສາມາດ​ແກ້​ໄຂ​ໄດ້ (Editable Electronic File) ດ້ວຍ OCR.

  • PaperPort [Windows]

ຊ່ວຍ​ເພີ່ມ​ຄວາມ​ສະ​ດວກ​ສະບາຍ​ສຳລັບ​ວຽກ​ດ້ານ​ກຣາຟິກ ດ້ວຍ​ຟັງ​ເຊິ​ນທີ່​ໃຊ້​ວຽກງ່າຍ ສາມາດ​ຈັດ​ເກັບ​ບໍລິຫານ​ຈັດການ ​ແລະ ຮຽກ​ເບິ່ງ​ເອກະສານ​ດິຈິ​ຕອລດ້ວຍ​ຄວາມ​ວ່ອງ​ໄວ

  • eCopy PDF Pro Office [Windows]

ສາມາດ​ສ້າງ​ ແລະ ​ເປີດ​ເບິ່ງ​ຟາຍ​ຮູບ​ແບບ​ພີ​ດີ​​ເອຟ​ໄດ້ ​ແລະ ​ແປງ​ຟາຍ​ພີ​ດີ​ເອຟ​ໃຫ້​ເປັນ​ຟາຍ​ທີ່​ສາມາດ​ແກ້​ໄຂ​ໄດ້ ​ເພີ່ມ​ຄວາມ​ຫົດ​ຢືດດ້ານ​ການ​ໃຊ້​ເອກະສານ ​ເພື່ອ​ການ​ເຮັດ​ວຽກ​ທີ່​ມີ​ປະສິດທິພາ​ບ ​ແລະ​ ການ​ແລກປ່ຽນ​ຂໍ້​ມູນ​ແບບ​ບໍ່​ຈຳກັດ.

  • Presto! PageManager [Mac OS]

​ເປັນ​ການສະ​ແດງ​ເອກະສານ-ພາບ​ສະ​ແກນ​ເທິງ​ໜ້າ​ຈໍ​ຄອມ​ພິວ​ເຕີສາມາດ​ຈັດການ​ແລະ​ຈັດ​ລຽງ​ເອກະສານ​ໄດ້​ຕາມ​ຕ້ອງການ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.