ນະຄອນຫຼວງ ມີເກືອບ 40 ກຸ່ມປູກພືດອິນຊີສະໜອງໃຫ້ກັບຕະຫຼາດ

  ນະຄອນຫຼວງວຽງຈັນ (ນວ) ມີທ່າແຮງບົ່ງຊ້ອນຫຼາຍດ້ານໂດຍສະເພາະແມ່ນດ້ານກະສິກຳທີ່ນະຄອນຫຼວງ ໄດ້ຊຸກຍູ້ ແລະກະຕຸ້ນກຸ່ມຜະລິດພືດຜັກ, ໝາກໄມ້ໃນ7 ຕົວເມືອງຫຼັກຂອງນະຄອນຫຼວງ, ໂດຍທຸກກຸ່ມຕ້ອງປະຕິບັດຕາມມາດຕະຖານກະສິກຳອິນຊີ ແລະກະສິກຳທີ່ດີເພື່ອຮັບປະກັນໃຫ້ຜົນຜະລິດທີ່ໄດ້ພຽງພໍກັບຄວາມກັບຕ້ອງການຕະຫຼາດແລະໃຫ້ບັນລຸຕາມເປົ້າໝາຍທີ່ວາງໄວ້ທີ່ສະພານະຄອນຫຼວງຮັບຮອງ 1,13 ແສນໂຕນຕໍ່ປີ ແລະສະໜອງການບໍລິໂພກໃຫ້ໄດ້ 100 ກິໂລຕໍ່ຄົນຕໍ່ປີຊຶ່ງໃນປະຈຸບັນນະຄອນຫຼວງສາມາດສ້າງກຸ່ມປູກພືດຜັກ ແລະໝາກໄມ້ຕາມມາດຕະຖານດັ່ງກ່າວໄດ້ແລ້ວເກືອບ 40 ກຸ່ມ.   ຕາມບົດລາຍງານຂອງຂະແໜງປູກຝັງພະແນກກະສິກຳ ແລະປ່າໄມ້ນະຄອນຫຼວງວຽງຈັນ ໃຫ້ຮູ້ເມື່ອບໍ່ດົນມານີ້ຮູ້ວ່າ: ໃນປີ 2019 ພະແນກກະສິກຳ ແລະປ່າໄມ້ນະຄອນຫຼວງວຽງຈັນໄດ້ກຳນົດແຜນການຜະລິດພືດຜັກຢູ່ນະຄອນຫຼວງວຽງຈັນ ໃນເນື້ອທີ່ທັງໝົດ 11,06 ພັນເຮັກຕາ, ກວມເອົາ 7 ເມືອງຫຼັກຄື: ເມືອງສີໂຄດຕະບອງ 1,33 ພັນເຮັກຕາ, ໄຊເສດຖາ 3 ຮ້ອຍເຮັກຕາ, ນາຊາຍທອງ1,07 ພັນເຮັກຕາ, ໄຊທານີ 3,15 ພັນເຮັກຕາ, ຫາດຊາຍຟອງ 3,27 ພັນເຮັກຕາ, ສັງທອງ1,09 ພັນເຮັກຕາ ແລະເມືອງປາກງື່ມ 840 ເຮັກຕາ.   ເພື່ອຮັບປະກັນການສະໜອງພືດຜັກໃຫ້ພຽງພໍກັບຄວາມຕ້ອງການ ແລະໃຫ້ບັນລຸຕາມເປົ້າໝາຍທີ່ວາງໄວ້ທີ່ສະພານະຄອນຫຼວງຮັບຮອງ 1,13 ແສນໂຕນຕໍ່ປີແລະສະໜອງການບໍລິໂພກໃຫ້ໄດ້ 100 ກິໂລຕໍ່ຄົນຕໍ່ປີ, ສະເພາະການຊຸກຍູ້ການປູກພືດໃນປີ 2019, ໃນນີ້ລະດູແລ້ງແຜນການຜະລິດແມ່ນ 7,13 ພັນເຮັກຕາ, ສາມາດປະຕິບັດໄດ້ 7,27 ພັນເຮັກຕາ, ທຽບໃສ່ແຜນການໄດ້ 101,86% ລື່ນແຜນການ 1,86%, ສະເລ່ຍຜະລິດຕະພາບ 10,68 ໂຕນຕໍ່ເຮັກຕາ ແລະ ຜົນຜະລິດໄດ້ 77,65 ພັນໂຕນ.    ສ່ວນການຜະລິດພືດຜັກລະດູຝົນປີນີ້, ນະຄອນຫຼວງວາງແຜນທັງໝົດ 3,93 ພັນເຮັກຕາ, ຄາດຄະເນຜະລິດຕະພາບສະເລ່ຍ 9,53 ໂຕນຕໍ່ເຮັກຕາຜົນຜະລິດໄດ້37,44 ພັນໂຕນ, ໃນນັ້ນເມືອງສີໂຄດຕະບອງ ເນື້ອທີ່ 406 ເຮັກຕາ, ໄຊເສດຖາ80 ເຮັກຕາ, ນາຊາຍທອງ 340 ເຮັກຕາ, ໄຊທານີ 979 ເຮັກຕາ, ຫາດ ຊາຍຟອງ1,16 ພັນເຮັກຕາ, ສັງທອງ 552 ເຮັກຕາ ແລະເມືອງປາກງື່ມ 410 ເຮັກຕາ, ມາຮອດປະຈຸບັນໃນຈຳນວນ 7 ເມືອງສາມາດປະຕິບັດໄດ້ແລ້ວ2,55 ພັນເຮັກຕາເທົ່າກັບ 65,09%.    ການປູກພືດຜັກ ແລະໝາກໄມ້ຕາມມາດຕະຖານກະສິກຳອິນຊີ, ກະສິກໍາທີ່ດີມາຮອດປະຈຸບັນທົ່ວນະຄອນຫຼວງມີທັງໝົດ 38 ກຸ່ມ, ໃນນັ້ນການປູກພືດຜັກແລະໝາກໄມ້ຕາມມາດຕະຖານກະສິກຳອິນຊີມີ 17 ກຸ່ມຄື: ເປັນກຸ່ມຜະລິດຂອງຊາວສວນ 11 ກຸ່ມ, 4 ບໍລິສັດ, 1 ກອງຜະລິດ ແລະ 1 ສູນມາດຕະຖານກະສິກຳສະ ອາດ, ລວມມີເນື້ອທີ່ມັງໝົດ 279 ເຮັກຕາ, ມີ 238 ຄອບຄົວ,ຜົນຜະລິດໄດ້ 2,91 ພັນໂຕນ,ໂດຍມີຕະຫຼາດຈຳໜ່າຍຮອງຮັບທັງໝົດ 7 ແຫ່ງເປັນຕົ້ນຕະຫຼາດອາຊີສູນການຄ້າລາວ-ໄອເຕັກ, ຕະຫຼາດກະສິກຳອິນຊີສະໂມສອນດອກປີກໄກ່ຫຼັກ 5, ຕະຫຼາດກະສິກຳອິນຊີສູນການຄ້າວຽງຈັນເຊັນເຕີ, ຕະຫຼາດກະສິກຳອິນຊີຫ້ວ ຍຫົງ, ຕະຫຼາດກະສິກຳອິນຊີດົງນາໂຊກ, ຕະຫຼາດກະສິກຳອິນຊີບ້ານຊ້າງຄູ່ ແລະຮ້ານຂາຍຜັກອິນຊີບ້ານສົມຫວັງເໜືອ.   ສະເພາະປີ 2018 ຜ່ານມາຜົນຜະລິດທັງໝົດໄດ້ 2,49 ພັນໂຕນ ແລະ ສ້າງມູນຄ່າເຂົ້າຕະຫຼາດຈຳນວນ 7 ຕື້ກີບ, ສຳລັບການປູກພືດຜັກ ແລະ ໝາກໄມ້ຕາມມາດຕະຖານກະສິກຳທີ່ດີມີທັງໝົດ 21 ກຸ່ມ, ໃນນັ້ນເປັນກຸ່ມຜະລິດຂອງຊາວສວນ 14 ກຸ່ມ, ຜູ້ປະກອບການ 6 ບໍລິສັດ ແລະ ອີກ 1 ສູນມາດຕະຖານກະສິກຳສະ ອາດລວມມີເນື້ອທີ່ 240 ເຮັກຕາ, ມີ 382 ຄອບຄົວ ແລະຜົນຜະລິດ 2,49 ພັນໂຕນ. 

Read more

ແຕ່ງຕັ້ງຮອງເຈົ້າຄອງນະຄອນຫຼວງວຽງຈັນ ຜູ້ໃໝ່

ໃນວັນທີ 19 ເມສາ 2019, ທີ່ສຳນັກງານປົກຄອງນະຄອນຫຼວງວຽງຈັນ ໄດ້ຈັດພິທີປະກາດການຈັດຕັ້ງຮອງເຈົ້າຄອງນະຄອນຫຼວງວຽງຈັນ (ຜູ້ໃໝ່) ໂດຍການເຂົ້າຮ່ວມເປັນປະທານຂອງ ທ່ານ   ສິນລະວົງ ຄຸດໄພທູນ, ເຈົ້າຄອງນະຄອນຫຼວງວຽງຈັນ, ມີກົມຈັດຕັ້ງກະຊວງການເງິນ, ຄະນະປະຈຳສະພາປະຊາຊົນນະຄອນຫຼວງວຽງຈັນ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ. ໃນພິທີ ທ່ານ ບຸນທອງ ພົມມະຈັນ, ຫົວໜ້າຄະນະຈັດຕັ້ງ

Read more

ນວ ຈັດ​ກິດ­ຈະ­ກຳ​ຄາ​ລາ​ວານເຊີນ­ຊວນ​ຂັບ​ຂີ່ປອດ​ໄພ​ໃນ​ວັນ​ບຸນ­ປີ­ໃໝ່​ລາວ

ປະ­ຈຸ​ບັນ​ສະ­ພາບ​ການ​ສັນ­ຈອນ​ຕາມ​ເສັ້ນ­ທາງ​ຢູ່​ນະ­ຄອນ­ຫຼວງ​ວຽງ​ຈັນ​ຂ້ອນ​ຂ້າງ​ສັບ­ສົນ ຍ້ອນ​ການ​ເພ​ັີ່ມ​ຂຶ້ນ​ຢ່າງ​ວ່ອງ­ໄວ ຂອງ​ຈຳ­ນວນ​ພາ­ຫະ­ນະ ແລະ​ມີ​ນັກ​ຂັບ​ຂີ່​ຈຳ­ນວນ​ໜຶ່ງ​ບໍ່​ປະ­ຕິ­ບັດ​ຕາມ​ກົດ​ລະ­ບຽບ​ຈະ­ລາ­ຈອນ​ເປັນ​ສາ­ເຫດ​ເຮັດ​ໃຫ້​ມີ​ລົດ​ຕິດ​ຂັດ​ອັ່ງ​ອໍ​ຢູ່​ຕາມ​ທາງ​ໃນ​ຊົ່ວ­ໂມງ​ເຂົ້າ​ການ-ເລີກ​ການ ແລະ​ມີ​ອຸ­ບັດ­ເຫດ​ທາງ​ຖະ­ໜົນ​ເກີດ​ຂຶ້ນ​ຢ່າງ​ເນື່ອງ­ນິດ​ລຽນ­ຕິດ, ສະ­ນັ້ນ​ເພື່ອ​ເປັນ​ການ​ເຕືອນ​ສະ­ຕິ​ໄລ­ຍະ​ປີ​ໃໝ່​ນີ້ນະ­ຄອນ­ຫຼວງ​ວຽງ​ຈັນ (ນວ) ຈິ່ງໄດ້​ຈັດ​ຈິດ​ຈະ​ກຳ​ຄາ​ລາ​ວານ​ເຊີນ­ຊວນຂັບ​ຂີ່​ປອດ​ໄພ​ແນ່​ໃສ່​ເຕືອນ​ສະ­ຕິ​ສັງ­ຄົມກ່ອນ​ຮອດ​ປີ​ໃໝ່​ລາວ. ທ່ານ ຢຸດ​ຕະ​ພົງ ສຸ­ວັນ­ນະ​ສິງ ຕາງໜ້າ​ກຳ­ລັງ​ຄາ​ລະ​ວານ​ກ່າວ​ວ່າ: ອີງ​ຕາມຕົວ​ເລກ​ອຸ­ບັດ­ເຫດ​ທາງ​ຖະ­ໜົນ​ໃນນະຄອນ​ຫຼວງ​ວຽງ​ຈັນ​ປີ 2016 ຜ່ານ​ມາ ຄື​ແຕ່​ວັນ​ທີ 15 ກັນ­ຍາ 2015 ເຖິງວັນ​ທີ

Read more

ສຳເລັດໂຄງການປັບປຸງລະບົບພື້ນຖານໂຄງລ່າງໃນ ນວ

ຫຼັງ​ຈາກ​ທີ່​ໄດ້​ລົງ­ມື​ຈັດ​ຕັ້ງ​ປະ­ຕິບັດ​ໂຄງ­ການ​ປັບ­ປຸງ​ພື້ນ­ຖານ​ໂຄງ​ລ່າງໃນ​ນະ­ຄອນ­ຫຼວງ​ວຽງ​ຈັນ (ນວ) ມາແຕ່​ຕົ້ນ​ປີ 2016 ໂຄງ­ການ​ດັ່ງ­ກ່າວ​ໄດ້ ສຳ­ເລັດ 100% ແລະ​ຈັດ​ພິ­ທີ​ມອບ-ຮັບ​ລະ­ຫວ່າງ​ນະ­ຄອນ­ຫຼວງ​ວຽງ​ຈັນ ແລະ​ຜູ້​ຮັບ​ເໝົາ​ໃນ​ວັນ​ທີ 24 ມີ­ນາ 2017 ເຂົ້າ​ຮ່ວມ​ຂອງ ທ່ານ ແກ້ວ​ພິ­ລາ ວັນອາ​ໄພ​ລາດ ຮອງ​ເຈົ້າ​ຄອງ ນວ; ທ່ານ ເນ​ວິນ

Read more

ນະຄອນຫຼວງຕັ້ງເປົ້າ ການເກັບລາຍຮັບປີນີ້ 1.100 ຕື້ກີບ

ພາຍຫຼັງການເດີນສຳຫຼວດຖານລາຍຮັບງົບປະມານຄືນໃໝ່ທົ່ວນະຄອນຫຼວງມີ 770 ຫົວໜ່ວຍທຸລະກິດທີ່ແຈ້ງເສຍອາກອນໃນປີທີ່ຜ່ານມາ, ພະແນກການເງິນນະຄອນຫຼວງໄດ້ວາງເປົ້າການເກັບລາຍຮັບປີນີ້ໄວ້ທີ່ 1.100 ຕື້ກີບ ແລະລາຍຈ່າຍບໍ່ເກີນ 639,39 ຕື້ືກີບ. ທ່ານ ຄຳພັນ ມາລາບັນດິດ ຫົວໜ້າພະແນກການເງິນນະຄອນຫຼວງວຽງຈັນ ກ່າວວ່າ: ອີງຕາມຄໍາສັ່ງຂອງທ່ານ ນາຍົກລັດຖະມົນຕີ ສະບັບເລກທີ 40/ນຍ, ລົງວັນທີ 29

Read more

ທ່ານນາຍົກໂອ້​ລົມ​ຄະນະ​ນຳ​ ແລະ ພະນັກງານຫຼັກ​ແຫຼ່ງນະຄອນຫຼວງ

ໃນ​ລະຫວ່າງ​ວັນ​ທີ 15-17 ມີນາ 2017 ທີ່​ຫ້ອງ​ວ່າການ​ປົກຄອງ​ນະຄອນຫຼວງວຽງຈັນ ​ໄດ້​ຈັດ​ກອງ​ປະຊຸມ​ຄົບ​ຄະນະ​ບໍລິຫານ​ງານ​ພັກ ຮ່ວມ​ກັບ​ອົງການ​ປົກ​ຄອງ​ນະຄອນຫຼວງວຽງຈັນ ຄັ້ງທີ 8 ສະ​ໄໝທີ VI ຂຶ້ນ. ​ໂດຍ​ການ​ເປັນ​ປະທານ​ຂອງ ທ່ານ ປອ. ສິນ​ລະ​ວົງ ຄຸດ​ໄພທູນ ​ເຈົ້າຄອງ​ນະຄອນຫຼວງວຽງຈັນ ມາ​ຮອດ​ຕອນ​ບ່າຍ​ຂອງ​ວັນ​ທີ 17

Read more
Copy Protected by Chetan's WP-Copyprotect.