3 ດ່ານພາສີສາກົນຈະລອງໃຊ້ລະບົບ ບ53 ແບບເອເລັກໂຕຣນິກ

ເພື່ອເປັນຕະການໃນການຄຸ້ມຄອງຕິດຕາມ ແລະກວດກາພາຫະນະຜ່ານດ່ານສາກົນແບບລະບົບທັນສະໄໝສະດວກວ່ອງໄວໂປ່ງໃສ ແລະສອດຄ່ອງຖືກຕ້ອງຕາມລະບຽບການ. ໃນຕົ້ນເດືອນມັງ ກອນປີ 2020 ນີ້ດ່ານພາສີສາກົນຂົວມິດຕະພາບ I, ດ່ານພາສີສາກົນບໍ່ເຕັນ ແຂວງຫຼວງນໍ້າທາ, ດ່ານພາສີສາກົນຂົວມິດຕະພາບ IV ແຂວງບໍ່ແກ້ວ ຈະໄດ້ເປີດທົດລອງນຳໃຊ້ລອງລະບົບຄຸ້ມຄອງພາຫະນະທ່ອງທ່ຽວຢ້ຽມຢາມ ແລະພາຫະນະຂົນສົ່ງສິນຄ້າດ້ວຍລະບົບເອເລັກໂຕຣນິກ (ບ53).   ສະນັ້ນ, ໃນທ້າຍເດືອນພະຈິກຜ່ານມາ, ທີ່ດ່ານສາກົນຂົວມິດຕະພາບ I ໄດ້ຈັດກອງປະຊຸມນໍາສະເໜີ ແລະສາທິດເປີດທົດລອງນຳໃຊ້ລະບົບ (ບ53), ໂດຍການເຂົ້າ ຮ່ວມຂອງທ່ານນາງ ຄໍາຂວັນ ສີຊານົນ ຮອງຫົວໜ້າຫ້ອງການກະຊວງການເງິນ,ມີທ່ານ ບຸນປະເສີດ ສີກຸນລະບຸດ ຮັກສາການຫົວໜ້າກົມພາສີກະຊວງການເງິນ, ຫົວ ໜ້າດ່ານພາສີສາກົນຂົວມິດຕະພາບ I, ຄະນະດ່ານ, ຄະນະພະແນກ, ຜູ້ອໍານວຍການບໍລິສັດ ຄໍາປະເສີດ ຄອມພີວເຕີ ຈໍາກັດ ຜູ້ພັດທະນາລະບົບ (ບ53) ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.   ຕາມການລາຍງານຂອງຄະນະຮັບຜິດຊອບພັດທະນາລະບົບ ບ53 ແບບເອເລັກໂຕຣນິກໃຫ້ຮູ້ວ່າ: ລະບົບ ບ 53 ແບບເກົ່າທີ່ນຳໃຊ້ໃນປັດຈຸບັນທີ່ດ່ານພາສີສາກົນທົ່ວປະເທດເຫັນວ່າມີຂໍ້ມູນເພີ່ມຂຶ້ນເປັນຈຳນວນຫຼວງຫຼາຍເຮັດໃຫ້ຖານຂໍ້ມູນບໍ່ສາມາດຮອງຮັບໄດ້ ແລະເປັນສາເຫດເຮັດໃຫ້ຕ້ອງໄດ້ນຳໃຊ້ແບບແຍກຖານຂໍ້ມູນບໍ່ລວມສູນ, ທີ່ສຳຄັນການຊໍາລະຄ່າທຳນຽມຜູ້ໂດຍສານ, ພາຫະນະຕ່າງໆ ແລະຄ່າລ່ວງເວລາຍັງເກັບດ້ວຍເງິນສົດເຮັດໃຫ້ການສັງລວມລາຍຮັບຈາກຄ່າທຳນຽມມີຄວາມຫຍຸ້ງຍາກ, ຊັກຊ້າ, ບໍ່ໂປ່ງໃສ. ສະນັ້ນ, ເພື່ອເຂົ້າລະບຽບການ ແລະມາດຕະການໃນການຄຸ້ມຄອງຕິດຕາມ ແລະກວດກາພາຫະນະຜ່ານດ່ານສາກົນທາງບົກດ້ວຍການນຳໃຊ້ລະບົບ ບ53 ແບບເອເລັກໂຕຣນິກທີ່ເປັນເຄື່ອງມືທັນສະໄໝໃຫ້ແກ່ເຈົ້າໜ້າທີ່ພາສີໃນການຄຸ້ມຄອງພາຫະນະເຂົ້າ-ອອກທ່ອງທ່ຽວຢ້ຽມຢາມເປັນການຊົ່ວຄາວ, ພາຫະນະຂົນສົ່ງສິນຄ້າຜ່ານດ່ານພາສີສາກົນໃຫ້ເປັນເອກະພາບໃນຂອບເຂດທົ່ວປະເທດ, ທັງສະດວກວ່ອງໄວໂປ່ງໃສ, ສອດຄ່ອງຖືກຕ້ອງຕາມລະບຽບກົດໝາຍກໍານົດໄວ້, ຫັນການຄຸ້ມຄອງລາຍຮັບສູ່ລະບົບທັນສະໄໝໃນຂະແໜງພາສີທີ່ເກີດມີຫາງສຽງຈົ່ມວ່າຂອງສັງຄົມໂດຍສະເພາະແມ່ນການຈັດເກັບລາຍຮັບຍັງເກັບເປັນເງິນສົດເປັນຕົ້ນຄ່າທໍານຽມຕ່າງໆ.     ກະຊວງການເງິນໄດ້ອະນຸມັດໃຫ້ບໍລິສັດ ຄໍາປະເສີດ ຄອມພີວເຕີ ຈໍາກັດ ຜູ້ດຽວພັດທະນາລະບົບ (ບ53) ແບບທັນສະໄໝ, ເບື້ອງຕົນຈະໄດ້ໄປຕິດຕັ້ງ ແລະທົດລອງ ນໍາໃຊ້ຢູ່ດ່ານພາສີສາກົນຂົວມິດຕະພາບ I, ດ່ານພາສີສາກົນບໍ່ເຕັນ ແຂວງຫຼວງນໍ້າທາແລະດ່ານພາສີສາກົນຂົວມິດຕະພາບ IV ແຂວງບໍ່ແກ້ວ, ຄາດຄະເນວ່າຈະເປີດທົດນໍາໃຊ້ໃນເດືອນມັງກອນປີ 2020 ແລະຈະສືບຕໍ່ຜັນຂະຫຍາຍນຳໃຊ້ຢູ່ບັນດາດ່ານສາກົນໃນຂອບເຂດທົ່ວປະເທດ.   ອີງຕາມຕົວເລກລາຍງານເບື້ອງຕົ້ນຢູ່ດ່ານພາສີສາກົນຂົວມິດຕະພາບ I ມີ ຈໍານວນຜູ້ໂດຍສານທີ່ເດີນທາງເຂົ້າ-ອອກປະເທດໃນແຕ່ລະວັນ, ສະເລ່ຍຜູ້ໂດຍສານທີ່ເດີນ ທາງຂາເຂົ້າມີປະມານ 700 ກວ່າຄົນຕໍ່ວັນ, ພາຫະນະ (ປະເພດລົດ ບັນທຸກ) ປະມານ 500 ຄັນຕໍ່ວັນ, ສ່ວນການເດີນທາງຂາອອກຂອງຜູ້ໂດຍສານ 1.800 ຄົນຕໍ່ວັນພາຫະນະ (ປະເພດລົດເບົາ) ປະມານ 782 ຄັນຕໍ່ວັນ, ຖ້າເປັນ ວັນພັກລັດຖະການ ຫຼືມື້ທີ່ມີເທດສະການຕ່າງໆປະລິມານຜູ້ໂດຍສານຫຼືລົດສ່ວນໂຕແມ່ນເພີ່ມ ຂຶ້ນຫຼາຍເທົ່າຕົວ. ພາບ ຂ່າວ: ໜັງສືພິມເສດຖະກິດ-ສັງຄົມ

Read more

ທາງລົດໄຟລາວ-ຈີນ ຊ່ວງຫຼວງນໍ້າທາ ມອບເງິນຊົດເຊີຍຜູ້ຖືກໂຄງການ ງວດທີ 6 ມູນຄ່າ 178 ຕື້ກີບ

  ຄະນະຊີ້ນໍາໂຄງການກໍ່ສ້າງທາງລົດໄຟລາວ-ຈີນ ຊ່ວງຜ່ານແຂວງຫຼວງນໍ້າທາ ໄດ້ຈັດພິທີສືບຕໍ່ເບີກຈ່າຍຄ່າຊົດເຊີຍສິ່ງກີດຂວາງໃຫ້ແກ່ຜູ້ທີ່ໄດ້ຮັບຜົນກະທົບຈາກໂຄງການກໍ່ສ້າງທາງລົດໄຟລາວ-ຈີນ, ແຕ່ງວດທີ 1-ງວດ 6 ມີ 4 ບ້ານຄື: ບ້ານບໍ່ເຕ່ນ, ບໍ່ປຽດ, ຕີນຕົກ ແລະບ້ານນາເຕີຍມີ 208 ຄອບຄົວ ເທົ່າກັບ 66,4% ລວມ ເປັນເງິນທັງໝົດ 118,6 ຕື້ກີບ ສະເພາະງວດທີ 6 ນີ້, ເປັນງວດສຸດທ້າຍທີ່ນອນຢູ່ໃນຈໍານວນ 321 ຄອບຄົວ, ມູນຄ່າ 178,5 ຕື້ກີບ. ໃນຕໍ່ໜ້າທາງໂຄງການຈະໄດ້ສືບຕໍ່ເບີກຈ່າຍຄ່າຊົດເຊີຍໃຫ້ແກ່ຜູ້ທີ່ຖືກຜົນກະທົບຂອງໂຄງການກໍ່ສ້າງທາງລົດໄຟລາວ-ຈີນງວດທີ 7 ໃນຂັ້ນຕໍ່ໄປໃນຈໍາ ນວນ 11 ຄອບ ຄົວ, ຢູ່ບ້ານບໍ່ເຕ່ນ ແລະ ບ້ານນາເຕີຍລວມມູນຄ່າ 13,2 ຕື້ກີບ, ພ້ອມນີ້ທາງໂຄງການຍັງໄດ້ສໍາຫຼວດຄາດຄະເນສະຖານນີນາເຕີຍຖ້າຫາກມີຄວາມຕ້ອງການເນື້ອທີ່ ດິນເພີ່ມຂຶ້ນຈາກເດີມ 80 ເຮັກຕາ, ມາເປັນ 128 ເຮັກຕາ ຈະມີຜູ້ຖືກຜົນກະທົບເພີ່ມຂຶ້ນຈາກ 321 ຄອບຄົວ, ມາເປັນ 436 ຄອບຄົວ, ລວມມູນຄ່າຊົດເຊີຍແມ່ນ 254,6 ຕື້ກີບ.   ໃນພິທີມອບເງິນຊົດເຊີຍໃຫ້ແກ່ຜູ້ທີ່ໄດ້ຮັບຜົນກະທົບໃນຄັ້ງນີ້ ຈັດຂຶ້ນໃນວັນທີ 4 ທັນວາຜ່ານມາ ທີ່ບ້ານນາເຕີຍເມືອງ ແລະແຂວງຫຼວງນໍ້າທາໃຫ້ກຽດເຂົ້າຮ່ວມໂດຍ ທ່ານ ຄໍາໄຫຼ ສີປະເສີດ ຮອງເຈົ້າແຂວງໆຫຼວງນໍ້າທາ, ທ່ານ ຫຼີຢີ່ຈີນ ຮອງອໍານວຍການບໍລິສັດທາງລົດໄຟລາວ-ຈີນເລກ 5 ສາຂາ 2, ມີສະມາຊິກສະພາປະຊາຊົນແຂວງ, ປະ ທານກວດກາພັກ-ລັດແຂວງ, ຫົວໜ້າຄະນະກໍາມະການໄກ່ເກ່ຍຄະນະເບີກ ຈ່າຍຜົນກະທົບສິ່ງກີດຂວາງເສັ້ນທາງລົດໄຟລາວ-ຈີນ, ຜູ້ຕາງໜ້າບໍລິສັດ ທາງລົດໄຟລາວ-ຈີນເລກ 5, ຕະຫຼອດຮອດປະຊາຊົນຜູ້ທີ່ຖືກຜົນກະທົບພາຍໃນ 4 ບ້ານເຂົ້າຮ່ວມ. ພາບ-ຂ່າວ: ໜັງສືພິມເສດຖະກິດ-ສັງຄົມ

Read more

ໄຊຍະຍົກເລີກ 8 ບໍລິສັດສຳປະທານ 13 ໂຄງການສຳຫຼວດ-ຊອກຄົ້ນແຮ່ທາດ

 ຜ່ານມາມີຫຼາຍບໍລິສັດທີ່ມາລົງທຶນຊອກຄົ້ນສຳຫຼວດແຮ່ທາດ ແລະ ເຮັດກິດຈະການບໍ່ແຮ່ຢູ່ແຂວງໄຊຍະບູລີ ນັບທັງຂັ້ນສູນກາງອະນຸມັດ ແລະ ແຂວງໄຊຍະບູລີອະນຸມັດ ແຕ່ແລ້ວມີ 8 ບໍລິສັດບໍ່ດຳເນີນກິດຈະການຂອງຕົນເຮັດໃຫ້ໝົດສັນຍາ, ທັງໝົດ 13 ໂຄງການ ໃນເນື້ອທີ່ 2,5 ກິໂລຕາແມັດ ໃນນີ້ຂັ້ນສູນກາງອະນຸມັດມີ11 ໂຄງ ການ ແລະຂັ້ນແຂວງອະນຸມັດ 2 ໂຄງການ.  ຕາມຂໍ້ມູນຈາກແຂວງໄຊຍະບູລີ ໃຫ້ຮູ້ວ່າ: ໂຄງການທີ່ກຳລັງເຄື່ອນໄຫວຊອກຄົ້ນ-ສຳຫຼວດມີ 1 ບໍລິສັດຄື: ບໍລິສັດໂດມິນຽມຊອກຄົ້ນຊອກ-ສຳຫຼວດແຮ່ທາດທອງແດງ ເຂດບ້ານສົມ ສະຫວັນ, ບ້ານໂພນສະອາດ ເມືອງພຽງ ແລະເມືອງປາກລາຍ ມີເນື້ອທີ່ສຳຫຼວດ 488 ກິໂລຕາແມັດ, ໄດ້ມີການເຄື່ອນໄຫວ ເກັບຕົວຢ່າງໄປວິໄຈຈຳນວນ 2 ຄັ້ງ, ມີຕົວແບບ 453 ຕົວແບບ, ນໍ້າໜັກ 277 ກິໂລກຣາມ ແລະ ອີກ 8 ບໍລິສັດທີ່ຂັ້ນສູນກາງອະນຸມັດແມ່ນໝົດອາຍຸສັນຍາວ່າດ້ວຍການຊອກຄົ້ນ-ສຳຫຼວດ, ມາ ຮອດປະຈຸບັນບໍ່ມີການເຄື່ອນໄຫວຫຍັງຢູ່ພາກສະໜາມ.   ສ່ວນໂຄງການຂັ້ນແຂວງອະນຸຍາດ ມີ 2 ໂຄງການເຊັ່ນ: ບໍລິສັດອໍລະວັນແຮ່ບາຣິດ ຈຳກັດ ໃນເນື້ອທີ່ສຳຫຼວດ 5 ເຮັກຕາ ຊຶ່ງໄດ້ເຈາະສຳຫຼວດໃນ 3 ເດືອນ ປີ 201 8 ປະຈຸບັນໄດ້ມີການເຄື່ອນໄຫວລົງສຳຫຼວດເກັບກຳຂໍ້ມູນຄືນຢູ່ໃນຂອບເຂດສຳປະທານຂອງບໍລິສັດຈຳນວນ 2 ຄັ້ງ ໃບອະນຸຍາດແຕ່ວັນທີ 20 ເມສາຫາ ວັນທີ 20 ສິງ ຫາ 2018. ມາຮອດປະຈຸບັນແມ່ນໄດ້ໝົດອາຍຸ; ບໍລິສັດ ແສງສຸວັນການຄ້າໂຄງການຊອກຄົ້ນ-ສຳຫຼວດແຮ່ຟູອໍຣາຍຢູ່ເຂດບ້ານດອນຕັນເມືອງຄອບແຂວງໄຊຍະບູລີ ໄດ້ອອກໃບອະນຸຍາດໃນເນື້ອທີ່ 4 ເຮັກຕາ ໄດ້ມີການເຄື່ອນໄຫວລົງສຳຫຼວດພາກສະໜາມຕົວຈິງຈຳນວນ 3 ຄັ້ງ.   ດ້ານໂຄງການລັດຮ່ວມທຶນກັບເອກະຊົນມີ 1 ໂຄງການຄື: ໂຄງການສ້າງແຜນທີ່ທໍລະນີສາດ, ແຜນທີ່ທໍລະນີເຄມີມາດຕາສ່ວນ 1/2 ແສນລະຫວ່າງກົມທໍລະນີສາດ ແລະ ແຮ່ທາດ ແລະ ກົມໃຫຍ່ສຳຫຼວດຂອງ ສປ ຈີນ ມີເນື້ອທີ່ 16,8 ພັນກິໂລຕາແມັດກວມເອົາເນື້ອທີ່ທົ່ວແຂວງ, ມາຮອດປະຈຸບັນສຳເລັດແລ້ວ95% ແລະ ໄດ້ທົດ ລອງເກັບກຳຕົວຢ່າງເພື່ອສ້າງແຜນທີ່ທໍລະນີສາດ ແລະທໍລະນີເຄມີມາດຕາສ່ວນ 1/5 ແສນຢູ່ເຂດ 4 ເມືອງໃຕ້. ຂຽນໂດຍ: ບຸນທີ ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

Read more

ແລກປ່ຽນບົດຮຽນ ບໍລິຫານຈັດການນໍ້າໃນເຂື່ອນທົ່ວປະເທດ

ກະຊວງພະລັງງານ ແລະ ບໍ່ແຮ່ ຮ່ວມກັບ ບໍລິສັດ ໄຟຟ້ານໍ້າເທີນ 2 ເປີດກອງປະຊຸມຖອດຖອນບົດຮຽນ ກ່ຽວກັບການບໍລິຫານຈັດການນໍ້າ ແລະ ການຜະລິດພະລັງງານໃນຊຸມປີຜ່ານມາ ເພື່ອປຶກສາຫາລືແລກປ່ຽນບົດຮຽນການບໍລິຫານນໍ້າໃຫ້ມີປະສິດທິພາບ ແລະ ຫຼຸດຜ່ອນຜົນກະທົບ. ກອງປະຊຸມດັ່ງກ່າວຈັດຂຶ້ນໃນວັນທີ 14 ມິຖຸນາ 2019 ທີ່ໂຮງແຮມແລນມາກ ໂດຍການເປັນປະທານຂອງ

Read more

ລັດກຽມປະກາດໃຊ້ກົດໝາຍທີ່ສະໜັບສະໜູນຜູ້ຜະລິດສິນຄ້າພາຍໃນ ເພື່ອແຂ່ງຂັນກັບສິນຄ້ານໍາເຂົ້າ

ຜູ້ປະກອບການທຸລະກິດຂອງລາວ ໄດ້ຍິ້ມໄປຕາມໆກັນພາຍຫຼັງທີ່ກົດໝາຍ ວ່າດ້ວຍການຕອບໂຕ້ການທຸ່ມຕະຫຼາດ ແລະ ການຊ່ວຍໜູນປະເທດຜູ້ສົ່ງອອກ ເຊິ່ງສະມາຊິກສະພາແຫ່ງຊາດໄດ້ຮັບຮອງເປັນທີ່ຮຽບຮ້ອຍ ພາຍຫຼັງປະກາດໃຊ້ກົດໝາຍດັ່ງກ່າວ ສິນຄ້າທີ່ຜະລິດພາຍໃນ ແລະ ສິນຄ້າທີ່ນໍາເຂົ້າຈາກຕ່າງປະເທດ ( ຊະນິດດຽວກັນ ) ລາຄາຈະໃກ້ຄຽງກັນ ຜູ້ປະກອບການລາວກໍສາມາດແຂ່ງຂັນໄດ້. ກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ

Read more

ການບໍລິການພາສີອາຊຽນປະຕູດຽວ ຈະເຮັດໃຫ້ການເຄື່ອນຍ້າຍສິນຄ້າສະດວກຂຶ້ນ

ກອງປະຊຸມຫົວໜ້າກົມພາສີອາຊຽນ ຄັ້ງທີ 28 ໄດ້ປິດລົງຢ່າງຈົບງາມໃນທ້າຍອາທິດຜ່ານມາ ເຊິ່ງຜົນຂອງການປຶກສາຫາລືແມ່ນມີຫຼາຍປະເດັນທີ່ບັນດາປະເທດອາຊຽນ ຈະນໍາໄປຈັດຕັ້ງປະຕິບັດ ໂດຍສະເພາະແມ່ນການອໍານວຍຄວາມສະດວກທາງດ້ານການຄ້າ, ການລົງທຶນ ແລະ ການເຊື່ອມໂຍງພາສີອາຊຽນ ພາຍໃຕ້ຂອບການຮ່ວມມື ” ການບໍລິການພາສີອາຊຽນປະຕູດຽວ ” ເຊິ່ງຈະເຮັດໃຫ້ການເຄື່ອນຍ້າຍສິນຄ້າຂອງບັນດາປະເທດສະມາຊິກມີຄວາມສະດວກຍິ່ງຂຶ້ນ ທັງເປັນການຫຼຸດຜ່ອນຕົ້ນທຶນການຜະລິດ ແລະ ຄ່າໃຊ້ຈ່າຍຂອງຜູ້ປະກອບການອີກດ້ວຍ. ທ່ານ ບຸນປະເສີດ

Read more

ຄົນລາວຕ້ອງຊ່ວຍກັນ! ເດືອນເມສາ ລາວຂາດດຸນການຄ້າກັບຕ່າງປະເທດ 135 ລ້ານໂດລາ

ນັກເສດຖະກິດຫຼາຍຄົນໃຫ້ທັດສະນະວ່າບ້ານເຮົາຍັງມີຈຸດຂາຍຫຼາຍຢ່າງເປັນຕົ້ນ ສິນຄ້າທີ່ຕິດພັນກັບທຳມະຊາດປອດສານເຄມີ ເພາະປະເທດອື່ນກ້າວໜ້າຫຼາຍ ແລະ ບໍ່ມີສິ່ງທີ່ເຮົາມີແລ້ວ ແຕ່ໃນພາບລວມໄລຍະຜ່ານມາຈົນເຖິງປັດຈຸບັນການຜະລິດເພື່ອສົ່ງອອກສິນຄ້າທີ່ໄດ້ປຽບຍັງມີໜ້ອຍ ຈິ່ງເຮັດໃຫ້ລາວເຮົາຂາດດູນການຄ້າກັບຕ່າງປະເທດເລື້ອຍມາ ຫຼ້າສຸດເດືອນເມສາ 2019 ນີ້ 135 ລ້ານໂດລາບໍ່ໜ້ອຍເລີຍ, ຖ້າຢາກຫຼຸດການຂາດດູນດັ່ງກ່າວຄົນລາວຕ້ອງຊ່ວຍກັນຄິດຄົ້ນທ່າແຮງທີ່ມີຢູ່ ແລະ ຫຼຸດການຜະລິດທີ່ນຳໃຊ້ສານເຄມີ. ອີງຕາມຂໍ້ມູນຈາກກົມພາສີ, ກະຊວງການເງິນ ໃຫ້ຮູ້ວ່າ: ໃນເດືອນເມສາ ປີ

Read more

ຕະຫຼາດນັດແຮງງານ ຮັບ 2 ພັນກວ່າຕຳແໜ່ງ

 ພະແນກແຮງງານ ແລະສະຫວັດດີການສັງຄົມ ນະຄອນຫຼວງວຽງຈັນ ຮ່ວມມືກັບສູນການຄ້າລາວ-ໄອເຕັກ ບໍລິສັດລາວເວີນມະຫາຊົນ ໄດ້ກຽມຈັດງານຕະ ຫຼາດນັດພົບແຮງງານປີ 2019 ເພື່ອສ້າງເງື່ອນໄຂໃຫ້ຜູ້ປະກອບການທຳທຸລະກິດ ແລະ ຜູ້ຊອກວຽກເຮັດງານທຳໄດ້ມາພົບປະປຶກສາຫາລືກັນຈັດຕັ້ງຜັນຂະ ຫຍາຍດ້ານຫົວໜ່ວຍແຮງງານມີປະສິດຕິພາບ ປີນີ້ຈະບັນຈຸເຂົ້າຕຳແໜ່ງ ແຮງງານຈຳນວນ 400 ຄົນ ຊຶ່ງຄາດວ່າ ມີບັນດາຜູ້ປະກອບການ ເຂົ້າຮ່ວມຕັ້ງ ຫ້ອງສະໝັກຫຼາຍກວ່າ

Read more

ແຮງງານລາວເຮັດວຽກຢູ່ໄທ 2 ແສນກວ່າຄົນ

 ຕາມການເປີດເຜີຍຂອງກະຊວງແຮງງານແຫ່ງຣາຊະອານາຈັກໄທ ທີ່ໄດ້ມີການເກັບກຳມາຮອດເດືອນເມສາ 2019 ຕໍ່ກອງປະຊຸມລະດັບວິຊາການດ້ານແຮງ ງານລາວ-ໄທລະຫວ່າງວັນ ທີ 4-6 ມິຖຸນາ 2019, ທີ່ປະເທດໄທ ຮູ້ວ່າແຮງງານລາວທີ່ ເຂົ້າ ມາເຄື່ອນໄຫວຢູ່ໃນປະເທດໄທມີທັງໝົດ 2 ແສນກວ່າຄົນ, ໃນນັ້ນເປັນກຸ່ມທີ່ມາຕາມການເຊັນບົດບັນທຶກຄວາມເຂົ້າໃຈ 1,64 ຄົນ, ໄດ້ມີການປັບສະຖານະພາບແລ້ວ 53

Read more

ນາຍົກຊີ້ແຈງ ຫຼັງກວດພົບ 1.285 ຄົນ ສໍ້ລາດບັງຫຼວງ ມູນຄ່າເສຍຫາຍ 1,5 ພັນຕື້ກີບ

  ການສໍ້ລາດບັງຫຼວງເປັນບັນຫາທີ່ຖ່ວງດຶງການພັດທະນາເສດຖະກິດ-ສັງຄົມ ແລະເປັນການສ້າງຄວາມເສຍຫາຍຢ່າງໃຫຍ່ຫຼວງແກ່ລັດຖະບານຊຶ່ງໃນໄລຍະຜ່ານມາລັດຖະບານໄດ້ຕິດຕາມກວດ ກາ 1.213 ເປົ້າໝາຍ ແລະເຫັນຄວາມ ເສຍຫາຍເຖິງ 1.568 ຕື້ກີບ, ສາມາດ ເກັບກູ້ຄືນມາໄດ້ 170 ຕື້ກວ່າກີບ ພ້ອມທັງພົບເຫັນຜູ້ມີພຶດຕິກຳສໍ້ລາດບັງຫຼວງທັງໝົດ 1.285 ຄົນ ໃນນີ້ພະນັກງານລັດ 970 ຄົນ

Read more
Copy Protected by Chetan's WP-Copyprotect.