Disney ວາງ​ແຜນ​ສ້າງ Star Wars ເຖິງ​ປີ 2030

Star Wars ຈະ​ສ້າງ​ໄປ​ຈົນ​ເຖິງ​ປີ 2030 ໂດຍ​ຄ່າຍ Disney ກຳ­ລັງ​ຊອກ​ຫາ​ທາງ​ວ່າ ຈະ​ສານ​ຕໍ່​ໄປ ຫຼັງ​ຈາກ​ສ້າງ​ຮູບ­ເງົາ​ເລື່ອງ Episode 9 ສຳ­ເລັດ.

ຮູບ­ເງົາ​ເລື່ອງ Star Wars ມະ­ຫາ​ສົງ­ຄາມ​ອະ­ວະ­ກາດ​ເລື່ອງ​ດັງ ກາຍ­ເປັນ​ຮູບ­ເງົາ​ໄຊ​ໄຟ-ແຟນ​ຕາ​ຊີ ທີ່​ມີຄົນ­ຮູ້​ຈັກ​ຫຼາຍ​ທີ່​ສຸດ​ໃນ​ໂລກ ແລະ ເຖິງ​ແມ່ນ​ວ່າ​ປະ­ຈຸ​ບັນ Disney ແລະ Lucas film ວາງ​ແຜນ​ສ້າງ​ຮູບ­ເງົາ Star Wars ໄປ​ຈົນ​ເຖິງ​ປີ 2020 ແຕ່​ອະ​ນາ​ຄົດ​ຮູບ­ເງົາ​ເລື່ອງ​ນີ້​ອາດ​ໄປ​ໄກ​ກວ່າ​ນັ້ນ ໂດຍ​ວັນ​ທີ 25 ມີ­ນາ​ທີ່​ຜ່ານ​ມາ ທ່ານ ບ໊ອບ ອີ​ເກີ ຂອງ​ຄ່າຍ  Disney  ລະ­ບຸ​ວ່າ ແຜນ­ການ​ສ້າງ​ຮູບ­ເງົາ​ເລື່ອງ Star Wars ຖື​ກວາງ​ແຜນ​ເອົາ​ໄວ້​ຈົນ​ເຖິງ​ປີ 2030 ຊຶ່ງ​ເລີ່ມ​ມີ​ການ​ປຶກ­ສາ​ຫາ­ລື​ກ່ຽວ​ກັບ​ສິ່ງ​ທີ່​ຈະ​ເກີດ​ຂຶ້ນ​ຫຼັງ​ຈາກ Episode 9 ແລະ ອະ​ນາຄົດ​ໃນ​ອີກ​ໜຶ່ງ​ທົດສະ​ວັດ​ວ່າ​ຈະ​ເປັນ​ແນວ­ໃດ ຊຶ່ງ​ສອດ­ຄ່ອງ​ກັບ​ການ​ລາຍ​ງານ​ໃນ​ເດືອນ​ພະ­ຈິກ​ປີ 2015 ວ່າ Disney ວາງ​ແຜນ​ຈະສ້າງ​ຮູບ­ເງົາ Star Wars ຢ່າງ​ໜ້ອຍ​ປີ​ລະ 1 ເລື່ອງ ໂດຍ​ຈະ​ສານ​ຕໍ່​ໄປ​ເລື້ອຍໆ ຕາບ­ໃດ​ຜູ້​ຊົມ​ຍັງ​ຕອບ​ຮັບ​ດີ​ຢູ່, ຈາກ​ນີ້ Star Wars 8 ຫຼື Star Wars: The Last Jedi ຈະ​ເຂົ້າ​ສາຍ​ໃນ​ເດືອນ​ທັນ­ວາ​ປີ 2017 ຕາມ​ມາ​ດ້ວຍ​ຮູບເງົາ​ດ່ຽວຂອງ​ຮັນ ໂຊ​ໂລ ​ໃນ​ເດືອນ​ພະ­ຈິກ​ປີ 2018 ຫຼັງ​ຈາກ​ນັ້ນ​ ຈະ​ມີ Star Wars: Episode 9 ໃນ​ປີ 2019 ແລະ ປິດ​ທ້າຍ ດ້ວຍ​ຮູບ­ເງົາ​ດ່ຽວ​ປິດ­ສະ­ໜາ​ໃນ​ປີ 2020 ສ່ວນ​ພາກ​ອື່ນໆ​ຫຼັງ​ຈາກ​ນັ້ນ​ເຮົາ​ຕ້ອງ​ລໍ­ຖ້າ Disney ປະ­ກາດ​ຕື່ມ​ອີກເທື່ອ​ໜຶ່ງ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.