ເຮືອບິນອິນ​ໂດ​ເນ​ເຊຍ​ປີກ​ດາດ​ກັນ ​ຂະນະ​ກຽມ​ທະຍານ​ຂຶ້ນ​

ເຮືອບິນໂດຍສານຂອງອິນໂດເນເຊຍປີກດາດກັນຂະນະທີ່ທັງສອງກຳລັງຈະທະຍານຂຶ້ນຈາກສະໜາມບິນ ນະຄອນຫຼວງຈາກກາຕາ.

ເຮືອບິນທັງສອງລຳເປັນຂອງສາຍການບິນໄລອອນແອ ລຳໜຶ່ງເປັນເຮືອບິນໂບອິງ ອີກລຳເປັນເຮືອບິນແອບັສ ເຫດເກີດເມື່ອວັນອາອາທິດ ຂະນະທີ່ທັງສອງຕ່າງມຸ່ງໜ້າໄປທາງແລ່ນໃນທ່າອາກາດສະຍານຊາກາໂນ-ຮັດຕາ ແລ້ວປີກເຮືອບິນດາດກັນ ຜູ້ບໍລິຫານສາຍການບິນກ່າວວ່າ ເຮືອບິນເກີດຄວາມເສຍຫາຍເລັກນ້ອຍ ແລະບໍ່ມີໃຜບາດເຈັບ ຜູ້ໂດຍສານທາງໝົດຍ້າຍໄປຂຶ້ນເຮືອບິນລຳໃໝ່ເພື່ອເດີນທາງໄປຍັງຈຸດໝາຍຄືເກາະບາຫຼີ ແລະເກາະສຸລາເວສີ ສ່ວນສາເຫດທີ່ເຮືອບິນດາດປີກກັນ ທາງສາຍການບິນກຳລັງຖ້າຜົນສອບສວນຂອງເຈົ້າໜ້າທີ່ຢູ່.

ກ່ອນໜ້ານີ້ ເມື່ອເດືອນທີ່ຜ່ານມາ ຫາກໍ່ເກີດເຫດເຮືອບິນຂອງສາຍການບິນບາຕິກແອ ຊຶ່ງຢູ່ໃນເຄືອຂ່າຍໄລອອນກຣຸບ ແລະ ກຳລັງຈະທະຍານຂຶ້ນຈາກທ່າອາກາດສະຍານຮາລິມ ເປີດານາສຸມາໃນນະຄອນຫຼວງຈາກາຕາ ແຕ່ມີຂະໜາດນ້ອຍກວ່າທ່າອາກາດສະຍານຊູກາໂນ-ຮັດຕາ ໄປຕຳເຮືອບິນສາຍການບິນທຣານນູຊາທີ່ກຳລັງຖືກລາກຂ້າມທາງແລ່ນ ປີກຂອງເຮືອບິນລຳໜຶ່ງເສຍຫາຍ ແລະ ເກີດໄຟໄໝ້ ຜູ້ໂດຍສານໄດ້ຮັບການອົບພະຍົບຢ່າງປອດໄພ ແລະ ບໍ່ມີຜູ້ບາດເຈັບ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.